ئەر دېمە

توغراق

                                                                         ئەر دېمە


ئابدىلىپىز ئىدرىس


پۇلغا ۋىجدان ساتقاننى ھەرگىز ئەر دېمە،
پۇلغا ئۆزنى ئۇرغاننى ھەرگىز ئەر دېمە.
پۇل ئۈچۈن نىم بولسام مەيلى دەيدىغان،
پۇل پەرەس ئەركەكنى ھەرگىز ئەر دېمە.

غۇرۇرى يوق ئەركەكنى ھەرگىز ئەر دېمە،
پۇلغا دۈم چۈشكەننى ھەرگىز ئەر دېمە.
پۇلنى دەپ قېرىنداشتىن يالتىيدىغان.
تىگى پەس ئەرلەرنى ھەرگىز ئەر دېمە.

ئۇخلىسىمۇ پۇل چۈشەپ ئۇخلالمايدىغان،
پۇلغا جان بەرگەننى ھەرگىز ئەر دېمە.
پۇل بومىسا ياشاش مومكىن بومايتۇ دەپ.
پۇلغا تىز پۈككەننى ھەرگىز ئەر دېمە.

پۇل بولمىسا ئەر ئەمەسمەن دەيدىغان،
پۇلغا قان بەرگەننى ھەرگىز ئەر دېمە.
پۇل دېگەن ھەممىگە قادىر مەن ئۈچۈن،
دەيدىغان مەلئۇننى ھەرگىز ئەر دېمە.

بۇ سۆزۈمنى ھار ئالماڭلار بەزى ئەرلەر،
ئۆزنى ئەر دېمىگەننى دىدىم ئەر دېمە.
پۇل بولسىلا نوچى بىز ئەرلەر دىگەن،
خام - خىيال سۈرگەننى دىدىم ئەر دېمە.


مەنبە: شامال ئۇيغۇر سالۇنى

بەختىيار(بايقاش

بۇ شېئىرىنى ئوقۇپ،ئابدۇللا ئابدۇرھىم ئاكىمىز ئېيتقان ‹‹ئەر دېمە››دېگەن ناخشا يادىمغا كەلدى.
تېمىڭىزغا رەھمەت!

ئـــــــەر  دېــمــــــــە

روزى  ســايـىـت

نەسلىدىن تانغاننى ھەرگىز ئەر دىمە،
دوستىدىن چانغاننى ھەرگىز ئەر دىمە .
ئادىمىيلىك قىممىتى چىڭ لەۋزىدە،
لەۋزىدىن تانغاننى ھەرگىز ئەر دىمە .

تەقدىرىڭنى قاتمىغىن تانغاق بىلەن،
يول سەپىرىگە چىقمىغىن چانغاق بىلەن .
پەرقى چوڭ گۈل غۇنچىنىڭ قامغاق بىلەن،
يولدىن تايغاننى ھەرگىز ئەر دىمە .

ئىككى نان تاپسا بىرنى داپ چېلىپ،
ئىككى پۇل تاپسا جاھانچە لاپ ئېتىپ،
ئەمما يۇرتۋاز ئەقلى يوق ئاقنانچىدۇر،
مەزھىپى قاپقاننى ھەرگىز ئەر دىمە .

ياخشىلارنىڭ جەننىتى بۇ گۈزەل جاھان،
ياخشىلارنىڭ ئەجرىدىن گۈزەل ماكان .
ئەل بىلەن كىم تىغۇ-شەمشەر، كىم تاكان،
بى ئەقىل ھايۋاننى ھەرگىز ئەر دىمە.

خۇمارى

ئەر تۇرۇپ ئەركەك ئەمەسنى ئەر دىمە،
تىز پۈكۈپ ياشىغان ئادەمنى ئەردىمە.
ساق تۇرۇپ ھەممە ئەزايى ھەم ئۇنىڭ،
تىرشماي ،قاقشاپ يۈرگەننى ئەر دىمە.

ئاتىنىڭ تۇتقان يۇلىدىن ماڭمىغان،
كەيىپ -ساپا يامان يولدىن قالمىغان.
چوڭ بولۇپ تېخى ئۇيۇنغا قانمىغان،
شۇ نادان ئەرنى ھەرگىزمۇ ئەردىمە.

ئانىنىڭ  دۇئاسىنىمۇ   ئالمىغان،
قەلبىدە ئەل ئىشقى ئوت بوپ يانمىغان.
لاپ ئېلىپ ئاغزىدا  ھىچ ئىش قىلمىغان،
شۇ ھۇرۇن ئەرلەرنى ھەر گىز ئەردىمە.

ئەردىمەك ،مەرتىلىك ۋاپانىڭ ئۈلگىسى،
ئەردىمەك،مىللەت ۋەتەننىڭ كەلگۇسى.
ئەر بىلەن چۆللەر گۈلىستان بولغۇسى،
ئەر كىشىدەك يۈرمىگەننى ئەر دىمە!.....

دىلرۇس

مەن ئەر دەپ مەيدىسىگە پوك- پوك مۇشتلاپ يۈرگەنلەرنىڭ ھەممىسىنى ئەر دېگىلى بولمايدۇ، ئۆز مەسئۇليەت ۋە مەجبۇرىيەتلىرىنى ئۇنتۇپ قالغانلار ئەر جۈملىسىگە كىرمەيدۇ. سىزگە رەھمەت.

دىلرۇس

خۇمارى يوللىغان ۋاقتى  2013-8-1 18:19
ئەر تۇرۇپ ئەركەك ئەمەسنى ئەر دىمە،
تىز پۈكۈپ ياشىغان ئ ...

خۇمارىنىڭ قەلەپ پەرۋازى ۋە ئويغاق تەپەككۈرىغا ئاپىرىن! بۇ شېئر مەيلى ۋەزىن، تۇراق، قاپىيە نۇقتىسىدىن بولسۇن، مەيلى مەزمۇن چوڭقۇرلۇق نۇقتىسىدىن بولسۇن ۋە مەيلى شېئرىي ئوبراز يۈكسەكلىك نۇقتىسىدىن بولسۇن ناھايتى ياخشى چىقىپتۇ، بولۇپمۇ
«ئەردىمەك ،مەرتىلىك ۋاپانىڭ ئۈلگىسى،
ئەردىمەك،مىللەت ۋەتەننىڭ كەلگۇسى.
ئەر بىلەن چۆللەر گۈلىستان بولغۇسى،
ئەر كىشىدەك يۈرمىگەننى ئەر دىمە!.....» دېگەن بۇ بىر كوبلىت ماڭا بەك چوڭقۇر تەسىر قالدۇردى.
شېئرىي ئىلھاملىرىڭىزغا تەشەككۇر!

زەھرا

شىئېرىيەت گۈلزارىمىز كۈندىن -كۈنگە سەر خىللاشماقتا ،بۇ سەپتىكى بارلىق قەلەمكەشلەرگە ئىلھام ۋە ئۇتۇق يار بولسۇن !