ۋاشىنجاڭ گۇاڭخۈي كوماندىسى مەخسۇس ئايروپىلاندا قاتنىشى مۇمكىن

ئابلىز

ۋاڭيى تەنتەربىيىسى7-سېنتەبىر خەۋىرى: بىر يىلنىڭ ئالدىدىكى 15-ئۆكتەبىر، بېيجىڭ تېلېۋىزىيە ئىستانسىسىنىڭ مۇخبىرى مېڭ ۋېي ئۆزىنىڭ مىكرو بىلوگىدا: مەلۇم بىر شىنجاڭ گۇاڭخۈي گۇرۇھىدىكى يۇقىرى قاتلام ئەمەلدارىنىڭ ئاشكارلىشىچە، شىنجاڭ گۇاڭخۈي گۇرۇھى شىنجاڭ ئەرلەر ۋاسكىتبول كوماندىسى ئۈچۈن مەخسۇس بىر ئايروپىلان سېتىۋالماقچى بولىۋاتىدۇ، ئەگەر كوماندا مۇشۇ پەسىلدىكى چېمپىيونلۇققا ئېرىشسە، بۇ ئايروپىلان مەخسۇس كوماندا ئۈچۈنلا مۇلازىمەت قىلىدۇ، دەپ ئېيىتقان ئىدى. گەرچە شىنجاڭ كوماندىسى چېمپىيونلۇققا ئېرىشەلمىگەن بولسىمۇ، لېكىن گۇاڭخۈي گۇرۇھى يەنىلا بىر ئايروپىلان سېتىۋىلىپ ئۇلارنىڭ مېھمان مەيدانغا بېرىشى ئۈچۈن ئىشلەتمەكچى بولدى. گەرچە بۇ ئايروپىلان شىنجاڭ كوماندىسىنىڭ ئىگىدارچىلىقىدا ئەمەس، بەلكى گۇاڭخۈي گۇرۇھىنىڭ ئىگىدارچىلىقىدا بولسىمۇ، لېكىن شىنجاڭ كوماندىسى ئەزالىرىنى مېھمان مەيداندىكى مۇسابىقىلەرگە ئاپىرىپ- ئېلىپ كېلىش يەنىلا ئۇنىڭ مۇھىم ۋەزىپىسىنىڭ بىر تۈرى.

   شىنجاڭ كوماندىسىنىڭ ئىچىكىرى ئۆلكىلەردىكى بىر قىسىم مېھمان مەيدانلارغا بېرىشى ئۈچۈن تولىمۇ ئۇزاق ۋاقىتى كەتكەنلىكتىن، ماھىرلار يول سەپىرىدە ھارغىنلىق ھېس قىلىپ، مەيداندىكى كەيپىياتىغا تەسىر يېتىدىغانلىقىنى كۆزدە تۇتۇپ، گۇاڭخۈي گۇرۇھى 49 مىليون ئامېرىكا دوللىرىغا بىرازىلىيە ئاۋىئاتسىيە قۇرۇلۇش شىركىتى ئىشلەپچىقارغان (زەربىدار1000) ناملىق بۇ ئايروپىلاننى سېتىۋالغان. بۇنىڭدىن بۇرۇن جۇڭگو ئەرلەر كەسپىي ۋاسكىتبول بىرلەشمىسىدە تېخى ھېچقانداق بىر كوماندىنىڭ مەخسۇس ئايروپىلانى بولۇپ باقمىغان بولۇپ، شىنجاڭ كوماندىسى ئەگەر مۇشۇ ئايروپىلانغا ئولتۇرۇپ مېھمان مەيداندىكى مۇسابىقە رايونلىرىغا قاتنىسا، بۇ، جۇڭگو ۋاسكىتبول ساھەسىدىكى يەنە بىر يېڭىلىق بولۇپ قالىدىكەن. بۇ ئىشتىنمۇ شۇنى كۆرىۋالغىلى بولىدۇكى، جۇڭگو ۋاسكىتبولچىلىقىمۇ بارا-بارا ئامېرىكا ۋاسكىتبولچىلىقى تەرەپكە يۈزلەنمەكتە، چۈنكى ئامېرىكىدىكى ۋاسكىتبول كوماندىلىرىنىڭ ھەممىسىنىڭ دېگۈدەك مەخسۇس ئايروپىلانلىرى بار.
مەنبە:نۇر تورى:
http://www.nur.cn/news/2012/09/81056.shtml

زەپەر

ياخشى تىما يولاپسىز رەخمەت سىزگە

ئوتلۇق

ماۋۇنىڭ ئۆزى بىر خوشخەۋەر كەن مانا . بىز ئولتۇرالمىساقمۇ ئەزەمەتلىرىمىز ھارمىغاي

ئۇستاز

كۇماندا ئچۈن ئىشلەتسە بولاتتى. ۋاقتى كەپ بىرەر ساياھەت ياكى يىغىن چىقىپ قالسا كاتتىباشلارنى سېلىپلا ئۇچۇپ كەتمىسە.