ھەيۇرانمەن ( ئائىشە ،شىرىن )

توغراق

تىلى چىقسا بوۋاقنىڭ، ئانا دىمەي (ما ما )دەر ،

قوساقتىلا يىتىلگەن،يېڭى تىلغا ھەيرانمەن .

ئاق سۈت تۇرۇپ ئاننىنىڭ ،بالا كالا سۈتى ئىچەركەن،

(زىلۋا ) ئۈچۈن بالىنى،كالىدا باققاندا ھەيرانمەن .



ياشقا توشۇپلا ئۆگۈنەر،نۇرغۇن بىلىم -ئەخلاقنى،

ئاتا-ئانا ئۆزى بىلمەي ،زورلاشلارغا ھەيرانمەن .

بىر دەرسكە ئۈچ مەشىق،دەرستىن كۆپ ئوقۇشلۇق،

كىچىككىنە كاللىغا ،زورلاپ تىققانغا ھەيرانمەن .



(باشقىلاردىن ئۈستۈن تۇر،پۇل خەجلەشتە-ئۇيۇندا،

ئوقۇپ بولغۇن سەن دوكتۇر)ئۈمۈتلەرگە ھەيرانمەن .

قاتار چايدا ئاتىلار،سورۇنلاردا ئانىلار،

تاشلاپ يالغۇز بالىنى ،(ئوقۇ !)دىگەنگە ھەيرانمەن .




يېشى ئاران يەتتىدە ،ئىشلىتىشى  iphonكەن،

قىز دوست تۇتۇپ ھارمىغان ،پەرزەنتلەرگە ھەيرانمەن .

قورامىغا يەتمەيلا ،يۈرەر ئىكەن دىبادا ،

بىخەۋەرسىز ئاتىلار ،تەربىيەگە ھەيرانمەن .


نەچچە تىلدا سۆزلەيدۇ ،ئېقىن سۇدەك راۋاندۇر،

تىلىدا بىلمەس ئىسمىنى ،ئانا تىلىغا ھەيرانمەن .

پەخىرلەنسە ئەرزىيدۇ،كۆپ تىل بولۇش شەرەپقۇ،

ئۆز تىلىنى ئۇنتۇغان ،ۋەتەنسىزگە ھەيرانمەن .


شاڭخەي ئۇنداق ياخشىكەن،كۇلى بۇنداق ياخشىكەن ،

پو سۆزلەرگە ئىشىنىپ يۈرگەنلەرگە ھەيرانمەن .

ئۆزگە يۇرتقا بىقىنىپ،ئۆزنىڭ يۇرتىدىن چېنىپ،
دەپسەندە قىلىپ غورورنى،خۇشال كۈلگەنگە ھەيرانمەن .

ئۆزى كىرمەي تالادىن ، جىدەل قۇرۇماي بالادىن ،

رەڭلىك سورۇنغا قانمىغان ،ئاتىلارغا ھەيرانمەن .

قىزىم بەكمۇ مودا دەپ ،ئۆزگىلەرگە ماختىنىپ،

يۈزى چۈشكەننى بىلمىگەن ئانىلارغا ھەيرانمەن .



ئۇيغۇر تۇرۇپ مىللىتى ، مۇسۇلماندۇر ئۆز دىنى ،

ئۆزبەك ، تۇرك قوغلۇشۇپ يۈرگەنلەرگە ھەيرانمەن .

كىنۇ كۆرۈپ قىزىقىپ ، قىلىقلىرى خۇش يېقىپ ،

مۇسۇلمانلىق جىسمىنى ئۇتۇنقانلارغا ھەيرانمەن .


مۇسۇلمان بولۇپ خەنزۇلار ، دىنغا كىرسە دىلىدىن ،

ئۆز دىنىدىن شۈبھىلىنىپ ، گۇناھ ئارتقانغا ھەيرانمەن .

گۇناھ دىگەن نىمە دەپ،ئۆزىنىڭ يولىنى توغرا دەپ،

خوشە-خوشە،ئىچ -ئىچ دەپ ، قوشاق قاتقانغا ھەيرانمەن .


مەنبە :ماكانىم مۇنبىرى

دىلرۇس

مەنىۋېيىتىمىزدىكى بۇزۇلىۋاتقان قىلمىشلارغا كېلىشتۈرۈپ بىر پەشۋا ساپسىز،  سەگەكلىشىپ قالدىم. رەھمەت سىزگە.

pari

ھەقىقەتەن جەمىيىتىمىزدىكى بەت قىلىق بولمىغۇر ئادەتلەرگە ئۇرۇلغان قاتتىق بىر قامچا بوپتۇ بۇ شېئىرىڭىز ، رەھمەت ھارمىغايسىز . داۋاملىق يوللاپ تۇرۇڭ .