قۇتلۇق ئالمىسى

pari

                 بىر تىلەمچى بولۇپ ئۇ كۈن بويى سىرتتا تىلەمچىلىك قىلىدىكەن ،بىر كۈنى بىر پادىشاھ ئۇچراپ قاپتۇ .
   -ياخشىلىق قىلغايلا ،بىر نەرسە يىمىگىنىمگە بىر كۈن بولدى ،- دەپتۇ .
- مەن ھازىر ئوردىغا قايتىپ شاھلىق سەلتەنەتىمنى ساقلاپ قالمىسام بولمايدۇ ،-دەپتۇ پادىشاھ .
              ئەسلىدە ئوردىدا سىياسى ئۆزگىرىش يۈز بېرىپ ۋەزىرلەر تەختنى تارتىۋالماقچى بولغانىكەن .پادىشاھ ئوردىغا بېرىپ بۇ قالايماقانچىلىقلارنى بېسىقتۇرماقچى ئىكەن ، نەۋكەرلەر تىلەمچىنى ھەيدىۋېتىپتۇ .
              ئىككىنچى كۈنى بۇ تىلەمچى بىر سودىگەرگە ئۇچراپ قاپتۇ .
-ياخشىلىق قىلغايلا ،بىر نەرسە يىمىگىنىمگە  ئىككى كۈن بولدى ،- دەپتۇ  تىلەمچى .
-يولۇمنى توسما ، مەن بىر چوڭ  سودا ئۈچۈن ئالدىراش كېتىۋاتىمەن،- دەپتۇ سودىگەر ۋە تىلەمچىنى ئىتتىرىۋېتىپ ئۆتۈپ كېتىپتۇ  .
           ئۈچىنچى كۈنى تىلەمچى بىر تالىپقا ئۇچراپ قاپتۇ .
-ياخشىلىق قىلغايلا ،بىر نەرسە يىمىگىنىمگە  ئۈچ  كۈن بولدى ،- دەپتۇ  تىلەمچى .
            تالىپ ئاستانىگە بېرىپ ئەمەلدارلىق ئىمتىھانى بەرمەكچى ئىكەن . ئىمتىھاندىن ئۆتۈپ كېتىدىغانلىقىغا بەك ئىشىنىدىكەن ، ئۇ قەھرى بىلەن تىلەمچىگە ئالىيىپ قويۇپ ئۆتۈپ كېتىپتۇ .
            تۆتىنچى كۈنى تىلەمچى بىر دېھقانغا ئۇچراپ قاپتۇ .
-ياخشىلىق قىلغايلا ،بىر نەرسە يىمىگىنىمگە تۆت كۈن بولدى ،- دەپتۇ  تىلەمچى .
- ۋاي بىچارە ! بۇ ئالمىنى يە !......،-دەپتۇ دېھقان بىر ئالمىنى تەڭلەپ .
           تىلەمچى ئالمىنى يەپ بولۇپ بىر تال ئۇرۇقنىدېھقانغا قايتۇرۇپ  بېرىپتۇ .
            كېلەر يىلى باھاردا دېھقان ھېلىقى ئالما ئۇرۇقىنى تېرىغانىكەن ،ناھايىتى چوڭ ئالما دەرىخى كۆلەپ چىقىپ بۇلۇق مېۋە بېرىپتۇ .
       دېھقان ھېلىقى ئالما ئۇرۇقىنىڭ نامىنى قۇتلۇق دەپ قويۇپتۇ . ئالمىنى بولسا قۇتلۇق ئالمىسى دەپ ئاتاپتۇ . كېيىنكى كۈنلەردە ھېلىقى ھوقوقپەرەز شاھ ،مەنپەئەتپەرۋەر سودىگەر ، شۆھرەتپەرەز تالىپلار قۇتلۇق ئالمىسىدىن يىيەلمەپتۇ .

ھېكمەت :سىز پەقەت ياخشىلىق قىلىشتىن باش تارتمىسىڭىزلا زور ئۇتۇققا ئېرىشەلەيدىكەنسىز ،قانچە كۆپ ياخشىلىق قىلسىڭىز شۇنچىكى  كۆپ ياخشىلىققا ئېرىشەلەيدىكەنسىز ، پەقەت سىزنىڭ ياخشىلىقىڭىزغا مېھرىبانلىق ۋە ساپ ۋىجدان ئارىلاشقان بولسىلا قۇتلۇق ئالمىسىغا ئېغىز تېگەلەيدىكەنسىز .

بەختىيار(بايقاش

تېمىڭىزغا رەھمەت.

گۈلزار

ياخشىلىق يەردە قالمايدۇ . دۇنيا مېھرى -مۇھەببەت بىلەن گۈزەلدۇر .  ھەر بىرىمىز  شەخسىيەتسىز ياردەم بېرىش روھىنى يېتىدۈرسەكلە بۇ دۇنيا  تېېخىمۇ گۈزەللىككى تولۇپ  بۇ ھايات تېخىمۇ مەنىلىك ئۆتكەن بولاتتى . تەربىېىۋى ئەھمىيىتى يوقۇرى تېما يوللاپسىز .رەھمەت  دوستۇم
来自: Android客户端

دىلرۇس

سەن خەيرۇ- ئېھسان قىلالىساڭ، سەنمۇ ئۇنىڭغا ئېرىشەلەيسەن. ئەتىراپىمىزغا، بولۇپمۇ چەت- يىراق كەنتلەرگە بارسىڭىز سىز ۋە مېنىڭ ياردىمىمگە تەشنا بولىۋاتقان قېرىنداشلىرىمىزنى ئۇچۇرتۇپلا تۇرىدىكەنسىز، گەرچە ئۇلارنىڭ ھالىدىن پارتىيە، ھۆكىمىتىمىز خەۋەر ئېلىۋاتقان بولسىمۇ ئۇلار يەنىلا ياردەمگە مۇختاج. دېمەكچىمەنكى، خەيرى- ئېھسان قىلىپ تۇرسىڭىز ھەم قۇتلۇق ئالمىسىغا ئېرىشەلەيسىز ھەم نامىڭىز ئەل ئارىسىدا تارىلىدۇ.
تەربىيۋىي ئەھمىيىتى يۇقىرى  تېما ئېلىپ كەلگىنىڭىزگە تەشەككۈر!

Qol~Ogli

      مەن يەنە بىر نۇقتىدىن - مىننەتسىز ئەجىر قىلغۇچى، شەخسىيەتسىز تۆھبە قوشقۇچى،قولى ئوچۇق ساخاۋەتچى ،قاداق باسقان يىرىك قولىدىن گۈل ئۈنىدىغان دىھقان ئوبرازىنى كۆردۈم .