3- يىللىق 2- ماۋسۇم تىل -ئەدەبىيات6-دەرس:قۇياش تەيارلىق

ھۆريەم

6. قوياش
دەرس مەزمۇنى :
بۇ كۆز يۈگۈرتۈپ ئوقۇش ئۈچۈن بىرىلگەن پەننى ئومۇملاشتۇرۇش تىپىدىكى چۈشەندۈرۈش خاراكتىرلىك ئەسەر بولۇپ ، سانلىق مەلۇمات ئارقىلىق چۈبشەندۈرۈش، ئوخشىتىش ئارقىلىق چۈشەندۈرۈش ئۇسۇللىرىنى قوللىنىش ئارقىلىق قوياشقا مۇناسىۋەتلىك بەزىبىر بىلىملەر تونۇشتۇرۇلۇپ، قۇياش بىلەن ئىنسانلارنىڭ ناھايىتى زىچ مۇناسىۋەتكە ئىگە ئىكەنلىكى چۈشەندۈرۈپ بىرىلگەن .
مۇھىم ۋە قىيىن نۇقتا :
ئەسەردە قوياشنىڭ ئالاھىدىلىكىنى مىسال كەلتۈرۈش،ئوخشىتىش،سېلىشتۇرۇش قاتارلىق چۈشەندۈرۈش ئۇسۇللىرىدىن قانداق پايدىلىنىش ئارقىلىق چۈشەندۈرۈلگەنلىكىنى بىلىۋېلىش .
ئۆگىنىش نىشانى :
1. لۇغەتتىن پايدىلىنىپ ‹‹باكتېرىيە ، تېمپۇراتۇرا ، زۇلمەت ››قاتارلىق سۆزلەرنىڭ مەنىسىنى چۈشىنىۋېلىش .
2.ئەسەر توغرا ، راۋان ، ھېسىياتلىق ئوقۇش ، ئاخىرقى ئابىزاسنى يادىلىۋېلىش.
3.ئەسەرنى تەكىرار ئوقۇش ۋە پىكىر ئالماشتۇرۇش جەريانىدا قوياشنىڭ بەزىبىر ئالاھىدىلىكى ھەم ئىنسانلاربىلەن بولغان مۇناسىۋىتىنى دەسلەپكى قەدەمدە ئىگىلىۋېلىش.تەبىئەت بىلىملىرىگە بولغان قىزىقىشنى قوزغاش .
4.چۈشەندۈرۈش خاراكتىرلىك ئەسەرنى ئوقۇشنى دەسلەپكى قەدەمدە ئۆگۈنىپ،شەيئىلەرنى چۈشەندۈرۈشنىڭ بەزى ئۇسۇللىرىنى بىلىۋېلىش .
كۆرسەتمە :
كىتاپتىكى رەسىم ، ئوقۇغۇچىلارنىڭ ماتېرىياللىرى .
ۋاقتى :
بۇ دەرس بىر سائەت ئۆتۈلىدۇ .
ئوقۇتۇش جەريانى:
سىلەر قوياش ھەققىدە نېمىلەرنى بىلىسىلەر ؟
قوياش توغرىسىدا قانداق ماتېرىياللارنى توپلاپ كەلدىڭلار؟
ئوقۇغۇچىلار ئالدىن تەييارلىغان ماتېرىياللىرىنى ئوتتۇرىغا قويۇپ سۆزلەيدۇ .

تېكىستنى ئوقۇشقا تەشكىللەش
تەلەپ : تېكىستنى تىنىش بەلگىلىرىگە دىققەت قىلىپ ئوقۇش،ئەدەبىي تەلەپپۇز توغرا ، راۋان ، ھېسىياتلىق ئوقۇش. شەخىسلەر بويىچە تېكىستنى ئوقۇشقا تەشكىللەش .
ئوقۇغۇچىلار يۇقىرىقى تەلەپكە ئاساسەن تېكىست ئوقۇش قائىدىسى بويىچە تېكىستنى ئوقۇيدۇ .
تېكىستنى بىرقانچە ئوقۇغۇچى ئابزاسلار بويىچە ھېسىياتلىق ، راۋان ئوقۇيدۇ .

ساۋاقداشلار تېكىستتە قۇياشنىڭ قانداق ئالاھىدىلىكى يېزىلغان ؟ ئەسەردە قايسى ئابزاسلاردا قۇياشنىڭ ئالاھىدىلىكى سۆزلەنگەن ؟
ئوقۇغۇچىلار يۇقىرىقى سوئالنىڭ جاۋابىنى كىتاپتىن تېپىپ ئوقۇپ بىرىدۇ .
ئاشۇ ئابزاسنى تېپىپ چىقىدۇ .
ئاپتور قوياشنى قايسى ئۇسۇللار ئارقىلىق چۈشەندۈرۈپ بەرگەن ؟ نېمىنى نېمىگە سېلىشتۇرغان ، نېمىنى نېمىگە ئوخشاتقان  ؟
1.سېلىشتۇرۇش ئارقىلىق چۈشەندۈرۈش
2.ئوخشىتىش ئارقىلىق چۈشەندۈرۈش
ئوقۇغۇچىلار كىتاپتىن تېپىپ ئوقۇيدۇ .
‹‹قۇياش بولمىسا بۇگۈزەل دۇنيا بولمايدۇ››دېگەن جۈمىلىنىڭ مەنىسى نېمە ؟
بىر ئېغىز سۆزبىلەن ئېيىتقاندا ، قوياش بولمىسا ، بىزنىڭ بۇ سۆيۈملۈك دۇنيارىمىزمۇ بولمىغان بولاتتى .

سىز بۇتېكىسىتتىن نېمىنى چۈشەندىڭىز؟

يەرشارىدىكى يورۇقلۇق ۋە ئىسسىقلىقنى قوياش يەتكۈزۈپ بەرگەن ، ئەگەر قوياش بولمىغان بولسا يەرشارىنىڭ ھەممىلا يېرى قاراڭغۇ زۇلمەت ، ھەممىلا يېرى قەھرىتان سوغۇق بولغان بولاتتى . يەنە شامال ، قار ، يامغۇر ، شەبنەممۇ بولمىغان بولاتتى . گۈل-گىياھ ، دەل-دەرەخ ، ئۇچار – قانات ۋە ھايۋاناتلارمۇ بولمىغان بولاتتى. تەبىئەتتىكى ئادەملەرمۇ بولمىغان بولاتتى .
ئوقۇغۇچىلار تېكىسىتنى ئوقۇپ چۈشەنچىسىگە ئاساسەن جاۋاب بىرىدۇ .
ئوقۇغۇچىلار ئېكىراندىن يۇقىرىقى ئابزاسنى كوللېكتىپ بىر قېتىم ئوقۇيدۇ .
يۇقىرىقى ئابزاسنىڭ مەنىسىنى ئېيتىپ بىرىدۇ . سىنىپتا يۇقىرىقى ئابزاسنى يادىلايدۇ


تۆت ئوقۇغۇچى بىر گۇرۇپپا بولۇپ مۇزاكىرلىشىپ جاۋاب بىرىدۇ ، ھەم بۇ جۈمىلىنىڭ مەنىسىنى دەپتەرگە يازىدۇ .
تېكىست ئىچىدە يۇقىرىقى سۆزلەرنىڭ مەنىسىنى چۈشەندۈرىمەن ، ھەم ئوقۇغۇچىلارنى جۈمىلە تۈزۈشكە تەشكىللەيمەن .
باكتېرىيە ——
قەدىمكى ——
زۇلمەت ——
گىياھ ——
تاپشۇرۇق :
ئېكىراندىن كۆرسۈتىلگەن ئابزاسنى كۆچۈرۈپ يېزىش ، ھەم يادىلاپ كېلىش .

دوسكا لايىھىسى


6. قوياش




6-دەرس قۇياش

        3-يىللىق 2-مەۋسۈم  تىل -ئەدەبىيات دەرستىن بىر سائەتلىك دەرس

لاھيىسى


        دەرس تەييارلىغۇچى:   باي ناھيە قېيىر يېزا مەركىزى باشلانغۇچ

        مەكتەپتىن: ھۆريەم ياقۇپ







2016-يىل -3-ئاي