مەرھۇم گىتار ماھىرىى ئەخمەتجان

سىرداش

ئۇيغۇرلارنىڭ پەخىرلىك ئوغلانى، دۇنيا گىتار ساھەسىدە كۆزگە كۆرۈنگەن تالانتلىق گىتار ماھىرى، ئوت يۈرەك مۇزىكانت، ئىقتىدارلىق ناخشىچى مەرھۇم ئەخمەتجان مەمتىمىن 1969ـ يىلى 10ـ ئاينىڭ 4ـ كۈنى تۇغۇلۇپ، 1991ـ يىلى 6ـ ئاينىڭ 13ـ كۈنى ئالەمدىن ئۆتكەن. ئۇ گەرچە ئاران 22 يىل ئۆمۈر كۆرگەن بولسىمۇ، ئۆمرىدە 15 يىلدىن ئارتۇق مۇزىكا بىلەن شۇغۇللانغان ھەمدە نۇرغۇن ناخشا - مۇزىكىلارنى ئۆزى ئىجاد قىلىپ، خەلقىمىزگە سوۋغا قىلغان.
ئۇ 4 يېشىدىن باشلاپ ساز چېلىشنى ئۆگىنىشكە باشلاپ، ئۈزلۈكسىز مەشىق قىلىپ، ئىمتىھان ئارقىلىق 7 يېشىدا خوتەن ۋىلايەتلىك ناخشا - ئۇسسۇل ئۆمىكىگە قوبۇل قىلىنغان. شۇنىڭدىن باشلاپ ئىزچىل خوتەن ۋىلايەتلىك ناخشا - ئۇسسۇل ئۆمىكىدە ئىشلەپ، نۇرغۇنلىغان ئېسىل ناخشا - مۇزىكىلارنى ئىجاد قىلغان. ئۇ ئۆزى تۇغۇلۇپ ئۆسكەن خوتەن دىيارىنىڭ چوڭ - كىچىك مەيدانلىرىدا ئويۇن قويغاندىن سىرت، ئاپتونوم رايونىمىزدىكى ھەر قايسى ۋىلايەت - ناھىيەلەردە ھەتتا، بىر قانچە قېتىم خەلقئارالىق، مەملىكەتلىك، ئاپتونۇم رايونلۇق سەھنىلەردە ئويۇن قويۇپ، ھەر قايسى ئەل خەلقلىرىنىڭ قىزغىن ئالقىشىغا ۋە ياقتۇرىشىغا مۇيەسسەر بولغان. شۇنداقلا ياخشى نەتىجىلەرنى قولغا كەلتۈرگەن.
    ئۇ قىسقىغىنە ھاياتىدا «كىرىپ قاپتۇ ئانام چۈشۈمگە»، «قاپقارادۇ قاشلارىڭ»، «پاھ، سېنىڭ سۇمبۇل چاچلىرىڭ»، «ئانا»، «ياشلىق كۈيى»، «توي ناخشىسى»، «كەلمىدىڭ»، «تەنھا»، «ئۆزھال مۇقامىدىن ئارىيە»... قاتارلىق 50 دىن ئارتۇق ئېسىل، تاللانغان، شوخ ناخشا - مۇزىكىلارنى ئۆزى ئىجاد قىلغان ۋە بىر قانچە قاپلىق ئۈنئالغۇ لېنتىلىرى ۋە VCDپلاستىنكىلىرى نەشىر قىلىنغان. شۇنداقلا شۇ نادىر ناخشا - مۇزىكىلرىنى سەھنىلەردە يۇقىرى ماھارەت بىلەن ئورۇنلاپ، ھەر ساھە كىشىلىرىنىڭ ياقتۇرۇپ ئاڭلىشىغا ۋە يۇقىرى باھاسىغا ئېرىشكەن. ئۇنىڭ ناخشلىرى 80ـ 90ـ يىللاردا مودا بولۇپ كەلگەن. ھازىرمۇ ئۇنىڭ ناخشلىرى قىممىتىنى يوقاتقىنى يوق...
ئۇ بىزدىن ناھايىتى تېزلا ۋاقىتسىز ئايرىلغان بولسىمۇ، خەلقىمىزنىڭ قەلبىدە مەڭگۈ ھايات! ناخشلىرى ھەر ۋاقىت خەلقىمىز بىلەن بىللە!
مەنبە:  تەڭرىتاغ تورى

قەدىناس

مەرھۇمنى يادىمىزغا سېلىپ قويغىنىڭلارغا رەھمەت. ھەقىيقەتەنمۇ سەنئەت ساھەسىدە تالانتى بار ئىدى. ئەپسۇس، ئۇ، بۇدۇنيادا بەكمۇ قىسقا ياشىدى،ئەمەسمۇ؟ ئۇ، ئەينى ۋاقىتتا ئۆلۈپ كىتىشنى قىلچىمۇ ئويلىمىغان ئىدى. ھەممەيلەن ئۇنىڭ بۇنچە تېز ئۆلۈپ كىتىشىنى ئويلاپ باقمىغانىدى، ھەممەيلەن ھاياتىمىزنى قەدىرلەيلى، ئىزباسارلارنى ياخشى تەربىيەلەيلى.

ۋارىس

ئۇنىڭ ناخشىلىرىنى ھازىرمۇ ناھايتى ياقتۇرۇپ ئاڭلايمىز !

anwar

مەرھۇم ئۇرۇنلىغان ھەربىر ناخشا كىشىنىڭ يۈرەك تارىنى تىتىرتەتتى .

زەپەر

مەرھۇمنى يادىمىزغا ئەكىلىپ قويغانلىقىڭىزدىن چەكسىز خۇشالمەن .  مەن شۇ مەرھۇم بىلەن بىر يۇرۇتلۇق . ئۇ قاراقاش ناھيىسىنىڭ تىۋەت يېزىسىدىن .مەن خۇتەن سىپەن مەكتىۋىدە ئۇقۇۋاتقاندا بىزنىڭ سىنىپقا دەرىس بىرەتتى . سىنىپتىكى ئۇغۇل ئۇقۇغۇچىلار نامىزىغا بىرگە قاتناشقانتۇق. زادىلا بەك تالانىتى بار ئىدى .  

tarhanbag

مەرھۇم ئەخمەتچان مەمتىمىن ناھايىتى ياخشى ناخشىلارنى خەلققە سۇنغان ئىدى. ئەخمەتچاننىڭ گۈل چاغلىرىدا بىز زامانداش ئىدۇق. ئۇنىڭ ناخشىلىرىنى ياخشى كۆرۇپ ئاڭلايتتۇق. دورايتۇق. ئەپسۇس ئۆمرى قىسقا كەلدى. رەھمەتلىكنىڭ.....

قاھار

مەرھۇمىنىڭ   ناخشىلىرى   قايسى   تۇردا  بار  

گىياھى

شۇنداق،  بىزنىڭ قۇلىدىن ئىش كېلىدىغان، تالانتلىق كىشىلىرىمىزنىڭ كۆپىنچىسى ناھايىتى ياش تۇرۇپلا بىز بىلەن ئەبەدىيلىك خوشلاشتى! كۆپىنچىسى ھاياتلىق بېغىنى ئۆز مەناسى بويىچە خۇشپۇراقلارغا تولدۇرغان بولسىمۇ، قىسمەنلىرى يەنىلا ھاياتلىق بېغىدىكى خۇشپۇراق گۈللەرنى ئۆز قۇلى بىلەن ۋەيران قىلدى! بۇلار ئۇيغۇر جەمئىيىتىدىكى ھەربىر قەۋمنىڭ ئۆز مەنىۋىيەت دۇنياسىنى قاغجىرىتىپ قويماي، ئەكسىچە ئۇسسۇزلىقىنى قاندۇرۇپ تۇرۇشىنىڭ نەقەدەر زۆرۈر ۋە تەخىرسىزلىكىنى ئىسپاتلاپ تۇرىدۇ. قېرىنداشلار! ھەممىمىز مەنىۋىيتىمىزنى قاغجىرتىپ قويمايلى!