ئېزىققان سىڭلىمىغا

بەختىيار(بايقاش

ئېزىققان سىڭلىمىغا

(مۇھەممەد رەھىم)

ئالدىراپ كەتكەن ئىدىڭ،سىڭلىم،ئېسىل يار تاپقىلى،
لەيلىدەك ھۆسنۈڭگە لايىق بىر خېرىدار تاپقىلى.
ئىزدىدىڭ دىلدارنى شوخ،ئويناق يىگىتلەر ئىچىدىن،
ئەھلى ئېرپاندىن،دېدىڭ،بولمايدۇ دىلدار تاپقىلى.
ئۆلچىدىڭ قەدرىڭنى سەن ماختاش سۆزىنى گىر قىلىپ،
قويمىدى گەجگەڭ سېنى ھەق سۆزگە ئىقرار تاپقىلى.
خۇلقى-پەيلىڭگە بېقىپ ئازدۇردى بەڭۋاشلار سېنى،
شۇ ئىدى ماڭغانلىقىڭ قەلبىڭگە بىمار تاپقىلى.
زىبۇ زىننەت ھەمدە كەچلىك سەيلىدىن تارتىنمىدىڭ،
چاچتى پۇل ئۇ سەن كەبى ئىشرەتكە خۇشتار تاپقىلى.
ئۇ يوقاتقان پۇل-پۇچەكنى ھەر قاچان مۇمكىن تېپىش،
سەن يوقاتقاننى بىراق بولمايدۇ زىنھار تاپقىلى.

1983-يىلى18-يانىۋار.ئۈرۈمچى

زەپەر

ياخشى شئېركەن تۇرمۇش  ۋە مۇھاببەت دىگەننى ئالدىراپلا بىر تەرەپ قىلىشقا بولمايدۇ . مۇھاببەت ۋە تۇرمۇش پەقەتلا سەمىمىلىككە . راسچىللىققا ، پاك دىيانەتلىككە مۇھتاج

1چىچەك

قىزلار،ئاياللار شۇنداق بىچارە،ئەرلەر شۇنداق رەھىمسىز،شەخسىيەتچىمىدۇ؟ئەجىبا ئۇلارنىڭ ئانىسى،قىزى،ئايالى يوقمىدۇ؟ياخشىكەن.باشقىلارغا ئىبرەت بولسا ئەجەپ ئەمەس.قىز-ئاياللار ئەدەپ-ئەخلاقىنى ،ئىلىم -پەننى دوست تۇتساق زىيان تارتمايسىلەر.