مۇنبەرداشلارغا چاق چاق

گۇلزار

             مۇنبەرداشلارغا چاق چاق
   بىر قانچە كۈندىن بۇيان خىزمەت ئالدىراشلىقىدا مۇنبەرگە كىرىپ تېما يوللاپ ،ئىنكاس يازغىدەكمۇ ۋاقىت چىقىرالمىدىم . بۇگۈن  ئىشلىرىم خېلى ئازلاپ قاپتىكەن مۇنبەرگە  كىرىپ مۇنبەردىكى دوستۇم پەرىنىڭ يازغان « بايقاشتىكىلەر يۇمۇر ئېيتىش سورۇنى تۇزۇپتۇ تېز كىرىڭلار » دىگەن تېمىسىغا كۆزۈم چۈشتى. ھەم بۇ يۇمۇرلارنى ئوقۇپ ھاردۇقۇم چىقىپلا قالدى. شۇنىڭ بىلەن مېنىڭمۇ ئىلھامىم كېلىپ مۇنبەرداشلارغا يۇمۇر سوۋغا قىلغۇم كېلىپ بۇ يۇمۇرلارنى يېزىشقا باشلىدىم ئەگەر يۇمۇرلىرىم سىزگە ئازراق بولسىمۇ شادلىق ئاتا قىلالىسا، مەن تولىمۇ خۇش بولغان بولاتتىم .
    قېنى ئەمىسە يۇمۇرلاردىن ھۆزۇرلىنىڭ .

     مەن كىم  ( ئادمىنغا )

ئادمىن ئەپەندى خىزمەت ئىشى بىلەن ئۇرۇمچىگە كېتىپتۇ . ئادمىننىڭ ئايالى ئېرىنى سىناپ بېقىش ئۈچۈن ئۇنىڭغا ئاۋازىنى ئۆزگەرتىپ تېلىفۇن  قىپتۇ :
- ۋەي ، تېپىپ بېقىڭە ، مەن كىمۇ ؟
ئادمىن ئەپەندى دەرھاللا : سۆيۈملۈكۈم سەنئەت ئۆمەكتىكى گۈلزىبامۇ ؟
ئادمىن ئەپەندىمنىڭ ئايالى دەرغەزەپكە كېلىپ ئۆزىنىڭ ئاۋازى بىلەن ۋارقىراپتۇ :
- نىمە ! گۈلزىبا دېگەن كىم ئۇ ؟
ئادمىن قورقۇپ كېتىپ تېزلا ئاۋازىنى ئۆزگەرتىپتۇ : - سىز ئويلاپ بېقىڭە مەن كىمۇ ؟


  ئەگەر ئۇ سەندەك چىرايلىق بولغان بولسا ... (  دوستۇم پەرىگە )

پەرى ئېرىغا ئەركىلەپ مۇنداق دەپتۇ :  بۈگۈن خەلچەم بازاردىن شۇنداق چىرايلىق كىيىم سېتىۋاپتۇ ...
ئېرى  : سۆيۈملۈكۈم ئۇمۇ سىزدەك چىرايلىق بولغان بولسا ئۇ كىيىمنى ئالمىغان بولاتتى .


   سىزمۇ مېنىڭكى ( زەپەر ئەپەندىگە )

زەپەر ئەپەندى بىر كۈنى ئايالى بىلەن ئۇرۇشۇپ قاپتۇ ، ئۇ ئاچچىقىدا ۋارقىراپ :
- سەندىن چاق تويدۇم ، بۇ ئۆيدىكى ئۆزۈڭگە تەۋە نەرسىلەرنىڭ ھەممىسىنى ئېلىپ كۆزۈمدىن يوقال  .
ئايالى ئۆزىگە تەۋە نەرسىلەرنى  يوغان بىر قاپقا سالغاندىن كېيىن زەپەر ئەپەندىگە مۇنداق دەپتۇ :
- سەنمۇ بۇ قاپقا كىر ، سەنمۇ ماڭا تەۋە بولغاندىكىن ئېلىپ كېتىمەن .


ئەسكەر تىزىش ۋە مىۋە تىزىش ( ئەسرار ئەپەندىگە )

ئەسرار ئەپەندىمنىڭ ئەسكەرلىكتە بەنجاڭ بولغان ۋاقىتلىرى ئىكەن ، بىر كۈنى يوقۇردىن كەلگەن باشلىقلار مەشىق قىلىۋاتقان ئەسرار ئەپەندىمنىڭ بەنىگە كېلىپ تەكشۇرۇپتۇ ، شۇ چاغدا  باشلىق ئەسرار ئەپەندىدىن سوراپتۇ :
-سەن نىمىشقا پاكارلارنى ئۈچۈنچى رەتكە ، ئوتتۇرا بويلۇقلارنى ئىككىنچى رەتكە ، ئىگىزلەرنى بىرىنچى رەتكە تىزدىڭ ؟
- دوكلات ، مەن ئەسكەرلىككە كىرىشتىن بۇرۇن تەنزىگە مىۋە تىزاتتىم : - دەپتۇ ئەسرار ئەپەندى .

مەن ئەتە كېلەي  ( ئامان ئەپەندىگە )

ئامان ئەپەندىنىڭ ئۆيىدە تور ئۇزۇلۇپ قالغاچقا ،ئۇ يېرىم كېچىگىچە ئىشخانىسىدا تورغا چىقىپ   ئۆيىگە قايتىپ كەپتۇ .  ئۇ ئۆيىنىڭ ئالدىغا كەلگەندە ئاچقۇچنى  ئۇنتۇپ  قالغانلىقى بىلىپتۇ ،  ئۇ  ئىشىكىنى خېلى ئۇزۇن چەككەندىن كېيىن ئۆيدىن « كىم ؟ئامان ئەپەندى ئۆيدە يوق » دىگەن ئاۋاز ئاڭلىنىپتۇ .
- ئۇنداق بولسا مەن  ئەتە كېلەي ، - دەپتۇ ئامان ئەپەندى .

  ئايالىم يەيدۇ ( ياشنار ئەپەندىگە )

يېڭى توي قىلغان ياشنار ئەپەندى بىر نەچچە قۇتا ئۇيقۇ دورىسى سېتىۋاپتۇ . دوختۇر ئۇنىڭدىن سوراپتۇ :
-نىمانچە كۆپ سېتىۋالىسىز ؟
- مەن بۇ دورا بولمىسا تاڭ ئاتقۇچە ئۇخلىيالمايدىكەنمەن .
- شۇنداقتىمۇ كۆپ يەۋالماڭ .
- بۇنى ئۆزەم يىمەيمەن ، ئايالىمغا يىگۈزىمەن .



كىمنىڭ توغرا  ( خوشەن ئەپەندىگە )

  خوشەن ئايالىغا كايىپ  مۇنداق دەپتۇ :
- شۇنى بىلىپ قويۇڭكى ، ھەر قانداق چاغدا ئەرلەرنىڭ قىلغان ئىشى توغرا ، ئاياللارنىڭ خاتا بولىدۇ .
ئايالىمۇ بوش كەلمەي :
- شۇنداق،  شۇڭا سىزنىڭ مېنى ئالغىنىڭىز توغرا بولغان بىلەن ، مېنىڭ سىزگە تەككىنىم خاتا بولغان .



     ئۆز ئۆيى  ( شام ئەپەندىگە )

  شام ئەپەندى كۈندە مەكتەپتە ئالدىراش ئىشلىگەچكە ئۆيىگە كەلسە ئايالىنىڭ كۇتۇلداشلىرىدىن  ناھايتى بىزار بولۇپتۇ . شۇڭا ئۇ ئايالىدىن بىر نەچچە كۈن بولسىمۇ يىراقراق تۇرۇش ئۈچۈن بىر مېھمانسارايدىن ياتاق ئاپتۇ :
- مانا ماۋۇ ياتاق خۇددى ئۆزىڭىزنىڭ ئۆيىدەك ، - دەپتۇ كۈتكۈچى .
- ئۆزۈمنىڭ ئۆيىدەك ؟! - ۋارقىراپ كېتىپتۇ شام ئەپەندى .
- ئۇنداق بولسا مېنى باشقا ياتاقققا ئورۇنلاشتۇرۇپ قويۇڭ .

ئاتەش

مىنى ئۇنتۇپ قاپسىزغۇ چاخچاقتا . مىنى ئەزىز مېھمان دەپما قاچامۇ ئۈسەر مىنىڭ دەرىجەم

چاخچاق ھە . بەك ياخشى يىزىپسىز بۇ چاخچاقلارنى

◤pari◥

ياخشىمۇ سىز دوستۇم گۈلزار خانقىز ؟؟ ئۇزۇن بولدى كۆرىنمىسىڭىز سىزنى نەگە كەتكەندۇ ؟ دەپتىمەن ئەسلىدە مۇنبەرداشلارغا چاقچاق ئىزدەپ تاققا چىقىپ كېتىپتىكەنسىز -دە ؟!
چاقچاقلىرىڭىزدىن سۈيۈندۈم .
ئائىلە ئىشلىرى ھەم خىزمەت ئالدىراشچىلىقى بىلەن چارچىغاندا ، بۇ چاقچاقلىرىڭىز كۆڭلۇمنى خېلىلا ئېچىلدۇرۇپ قويدى ، چاقچاققا بەك ئۇستا جۇمۇ سىز .رەھمەت مۇنبەرداشلارغا كۈلكە ئاتا قىلغىنىڭىزغا .

گۇلزار

ئاتەش يوللىغان ۋاقتى  2012-9-13 14:00
مىنى ئۇنتۇپ قاپسىزغۇ چاخچاقتا . مىنى ئەزىز مېھمان دەپم ...

سىزگىمۇ با.ر ئالدىرماي تۇرۇڭ .

زەپەر

گۈلزار قىز ئۇزۇندىن بىرى يۇقاپلا كەتتىڭىز . بەلكىم خىزمەت ئالدىراشچىلىقى بۇلىشى مۇمكىن . بۈگۈن كىرىپلا مۇنبەردىكى باشقۇرغۇچىلارغا ياخشى بولغان يۇمۇرنى يوللاپسىز. بەك ياخشى بۇلۇپتۇ. ھاردۇقىم چىقاي دىدى

نونى

گۈلزار خانىم ، چاقچاققا  ئۇستىكەنسىز جۇمۇ! ئاڭلىمىغان يۇمۇرلاركەن ، كۈلۈپ ئۈچىيىپ ئۈزۈلۈپ كېتەي ، دېدى.

گۇلزار

زەپەر يوللىغان ۋاقتى  2012-9-13 15:10
گۈلزار قىز ئۇزۇندىن بىرى يۇقاپلا كەتتىڭىز . بەلكىم خىز ...

ھاردۇقىڭىز پۇتۇنلەي چىقمىدىمۇ ؟ قارىغاندا يۇمۇردىن يەنە يوللىسام بولغىدەك .

ياشنار

ياخشى يېزىپسىز جىمۇ   چاقچاققا ھەقىقەتەنمۇ ئۇستا ئېكەنسىز قولىڭىزغا دەت كەلمىسۇن.

ئالىم

تەشەككۈر گۈلزار قىز!ھەقىقەتەن كەلتۈرۈپ چاخچاق قىلىپسىز!داۋامىنى تىزراق يوللارسىز!

قاھار

قىزقارلىق  بوپتۇ  كۇلۇپ  ئۇچۇيۇم   ئۇزلۇپ  قالاي  دىدى