ئۈمۈدسىزلىك

pari

ئۈمۈدسىزلىك
ئىككى ئادەم چەكسىز كەتكەن قۇملۇقتىن ئۈتۈپ كېتىۋېتىپ ، ئارىدىن بىرى ھالسىزلىنىپ ماڭالماي قاپتۇ .
ئۇسسۇزلىقتىن چاڭقاپ كەتكەن يەنە بىر ھەمراھى ئۇنىڭغا :
-سەن بۇ يەردە ساقلاپ تۇر ، مەن سۇ ئىزدەپ باقاي ،- دەپتۇ ۋە تاپامچىسىنى ھەمراھىغا تۇتقۇزۇپ ، جېكىلەپتۇ:
-تاپانچىدا بەش پايلا ئوق بار . ئېسىڭدە بولسۇن ئۈچ سائەتتىن كېيىن ھەر سائەتتە بىر پايدىن ئاسمانغا قارىتىپ ئوق چىقارغىن ، مەن ئوق ئاۋازىغا  ئاساسەن تەرەپنى توغرا پەرق ئېتىپ سېنى تاپالايمەن .
ئىككەيلەن ئايرىلغاندىن كېيىن ھەمراھى تولۇپ تاشقان ئىشەنچ بىلەن سۇ ئىزدەپ كېتىپتۇ يەنە بىرى ئۈمۈدسىزلەنگەن ھالدا قۇملۇقتا ساقلاپ تۇرۇپتۇ .ئۇ سائىتىگە قاراپ تۇرۇپ دەل ۋاقتىدا ئاسمانغا قارىتىپ ئوق ئۈزۈپتۇ . ئەمما ئۇ ھامراھىنىڭ تاپانچا ئاۋازىنى ئاڭلىيالىشىغا ھەمدە سۇ تېپىپ كېلىشىگە زادىلا ئىشەنچ قىلالماپتۇ .ئويلىغانسېرى ئۇنى سۇر بېسىپتۇ .ئەڭ ئاخىرقى بىر پاي ئوقنى ئاتىدىغان چاغدا ئۇ ناھايىتى ئىككىلىنىپتۇ .
“بۇ دىگەن ئەڭ ئاخىرقى بىر پاي ئوق ، بۇ ئوقنى ئاتقان تەغدىردىمۇ ھەمراھىم ئۇنىڭ ئاۋازىنى ئاڭلىيالمايدۇ .ئەڭ ياخشىسى بۇ ئوقنى ئاسمانغا ئېتىپ زايە قىلغاندىن كۆرە ، ئۆزۈمنى ئېتىۋېلىپلا ھاياتىمنى ئاخىرلاشتۇرغىنىم ئەۋزەل ئەمەسمۇ ؟ “ ئۇ شۇ خىياللار بىلەن تاپنچىنى ئۆزىنىڭ پىشانىسىگە توغۇرلاپ تەپكىنى بېسىپتۇ .
ئارىدىن ئۇزاق ئۆتمەيلا لىققىدە بىر كومزەك سۇ كۆتىرۋالغان ھەمراھى بىر تۆگە كارۋىنىنى باشلاپ يىتىپ كەپتۇ .ئەمما ئۇلار قان ئىچىدە ياتقان بىر جەسەتنىلا كۆرۈپتۇ .
مەنبە: شىنجاڭ مائارىپى

مەرىپەت

بۇنى ئىلگىرىمۇ ئوقۇغان، مەزمۇنى ھەقىقەتەن ياخشى . ئۈمىدسىزلىك ئەڭ چوڭ دۈشمەن، مەيلى نىمىلا بولسۇن  ئۈمۈدۋار ياشىشىمىز كېرەك.  رەھمەت دوستۇم.

ئىلغار

ئارزۇ ئۈمۈتلۈك بولوشىمىز لازىم ،مەزمۇنى ھەقىقەتەن ياخشىكەن

بەختىيار(بايقاش

ئۈمىدسىزلىك كىشىنى ھالاكەت دېڭىزغا ئېتتىرىدۇ،شۇنىڭ ئۈچۈن ھەر ۋاقىت ئۈمۈدۋار ياشىشىمىز كېرەك...رەھمەت سىزگە!

قەسىر

تېمىڭىزدىن «ئۈمىدۋارلىق كىشىنى ئالغا باستۇرىدۇ،ئۈمىدسىزلىك كىشىنى مەغلۇبىيەت يولىغا باشلايدۇ.ئۈمىدسىزلىك مەغلۇبىيەتنىڭ مۇقەددىمىسى»دېگەن ئەقىلىيە سۆزلەرنى ئېسىمگە ئالدىم.

سەييارە0

ئىبرەتلىك ئەسەر ئىكەن،ئۈمۈتلۈك بولوپ،ئۈمۈدۋار ياشىشىمىز كېرەك.

زەپەر

ئادەم دىگەن چۇقۇم ئۈمۈتلۈك بۇلىشى كىرەك  ئۈمۈتسىز كىشىلەر مەڭگۈ ئالغا باسالمايدۇ . شۇڭا ھەرقانداق بىر كىشىدە چۇقۇم ئۈمۈد  ۋە نىشان بۇلىشى كىرەك  

دىلرۇس

بۇ ئىبرەتلىك ھېكايەت ھەر بىرىمىز ئۈچۈن بىر ئەينەك. ئادەم دېگەننىڭ بېشىغا ھەر ئىشلار كېلىدۇ. بەزىدە ئۈمىدسىزلىنىپ ئۆزىمىزنى يوقۇتۇپ قويىدىغان ۋاقىتلىرىمىزمۇ بولىدۇ، شۇنداق چاغلاردا بۇ ھېكايىنى ئېسىمىزگە ئېلىپ ئۈمىدۋارلىق بىلەن رىئاللىققا يۈزلەنسەك، چوقۇم چىقىش يولىنى تاپالايمىز.
سىزگە رەھمەت.

زەھرا

ئۈمىدۋارلىق ۋە ئىشەنىچ كىشىلىك ھاياتنى  ھەقىقى مەنىگە ئىگە قىلىدۇ .ھەر قانداق ئىشتا نەتىجە يارتىشنىڭ ئاساسى يەنىلا ئۈمىدۋارلىق .ھەممىمىز ئۈمىدۋار كىشىلەردىن  بولايلى.

توغراق

ئۈمىدۋارلىق ۋە ئىشەنىچ كىشىلىك ھاياتنى  ھەقىقى مەنىگە ئىگە قىلىدۇ ،ئادەم دىگەن چۇقۇم ئۈمۈتلۈك بۇلىشى كىرەك  ئۈمۈتسىز كىشىلەر مەڭگۈ ئالغا باسالمايدۇ ئەلۋەتتە ئادەم سەپەرگە چىققاندا بىر-بىرسىگە ھەقىقى ئشنىشى ،بىر-بىرسىنى ھەقىقى چۈشنشى لازىم .