ئانا تىل ۋە 300 پارچە خەت (چىن يۇرەكتىن چىن سۆزلەر)

XAM

ئانا تىل ۋە 300 پارچە خەت (چىن يۇرەكتىن چىن سۆزلەر)

بايقاش

تورداشلارنىڭ بۇ سۆھبەتنى فىلىمىنى چىن يۈرىكىدىن  تەپسىلى كۈرۈپ چىقىشىنى تەۋىسىيە قىلىمەن.

ئامان

شۇنداق ياخشى تېما يوللاپسىز بۇرادىرىم شام، سىز بۇ تېمىنى يوللىمىغان بولسىڭىز مەن كۆرۈكسىز قالاركەنمەن، بۇ تېما ماڭا شۇنداق تەسىر قىلدى. بۇ سۆھبەت فىلىمىدە ھەر دەرىجىلىك مەكتەپلىرىمىزدە ساقلىنىۋاتقان ‹‹قوش تىل مائارىپ›› شۇئارى  ئاستىدا خەنزۇ تىلى ئوقۇتىشىغا باشچىلاپ كىرىپ كېتىپ، بالىلارنى ئانا تىلىدا ساۋاتسىز قالدۇرىۋاتقان، ئوقۇتۇش خىزمىتىدە شەكىلۋازلىق، رەڭۋازلىق قىلىپ، بالىلارنى ساپاسىز قىلىۋاتقان مەسىلىلەر قايىل قىلارلىق ئەكس ئەتتۈرىلىپتۇ. بۇنداق ئەھۋاللار بىزنىڭ ھەممە مەكتەپلىرىمىزدە مەۋجۇت. مۇشۇ ئېقىمدا مېڭىۋېرىدىغان بولساق كېيىنكى ئەۋلاتلىرىمىز قانداق ئادەم بۇلۇپ چىقار؟!! بۇ مەسىلىلەر ئادەمنى ھەقىقەتەن ئويلاندۇرىدۇ.

‹‹...بالىلارنىڭ ئانا تىلىدىكى تەپەككۇرى يېتىلمەي تۇرۇپ، باشقا تىلدىكى تەپەككۇرىنى يېتىلدۈرۈش مۈمكىن ئەمەس....››

رەخمەت سىزگە، مۇشۇنداق ئەھمىيەتلىك تېمىلىرىڭىز ئۈزۈلۈپ قالمىغاي بۇرادەر.

گۈلزار

ناھايتى ياخشى تېما ئىكەن . بولۇپمۇ ھازىرقى مائارىپىمىزدا قىززىق نۇقتا بولىۋاتقان بۇ قوش تىل ئوقۇتۇشى ھەممىمىزنىڭ دىققىتىنى تارتماقتا . ھەم بەزىلىرىمىزنى ئويغا سالماقتا . ئەسلى قوش تىل ئوقۇتۇشى بولسا ئوقۇغۇچىلارنىڭ ئانا تىلىنى ئاساس  قىلىپ تۇرۇپ خەنزۇ تىلىنى ئۆگىنىشنى مەقدەت قىلغان ئىدى  ئەمما بىر قىسىم مەكتەپلەر بۇ « قوش تىل » ئوقۇتۇشىنىڭ ماھىيىتى چۇشەنمەسلىك تۇپەيلىدىن ئانا تىلنى چورۇپ تاشلاپ ئاتالمىش « قوش تىل » مائارىپىغا بېشىچىلاپلا كىرىپ كەتتى. نەتىجىدە بىز تەربىيلىگەن « قوش تىل » ئوقۇغۇچىلىرى   بۇ « قوش تىل» نىڭ ئۈنىمىنى كۆرەلمەيلا قالماي بەلكى ھەر ئىككى تىلدا ساۋاتسىز قالماقتا . بولۇپمۇ بىر قىسىم ئوقۇغۇچىلاردا ئوقۇشتىن  بىزار بولۇش پىسخىكىسى شەكىللەنمەكتە .يەنە بىر قىسىم ئوقۇغۇچىلار  يوقۇردا ئېيتىلغاندەك  ئۆزىنىڭ ئاشۇ گۈزەل ، ئەۋرىشىم ، كۆپ خىل مەنىگە ئىگە  بولغان تىلىنى ئۇنتۇپ قېلىپ، ئۆز ھېسىياتىنى ئىپادىلەپ بېرەلمەيدىغان ئەھۋاللارمۇ  شەكىللەنمەكتە  . بۇلارنى ئويلىسام تېنىم شۇركىنىدۇ . كەلگۈسىمىزدىن ئەنسىرەيدىغان
بولۇپ قالدىم .

بولدىلا سۆزلىسەم گەپ تولا . ئەڭ ياخشىسى مۇشۇ يەردە توختاپ قالاي .
ئەڭ مۇھىمى سىزگە  رەھمەت ئېيتىمەن . بىزگە  مۇشۇنداق ياخشى سۆھبەت خاتىرسىنى  كۆرۈش پۇرسىتى يارىتىپ بەرگىنىڭىزگە كۆپ رەھمەت .

سوۋغا :
مائارپى  شەكىلۋازلىققا يۈزلەنگەن مىللەت كەلگۈسىنى كۈتمىسۇن .
تىل- ئادەمنى  ئالەمگە باغلاپ تۇرغان زەر رىشتە .

先生

بۇ فىلىمنى مۇمكىن بولسا ھەممە كىشى كۆرگەن بولسا ياخشى بۇلاتتى.كۆپ سانلىق كىشى بۇ ھەقتە تېخى ئەستايىدىل ئويلانغىنى يوق.بولۇپمۇ مائارىپ تارماقلىرى.

alahidin

بۇ فىلىمنى مۇمكىن بولسا ھەممە كىشى كۆرگەن بولسا ياخشى بۇلاتتى.كۆپ سانلىق كىشى بۇ ھەقتە تېخى ئەستايىدىل ئويلانغىنى يوق.بولۇپمۇ مائارىپ تارماقلىرى.
ھەي، مۇشۇ ئوقۇتقۇچىلار ئىچىدە كىتاب ئوقۇيدىغانلار، جاھاندىكى يېڭىلىقلار ۋە ئۆزگىرىشلەردىن ۋاقتىدا خەۋەردار بولۇشنى ئويلايدىغانلار، مىللەت ۋە ئۇنىڭ تەقدىرىگە كۆڭۈل بۆلىدىغانلار يوق دېسەك بولماس، لېكىن تولىمۇ ئاز. بۇنى ئويلىسام ئۆزۈمنىڭ مۇشۇ توپقا قېتىلىپ قالغانلىقىمغا تولىمۇ ئۆكۈنىمەن! ئەگەربۇ فىلىم ئادەتتىكى مۇنبەرلەرگە، مەسىلەن: «تەڭرىتاغ»، «باغداش»، «مىسرانىم»...لارغا يوللانغان بولسا نەچچە مىڭ زىيارەتچىنى كۈتىۋالغان بولاتتى!