ماي باھاسى 0.3 يۈەن تۆۋەنلەيدىكەن

سىرداش

بايراملىق دەم ئېلىشتىن كېيىن ماي باھاسى 0.3 يۈەن تۆۋەنلەيدىكەن
مەنبە : intl.ce.09-

ياۋرو رايونىغا بولغان ئەندىشىنىڭ كۈچىيىشىگە ئەگىشىپ ، ئالدىنقى ھەپتىدە "ئۇدا تۆت كۈنلۈك تۆۋەنلەش" نى باشتىن كەچۈرگەن خەلقئارالىق خام نىفىت باھاسى قىسقا مەزگىللىك ئېشىشتىن كېيىن يەنە تۆۋەنلەش يۈزلىنىشىگە قاراپ ماڭدى . خەلقئارالىق ماي باھاسىنىڭ تۆۋەنلىشىگە ئەگىشىپ ، ھەرقايسى ئورگانلار ئەگەر خەلقئارالىق ماي باھاسى ئەھۋالى داۋاملىق مۇشۇ يۈزلىنىشنى ساقلاپ قالسا ، بايراملىق دەم ئېلىشتىن كېيىن دۆلەت ئىچىدە ھەر لېتىر ماينىڭ باھاسى 0.3 يۈەن ئەتراپىدا تۆۋەنلىشى مۇمكىن دەپ پەرەز قىلىشتى .

ياۋروپا پۇل كىرزىسىنىڭ تەسىرى ، ئامېرىكا خام نىفىت زاپىسىنىڭ ئېشىش مۇمكىنچىلىكى قاتارلىق سەۋەپلەر تۈپەيلىدىن ، خەلقئارادىكى خام نىفىت باھاسى زەربىگە ئۇچرىدى ، ئۈچ رايوننىڭ ئۆزگىرىش قىممىتىدىمۇ تەتۈر يۆنىلىشكە قاراپ ئېشىش كۆرۈلدى . تەھلىلچىلەرنىڭ كۆرسىتىشىچە ، كۈز پەسلى دېھقانچىلىق ، بېلىقچىلىق ۋە ئاساسىي ئەسلىھە قۇرۇلۇشىنىڭ مايغا بولغان ئېھتىياجى يۇقىرى پەللىگە كۆتۈرىلىدىغان پەسىل ، بىراق ئومۇمىي ئېھتىياج يەنىلا ئاز بولغاچقا ، يۇقىرى پەللە پەسلىدە يۇقىرى پەللىگە چىقالماسلىق ئەھۋالى كۆرۈلگەن . نۆۋەتتىكى ئىقتىساد ھالسىزلىنىۋاتقان پەيتتە ، خەلقئارالىق خام نىفىت باھاسى روشەن بولغان پايدىلىق ئامىللارنىڭ ياردىمىگە موھتاج ، كەلگۈسىدىكى يۈزلىنىشكە بولغان ئۈمىدمۇ ئۇنچە چوڭ ئەمەس.

جوچۇاڭ مەسلىھەتچىلىك ئورنىنىڭ تەھلىلچىسى خۇ خۇيچۇن مۇنداق دېدى: ئەگەر بىرانت خام نىفىتىنىڭ ھەر تۇڭىنىڭ ئوتتۇرىچە باھاسى 106 ئامېرىكا دوللىرىلىق ھالەتنى ساقلىسا ، تەرەققىيات ۋە ئىسلاھات كومىتېتى بايراملىق دەم ئېلىش مەزگىلىدىن كېيىن باھا تەڭشەش ئېلىپ بېرىشى مۇمكىن .

سىتاتىستىكىغا ئاساسلانغاندا ، 2012-يىلىنىڭ ئالدىنقى 3 پەسلىدە تەرەققىيات ۋە ئىسلاھات كومىتېتى جەمئىي 7 قېتىم بېنزىن ۋە دىزېل مايلىرىنىڭ ئەڭ يۇقىرى پارچە سېتىلىش باھاسىغا نىسبەتەن تەڭشەش ئېلىپ بارغان: بۇنىڭ ئىچىدە 4 قېتىم يۇقىرى كۆتۈرۈلۈش ، 3 قېتىم تۆۋەنلەش بولغان ، بېنزىننىڭ ھەر توننىسىنىڭ ئەڭ يۇقىرى تەڭشەلگەن باھاسى 1840 يۈەنگە ، دىزېلنىڭ 1810 يۈەنگە چىققان ، ئەڭ تۆۋەن باھاسى بولسا ئايرىم -ئايرىم ھالدا 1280 يۈەن ۋە 1220 يۈەن بولغان .

erpan0909

يىقىنقى ماي باھاسنىڭ ئۆرلەش ھەم چۈشۈش ئەھۋالىدىن قارغاندا ،چۈشۈش ئەھۋالىدا چوڭ پەرىق يوق ،ئۆرلەش ئىھتىماللىقى يەنىلا يوقىردەك قىلىدۇ.

باتۇق

شۇڭا ئالتۇننىڭ باھاسى ئۆسۈۋېتىپتۇدە.

火山

چۈشكىنى بەك ياخشى بوپتۇ !مەن كۆپ خۇرسەن بولدۇم

tarhanbag

ماي باھاسىنىڭ ئۆسۇشى ياكى چۈشۈشى تۇراقلىق بولمايدىكەن ھەم بىلگىلىمۇ بولمايدىكەن. چۈشۈدىغان بولسا ياخشى بوپتۇ. ئومۇمەن، ھەر قانداق مالنىڭ باھاسىنىڭ ئۆسكىنىدىن چۈشكىنى ئادەمنى خوشال قىلىدۇ. چۈنكى «مائاش» ئۆسمەيۋاتىدۇ-دە.

زەپەر

ھەر لىتىرى 5 يۈەنگە كەلسە ، ماشىنىنىڭ كەينىدىكى ئېغىر تۇڭلارنى تاشلىۋېتىپ مايدىلا ھەيدىسەك بەك ئوبدان بۇلاتتى .
بۇ پۈتۈن ئوقۇتقۇچى دوسىتلارنىڭمۇ ئۈمىدى ئىدى ...