زامانىۋى يىراق مۇساپىلىق ئوقۇتۇشىغا بېغىشلانغان قەلب

安外尔

ئۆزىنىڭ بارلىقىنى كەلگۈسىنىڭ ئەۋلادلىرى بولغان،  سەبىي بالىلارنىڭ دىلىنى يورۇتۇش ئۈچۈن ھارماي-تالماي ئىزدىنىۋاتقان تۆھپىكار باغۋەنلىرىمىز ئاز ئەمەس.
ئونسۇ ناھىيە توخۇلا يېزىلىق ئوتتۇرا مەكتەپنىڭ زامانىۋى يىراق مۇساپىلىق ئوقۇتۇش خىزمىتىگە مەسئۇل ئوقۇتقۇچى ئەنۋەرجان ياسىن ئەنە شۇنداق ئوقۇتقۇچىلارنىڭ بىرى.

ئەنۋەرجان ياسىن 2000-يىلى شىنجاڭ  ئۇنىۋېرسىتېتىنىڭ  بىئولوگىيە تېخنىكىسى كەسپىنى پۈتتۈرۈپ، ئونسۇ ناھىيىسىنىڭ گۈلئاۋات يېزىلىق ئوتتۇرا مەكتىپىگە تەقسىم قىلىندى. ئۇ خىزمەتكە چىققان تۇنجى كۈندىن باشلاپ ئۆزىگە قاتتىق تەلەپ  قويۇپ،  پىشقەدەم  ئوقۇتقۇچىلارنى ئۇستاز تۇتۇپ،  مەكتەپكە بالدۇر كېلىپ، كەچ  قايتىپ بارلىقىنى خىزمەتكە تەقدىم قىلىپ،  تىرىشچانلىق بىلەن ئىشلەپ، ئوقۇتقۇچى، ئوقۇغۇچىلارنىڭ  يۇقىرى  باھاسىغا ئېرىشىپ،  ئەمەلىي نەتىجىسى بىلەن ئۇلارنىڭ قەلب تۆرىدىن ئورۇن ئالدى. تەلەپ بويىچە سىنىپ مۇدىرلىق  خىزمىتىنى  ئۈستىگە ئېلىپ،  ئوقۇغۇچىلار ۋە ئۇلارنىڭ ئاتا-ئانىسى بىلەن بولغان  سۆھبەتكە ئەھمىيەت بېرىپ،  ئوقۇغۇچىلار كۆيۈنۈپ بىلىم بېرىپ، ئوقۇغۇچىلارنىڭ  تۇراقلىشىش نىسبىتىنى مەكتەپ بويىچە ئالدىنقى قاتارغا ئۆتكۈزگەن.
2005- يىلى 2-ئايدا، خىزمەت  ئېھتىياجى بىلەن ئونسۇ ناھىيە توخۇلا يېزىلىق  ئوتتۇرا مەكتەپكە يۆتكىلىپ كەلگەن.  ئۇ يېڭى خىزمەت  ئورنىغا كەلگەندىن كېيىن، سىنىپ  مۇدىرلىق  خىزمىتى ۋەزىپىسىنى ئۈستىگە ئېلىش بىلەن بىر ۋاقىتتا مەكتەپنىڭ زامانىۋى يىراق مۇساپىلىق ئوقۇتۇش خىزمىتىگە مەسئۇل بولدى.
ئەنۋەرجان ياسىن سىنىپ مۇدىرلىق خىزمىتىدە مەكتەپ بويىچە ئالدىنقى قاتاردا تۇرۇش بىلەن بىر ۋاقىتتا، ئۆزىنىڭ بارلىقىنى مەكتەپنىڭ  زامانىۋى يىراق مۇساپىلىق  ئوقۇتۇش خىزمىتى،  كۆپ ۋاستىلىق ئوقۇتۇش، مەكتەپ ئۇچۇر ئالاقىسى، ئېلىكتىرلەشكەن ئوقۇتۇش خىزمىتىگە سەرپ قىلدى. مەكتەپتىكى ئوقۇتقۇچىلارنىڭ كومپىيۇتېرنى ئەمەلىي قوللىنىش ئىقتىدارىنى يۇقىرى كۆتۈرۈش ئۈچۈن، ئوقۇتقۇچىلارغا نىسبەتەن ھەپتىدە ئىككى سائەت كومپىيۇتېر ئەلەمىي تېخىنىكا بىلىملىرى بويىچە دەرس ئۆتۈپ،  ئوقۇتقۇچىلارنىڭ مەكتەپتە تەربىيىلىنىشىگە نىسبەتەن ياخشى ئاساس سالدى. مەكتەپتىكى كومپىيۇتېرلارنىڭ ساغلام ئىشلىتىلىشىگە كاپالەتلىك قىلىش ئۈچۈن، قەرەللىك تەكشۈرۈشنى يولغا قويۇپ، ساقلانغان  مەسىلىلەرنى  ۋاقتىدا  ھەل قىلىپ  مەكتەپتە  «يېشىل تور» بەرپا قىلىش خىزمىتى ئۈچۈن  ياخشى كۈچ چىقاردى.  ھەر بىر نەپەر ئوقۇتقۇچى ئايدا تۆت  پارچىدىن دەرس دېتالى تۈزۈپ  دەرس  ئۆتۈشتىن ئىبارەت ئۆتكەلنى چىڭ تۇتۇپ، ئوقۇتقۇچىلارغا  يېقىندىن  ياردەمدە بولۇپ،  مەكتەپ ئوقۇ-ئوقۇتۇش خىزمىتىنىڭ  سەرخىللىشىشى ئۈچۈن ياخشى تۆھپە قوشۇپ كەلدى.  يىراق مۇساپىلىق ئوقۇتۇش تورىدىن تارقاتقان دەرسلەرنى ۋاقتىدا چۈشۈرۈپ،  تىزىملاش تارقىتىش خىزمىتىنى چىڭ تۇتۇپ،  دەرسخانىدا ئەمەلىي قوللىنىشىنى ئىلگىرى سۈرۈش ئۈچۈن ياخشى ئاساس سېلىپ كەلدى.
« بىز ئىلگىرى بور بىلەن دەرس ئۆتەتتۇق، ھازىر ئوقۇتۇش خىزمىتى بەك زامانىۋىلىشىپ كېتىپتۇ، مۇشۇنداق ئوقۇتۇش ۋاستىلىرى ئىلگىرى بولغان بولسىچۇ» دېدى،- مەكتەپ ماتىماتىكا ئوقۇتقۇچىسى ئارزىگۈل ھەسەن.
« ئىلگىرى بىز ئوقۇغاندا بۇنداق ئوقۇتۇش ۋاستىلىرى يوق ئىدى، ئوقۇتۇش ھەقىقەتەن زامانىۋىلىشىپ كېتىپتۇ» دېدى،- ئىلگىرى بۇ مەكتەپنى پۈتتۈرگەن مەخمۇتجان توختى.
مەكتەپ بويىچە،  ھەتتا ناھىيە بويىچە ئەنۋەرجان ياسىننىڭ زامانىۋى ئوقۇتۇش جەھەتتىكى نەتىجىلىرىنى مۇئاييەنلەشتۈرىدىغانلار بەكلا كۆپ. ئۇنىڭ بۇ جەھەتتىكى تۆھپىسىنى كۆزدە تۇتۇپ، ناھىيىلىك مائارىپ ئىدارىسى يۆتكەپ ئىشلىتىش تەكلىپىنى بەرگەندە، ئۇ مەكتەپكە بولغان ئوتتەك ئىشتىياقى بىلەن ئۇلارنىڭ تەلىپىنى رەت قىلىپ يەنىلا مۇشۇ مەكتەپتە ئىشلەپ كەلمەكتە.
ئەنۋەرجان  ياسىن  يۇقىرىقىدەك  ئەمەلىي خىزمەت نەتىجىلىرى بىلەن، 2007 –يىلدىن باشلاپ ھازىرغىچە  ۋىلايەتلىك مائارىپ ئىدارىسى  تەشكىللىگەن ئوتتۇرا- باشلانغۇچ مەكتەپ  ئوقۇتقۇچىلىرىنىڭ دەرس دېتالى تۈزۈش مۇسابىقىسىدە، ئۇ تۈزىگەن بىر پارچە دەرس دېتالى مۇنەۋۋەر دەرس دېتالى، ئۈچ پارچە دەرس دېتالى بىرىنچى دەرىجىلىك شەرەپكە،  بىر پارچىسى ئىككىنچى دەرىجىلىك شەرەپكە ئېرىشكەن. ناھىيە ۋە مەكتەپ تەرىپىدىن كۆپ قېتىم «مۇنەۋۋەر پارتىيە ئەزاسى»، «ئىلغار خىزمەتچى»، «مۇناۋۋەر سىنىپ مۇدىرى»، «مىللەتلەر ئىتتىپاقلىقىدىكى ئىلغار شەخس» دېگەن شەرەپلەر بىلەن مۇكاپاتلانغان. ئۇنىڭ تىرىشچانلىقى ئاستىدا مەكتەپ 2005-يىلى ئاپتونۇم رايون، 2012-يىلى ئاقسۇ ۋىلايىتى تەرىپىدىن زامانىۋى يىراق مۇساپىلىق ئوقۇتۇش خىزمىتىدىكى ئىلغار كوللېكتىپ مۇكاپاتىغا ئېرىشكەن.

كېلىش مەنبە :http://uy.ts.cn/homepage/content/2013-05/28/content_281959.htm
تەڭرىتاغ ئۇيغۇرچە تورى

زەپەر

بايقاش مۇنبىرىدە ئەنە شۇنداق مائارىپتا  ئۈنتىنسىز ئىشلەۋاتقان ئەنۋەرجان ياسىن ئەنە شۇنداق ئوقۇتقۇچىلارنىڭ بىرى ھەممەيلەن شۇ ئۇقۇتقۇچىنىڭ روھىدىن ئۈگۈنۈشىمىز كىرەك  شۇڭا سىزنىڭ تېخىمۇ ئالغا بېسىشىڭىزگە تىلەكداشمەن

barqin

ئەنۋەرجان ئەپەندىنىڭ بۇندىن كىيىنكى خىزمەت ۋە تۇرمۇشىنىڭ ئۇتۇقلۇق ۋە خاتىرجەم بۇلىشىغا تىلەكداشمىز،
مۇمكىن بولسا مۇكاپاتقا ئېرىشكەن دەرسلىك دىتالدىن بىرىنى ئۆرنەك قىلىپ، شۇ دىتالنىڭ ياسىلىش جەريانىنى تورداشلار بىلەن ئورتاقلاشساق ئوقۇتقۇچىلارنىڭ بۇندىن كىنيىنكى دەرسلىك دىتال تۈزۈش جەھەتتە مۇئەييەن دەرىجىدە پايدىسى بار دەپ قارايمەن

بەختىيار(بايقاش

ئەنىۋەرجان ياسىن ئۇستازنىڭ بۇنىڭىدىن كېينىكى خىزمەتلىرىگە زور ئۇتۇقلارنى تىلەيمەن!

دىلرۇس

ئوقۇتۇشنىڭ بىرىنچى سېپىدە تۈرلۈك ئوقۇتۇش ۋەزىپىلىرىنى بىجندىل ئورۇنلاۋاتقان ئۇستازلارغا ئالىي ئېھتىرام.

pari

ئەنۋەرجان ياسىننىڭ بۇنىڭدىن كېيىنكى خىزمەتلىرىگە تېخىمۇ زور ئۇتۇقلار تىلەيمەن .

安外尔

بۇلىدۇ .تۈزگەن دەرسلىك دېتالنى يوللاپ قۇياي