ئوقۇغۇچىلار نىشانلىق ئىشقا ئورۇنلاشتۇرلىدۇ

torhumar

مۇخبىرنىڭ 4 - ماي ئېچىلغان شىنجاڭ ئۇيغۇر ئاپتونوم رايونىدىكى پېداگوگىكا مەكتەپلىرىنىڭ ھەقسىز ئوقۇتۇش ئىسلاھاتىنى ئىلگىرى سۈرۈش خىزمىتى ئاخبارات ئېلان قىلىش يىغىنىدىن ئۇقۇشىچە، شىنجاڭ ئۇيغۇ رئاپتونوم رايونى پېداگوگىكا مەكتەپلىرىنىڭ ئوقۇغۇچىلارنى ھەقسىز ئوقۇتۇش سىياسىتىنى ئىسلاھ قىلىپ، ئوقۇتۇش تۈزۈلمىسىنى ئۆزگەرتىپ، چەت، يىراق، نامرات رايونلاردىكى يېزا، كەنت مەكتەپلىرىدە قوش تىل ئوقۇتقۇچىلىرى يېتىشمەسلىك، بار ئوقۇتقۇچىلارنى تۇتۇپ قالالماسلىق مەسىلىسىنى ھەل قىلىدىكەن.

شىنجاڭ ئۇيغۇر ئاپتونوم رايونىدىكى پېداگوگىكا مەكتەپلىرى 2010-يىلى 6000 ئوقۇغۇچىنى ھەقسىز ئوقۇتۇشنى يولغا قويغان. ئاپتونوم رايون بۇنىڭدىن كېيىن ئاساسىي مائارىپ ئوقۇتقۇچىلىرى مەنبەسىگە كاپالەتلىك قىلىش ئۈچۈن، يىلدا ئوتتۇرا ھېساب بىلەن 10 مىڭدىن كۆپرەك ئوقۇغۇچىنى پېداگوگىكا مەكتەپلىرىدە ھەقسىز ئوقۇشقا قوبۇل قىلىدۇ، «نىشانلىق ھەقسىز تەربىيەلەش پىلانى» بويىچە، بۇنىڭ ئىچىدىكى 3000 ئوقۇغۇچىنىڭ 1700ى تولۇق كۇرستا، 900ى مەخسۇس كۇرستا، 400ى ئوتتۇرا تېخنىكوم پېداگوگىكا مەكتەپلىرىدە ئوقۇتۇلىدۇ.

شىنجاڭ ئۇيغۇ رئاپتونوم رايونى پېداگوگىكا مەكتەپلىرىدە ئوقۇغۇچىلارنى نىشانلىق ھەقسىز ئوقۇتۇش ئۈچۈن مەخسۇس مەبلەغ ئاجراتتى، بۇ مەبلەغ پېداگوگىكا مەكتەپلىرىدە ھەقسىز ئوقۇيدىغان ئوقۇغۇچىلارنىڭ ئوقۇش پۇلى، دەرسلىك پۇلى، ياتاق ۋە پىراكتىكا پۇلى قاتارلىقلارغا ئىشلىتىلىدۇ. پېداگوگىكا مەكتەپلىرىدە ھەقسىز ئوقۇتۇلغان ئوقۇغۇچىلارنىڭ ئوقۇش سالاھىيىتى دۆلەت ۋە ئاپتونوم رايوننىڭ مۇنتىزىم ئوقۇش سالاھىيىتىنى باشقۇرۇش دائىرىسىگە كىرگۈزۈلىدۇ، ئوقۇغۇچىلار مەكتەپتىكى مەزگىلدە دۆلەتنىڭ ئادەتتىكى تولۇق كۇرس، مەخسۇس كۇرس، ئوتتۇرا تېخنىكوم ئوقۇغۇچىلىرى بەھرىمەن بولۇشقا تېگىشلىك مۇناسىۋەتلىك سىياسەتلەردىن بەھرىمەن بولىدۇ. بۇ ئوقۇغۇچىلار دۆلەت، ئاپتونوم رايون ھەم ئالىي مەكتەپلەر تەسىس قىلغان ئوقۇش مۇكاپات پۇلى، ئالىي مەكتەپ ئوقۇش ياردەم پۇلى ئىلتىماس قىلسا بولىدۇ.

شىنجاڭ ئۇيغۇر ئاپتونوم رايونى يەنە 2012-يىلىدىن باشلاپ ئوتتۇرا تېخنىكوم ۋە ئالاھىدە مائارىپ ئوقۇتقۇچىلىرى قوشۇنىنى تولۇقلاشنى كۆچەيتىدۇ.

شىنجاڭ ئۇيغۇ رئاپتونوم رايونلۇق مائارىپ نازارىتىنىڭ نازىر ياردەمچىسى جياڭ بۇخېنىڭ تونۇشتۇرۇشىچە، ئاپتونوم رايون ۋىلايەت، ئوبلاست، شەھەرلەرنىڭ كەسپىي مائارىپ ئوقۇتقۇچىلىرى قوشۇنىنى تولۇقلاش ئۈچۈن، شىنجاڭ ئۇنىۋېرسىتېتى، شىنجاڭ يېزا ئىگىلىك ئۇنىۋېرسىتېتى، شىنجاڭ قۇرۇلۇش ئىنستىتۇتى ۋە تيەنجىن كەسپىي تېخنىكا پېداگوگىكا ئۇنىۋېرسىتېتى قاتارلىق ئالىي مەكتەپلەرگە ھەر يىلى 500 ئوقۇغۇچىنى نىشانلىق قوبۇل قىلىشنى ئورۇنلاشتۇرغان بولۇپ، ئادەتتىكى ئالىي مەكتەپ ئىمتىھانىغا قاتناشقان ئوقۇغۇچىلاردىن شەرتكە ئۇيغۇن كەلگەنلىرىنى تاللاپ قوبۇل قىلىپ ھەقسىز ئوقۇتۇدىكەن. تولۇق كۇرس ئوقۇش تارىخى گۇۋاھنامىسى، ئوتتۇرا دەرىجىلىك كەسپىي مەكتەپلەرنىڭ ئوقۇتقۇچىلىق سالاھىيەت گۇۋاھنامىسى ۋە ئوتتۇرا دەرىجىلىكتىن يۇقىرى كەسپىي سالاھىيەت گۇۋاھنامىسى ئالغانلار، شىنجاڭ ئۇيغۇر ئاپتونوم رايونىدىكى ئوقۇتقۇچىسى كەمچىل ئوتتۇرا دەرىجىلىك كەسپىي مەكتەپلەرگە ئورۇنلاشتۇرۇلىدىكەن.

شۇنىڭ بىلەن بىللە، ۋىلايەت، ئوبلاستلارنىڭ ئالاھىدە مائارىپ ئوقۇتقۇچىلىرىنى تولۇقلاش ئېھتىياجىغا ئاساسەن، ھەر يىلى پىلان بويىچە 80 ئوقۇغۇچى قوبۇل قىلىپ شىنجاڭ پېداگوگىكا ئۇنىۋېرىسىتېتىدا ئوقۇتۇدىكەن، ئوقۇش پۈتكۈزگەن ئوقۇغۇچىلارنى كېلىشىمگە ئاساسەن چەت، نامرات، يىراق رايونلارغا ئوقۇتقۇچىلىققا ئورۇنلاشتۇرىدىكەن.

كارول1

ئەمسە نىشانلىق ئوقۇمىغانلارچۇ ؟

دىلكەش

نىشانلىق ئوقۇمىغان .بۇ يىل ئوقۇش پۈتتۈردىغانلارچۇ ؟