ئىبرەتلىك ھېكايەت

قەسىر

                                                      ئىبرەتلىك ھېكايەت

                                           بەك ئىچەرمەن ئىككى ئۆلپەتداش،
                                              خىلۋەت ئۆيدە ھاراق ئىچىپتۇ.
                                                ناركوزلىغاچ ئەقلىنى ھاراق،
                                                كاللىسىدىن ئەقىل قېچىپتۇ.

                                               ئىچىۋەرگەچ ھاراقنى ئاخىر،
                                            بىرى يېتىپ قاپتۇ مەس-ئەلەس.
                                          بىرى«خار-خار»-قىپتۇ دۈم چۈشۈپ،
                                               تىنىپ قاپتۇ ئالالماي نەپەس.

                                           كەچ كىرىپتۇ ھەش-پەش دېگۈچە،
                                                   بىرى كەپتۇ چالا ھۇشىغا.
                                            پۇتلۇشۇپتۇ دەلدەڭشىپ بېرىپ،
                                                  ئۆلۈپ قالغان ھامراھىغا.

                                             ئاران مېڭىپ مۈدۈرلىگەنچە،
                                       «تۇر-تۇر!»-دەپتۇ،«كېتەيلى ئۆيگە».
                                         زۇۋان سۈرمەي ياتقاچ چەكچىيىپ،
                                                 بىر تېپىپتۇ قۇلاق تۈۋىگە.

                                           تەۋرەنمەپتۇ يەنە يوق ئىنكاس،
                                              جىملا ياتقان ئوڭدىغا قاراپ.
                                              شۇئان مەست ئېسىنى يىغىپ،
                                          «ئۆلۈپتۇ!»-دەپتۇ،قورقۇپ توۋلاپ.

                                               چالۋاقاپتۇ كۆزى چەكچىيىپ،
                                          «ئادەم بارمۇ!!!»-دەپتۇ،تىتىرەپ.
                                              قورقۇنۇچلۇق كېچە دالادىن،
                                             سۈر بېرىپتۇ ئاڭا ھەر تەرەپ.

                                            ئەس-ھۇشىنى يوقۇتۇپ يەنە،
                                                يېقىلىپتۇ ئۆلگەن يېنىغا.
                                             تاڭ سەھەر ھۇشىغا كەلسە،
                                           چۈشكەن ئىمىش ساقچى قولىغا.

                                       «ھەمراھىڭنى ئۆلتۈردىڭمۇ؟!»-دەپ،
                                          ساقچى سۇئال-سوراق سوراپتۇ.
                                          تاپالماپتۇ‹ئاق›لىققا ئىسپات،
                                           ئاھ!چارىسىز تۈرمىدە قاپتۇ.

                                        جىلۋەت ئۆينى قايتا تەكشۈرۈپ،
                                         ساقچىلارمۇ بەك ھەيران قاپتۇ.
                                    «ئورۇن ئوخشاش،ئىچكىنى ئوخشاش،
                                       ئەجىبا بۇ قانداق ئىش؟؟؟»-دەپتۇ.

                                           رازۋىت قىلىپ تېپىپتۇ ئاخىر،
                                              تورۇستا قارا ئۆمۈچۈكنى.
                                           ئىچىشكەندە رومكا ئىچىگە،
                                        تاشلىغانكەن‹زەھەر›لىك تورنى.

                                         ئىككى‹زەھەر›جېنىنى ئالغاچ،
                                           كېتىپتۇ ئۆلگەن-ئۆلگەنچە.
                                           تۈرمىدىكى چىقىپتۇ ئەمما،
                                          قاراپلا تۇرغىدەك كۈلگەنچە...

                                        شۇنداق قىلىپ بۇ ئىككەيلەنگە،
                                          سوۋغات قىپتۇ ھاراق تالاپەت.
                                            ئېكەك ساپتۇ شېرىن جېنىغا،
                                          ئۆلپەتدېشى ھاراق ئاقىۋەت.

                                           بۇ ۋەقەنى كۆرگەن-ئاڭلىغان،
                                         تەسىرلىنىپ ئاپتۇ كۆپ ئىبرەت.
                                          ھاراق دېگەن ھارام نەھىگە،
                                         ياغدۇرۇپتۇ تۈمەنمىڭ نەپرەت.

                                         يۇرت ئىچىدە ھەممە پۇقراسى،
                                           ھاراقنى مۇتلەق چەكلەپتۇ.
                                          دۇكانلاردا كۆرۈنسە ھاراق،
                                          شۇ دۇكاننى تېز پىچەتلەپتۇ.

                                             مەنبە__ قەسىرخانىم

زەھرا

ياخشىمۇسىز قەسىر خانىم ؟  بارىكاللا ،بەك قاملاشتۇرۇپ يېزىپسىز ....
    ئىجتىمائى  تۇرمۇشىمىزدىكى ھاراقتىن ھالاكەتكە يولۇققانلارنىڭ تەقدىرىنى شىئېرىي مېسىرالار ئارقىلىق جانلىق سۈرەتلەپ بېرىپسىز .ھەمدە ھاراقنىڭ يامان ئاقىۋىتىدىن ئىبرەت ئېلىشقا چاقىرىق قىپسىز .....
    سەر خىل تېمىلىرىڭىز ،نادىر ئىجادىيەتلىرىڭىز  ئۈزۈلۈپ قالمىسۇن .داۋاملىق تىرشىڭ !...

يۈسۈف

تۇرمۇشقا بەكمۇ ماس كەپتۇ،بارىكاللا

بەختىيار(بايقاش

شېئىرى ئىلھاملىرىڭىزغا بارىكاللا!
‹‹مايمۇننىڭ ئادەم بولمىقى مىليۇن يىل بىراق،ئادەمنىڭ مايمۇن بولمىقى بىر شىشە ھاراق››.
ئۆز ھاياتىمىزنى قەدىرلەپ،ھاراقتىن يىراق تۇرايلى!
تېمىڭىزغا رەھمەت.

Qol~Ogli

بۇ ھېكايەتنى خېلى بۇرۇنلا ئاڭلىۋىدىم ،« قەسىر » - شېئىرى شەكىل ئارقىلىق تېخىمۇ ئوبرازلىق ئىپادىلەپتۇ ، ئەجىرىڭىزگە رەھمەت ،ئىجادىڭىزغا ئوتۇقلا تىلەيمىز.

muhammad

ياخشى تىمىكەن
来自: Android客户端

قەسىر

زەھرا يوللىغان ۋاقتى  2013-6-17 19:41
ياخشىمۇسىز قەسىر خانىم ؟  بارىكاللا ،بەك قاملاشتۇرۇپ ي ...

  رەھمەت.تېمامنى ياقتۇرۇپ دانا تەستىق-باھا ھەم ئىلھام-مەدەت بېرىپسىز.
   

قەسىر

بەختىيار(بايقاش يوللىغان ۋاقتى  2013-6-17 22:32
شېئىرى ئىلھاملىرىڭىزغا بارىكاللا!
‹‹مايمۇننىڭ ئادەم  ...

دانا ھەم قايىل قىلارلىق نەقىل-ئىنكاس قالدۇرۇپسىز.رەھمەت!

قەسىر

Qol~Ogli يوللىغان ۋاقتى  2013-6-17 22:59
بۇ ھېكايەتنى خېلى بۇرۇنلا ئاڭلىۋىدىم ،« قەسىر » - شېئىر ...

دەرۋەقە سىزمۇ بۇ ۋەقەدىن خەۋەردار ئىكەنسىزدە؟
   قىممەتلىك تەكلىپ-پىكىرىڭىزگە رەھمەت!

yalhuztuyun

سىلى بەك ئەھمىيەتلىك ، ئىبرەتلىك شېئېردىن بىرنى يېزىپسىز قوللىرىڭىزغا دەرت بەرمىسۇن.....