قەلىب قەسىرىڭىزنى چاڭ باسمىسۇن

pari

قەلىب قەسىرىڭىزنى چاڭ باسمىسۇن
پاكىزلىق ئىنسان ھاياتىنىڭ كۆركى .ئۆيلىرىمىزنى تازىلاپ ، سەرەمجانلاشتۇرۇپ بولغاندىن كېيىن ، ياكى شەخسى تازىلىقتىن كېيىن ، كۆڭلىمىز بۆلەكچىلا ئېچىلىپ ،كىشىلىك ھايات باشقىچە رەڭدار كۆرۈنۈپ كېتىدۇ . شۇنى ئۇنتىماڭكى قەلبىمىزمۇ  شۇنىڭغا ئوخشاش شۇڭا ، قەلىب قەسىرىڭىزنىمۇ تازىلاپ تۇرۇشنى ئەستىن چىقارماڭ .
خىزمەت ، تۇرمۇش ، ئىستىقبالىمىز ئۈستىدە غەم –ئەندىشە قالغان ياكى ناھەقچىلىققا ئۇچراپ ئۇۋالچىلىق تارتقان چاغلىرىمىزدا ، قەلىب قەسىرىمىز زېرىكىش ، بىزارلىق ، غەزەپ –نەپرەت ، زارلىنىش ، ئۆچمەنلىك قاتارلىق پىسخىك ئەخلەتلەر بىلەن تولۇپ كېتىدۇ . بۇ خىل روھى ھالەتلەر كۈنلەرنىڭ ئۆتۈشى بىلەن « چىرىپ ۋە سېسىپ » قەلىب قەسىرىمىزنى بۇلغاپ ، بىزنى ئاسانلا « غەيرىي كېسەللىك » لەرگەمۇپتىلا  قىلىپ قويىدۇ .بەزىلەر كىچىككىنە مەنپەئەت  كۆزىنى توسىۋالغاچقا ئەرزىمەس ئىشلار  ئۈچۈن باشقىلار بىلەن ئۆچەكىشىپ قالىدۇ .بۇ ئۆچمەنلىك ئەخلىتىنى قەلىب قەسىرىدىن چىقىرىۋېتەلمىگەنلەر ئاچچىقلىنىش ، چۈشكۈنلىشىش ، دەستىدىن جىنايەت پاتقىقىغا پېتىپ قېلىشىمۇ مۇمكىن .
شۇڭا قەلىب قەسىرىڭىزنى ھەر ۋاقىت تازىلاپ تۇرۇشنى ئۇنتىماڭ .قەلىب قەسرىڭىزدە ھاياتلىق مەشئىلىنى چاقنىتىپ ، ئۇنى مېھرى مۇھەببەت ، خالىس ياردەم ،ئەپۇچانلىق ، كەڭ قورساقلىق ، ئىتتىپاقلىق نۇرلىرى بىلەن ، تولدۇرۇڭ . بۇ ئارقىلىق قەلىب قەسىرىڭىزدىكى سىزنى ئازاپلاۋاتقان پىسخىك ئەخلەتلەرنى قەتئى تازىلاپ چىقىرۋېتىڭ . شۇندىلا ھاياتتىن ، تۇرمۇشتىن ، ھەقىقى ھوزورلىنىپ ، بەخىت مىلودىيىسىگە جۇر بولالايسىز ، ھەم كىشىلىك تۇرمۇشتىن ھەقىقىي لەززەت ئالالايسىز .

مەنبە : تۇرپان گېزىتى

ئۇيغۇرۇم

توغرا دەيسىز پەرىگۈل ھەقىقەتەن ئاقىلانە پىكىر بوپتۇ. ئادەمنىڭ پىسخىكىسى سىز دىگەندەكلا مۇرەككەپ ئۇنى چۇقۇم ۋاختى ۋاختىدا تازىلاپ پەرۋىش قىلغاندىلا ئاندىن كەيپىياتىمىزنى تەڭشەپ كىشىلىك تۇرمۇش ۋە باشقا ئىجدىمائىيلاشقان جەمئىيىتىمىزدە ھەقىقى مۇھەببەت بىلەن دادىل ياشىيالايمىز ......................................!

    تىمىڭىزغا كۆپ رەھمەت سىزگە ئامەت، بەخت تىلەيمەن .............................!

مەرىپەت

ھەممىمىز بىلىۋېلىشقا تىگىشلىك ياخشى مەزمۇن يوللاپسىز، رەھمەت دوستۇم...

كۆل

ياخشى تىما ئىكەن،رەھمەت سىزگە.
بۇنىڭدىن كىيىن مۇشۇنداق ياخشى تىمىلارنى كۆپلەپ يوللاپ تۇرۇشىڭىزنى ئۈمىت قىلىمەن!

خەنجەر

پەرى ياخشى تىمىلارنى يوللاۋاتىسىز ،دىمىسىمۇ ئىنسان پىسخىكىسى ناھايتى مۇرەككەپ بىر جەريان. ئۇنى ئۆزگەرتىش تۇلىمۇ قىيىن «خۇددى بىر تۈپ لازىغا ،بىر خالتا شىكەردە ئەي بەرسىمۇ لازا يەنىلا ئاچچىق چۈشكەندەك »ئىش .‹ ئۆزىنىڭ روھى كەيپىياتىنى باشقۇرالىغان كىشى سەل قارىغىلى بولمايدىغان كىشىدۇر .ئۇنداق كىشى ئىچ مىجەز ،ئېغىر بېسىق ،باشقىلارغا سىر بەرمەيدىغان پۇختا كىلىدۇ .

داۋاملىق نادىر تىمىلارنى يوللاپ تۇرغايسىز .

دىلكەش

بەك ياخشى تىمىكەن .مەن ساقلىۋالدىم .

گۈلزار

خىزمەتنىڭ ئالدىراشلىقىدا بۇ ئېسىل تېمىنى كۆرەلمەي قاپتىمەن  دوستۇم .
ئادەمنى چوڭقۇر ئويلارغا سېلىپ ياخشى خىسلەتلەرنى يېتىلدۈرۈشكە ئۈندەيدىغان ئېسىل  دۇردانىلاركەن رەھمەت دوستۇم .

ئىلغار

ياخشى تىما قەلب قەسىرنى داۋالايدىغان دورىنى نەدىن ئالساق بولا

ئىلغار

ياخشى تىما قەلب قەسىرنى داۋالايدىغان دورىنى نەدىن ئالساق بولا

مۇزاتى

ناھايىتى ياخشى تېمىكەن، ئىپادىلىمەكچى بولغان مەزمۇننى ھېسياتلىق،قانلىق ئەكس ئەتتۈرۈپسىز!
دەرھەقىقەت قەلبى ئازاپلانغاندا، دەرت-ئەلەمگە مۇپتىلا بولغاندا ، ھامان ئۇنى چىقىرىۋېتىش ،پاكىزە، ساپ قەلىب بىلەن ئالغا قاراش ئارقىلىق ، ئۈمۈدۋارلىق،ئىشەنچ تۇيغۇسىنى يېتىلدۈرۈش تولىمۇ زۆرۈر دەپ قارايمەن!