تەنھەرىكەت يىغىنىدا سۆزلەنگەن سۆز

艾力.吾麦尔

                              ( يولداشلارغا ئاز - تولا نەپ يەتكۈزەلىسە دېگەن ئۈمىدتىمەن )

                           **** مەكتەپنىڭ ** قېتىملىق تەنھەرىكەت يىغىنىدا سۆزلەنگەن سۆز
ھۆرمەتلىك رەھبەرلەر ، ئاتا - ئانىلار ، ئوقۇتقۇچى - ئۇستازلار ، سۆيۈملۈك ساۋاقداشلار ياخشىمۇ سىلەر !
بىز ھازىر **** باشلانغۇچ مەكتەپنىڭ *** قېتىملىق تەنھەرىكەت يىغىنىنى ئۆتكۈزۈش ئالدىدا تۇرۋاتىمىز ، مەن مۇشۇ مۇناسىۋەت بىلەن مەكتەپ پارتىيە ياچېيكىسى ، مەكتەپ مەمۇرىيىتى نامىدىن بۇ قېتىمقى تەنھەرىكەت يىغىنىغا قاتناشقان ، بارلىق تەنھەرىكەتچىلەرگە ، ئوقۇغۇچىلارغا چىن قەلبىمدىن رەھمەت ئېيتىمەن ۋە ئۇلاردىن قىزغىن ھال سورايمەن شۇنداقلا ،بۇ قېتىمقى تەنھەرىكەت پائالىيىتىمىزنى يېقىندىن قوللاپ ،ئارلىقنى يىراق كۆرمەي پائالىيىتىمىزگە قاتنىشىش ئۈچۈن كەلگەن مېھمانلارغا ،پائالىيەت ئۈچۈن جان كۆيدۈرگەن بارلىق ئوقۇتقۇچى ، ئىشچى - خىزمەتچىلەرگە چوڭقۇر رەھمەت ئېيتىمەن .
مىھمانلار ، ئوقۇتقۇچى - ئوقۇغۇچىلار جاپا چەكتىڭلار !
مەكتىپىمىز «قوش تىل»ئوقۇتۇشنى يولغا قويغان مەكتەپ بولۇپ ،بۇ يەردە ھەر مىللەت ساۋاقداشلار بىرگە ،سوتسىيالىستىك تەلىم - تەربىيەنى قوبۇل قىلىدۇ .بىرلىكتە تۈرلۈك مەدەنىي پائالىيەتلەر بىلەن شۇغۇللىنىدۇ .بىرلىكتە ئۆگىنىدۇ ۋە بىرلىكتە ئۈزلۈكسىز تەرەققىي قىلىپ ،ئۆزىنى مۇكەممەللەشتۈرىدۇ .ئۆزئارا ئىتتىپاقلىشىپ ،ئۆزئارا ئۆگۈنىپ ،ئۆزئارا ياردەم بېرىپ ،ئۆزئارا قوللاپ ،ئۆزئارا مەدەت بېرىپ ،مەكتىۋىمىزنىڭ ئوقۇتۇش ،تەلىم - تەربىيە خىزمىتىنىڭ نورمال ،مۇقۇم شارائىت ئىچىدە تىنچ تەرەققىي قىلىشى ئۈچۈن تۆھپە قۇشىدۇ.بۇ قېتىمقى تەنھەرىكەت يىغىنى دەل؛ مۇشۇنداق مەخسەتنى چىقىش قىلىپ ئېلىپ بېرىلغان بولۇپ ،بۇ پائالىيەت مەكتىپىمىزدىكى ھەر مىللەت ئوقۇتقۇچى - ئوقۇغۇچىلارنىڭ ئۆزئارا ئىتتىپاقلىقىنى تېخىمۇ كۈچەيتىپ ،ئورتاق نىشان ئۈچۈن تىرىشىپ  ئۆگىنىش ،كۈرەش قىلىش ئىشەنچىنى تېخىمۇ ئاشۇرىدۇ.
باللار دۇنيانىڭ كەلگۈسى ، ۋەتەننىڭ ، مىللەتنىڭ كەلگۈسى ئۈمۈدى .ھازىرقى دەۋرنىڭ ياش - ئۆسمۈرلەرگە قويغان تەلىپى كۈنسېرى يۇقۇرلاۋاتىدۇ .كەلگۈسى ياراملىق ئەۋلاد بولۇپ يېتىشىپ چىقىش ئۈچۈن يالغۇز بىلىم ئېلىشلا كۇپايە قىلمايدۇ .ھەر بىر ياش - ئۆسمۈر ئىلىم - پەن بىلەن قوراللىنىپلا قالماي يەنە ياخشى بولغان بەدەن ساپاسىغا ئىگە بولۇشى ،ھەرقانداق جاپالىق شارائىت ئىچىدىمۇ بەرداشلىق بېرەلەيدىغان،باشقىلارنى  بېسىپ چۈشەلەيدىغان ئىرادە ،كۈچ - قۇۋۋەت بولۇشى كېرەك.
بۇنىڭ ئۈچۈن قانداق قىلىش كېرەك ؟
ئەجداتلىرىمىز ‹‹ساغلام تەندە ،ساپ ئەقىل ››دەپ بىكارغا ئېيتمىغان.بۇ دىگەنلىك ئادەم ساغلام بولسا ،ئەقلىمۇ تولۇق بولۇدۇ دىگەنلىك.دېمەك ،ساغلام بولۇش ئۈچۈن چوقۇم كىچىكىدىن باشلاپ بەدەن چېنىقتۇرۇشنى داۋاملاشتۇرۇش ،تۈرلۈك تەنتەربىيە پائالىيەتلىرىگە ئاكتىپلىق بىلەن قاتنىشىش ، ئۆزىنىڭ جىسمانىي كۈچ - قۇۋۋىتىنى ئاشۇرىدىغان تەنتەربىيە پائالىيەتلىرى بىلەن دائىم شۇغۇللىنىش ، ئۆزىنىڭ ياش قۇرامىغا ماس كېلىدىغان جىسمانىي ئەمگەكلەرنى ئۆزلۈكىدىن قىلىش ،تازىلىققا رىئايە قىلىش قاتارلىق تۈرلۈك تەنتەربىيە پائالىيەتلىرى بىلەن شۇغۇللىنىش ساغلام  بولۇشنى ئەمەلگە ئاشۇرۇش بىلەن بىرگە ،يەنە ،بەدەن كۈچىنى ئاشۇرغىلى بولۇدۇ.
تەنھەرىكەت مۇسابىقىسىدىن ئىبارەت بۇ سىناق مەيدانى ئارقىلىق ،ھەر بىر ساۋاقداش ئۆزىنىڭ بەدەن ساپاسىنى سىناپ ،مەغلۇبىيەت بىلەن غەلبىنىڭ تەمىنى تېتىپ ، ئوخشاش بولمىغان تەسىراتقا ئىگە بولۇشى مۇمكىن .شۇڭا غەلبە قىلغانلار مەغرۇرلىنىپ كەتمەي ،كەلگۈسىدە تېخىمۇ ياخشى نەتىجىلەرگە ئېرىشىش ئۈچۈن يەنىمۇ تىرىشىشى ،نەتىجىگە ئېرىشەلمىگەنلەر مەيۈسلىنىپ كەتمەي ، تەجرىبە - ساۋاقلارنى ياخشى يەكۈنلەپ  ،كېيىنكى پۇرسەتنى چىڭ تۇتۇشقا ئىرادە باغلاپ ،ئۆزىدە ئىشەنچ تۇرغۇزۇشى كېرەك.
پۇرسەت ھەممە ساۋاقداشقا بار !
بارلىق ساۋاقداشلارنىڭ ،ئوقۇتقۇچى ،ئىشچى - خىزمەتچىلەرنىڭ مۇسابىقە جەريانىدا «ئىتتىپاقلىق بىرىنچى ،مۇسابىقە ئىككىنچى »دېگەن ئىدىيەنى يېتەكچى قىلىپ ،بىخەتەرلىككە ئالاھىدە دىققەت قىلىپ ،ئۆزئارا ئىلھام بېرىپ ،بۇ قېتىمقى تەنھەرىكەت مۇسابىقىسىنىڭ بىخەتەر ،غەلبىلىك ئېلىپ بېرىلغان بىر قېتىملىق ئىتتىپاقلىق ،خۇشاللىق بىرلەشتۈرۈلگەن مۇسابىقە بولۇشى ئۈچۈن بىر كىشىلىك ھەسسە قوشۇشىنى ئۈمۈد قىلىمەن.
  مۇسابىقە جەريانىدا ،بارلىق خىزمەتچى خادىملار ئۆزىنىڭ خىزمەت ئورنىدا چىڭ تۇرۇپ ،ئەستايىدىل مەسئۇل بولۇپ ،بۇ قېتىمقى تەنھەرىكەت مۇسابىقىسىنىڭ بىخەتەر ئېلىپ بېرىلىشى ئۈچۈن ئالاھىدە كۈچ چىقىرىشى كېرەك .
  ئاخىرىدا بارلىق تەنھەرىكەتچىلەرنىڭ غەيرەت قىلىپ ،ياخشى نەتىجىگە ئېرىشىپ ، مەكتىۋىمىزگە شۇنداقلا ئۆز سىنىپ كوللېكتىپىگە شان - شەرەپ كەلتۈرۈشىگە تىلەكداشلىق بىلدۈرىمەن.
كۆپچىللىككە رەھمەت !

گۈلزار

پايدىلنىش قىممىتى بار بولغان ماتىريال يوللاپسىز . رەھمەت  

تمىنىڭ ئۈسىتىگە يېزىلغان تۆۋەندىكى خەتلەرنى چۈشىنەلمىدىمغۇ .



« ئىملانى تېخمۇ ياخشى تەكشۈرسۇن دېسىڭىز سۆز ئامبىرى تەمىنلەڭ!  » تېما يوللاش سىتونىنىڭ  ئۈستىدە  ئىملا  خاتالىقىنى ئاپتوماتىك تەكشۇرۇش سېستىمىس بارغۇ ، كۆرمىدىڭىزمۇ ؟  




ئەگە بۇ خەتلەر خاتا يوللىنىپ قالغان بولسا بۇندىن كېيىن تېما يوللاپ بولغاندىن كېيىن تېمىڭىزنى بىر قېتىم تەكشۈرۈشنى ئادىتىڭىزگە ئايلاندۇرۇڭ، شۇندىلا ئۇقۇشماسلىقلارنىڭ ئالدىنى ئالغىلى بولىدۇ .
رەھمەت

salkin11

ئۆزىڭىزنىڭ تونۇشى ئىكەن دە ... مەزمۇنى ھەقىقەتەن ياخشىكەن ... قىممىتى بار ... مۇمكىن بولسا ، مەنبەسى مەن دىگەن ئېنىقلىمىنى بىرىپ قويۇڭ ...

艾力.吾麦尔

بىرىنچى قېتىم تېما يوللىغاچقا ،ئۈستىدىكى ‹‹ئىملانى تېخمۇ ياخشى تەكشۈرسۇن دېسىڭىز سۆز ئامبىرى تەمىنلەڭ!  ›› بۇ بىر جۈملە ئارتۇق بولۇپ قاپتۇ .كەچۈرگەيسىلەر .
  بۇ تېمىنىڭ مەنبەسى : ئۆزەم يەنى - ئېلى ئۆمەر

بەختىيار(بايقاش

ياخشى تېما يوللاپسىز،رەھمەت سىزگە!