تەن ۋە روھ ( نەسىرى ئەسەر )

زەپەر

تەن ۋە روھ

نەسىرى ئەسەر

ئۈمەر مەتنۇرى قۇتيار

تەن- ئىنساننىڭ ھۇجۇدىدىكى قاخشال بولغان دەرەخ .روھ بولسا ئىنسان مەدەنىيتىنىڭ تۈۋرۈكى . شۇڭا ئىنسان روھى بىلەن مۇقەتدەس ئۇلۇغ ، لېكىن كۆپ ھاللاردا كۈرىدىغىنى يەنىلا تەننىڭ رەڭگا- رەڭ ھالىتى ، مەدىۋىي ئىھتىياج ئىچىدىكى ئۈلۈمكار تىپىرلاش ، ئۆز -ئۈزىنى بىزىگەنسىرى  يىلتىزدىن قۇرۇشقا باشلايدۇ.، ئەمما روھ بولسا بۈركۈت قىياسىغا يېقىنلاشقانسىرى ئۇ ئەبەدىيلىك كۈيىنى يارتالايدۇ. ئۇ يەردە ئۆزلۈك زاماندىن ھالقىپ تارىخنى يارتالايدۇ.لېكىن روھىم پارلاۋاتقان قۇياش ھالىتىدە ئەمەس ، بەلكى ئۇچۇش ئالدىدا تۇرۋاتقان جىنچىراغ ھالىتىدە مۇقەتدەسلىكتىن يىراق ماكاندا سۇس پىتىلدىماقتا ئىدى .چۈنكى مەن تىنىمنىڭ كۇچىسىنى بويلاپ ئۈزەمگە بايلىق مۇنارى تىكلەشنىلا نىيەت قىلغاندىم .ئۇ ئىگىزلىگەنسىرى قەلەپ ئېتىزىمنى ئازغان - تىكەن بېسىۋالدى . ئۇ يەردە نە بۇلبۇلنىڭ نە تۇغاينىڭ ناۋىسى يوق ، ئەكسىچە ئىشەكلەر  سەت ھاڭىرشىپ ئالامنى بېشىغا كىيىشمەكچى بۇلاتتى ، مەن ئەجەپسىنىپ ئەتىراپقا كۆز تىكتىم . پاقا بولسا ئەۋزەل كاتىكىدە گۆكىرمەكتە ، ئىت بولسا يالاق يالىماقتا ، ھەسەل ھەرىسى يېغماقتا ئىدى .روھىمغا نەزەر سالدىم ئۈتۈپ كەتكەن ھەر بىر كۈنۈمدە ئىتقاد غايىسىزلىقىم  مەنپەت ئۈچۈن ھەر قانداق رەزىللىكنى قىلىشتىن يانمايدىغان ۋىژدانسىزلىقىم خۇددى تىتىلىپ رەڭگى ئۈڭۈپ كەتكەن كونا ياپىراقتەك لەپىلدەپ تۇراتتى .دە يۇم -يۇم يېغلىدىم .
ئېچىنما دىدى دانىشمەن -جىمجىت دېڭىز سۈيى ھەركەتلەنگەن چاغدا دولقۇن بۇلىدۇ.، قۇياشنىڭ ئۇلۇغلىقى ئۇنىڭ قىزىللىقىدا  ياكى يۇمۇلاقلىقىدا ئەمەس بەلكى يۇرۇقلىقى ۋە ھارارىتىدە . ئىشەنمىسەڭ قاغا بىلەن بۈركۈتكە قارا!
مەن شۇندىلا غەپلەت باسقان تىنىمنى ھىكمەت نۇرلىرىدىن باشقا ھەر قانداق نەرسىنىڭ قۇتقۇزالمايدىغانلىقىنى ھەقىقى تۇنۇپ يەتتىم . دە نەدىدۇر ئاڭلىنىۋاتقان قوڭغىراق ساداسىغا ئەگەشتىم . ۋە مەھمۇد كاشىغەرى بوۋامنى يات ئەتتىم  ئۇنىڭ روھى جاھان ئاسمىنىدا ئۆچمەس گۈلخاندەك پارلاپ تۇراتتى
مەنبەسى : ئۈمەر مەتنۇرى قۇتيارنىڭ بەخىت ئىشىكى دىگەن كىتاۋىدىن