سۈيدۈك تۇتۇلۇش كېسەللىكىنى يەرلىك ئۇسۇلدا داۋالاش

مەرىپەت

                             سۈيدۈك تۇتۇلۇش كېسەللىكىنى يەرلىك ئۇسۇلدا داۋالاش

   بۇ، بۆرەك ياكى دوۋساقنىڭ ياللۇغلىنىشلىرى ھەرخىل جاراھەتلىرى ۋە باشقا سەۋەبلەردىن سۈيدۈك  كۈندىن-كۈنگە ئازىيىپ كېتىدىغان، بەل ساھەسىدە ئېغىرلىق سېزىلىدىغان كېسەللىكتىن ئىبارەت.

   داۋالاش:
   1. كاۋىنىڭ شاپىقىنى ئۇششاق توغراپ، قاينىتىپ ئىچىپ بەرسە، سۈيدۈكنى راۋان قىلىدۇ.
   2. بېدە كۆكىنى سايىدا قۇرۇتۇپ ئاندىن يۇمشاق سوقۇپ، مۇۋاپىق مىقتاردىكى سۇدا قاينىتىپ، كۆپۈكىنى ئېلىۋېتىپ، بىر كىلو 500 گرام ھەسەل ئارىلاشتۇرۇپ، بېدە كۆكى مۇرابباسى تەييارلاپ، كۈندە ئۈچ قېتىم، ھەر قېتىمدا 10 گرامدىن يەپ بەرسە، يەلنى ھەيدەيدۇ، چوڭ تەرەتنى راۋان قىلىدۇ.
   3. تەكىيە كاۋىنى سۇدا پىشۇرۇپ سۈيىنى ئىچىپ بەرسە، سۈيدۈكنى ھەيدەيدۇ.
   4.چامغۇرنىڭ كۆكىنى قاينىتىپ يەپ بەرسە، سۈيدۈكنى ئۇلغايتىپ، توسالغۇلارنى ئاچىدۇ.
   5. سۈيدۈك راۋان بولماسلىق، بۆرەك ۋە سۈيدۈك يولىغا تاش چۈشۈش، سۈيدۈك يولى ياللۇغى قاتارلىق كېسەللىكلەرگە گىرىپتار بولغاندا كۈندە ئۈچ قېتىم، ھەر قېتىمدا بىر باشپىيازنى شورپا، سۈت ۋە باشقا تائاملار بىلەن قوشۇپ ئىستېمال قىلسا، ئوبدان مەنپەئەت قىلىدۇ.
   6. مەلۇم مىقتاردىكى كاۋاۋىچىننى مۇۋاپىق سۇغا سېلىپ، تەمى تولۇق چىققۇچە قاينىتىپ، قېپقالغان سۇنى ئىلمان ھالەتكە كەلتۈرگەندىن كېيىن يوغانراق داسقا تۆكۈپ، جىنسىي ئەزانى سۇ سوۋۇپ كەتكۈچە چىلاپ ئولتۇرۇش ھەم كاۋاۋىچىن تىرىپىنى سۈزۈپ، ئىسسىق ھالەتتىلا بەلگە تېڭىش ئارقىلىق ياشانغانلاردىكى سۈيدۈك توسۇلۇپ قېلىش كېسەللىكىنى داۋالىغىلى بولىدۇ.

  مەنبە: ‹‹ئائىلىدىكى رېتسىپلار››نامىلىق كىتاپتىن ئېلىندى.