تېپىشماق تېپىپ ، زېھنىڭىزنى سىناپ بېقىڭ ( 2 )

pari

تېپىشماق تېپىپ ، زېھنىڭىزنى سىناپ بېقىڭ ( 2 )

1) ئوق تەگسە تۆشۈك قالماس،
تىغ تەگسە ئىزى قالماس،
بولقا بىلەن يەنچىپ بولماس ،
جاندار ئاڭا زادى قانماس.  (   بۇ نىمە ؟؟ )

  2) ئۈستىدىمۇ ئوتلاق بار ،
ئاستىدىمۇ ئوتلاق بار ،
ئوتتۇرسىغا جايلاشقان ،
بىرلا ئۈزۈم جايلاشقان . (   بۇ نىمە ؟؟ )

3) ئىگىز تاغنىڭ ئۈستىدە ،
يۇمران چۆپلەر دۆۋىسى،
ئورىۋەتسەك ئۇلارنى ،
ئايدا ئۆسۈپ چىققۇسى .(   بۇ نىمە ؟؟ )

4) ئىككى ئىناق بىر تۇققان ،
بەكمۇ ئامراق ئىككىسى ،
ئەگەر بىرسى  بولمىسا ،
كەلمەس تاماق ئىچكۈسى .(   بۇ نىمە ؟؟ )

5) يوچۇقى يوق ئاپپاق توپ ،
ئىچىدە كۆل بار سۈپسۈزۈك،
ئۈزۈپ لەيلەپ يۈرىدۇ ،
سېرىققىنا بىر ئۈزۈك .(   بۇ نىمە ؟؟ )

6) يۇلتۇزمىكىن دىمەڭلار ،
يىراق ئەمەس يۇلتۇزدەك ،
يۇلتۇزلاردەك نۇر چاچسا ،
كېچە بولار كۈندۈزدەك.(   بۇ نىمە ؟؟ )

7) بىر پارچىسى سول ياقتا ،
بىر پارچىسى .وڭ ياقتا ،
بىر بىرنى كۆرەلمەس ،
ئۆتۈپ كېتەر شۇنداقلا .  [(   بۇ نىمە ؟؟ ) /color]

گۈلزار

ياخشىمۇسىز دوستۇم ؟
ئۆزگىچە تېمىلىرىڭىز ئارقىلىق مۇنبەرنى ئاۋتلاشتۇرۋاتىسىز رەھمەت سىزگە
ئەمىسە مەنمۇ بىلگىنىمچە جاۋابنى دەپ باقاي ھە .

1 › ھاۋا .
2 › كىرپىك بىلەن كۆز
3 › باش بىلەن چاچ
4 › قازان بىلەن ساپلۇق
5 › تۇخۇم
6 › چىراق
7 › كۆز

خاتا بولۇپ قالسا مازاق قىلماڭ -ھە ؟

كۈنقۇت

1. ھاۋا
2. كۆز
3. چاچ
4. چوكا
5. تۇخۇم
6. چىراق
7. قۇلاق

تۇرخان

1-ھاۋا بىلەن سۇ 2-كۆز 3-چاچ 4-قازان-چۇمۇچ  5-تۇخۇم  6-ئىلكتىر چىراق  7-كۆز

بايقاش

گۈلزار يوللىغان ۋاقتى  2013-6-5 19:13
ياخشىمۇسىز دوستۇم ؟
ئۆزگىچە تېمىلىرىڭىز ئارقىلىق مۇن ...

مەنمۇ تېپىشقا تېپىشقا بەك ئامراق ئىدىم. ماڭا بىرنىمۇ قالدۇرماي تېپىۋاپسىزغۇ؟

سەييارە0

پەرى خانىم كۇندە تېپىشماق يوللاپ زىھنىمىزنى ئېچىپ قۇيدىڭىز جۇمۇ،رەخمەت سىزگە.

يۈسۈف

مەنمۇ دوستلارنىڭكىنى قوللايمەن

زەھرا

نېمىشقا مېنى ساقلاپ تۇرماي جاۋابىنى تېپىۋالدىڭلار ،ھە،يەنە بولسا ئېيتىڭلار ،ئەمدى ئۆزۈملا تاپاي .