تۆت نەرسىنى بىلىۋېلىڭ

مەرىپەت

  تۆت نەرسە تەدبىكلىكنىڭ  بەلگىسى. بۇلار: باشقا چۈشكەن كۈلپەتنى سەۋر -تاقەت ۋە  تەدبىر بىلەن يېڭىش ،ئىسراپچىلىققا يول قويماسلىق، دوستلارنىڭ نەسىھەت ۋە مەسلىھەتىگە قۇلاق سېلىش، پۇرسەتنى قولدىن  بېرىپ قويماسلىق.

  تۆت نەرسە ھەممە ئۈچۈن لازىم ۋە زۈرۈر. بۇلار: شەرىم-ھايا، قانائەت، رەھىم ۋە شەپقەت، ساخاۋەت.

  تۆت نەرسە ئادەمگە راھەت بېغىشلايدۇ.بۇلار: ئوچۇق چىراي، شىرىن سۆز، تېجەشلىك خوتۇن، سەمىمىي دوست، ھالال ئەمگەك، توغرىلىق.

  تۆت نەرسىدىن ئۆزىنى تارتىش كېرەك. بۇلار:قەھىر-غەزەپ، ماختانچاقلىق، ئىچى تارلىق، تەمەخورلۇق.

  تۆت نەرسە ئىنسانلارغا پالاكەت ئېلىپ كېلىدۇ. بۇلار: ئىچىملىك، زىنا، قىمار، كىشىگە ئازار بېرىش.

  تۆت نەرسىدىن ھەزەر ئەيلەش كېرەك. بۇلار:جاھىللىق، بېخىللىق،تەكەببۇرلۇق، پىتنىخورلۇق.

  تۆت نەرسە بەخىتلىك تۇرمۇش كەچۈرۈشنىڭ سەۋەپچىسى. بۇلار:خاتىرجەملىك، ئىتتىپاقلىق، پاراغەت، خەير-ئېھسان.

  تۆت نەرسە مۇنداق تۆت نەرسە بىلەن تاماملىنىدۇ. بۇلار:يالغانچىلىق رەسۋالىق بىلەن، غەزەپ پۇشايمان بىلەن، قوپال سۆز كۆڭۈلسىزلىك بىلەن، ھورۇنلۇق خارۇ-زارلىق بىلەن.

  

◤pari◥

ئاجايىپ دانا  تۆتلەركەن بۇ . ھەر بىر ئادەم بىر كۆرۈپ قويسا بولغىدەك بۇنى .رەخمەت .

زەپەر

ھەقىيقەتەن ياخشىكەن

ZAMRAN

تەربىيىۋى ئەھمىيتى زوركەن رەھمەت سىزگە!

نونى

بەك ياخشى ھېكمەتلەر ئىكەن . ئىخچام ،لېكىن ، مەنىسى چوڭقۇر ئىكەن . دەپتىرىمگە كۆچۈرىۋالدىم، رەھمەت سىزگە!

ۋېنرا

ھەقىقەتەن بىلۋېلىشقا تىگىشلىك ياخشى ھىكمەتلەر ئىكەن ،مەن بەك ياقتۇردۇم .

ئامان

ھەممە ئادەم ھەر قانداق ۋاقىت، ھەر قانداق جايدا بىلىۋېلىشقا تېگىشلىك قىممەتلىك سۆزلەر ئىكەن. رەخمەت سىزگە، ساقلىۋالدىم.

ياشنار

مەرىپەت خانىم ھەقىقەتەنمۇ ياخشى تېما يوللاپسىز رەھمەت سىزگە قولىڭىزغا دەت كەلمىسۇن.