بېشىمغا خىتاب

تەلۋە

                                           بېشىمغا خىتاب
                                               (ساتىرا)
            باشلىق كەلسە ئېگىلگىن بېشىم،
            بۇنىڭغا بىر ھەركەت كېتىدۇ.
          شۇ چاغ ئۆسەر قەدىر-قىممىتىڭ،
          قوشلاپ ئامەت،بەركەت يېتىدۇ.
                                              لىڭشىپ قويغىن تەڭتۇشلارغا ھەم،
                                              سالام قىلىش ئەسلا بىھاجەت.
                                            بولۇپ قالساق بىر سورۇندا جەم،
                                            تالىشىمىز چۈنكى نام-شۆھرەت.
       ئۇچراپ قالسا پۇقرا مۇبادا،
      غادايغىن سەن،غادايغىن پەقەت.
     چۈنكى ئۇنىڭ ئورنى پەگادا،
    مەن بىلەن تەڭ بولالماس پەقەت.
                                                 تۈزۈپ بەردىم شۇنداق بىر مىزان،
                                               ئۆزگىرىپ تۇر تۇرقۇمغا ئوخشاش،
                                              كۆز تەگمىسۇن ساڭا ھەر زامان،
                                             بەرىبىرغۇ ماختاش يا تىللاش....!
                                                                                          مەنبەئە: ئۆزۈم

مەتتۇردى

بەك ياخشى يېزىلغان شئىرئىكەن رەخمەت سىزگە مۇشۇنداق ياخشى شىئىرلارنى تىخىمۇ كۆپ يېزىپ يوللاپ تۇرغايسىز ....رەخمەت سىزگە

yawa_haz

ھەقىقەتەن ياخشى يېزىلىپتۇ . تېخمۇ زور ئۇتۇقلار يار بولسۇن ! تىرىشىڭ ...

ئەلنۇر

  بەك ئۆتكۈر چىقىپتۇ.قەلەم قۇۋۋىتىڭىزگە قايىل بولدۇم.داۋاملىق تىرىشىپ تېخىمۇ ياخشى ئەسەرلەرنى مەيدانغا چىقىرىشىڭىزغا تىلەكداشمەن.

مەرزىيە

تىلى ئۆتكۈر،ياخشى يىزىلىپتۇ.