بايقاشلىقلارغا سىگنال (چۇقۇم كۆرۈڭ)

بايقاش

بايقاشلىقلارغا سىگنال

ئارىمىزدا باشقىلارنىڭ كەينىدىن پىچاق ئۇرۇشقا، ساماننىڭ تىگىدىن سۇ يۈگۈرتىشكە ئامراق ئادەملەرنىڭ يۇقالمايدىغىنىغا ھەيرانمەن. ئادىل رىقابەتكە جۈرئەت قىلالمايدىغانلار ئاستىلا قۇيرۇقىنى قىستۇرۇپ يوقالسا بولمامدىغاندۇ؟ باشقىنى ئەسكى كۆرسىتىش ئارقىلىق ئۆزىنى كۆتۈرۈش، ئاسترتتىن كۈشكۈرتىشلەر ئۇلارغا شۇنچىلىك شەرەپلىك ئىش تۇيۇلىدىغان ئوخشايدۇ.
"بايقاش تورى ناچار تور، بىزنىڭ ئەڭ ياخشى تور، ئەگەر بايقاشتىن چىكىنىپ چىقسىڭىز باشقۇرغۇچى قىلىمىز، مائاش بېرىمىز، بايقاشتىكى سىزدىن باشقىلارنىڭ ھەممىسى نان قېپى! سىز بولمىسڭىز بايقاش بايقاش بۇلالمايدۇ." نېمە دىگەن كۈلكىلىك گەپلەر بۇ؟  بۇ بايقاشتىكى خېلى كۆپ قىسىم باشقۇرغۇچىلارغا ۋە غوللۇق ئەزالارغا چ چ ۋە باشقا يوللار ئارقىلىق قىلىنغان قۇتراتقۇلۇق(مەزمۇنى ئاساسەن بىرخىل). قارىغاندا ئۇلار بايقاشتىكىلەرنى كىچىككىنە مەنپەئەت ئۈچۈن تۇزىنى يەپ تۇز كورلۇق قىلىدىغان ناكەسلەرگە ئوخشىتىپ قاپتۇ.  بايقاشتىكىلەر كالۋا ياكى ھاماقەت ئەمەس، نېمىنىڭ ھەق، نېمىنىڭ ناھەق ئىكەنلىكىنى، ياخشى-ياماننى ناھايىتى ئوبدان پەرىق ئىتەلەيدۇ. كۈرەلمەسلەرنىڭ ئاۋارە بولغىنى قالىدۇ خالاس.
مەن بايقاشتىكى بارلىق باشقۇرغۇچى ھەم ئەزالار ئارىسىدا بىرەرمۇ ئادەمنىڭ بۇنداقلارنىڭ دېپىغا ئۇسۇل ئوينىمايدىغانلىقىغا چوڭقۇر ئىشىنىمەن. شۇنداقتىمۇ قىستۇرۇپ قويغۇم كىلىۋاتىدۇ. بايقاشتىكى بارلىق باشقۇرغۇچى ھەم ئەزالار، ئەگەر قايسى بىرىڭلار يۇقارقىدەك كۈرەلمەس نامەرتلەرنىڭ ئۇچۇرىنى تاپشۇرۇپ ئالغان ھەم شۇ سەۋەبتىن تەۋرىنىپ قالغان بولساڭلار ياكى ئاتالمىش "مائاشلىق" خىزمەتچى بولغۇڭلار، ئاتالمىش تېخىمۇ يۇقىرى دەرىجىلىك باشقۇرغۇچى بولغۇڭلار بولسا سىلەرنى تۇتۇپ قالمايمىز. يول بولسۇن. بىز چۇقۇم بايقاش مۇنبىرىنى ئۆزىنىڭ ئىللىق ئائىلىسى، سىرداش دوستى ۋە مەنىۋى تۇرمۇشىنىڭ مۇھىم تەركىۋى قىسمى دەپ بىلىدىغان، ئىرادىسى قەتئي، ئۇيغۇر مىللى مائارىپ ئىشلىرى ئۈچۈن خالىس تۆھپە قوشۇش روھىغا ئىگە، "ئىككى قېيىق" قا تەڭ دەسسىمەيدىغان، سادىق باشقۇرغۇچى ۋە ئەزالىرىمىز بىلەنمۇ ئىشلىرىمىزنى داۋاملاشتۇرۇپ كىتەلەيمىز.
بىز باشقىلارغا ھەسەت قىلمايمىز، دورامچىلىق، كۈرەلمەسلىك قىلمايمىز،  لېكىن دەۋىر ئېقىمىغا يېتىشىپ ماڭمايمۇ تۇرالمايمىز. ياخشىلارنىڭ تەجىربىلىرىدىن ئىجادى ئۆرنەك ئالىمىز، يىتەرسىزلىكلەرنى تۈزۈتۈپ، ئۆزىمىزنى مۇكەممەللشتۈرۈپ ماڭىمىز. بىزنىڭ مەقسىتىمىز: ئۈستۈنلۈك تالىشىش ئەمەس، بەلكى ئۆزئارا ياردەم بېرىش، ئۆزئارا كۆيۈنۈش ئاساسىدا ئورتاق ئىلگىرلەش، شۇنداقلا تور دۇنياسىدا ئۇيغۇر مىللى مائارىپ ئىشلىرى  ئۈچۈن بىر كىشلىك ھەسسە قۇشۇش!!!
مۇشۇ مۇناسىۋەت بىلەن مەن مۇنبىرىمىزدىكى بارلىق كونا-يېڭى تورداش دوستلارنىڭ كۈرەلمەسلەرنىڭ قۇتراتقۇلۇقلىرىغا ئىشەنمەي، بۇ يۈكسەك مەخسەت ئۈچۈن بىرلىكتە كۈچ چىقىرىشىنى ئۈمۈد قىلىمەن.

2013-يىلى 5-ئاينىڭ 12-كۈنى

پەتتار

مەن سىزنىڭ كۆز قاراشلىرىڭىزغا تامامەن قوشىلىمەن.ھەم سىزنىڭ پىكرىڭىزنى قوللايمەن.ئۇيغۇر دىگەن «ئۇيۇشماق»تۇرسا ،ئەمدى توردىمۇ بىر-بىرىمىزنىڭ ھولىنى كولاپ يۈرسەك سەت بولار.

بەختىيار(بايقاش

مەن بايقاش ئەپەندىمنىڭ بۇ پىكىرىنى قەتئىي قوللايمەن.ھەربىر باشقۇرغۇچى ھەم كونا-يېڭى ئەزالارنىڭىمۇ مەندەك ئويدا بولىدىغانلىقىغا ئىشنىمەن...باشقىلارنىڭ ھىيلە-نەيرەڭلىرىدىن پەخەس بولايلى.

ئالماس

بايقاشتىكى بارلىق ئەزالار بولسا ھەممىز چىقىشىپ ئۈتەيلى .ئورتاقلىشايلى. ئەمدى توردىمۇ كولاشمايلى .

pari

مەنمۇ ئاتاماننىڭ يۇقارقى پىكىرىگە تامامەن قوشىلىمەن ھەم قوللاپ قۇۋەتلەيمەن . پەقەت ئۇنداقلا ئىنتايىن ئاز بىر قىسىم كۆرەلمەسلە خالاس. ئۇنداقلار ھەر قانچە بىلجىرلىسىمۇ يەنىلا  مەقسىدىنى ئەمەلگە ئاشۇرالمايدۇ .   مەنچە بولغاندا بۇ بايقاشقا توپلانغانلارنىڭ كۆپىنچىسى ئۇلۇغ نىشاننى كۆڭلىگە پۈككەن  يەنى ئۇيغۇر مىللى مائارىپ ئىشلىرى  ئۈچۈن بىر كىشلىك ھەسسە قۇشۇشتەك خالىس تۆھبە قوشقۇچىلار،  ھەرگىزمۇ ئاتالمىش «مۇئاش» دىگۈچىلەرگە ئالدىنىپ قالمايدۇ .
ئەگەر  ئەشۇنداقلار بولسا يولىغا مەرھەمەت قىلسۇن ، ئۇلارسىزمۇ بۇ بايقاش مۇنبىرى داۋاملىشىپ تەرەققىي قىلىپ كېتەلەيدۇ . بۇنىڭغا ھەممە ئىشىنىدۇ .
ئاتاماننىڭ باشقۇرغۇچىلارغا  ئىشەنگىنىگە كۆپ رەھمەت .

مەرىپەت

بايقاش ئەپەندىمنىڭ پىكرىنى قوللايمەن. پۇل ھەممىگە قادىر ئەمەس، ھەممە نەرسىنى پۇل بىلەن ئۆلچىگىلى بولمايدۇ، پۇلغا سېتىۋالغىلى بولمايدىغان قىممەتلىك نەرسىلەرمۇ بار، پۇلغا دۈم چۈشكەنلەرنىڭ ئاقىۋىتى ياخشى بولمايدۇ.  
بايقاشتىكى دوستلارنىڭ بۇ  قۇتراتقۇلۇققا ئالدانمايدىغانلىقىغا  ئىشىنىمەن. شۇنداقلا بايقاش تورىنى بىر نىيەت بىر مەقسەتتە  ئورتاق گۈللەندۈرۈپ، تېخىمۇ تەرەققىي قىلدۇرىشىغا ئىشىنىمەن.

شىرنە

بايقاشتىكى تورداشلار ھەممىمىز ئورتاق بىرمەقسەتتە تىرىشايلى ئۇ بولسىمۇ،مىللىتىمىزنىڭ مائارىپ ئىشلىرىنى يۈكسەلدۈرۈش بىزنىڭ ئورتاق نىشانىمىز.باشقا ئىشلارغا زېھنىمىزنى ئۇپراتمايلى.

زەپەر

مەن ئاتامان ئەپەندىمنىڭ پىكىرىنى تۇلۇق  قوللايمەن  ھەم قۇشۇلىمەن . بۇلۇپمۇ مىنىڭ بۇجەھەتتە بايقاش مۇنبىرىگە بولغان ئەقىيدەم مەڭگۈ ئۆزگەرمەيدۇ . مەن ئەزەلدىن ئىككى كىيمىگە تەڭلا دەسسەشنى ياقتۇرمايمەن . بىلىمەن يامان نىيەتلىك كىشىلەرنىڭ بايقاشنىڭ بۇندىن  كىيىنكى تەرەققىياتىغا بۇز غۇنچىلىق قىلىشى  ھەرگىزمۇ ئەمەلگە ئاشمايدۇ .  بايقاش مۇنبىرى كەڭ مائارىپچىلارنىڭ ئىللىق ئائىلىسى . بايقاشنىڭ بۇندىن كىيىنكى ئىستىقبالى تۇلىمۇ پارلاق ، بۇنى كەڭ مائارىپچىلار بىلىپ تۇردۇ.
مەن ئويلايمەن پۇل ھەممىگە قادىر ئەمەس . ھەممە جىمىي نەرسىنى پۇل بىلەن ئۆلچىگىلى بولمايدۇ.  پۇل ئۈچۈن ئۆز ئىناۋىتىنى يۇقاتقانلارنىڭ ئاقىۋىتىنىڭ ئىنتايىن يامان بۇلىدىغانلىقى مۇقەرەر گەپ .
مىنىڭ پۈتۈن نىشانىم بايقاشنى گۈللەندۈرۈش ، بايقاش مۇنبىرى ئۈچۈن ئۈنتۈنسىز تۆھپە قۇشۇش
شۇڭا بايقاشتىكى بارلىق باشقۇرغۇچىلارنىڭ ۋە كونا يىڭى ئەزالارنىڭ  يامان نىيەتلىك كىشىلەرنىڭ قۇتىراتقۇلىقىغا ۋە ئالدام خالتىسىغا چۈشۈپ قالماسلىقىڭلارنى  ئۈمۈد قىلىمەن .
ئەگەردە بايقاش مۇنبىرىدە ئۆز مەنبەتىنى بىرىنچى ئۇرۇندا قۇيۇپ  پۇلغا چۇقۇنۇش .  بۇلۇپمۇ مۇنبەردىكى دەرىجەمنى ئۆستۈرۈپ قۇيدىكەن دىگەن پىتنە ئىغۋا  سۆز چۆچەكلەرگە ئالدىنىپ ئىددىيسىدە ئېغىپ كىتىش ئەھۋاللىرى  بولغان باشقۇرغۇچىلار ۋە ئەزالار بولسا يولىغا مەرھەمەت قىلسۇن ، ئۇلارسىزمۇ بۇ بايقاش مۇنبىرى داۋاملىق تەرەققى قىلىپ كىتەلەيدۇ.. بۇنىڭغا ھەممە مائارىپچىلار تۇلۇق ئىشىنىدۇ . بۇلۇپمۇ مەن بايقاشنىڭ تەرەققى قىلىشىغا جاپادا ئالدىدا  ھالاۋەتتە ئارقىدا تۇرۇپ كىچە كۈندۈز ياخشى ئىشلەپ . يىڭى ئەزالارنى ياخشى يىتەكلەپ باشقىلارنىڭ يازمىللىرىغا ۋاختىدا تۇلۇق ئىنكاس يېزىپ ئۇلارنىڭ روھىغا مەدەت بىرىش ئارقىلىق بايقاش مۇنبىرىنى باشقا مۇنبەرلەرنىڭ ئالدىنقى قاتارىدىن ئۇرۇن ئېلىپ چىقىشى ئۈچۈن ئۈزەمنىڭ بىركىشلىك ھەسسىنى قۇشىمەن  .
ئاتاماننىڭ باشقۇرغۇچىلارغا  ئىشەنگىنىگە كۆپ رەھمەت .
ئاخىردا يەنىلا پىكىرىم ۋە بۇندىن كىيىنكى ئىرادەم بولسا  يەنىلا بايقاش مۇنبىرىنى گۈللەندۈرۈش   ۋە بايقاش ئۈچۈن كىچە - كۈندۈز ئۈنتۈنسىز تۆھپە قۇشۇش . مەن قەتئى ئېغىپ كەتمەيمەن . ئۈزەمنىڭ مىللىي غورورۇم بىلەن ياشايمەن
ئاتامان ئەپەندىمنىڭ بىزگە ئىشەنگىنىگە  كۆپتىن -كۆپ رەھمەت .  بۇلۇپمۇ ھەمىمىزنىڭ ئىشەنچىسىدىن تۇلۇق چىقىشىغا ئىشەنچەم  كامىل . ئىشقىلىپ مىنىڭ پۈتۈن ئۈمۈدىم بايقاش ئۈچۈن ...........  

كۈنقۇت

مەن بايقاش ئەپەندىمنىڭ بۇ پىكىرىنى قەتئىي قوللايمەن. مەن بايقاش تورىنىڭ  مائارىپىمىز ئۈچۈن كۈچىنىڭ يېتىشىچە تىرىشىۋاتقانلىقىنى بىلىمەن ھەم بۇنىڭدىن كېيىنمۇ داۋاملىق تىرىشىدىغانلىقىغا ئىشىنىمەن...باشقىلارنىڭ ھىيلە-نەيرەڭلىرىگە ئىشىنىپ كەتمەيلى.

Qol~Ogli

     «قوش مەسچىت» پاجىئەلىرى قاچانمۇ تۈگەر -ھە ....