خوتەننىڭ(ئابدۇرېھىم ئابدۇراخمان كەشپى)

كەشپى

خوتەننىڭ

ئابدۇرېھىم ئابدۇراخمان

ھىدلاپ كەلدىم خۇشپۇراق گۈللىرىنى خوتەننىڭ.
تىڭشاپ كەلدىم خۇشناۋا كۈيلىرىنى خوتەننىڭ.

شۇنچە كۆركەم،ئازادە مېھرى ئىللىق-يېقىملىق،
بىر دۇنياغا ئوخشاتتىم ئۆيىلىرىنى خوتەننىڭ.

سەيلى قىلغاچ ھەر تەرەپ سىزىۋالدىم دىلىمغا،
ئەلگە راھەت قۇت بەرگەن يوللىرىنى خوتەننىڭ.

چىقتى شادلىق ئەۋجىگە تال-باراڭلىق ھويلىدا،
قېتۋالدىم قوشاققا تويلىرىنى خوتەننىڭ.

گېلەم،ئەدلەس،قاشتېشى تۈرى ھەر خىل مېۋىلەر،
قىپتۇ ئاۋات شۇنچە ئۇز بويلىرىنى خوتەننىڭ.

تىبابەتتە نامى بار قۇچقان شەرەپ-شانى بار،
شۇتاپ ھەممە بويلىدى ئىزلىرىنى خوتەننىڭ.

چاقنىتىدۇ كۆزلەرنى ھەر قەدەمدە يېڭىلىق،
دىدىم ئەجەپ بەختىيار كۈنلىرىنى خوتەننىڭ.

بىشارىتى نۇسرەتنىڭ ياخشى ھەمرا دوست دېگەن،
تۇتاي دېدىم سەپەردە قوللىرىنى خوتەننىڭ.

شۇڭا چالدىم سازىمنى كۈيلىرىمگە قېتىپمەن،
ھۆسۈن قوشقان دەۋرىمگە تونلىرىنى خوتەننىڭ.


2013-يىلى9-ماي خوتەن گېزتىدە ئېلان قىلىنغان

ئامان

بارىكاللا بۇرادەر، خوتەن ھەقىقەتەن خەلقى ئىشچان ۋە مېھماندوس گۈزەل يۇرت.
خوتەن ئۆزىنىڭ قەدىمىلىكى، ئۆزگىچە يەرلىك ئالاھىدىلىكى، مەدەنىيىتى، ئۆزگىچە يەرلىك ئالاھىدە مەھسۇلاتلىرى بىلەن ‹‹ئۈستى ئوچۇق موزىي›› دەپ ئاتىلىپ، ھەرقايسى ئەللەر ۋە قېرىنداش ئۆلكە-شەھەرلەردىكى كىشىلەرنى ئۆزىگە جەلىپ قىلىپ كەلمەكتە.
مۇشۇنداق سەرخىل ئىجادىي تېمىلىرىڭىز ئۈزۈلۈپ قالمىغاي، رەھمەت.

زەپەر

رەخمەت سىزگە .  بىر قېتىمدىلا خۇتەنگە كىلىپلا خۇتەن خەلقىنى ناھايتى ئۇبدان چۈشۈنۈپ يىتىپسىز .مەن ئويلايمەن خۇتەن خەلقى ھەقىقەتەن مىھماندۇس. كەڭ قۇرساق ،ئىشچان خەلىق . خۇتەن خەلقىنىڭ نۇرغۇنلىغان دۇىياغا داڭلىق قەدىمى بولغان ئاسارە ئەتىقىللىرى . داڭلىق ساياھەت ئۇرۇنلىرى ئارقىلىق كىشىلەرنى ئۈزىگە ياخشى جەلىپ قىلماقتا .بولسا باشقا ئۇرۇنلاردىكى دوس بارادەرلەرنىڭمۇ  يىپەك - ئەتلەس يۇرتى بولغان خۇتەنگە كىلىپ سەيلە ساياھەت قىلىپ كىتىشىنى ئۈمۈد قىلىمەن .

بەختىيار(بايقاش

كەشپى ئەپەندىمنىڭ بۇ شېئىرلىرىنى ئوقۇپ،خوتەنگە بېرىپ ساياھەت قىلىش ئىستىكىم بارغانسىرى كۈچىيىۋاتىدۇ...شېئىر ئىجادىيىتىڭىز بەرىكەتلىك بولغاي!!!

كەشپى

رەخمەت سىلەرگە مېنىڭ ئەسەرلىرىمنى ياقتۇرپ ئوقۇغانلىقىڭلاردىن سۆيۈندۈم.