گۈللىنەتتى ئۇيغۇر مائارىپى

ئابلەت28

گۈللىنەتتى ئۇيغۇر مائارىپى

ئا. ت. شامال

ئۇستاز دىگەن ئۇستازدەك بولسا،
خىزمىتىگە جان كۆيەربولسا .
ئەۋلاد ئۈچۈن ئۇ ئۆلەر بولسا،
گۈللىنەتتى ئۇيغۇر مائارىپى.

مەكتەپلەردە بولسا يېڭىلىق،
ھەممىمىزدىن قالسا كونىلىق  .
راۋاجلانسا بىزدە قىزغىنلىق،
گۈللىنەتتى ئۇيغۇر مائارىپى.

ھەمرا قىلساق بۇرچ تۇيغۇنى،
قويۇپ قويساق تاتلىق ئۇيقۇنى.
مىللەت ئۈچۈن قىلساق قايغۇنى،
گۈللىنەتتى ئۇيغۇر مائارىپى.

رەڭۋازلىق بىزدە كۈتۈرمىسە باش،
چىقمايتى بىزلەردەبىھۇدە  قاقشاش،
ئوقۇتۇش بولساھەممىگە يولباش
گۈللىنەتتى ئۇيغۇر مائارىپى

تۆككەن ئەجىرگە قىلمىساق مىننەت،
جاپا ئەجىردىن پۈتۈلسە مېھنەت  .
ياش بوغۇنلارغا ئىچكۈزسەك شەربەت.
گۈللىنەتتى ئۇيغۇر مائارىپى

رەھبەرلەرمۇ ئىجادچان بولسا،
ئۇستاز شاگىرىت تىرىشچان بولسا.
ھەممە بىردە ك تەلەپچان بولسا،
گۈللىنەتتى ئۇيغۇر مائارىپى.

باشلىقلارمۇ ئۇنۋان ساتمىسا،
خۇشامەتچى ئىشىك قاقمىسا.
ئىش يۈرۈشسە بېشىم قاتمىسا،
گۈللىنەتتى ئۇيغۇر مائارىپى.


بىكارچىلىقتا كۈننى ساتمىساق،
ماختاشلارغا غەيۋەت قاتمىساق.
ناچارلارغا قانات ياپمىساق،
گۈللىنەتتى ئۇيغۇر مائارىپى.

ياشلار دېگەن ياشلاردەك بولسا،
ياخشى تەدبىر پاراسەت قاتسا.
بايراق تۇتۇپ ئالدىدا ماڭسا،
گۈللىنەتتى ئۇيغۇر مائارىپى.

ئادەم تەربىيلەش بولسا ئېتىقات،
ئەۋلات بىلىمدىن ياسىسا  قانات.
خەلقىم رەھمىتى بولسا مۇكاپات،
گۈللىنەتتى ئۇيغۇر مائارىپى.

مەرىپەت

شئېرنى  بەك ياخشى يېزىپسىز، بارىكاللا... مۇشۇنداق ئىجادىي ئەسەرلىرىڭىز بولسا داۋاملىق ئالغاچ كېلەرسىز...

سەييارە0

ياخشى شېر،قەلمىڭىزگە دەت كەلمىسۇن.

ئابلەت28

مەرىپەت يوللىغان ۋاقتى  2013-6-4 23:55
شئېرنى  بەك ياخشى يېزىپسىز، بارىكاللا... مۇشۇنداق ئىجاد ...

قوللىغىنىڭىزغا رەھمەت      چوقۇم ياخشى شىئىرلارنى ئېىپ كېلىمەن

ئىستەك

ناھايىتى ياخشى شىېئر ئىكەن ، مىللىي مائارىپىمىزدا ساقلىنۋاتقان بىر قىسىم ئىللەتلەرنى ، كۈن ئۆتكۈزۈشكە تۇرۋاتقان بىر قىسىم ئۇقۇتقۇچىلارنى ئەينەن ئىپادىلەپ بىرىپسىز ، نادىر تىمللىرىڭىز ئۈزۈلۈپ قالمىسۇن

بەختىيار(بايقاش

ھەقىقەتەن ياخشى يېزىلغان شېئىر،تىلى ئاممىباب ھەم چۈشىنىشلىك،ئىجادىتىڭىزگە بارىكاللا،بۇنىڭىدىن كېيىن مۇشۇنداق ئېسىل يازمىلىرىڭىز مۇنبەردىن ئۆكسۈپ قالمىغاي!

دىلكەش

داۋاملىق مۇشۇنداق ياخشى شىئىرلارنى يېزىپ تۇرغايسىز .بىز يازالمىغاندىن كىيىن ياقتۇرۇپ ئوقۇيمىز .

قەسىر

ئۇستازغا خاس بولسا سالاپەت،
      ئەقىدىدىن تۆكۈلسە مېھنەت.
    خاسلىق بولسا ئۆزگىچە قىممەت،
      گۈللىنەتتى ئۇيغۇر مائارىپى.

  گۈزەل ئارزۇلارنى شېئىرى مىسىرالىرىڭىز ئارقىلىق ماھىرلىق بىلەن ئەينەن ئىپادىلەپسىز،ئاپىرىن!ئىجادىيىتىڭىز قۇت تاپسۇن!
                           

گۈلزار

ئۇيغۇر مائارىپىمىزدىكى ساقلىنىۋاتقان ئىللەتلەرنى ئەينەن سۈرەتلەپ بېرىپسىز .  دىمىسىمۇ ئويغۇنىدىغان يەرگە كېلىپ قالدى .  ھەممىمىز ئاغزىمىزدىلا ئويغانماي ئەمىليىتىمىزدە كۆرسىتىشىمىز كېرەك .شۇندىلا ئۇيغۇر مائارىپىزنىڭ گۈللەپ  خۇش پۇراق چېچىلىشنى كۆرەلەيمىز .
رەھمەت سىزگە،  قەلەم تۇلپارىڭىزنىڭ  ھېرىپ قالماسلقىنى، تەپەككۈرلىرىڭىزنى تېخىمۇ قاناتلىشنى ئۈمىد قىلىمەن .

pari

شېئىرىڭىز بەك ياخشى چىقىپتۇ ، رەھمەت .
تازىلانسا مائارىپتىكى شۇ ئىللەت ،
تۈزىلەتتى ئۇيغۇر دىگەن بۇ مىللەت،
زەپەر قۇچۇپ ئىلگىرلىسە داۋامەت ،
گۈللىنەتتى دۇنيادا  ئۇيغۇر مائارىپى.