ئوقۇتقۇچىلارنىڭ بىر قىسىم قىزىقارلىق گەپ-سۆزلىرى

yadikar0998

ئوقۇتقۇچى بىزگە ئىلىم بېرىدىغان، ئىنسان دىلىنى يورۇتقۇچى مەشئەلدۇر. لېكىن شۇنداقتىمۇ، بىر قىسىم «ئاجايىپ» ئوقۇتقۇچىلىرىمىزمۇ چىقىپ قالىدۇ. بۇ خىلدىكى ئوقۇتقۇچىلارنىڭ دەرسى قۇلاقتا تۇرمىغان بىلەن، دەرسخانىدىكى «ھېكمەتلىرى»  ھەمىشە كەچلىك ئۇيقۇنىڭ ئالدىدا دېيىشىدىغان قىززىقارلىق پاراڭلارنىڭ باش تېمىسى بولۇپ قالىدۇ. تۆۋەندە شۇ «ھېكمەتلەر»دىن كۆرۈپ باقمامدۇق؟

تەنتەربىيە دەرسىدە ئوقۇتقۇچى:
- ئوغۇللار ئوڭ تەرىپىمدە، قىزلار سول تەرىپىمگە تىزىلىڭلار، قالغانلار ئورنۇڭلاردا مىدىرلىماڭلار!
نەتىجىدە ئورنىدىن مىدىرلىمىغىنى ئۆزىلا….
قاتتىق يامغۇر ياغقان بىر كۈنى، مۇئەللىم سىرتتىن ئۈستىبېشى ھۆل ھالەتتە كىرىپ، ئالدىدىكى ئۈستەل تارتمىسىدىن نېمىلەرنىدۇ ئىزدىدى، خېلىغىچە ئىزدەپ تاپالمىغاندىن كېيىن بېشىنى كۆتۈرۈپ ئالدىنقى قاتاردا ئولتۇرغان ئوقۇغۇچىلاردىن سورىدى:
- مېنىڭ قەغەز ئېيتىدىغان يۈزۈمنى كۆردۈڭلارمۇ؟
تولۇقسىزدىكى ماتېماتكا ئوقۇتقۇچىسى تەڭلىمىلەرنى ئۆزگەرتىشنى سۆزلەپ كېلىپ، دەرس مۇنبىرى ئالدىدا ۋارقىرىدى:
-ساۋاقداشلار دىققەت! مەن ھازىر ئۆزگىرەيمەن!
تولۇقسىزدىكى ماتېماتكا ئوقۇتقۇچۇم دەرس سۆزلىگەندە ئۆزىنى مىسال ئېلىشقا ئامراق ئىدى. بىر كۈنى دەرس سۆزلەۋېتىپ:
- مېنىڭ ئاساسىمنىڭ ئايلانمىسى 20 سانتىمېتىر، ئېگىزلىكىم 40 سانتىمېتىر بولسا، ئۇ ھالدا مەن بىر…
پەستىكى بىر ساۋاقداش ۋارقىرىدى: چېلەك!
تولۇقتىكى ئالگېبرا ئوقۇتقۇچۇم: – گەپ قىلغاندا ئاۋاز چىقارماڭلار!
تولۇقسىز ۋاقتىمىزدا دۆلەت بايرىقى چىقارغاندا مەكتەپ فورمىسى كىيىپ كېلىشىمىز تەلەپ قىلىناتتى. كۆپىنچە ئوقۇغۇچىلارنىڭ مەكتەپ فورمىسىنى كىيىش بىلەن خوشى يوق بولۇپ، دائىم كىيمەيتى. شۇڭا ھەر قېتىم بايراق چىقارغاندا مەكتەپ مۇدىرى مىكروفوننى تۇتىۋېلىپ مۇنداق دەيتى:
- بەزى ئوقۇغۇچىلار چاپان كىيمەيدۇ، بەزىلىرى ئىشتان كىيمەيدۇ. بەزىلىرى تېخى چاپاننىمۇ، ئىشتاننىمۇ كەيمەيدۇ…
ئوقۇتقۇچى ئىنتىزام بۇزغان بالىغا قاراپ:
- ماڭ، دوسكىغا چىقىپ تۇرە!(ئورۇنداش قىيىن بولغان ھەرىكەتتە بۇ؟)
باشلانغۇچتا يېڭى كەلگەن ئوقۇتقۇچىمىزنىڭ: مېنىڭ سىتىم خەترەك دەپ سالغانلىقى ھېلىمۇ يادىمدا…
بىر قېتىم دەر ۋاقتىدا جىم ئولتۇرمىغان بىر ئوقۇغۇچىنى قولۇمدىكى كىتاب بىلەن بىرنى قويسام، ئۇ ئوقۇغۇچى: مۇئەللىم كىتاب بىلەن ئۇرماڭە، بىلىم بەك قاتتىق تېگىدىكەن! دەيدۇ…

بىر قېتىم كەچلىك تەكراردا كەينىمىزدىكى بىرسى كىتابنىڭ ۋارىقىغا يۈزىنى چاپلاپلا ئۇخلاپ قالدى، بۇ چاغدا ئىككى ئوقۇتقۇچى تەكشۈرۈپ كىرىپ قالسا بولىدۇ. ئاۋۇنى ئويغىتايلى دەپ تۇرىشىمغا بىر ئوقۇتقۇچى دېدى: ئويغاتما، بۇ ئوقۇغۇچى بىلىمنى سۆيۈپ تۇرۇپ ئۆگىنىدىكەن….
ئالىي مەكتەپتىكى ئوقۇتقۇچىمىز بىرىنچى سائەتلىك دەرستە كىرىپلا: مەن ئەزەلدىن يوقلىما قىلمايمەن دېگەندىن باشلاپ بىزمۇ دەرسكە قاتناشمايدىغان بولدۇق. بىراق ھەر قېتىم بىز يوق چاغدىلا يوقلىما قىلىدۇ…
بۈگۈن كەسپىي دەرستە، مۇئەللىم ئاۋال بىزنى 10 مىنۇت كىتاب كۆرۈڭلار دېدى، ئاندىن بىر ساۋاقداشنى چىقىپ دەرسنىڭ تېمىسىنى سۆزلەشكە بۇيرىدى ۋە ئىلھاملاندۇرۇپ: ھېچقىسى يوق، ماڭا ئوخشاش سۆزلىسەڭلا بولدى دېدى. ھېلىقى ساۋاقداش بوينىنى ئوڭ سولغا تولغىۋېتىپ، 10 سكونت سۈكۈتتە تۇرغاندىن كېيىن ئېغىز ئاچتى: تۆۋەندە سىلەرگە 10 مىنۇت كىتاب كۆرۈشكە ۋاقىت بېرىمەن، ئۇنىڭدىن كېيىن بىرىڭلار چىقىپ سۆزلەيسىلەر

艾力.吾麦尔

ئوقۇتقۇچىلارنىڭ قىززىق گەپلىرى ھەقىقەتەن كۆپ ، لېكىن ھازىر ېسىمگە ھېچنىمە كەلمەيۋاتىدۇ.

艾力.吾麦尔

باياتىن يازغان ئىنكاس نەگە كەتكەندۇ؟

دىلكەش

بەك قىزىقارلىقكەن .