ئېغىزىدىن سۈت ھىدى كەتمىگەن 12ياشلىق قىز ئانا بولدى
چۇڭچىڭ سودا گېزىتى مۇخبىرنىڭ خەۋىرىگە ئاساسلانغاندا،9-ئاينىڭ 17-كۈنى،ساقچىلار تۇغۇشقا ئاز قالغان بىر قىزنى ئالتىنچى دوختۇرخانىنىڭ تۇغۇت بۆلۈمىگە ئېلىپ كەلگەن بولۇپ،دوختۇر-سېستىرالارنىڭ ياردىمىدە،چىرايلىق بىر قىز بوۋاق تۇغدى.ئېغىزىدىن سۈت ھىدى كەتمىگەن 12ياشلىق قىزنىڭ ئانا بولۇشى،ئادەمنى ھەيران قالدۇرۇش بىلەن بىر ۋاقىتتا چوڭقۇر ئويغا سالماي تۇرالمايدۇ.9-ئاينىڭ 24-كۈنى مۇخبىرنىڭ ئىگىلىشىچە،بۇ 12ياشلىق قىز ئەسلىدىكى تۇغۇت ۋاقتىدىن بىر ئاي بۇرۇن تۇغۇپ قويغان بولۇپ،نۆۋەتتە داپىڭ دوختۇرخانىسىغا يۆتكەلگەن.بۇ قىزنىڭ يىگىتى نەنئەن ساقچىخانىسىدىكى ساقچىلار تەرىپىدىن كونترول قىلىندى.
12ياشلىق قىز تۇغۇت بۆلۈمىگە ئېلىپ كېلىندى
9-ئاينىڭ 17-كۈنى،ساقچىلار شەھەرلىك ئالتىنچى دوختۇرخانىنىڭ تۇغۇت بۆلۈمىگە 12ياشلىق بىر قىزنى ئېلىپ كەلگەن بولۇپ،ئەسلىدە بۇ قىزنىڭ قورسىقى ئاغرىپ كېتىپ،كوچىدىلا ھوشىدىن كەتكەن ،كېيىن كوچا چارلاشقا چىققان ساقچىلار تەرىپىدىن بايقىلىپ قېلىپ دوختۇرخانىغا يەتكۈزۈلگەن ئىكەن.بىر ئاز ۋاقىتتىن كېيىن بۇ قىز ئوڭۇشلۇق يەڭگىۋالغان بولۇپ،ئانا-بالا ئىككىسىلا ناھايىتى ساغلام ئىدى.بۇ قىز بوۋاق بىر ئاي بۇرۇن تۇغۇلغان بولغاچقا،ئىككى كىلوگرام كېلىدىكەن.بوۋاق ئوڭۇشلۇق تۇغۇلغاندىن كېيىن بۇ قىز داپىڭ دوختۇرخانىسىغا يۆتكەلگەن.
بالىنى ئۆزۈم بېقىپ كېتەلەيمەن
ئىگىلىنىشىچە،بۇ قىزنىڭ ئىسمى شياۋمېي(ئۆزگەرتىلگەن ئىسىم)بولۇپ سىچۈەندىن كەلگەن ئىكەن.دوختۇرخانىغا كەلگەن يەتتە كۈندىن بۇيان ،شياۋمېينىڭ ئانىسى قىزىنىڭ ھالىدىن خەۋەر ئېلىپ كەلگەن بولۇپ،ئانىسىنىڭ دېيىشىچە،قىزى بىلەن نەۋرىسىدە گۇناھ يوق ئىكەن،ئېغىزىدىن سۈت پۇرىقى كەتمىگەن بۇ قىزنىڭ قاندىكىسىگە قىزىنى بېقىپ كېتەلەيدىغانلىقىغا كۆزى يەتمىگەن ئەتراپتىكى باشقا بىمارلار ئۇلارغا ھەيرانلىق ئىچىدە قاراپ تۇراتتى.
ئەھۋالنى بىلىدىغان بىر كىشىنىڭ مۇخبىرغا ئاشكارىلىشىچە،بۇ قىز تۇغقاندىن كېيىن بوۋاقنى بېقىۋالماقچى بولغان كىشىلەر دوختۇرخانىغا كەلگەندە،شياۋمېي بىلەن ئانىسى تەرگىشىپ كەلگەن.ئانىسى شياۋمېينىڭ كىچىك ئىكەنلىكىنى،خىزمەت ئورنىنىڭ يوقلۇقىنى،شۇڭا بالىسىنىڭ ھالىدىن خەۋەر ئالالمايدىغانلىقىنى ئېيتىپ،بوۋاقنى بېرىۋەتمەكچى بولغان،بىراق شياۋمېي قىزىنى ئۆزىنىڭ بېقىپ كېتەلەيدىغانلىقىنى ئېيتىپ،بوۋاقنى بەرمىگەن.شياۋمېينىڭ دېيىشىچە،يىگىتى بىلەن ئىككىسى بىرلىشىپ قىزىنى چوقۇم ياخشى بېقىپ كېتەلەيدىغان بولۇپ،يىگىتى بۇ يىل 20ياشقا كىرگەن ئىكەن.بىر قۇرۇلۇش مەيدانىدا ئىشلەيدىغان بولۇپ،ئىككىسى ئەركىن مۇھەببەتلىشىپ بالىلىق بولغانلار بولۇپ،بالىسىنى چوقۇم ئۆزى بىر قوللۇق تەربىيىلەپ چىقماقچى ئىكەن.شياۋمېينىڭ ئانىسى بولسا قىزىنىڭ ھامىلىدار بولۇپ قالغانلىقىنى بىلمەيدىغانلىقىنى،قىزىڭىز تۇغدى دېگەن خەۋەرنى ئاڭلاپ ھوشىدىن كەتكىلى تاس قالغانلىقىنى ئېيتىپ بەردى.
ئىگىلىنىشىچە،12ياشلىق قىزنىڭ ئانا بولغان ئىشى نەنئەن ساقچىلىرىنىڭ دىققىتىنى قوزغىغان بولۇپ،نۆۋەتتە شياۋمېينىڭ يىگىتى نەنئەن ساقچىخانىسىدا تۇتۇپ تۇرۇلۇۋاتىدۇ.
مەيلى ئىككىسى ئەركىن مۇھەببەتلەشكەن بولسۇن ياكى مەجبۇرلانغان بولسۇن،12ياشلىق قىزنىڭ ھامىلىدار بولۇپ،توققۇز ئاي قورساق كۆتۈرۈپ ئانا بولۇشى كىشىنى چوڭقۇر ئويغا سالماي تۇرالمايدۇ.ئېغىزىدىن سۈت ھىدى كەتمىگەن كىچىككىنە قىز قانداقسىگە ئانا بولالايدۇ؟بىر بالىنىڭ ھالىدىن خەۋەر ئېلىش ئۇنچە ئاسان ئىش ئەمەس.ئۇنىڭ ئۈستىگە قۇرامىغا يەتمىگەنلەرنىڭ بىر ئۆيدە تۇرۇشى قانۇندا چەكلىنىدىغان بولۇپ،جىنايى ئىشلار قانۇنىنىڭ 17-ماددىسى ۋە 236-ماددىلىرىغا ئاساسەن شياۋمېينىڭ يىگىتى باسقۇنچىلىق قىلىش جىنايىتىنى شەكىللەندۈرگەن بولۇپ،چوقۇم قانۇننىڭ جازاسىغا تارتىلىشى كېرەك.
مەنبە: ئۇلىنىش تورى
12 yaxlik kiz ana boldi 卅丕賳丕 .rar بۇ يازمىنى ئاخىرىدا ئامان تەھرىرلىگەن. ۋاقتى 2012-9-28 14:18
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-9-27 22:44:01
يوللىغان ۋاقتى 2012-9-28 09:35:35
يوللىغان ۋاقتى 2012-9-28 14:07:53
يوللىغان ۋاقتى 2012-9-28 14:19:53
