ئۇستازلار بايرىمىغا مۇبارەك بولسۇن

زەپەر

ئۇستازلار بايرىمىغا مۇبارەك بولسۇن !!

                                             ئۇستاز
                                        تۇرسۇن مۇھەممەت
مەرىپەت بىغىدا ئۆتتى ئۆمرىڭىز ،
مۇنبەرگە قانمىدى يۈرەك -باغرىڭىز ،
ئەۋلادقا سىڭدى كۆپ ئىلىم ، تەرىڭىز ،
ئېھ ، ئەجرى ئۇنتۇلماس پەخىرلىك ئۇستاز .
                                    


                                        قار ، بوران - چاپقۇنلار تاۋلىدى سىزنى ،
                                       كۈلكە ۋە كۆز ياشلار ئوۋلىدى سىزنى ،
                                      ياشنىغان گۈلزارلار توۋلىدى سىزنى ،
                                      ئېھ ، ئەجرى ئۇنتۇلماس پەخىرلىك ئۇستاز .



بىمىننەت مېھنەتكە سىز بۈيۈك ئۈلگە ،
ئىزىڭىز پۈركەندى بېھىساپ گۈلگە ،
چىقسىڭىز ئەرزىيدۇ ھەرقاچان تۆرگە ،
ئېھ ، ئەجرى ئۇنتۇلماس پەخىرلىك ئۇستاز .



                                                                  تەۋەررۇك ئەۋلادقا سىزدىكى خىسلەت ،
                                                                 ئەسلىنى ئۇنتۇشلار بىز ئۈچۈن ئىبرەت
                                                                  سىز ئىلىم مۈلكىدە ئۆڭمەس مۇھەببەت
                                                                  ئېھ ، ئەجرى ئۇنتۇلماس پەخىرلىك ئۇستاز .
                  
                خوتەن ۋىلايىتى گۇما ناھىيە  كىلياڭ يىزا يۇلغۇنجاي كەنتى
                        ئىمىنجان ھىدايەت
2012 - يىل 9 - ئاينىڭ 10 - كۈنى  دۈشەنبە   

admin

ئۆزىنى مائارىپ ئىشلىرىغا بېغىشلىيالايدىغان ئوقۇتقۇچىلار-ئۇستازلارنى قانچە مەدىھلىيەسىلەكمۇ ئەرزىدۇ. بۇ ئېسىل شىئېرنى  كۆرىشكە مۇيەسسەر قىلغىنىڭىزغا كۆپ رەھمەت!