قاراقاش ناھىسىنىڭ پەننىي مائارىپ تارىخدىكى چوڭ ئىشلار يىل نامىسى

زەپەر

-يىلى 9-ئايدا زاۋا يېزىسىنىڭ شاخلىق كەنتىدىكى ئېگىزئېرىق خوجىلار نەسەبىدىن خوجا ئەبەيدۇللاخان غۇلجىلىق ئابدۇللا داموللامنى ئوقۇتقۇچىلىققا تەكلىپ قىلىپ، ئۆز خىراجىتى بىلەن پەننىي مەكتەپ سالىدۇ. شۇنىڭ بىلەن قاراقاشتا پەننىي مائارىپ رەسمىي شەكىللىنىدۇ. شۇ يىلى يازدا شەھەر ئىچى قاپكۆلبېشىدا ئولتۇرۇشلۇق مەرىپەتپەرۋەر ئايال ئوقۇتقۇچى سالىخە سەپەرجان (تاتار) قورۇسىدا ئىككى سىنىپلىق قىزلار مەكتىپى ئېچىپ شەھەر ئىچىدىكى قىز-چوكانلارنى قوبۇل قىلىپ پەننىي دەرسلەرنى ئوقۇتىدۇ.
1938-يىلى 4-ئاينىڭ 12-كۈنى ناھىيە بازىرىنىڭ شىمالىدىكى سوچاڭدا شېڭ شىسەينىڭ تەختكە چىققان كۈنىنى خاتىرىلەيدىغان 12» -ئاپرېل «بايرىمى مۇناسىۋىتى بىلەن كەڭ كۆلەملىك ئاممىۋى مەدەنىيەت-تەنتەربىيە پائالىيىتى ئۆتكۈزۈلىدۇ. شاخلىق مەكتەپنىڭ ئوقۇتقۇچىسى ئابدۇللا داموللام ئۆز ئوقۇغۇچىلىرىنى تەشكىللەپ، ناھىيە بازىرىغا ئېلىپ كىرىپ بۇ پائالىيەتكە قاتناشتۇرۇپ ۋە جۇشقۇن، جەڭگىۋار تەنھەرىكەت ماھارەتلىرىنى كۆرسىتىپ، بايراملىق پائالىيەتنى ئەۋجىگە كۆتۈرىدۇ.
1938-يىلى 6-ئاينىڭ 25-كۈنى خوتەن ۋىلايەتلىك ئۇيغۇر خەلق مەدەنىي ئاقارتىش ئۇيۇشمىسى ۋەكىللىرى ۋە ناھىيىلىك ھۆكۈمەت مەسئۇللىرىنىڭ قاتنىشىشىدا قاراقاش ناھىيىلىك ئۇيغۇر خەلق مەدەنىي ئاقارتىش ئۇيۇشمىسى قۇرۇلۇپ ئىشقا كىرىشىدۇ.
1939-يىلى 9-ئايدا ئۇيۇشما يېتەكچىلىكىدە قۇرۇلغان باشلانغۇچ مەكتەپلەر 8 گە يېتىدۇ. شۇ يىلى 9-ئايدا ناھىيە بازىرى ئىچىدىكى شۆتاڭ مەكتىپى ئۇيغۇرچە دەرس ئوقۇتۇلىدىغان مەكتەپكە ئۆزگەرتىلىدۇ.
1941-يىلى 5-ئايدا ئۇيغۇر خەلق مەدەنىي ئاقارتىش ئۇيۇشمىسى قارمىقىدا »سانائى نەفىسە «(سەنئەت ئۆمىكى) قۇرۇلۇپ ئىشقا كىرىشىدۇ.
شۇ يىلى يازدا ئۇيۇشما قارمىقىدا دارىلئېتام (يېتىملار مەكتىپى) قۇرۇلۇپ، ئوقۇش باشلايدۇ.
شۇ يىلى 11-ئاينىڭ 12-كۈنى »ناھىيىلىك ساۋاتسىزلىقنى تۈگىتىش رەھبەرلىك ھەيئىتى «قۇرۇلۇپ، ئومۇمىي خەلق ساۋات چىقىرىش ھەرىكىتى باشلىنىدۇ. ھەيئەت مۇدىرلىقىنى ھاكىم چىڭ شوشۈي، مۇئاۋىن ھەيئەت مۇدىرلىقىنى ئۇيۇشما رەئىسى مۇھەممەتخان خوجا ئۈستىگە ئالىدۇ. كونكرېت خىزمەتلەرگە ئۇيغۇر ئۇيۇشمىسى يېتەكچىلىك قىلىدۇ.
1943-يىلى ناھىيىلىك ھۆكۈمەتتە مائارىپ بۆلۈمى تەسىس قىلىنىپ، روزىبەگ بۆلۈم باشلىقلىقىغا تەيىنلىنىدۇ.
1950-يىلى 4-ئايدا ئەسلىدىكى مائارىپ بۆلۈمى مەدەنىيەت-مائارىپ بۆلۈمىگە ئۆزگەرتىلىپ، مائارىپ بۆلۈمى كادىرى ئابدۇۋاھىت ئېلى بۆلۈم باشلىقلىقىغا تەيىنلەندى.

-يىلى 2-ئايدا شىنجاڭ ئۆلكىلىك خەلق ھۆكۈمىتى »مائارىپ ئىسلاھاتى توغرىسىدا كۆرسەتمە «تارقىتىپ جايلارنىڭ كونا مائارىپ تۈزۈلمىسىنى ئىسلاھ قىلىشنى قارار قىلدى. شۇ يىلى 12-ئايدا ناھىيە بويىچە 61 باشلانغۇچ مەكتەپتىكى 179 سىنىپ، 9001 نەپەر ئوقۇغۇچى، 184 نەپەر ئوقۇتقۇچى ئۆتكۈزىۋېلىندى.
1952-يىلى مەكتەپلەرنى تەرتىپكە سېلىش ۋە ئىخچاملاش ئېلىپ بېرىلدى. ئەسلىدىكى 61 باشلانغۇچ مەكتەپ 45 كە، ئوقۇتقۇچى 135 كە ئىخچاملاندى.
1956-يىلى 9-ئايدا ناھىيە بويىچە تۇنجى ئوتتۇرا مەكتەپ »قاراقاش ناھىيىلىك 1-ئوتتۇرا مەكتەپ «قۇرۇلۇپ، ئوقۇش باشلاندى.
1955-يىلى 10-ئايدا شىنجاڭ ئۇيغۇر ئاپتونوم رايونى قۇرۇلدى. 11-ئايدا ئاپتونوم رايونلۇق مائارىپ نازارىتى قاراقاش ناھىيىسىگە 25 مىڭ كىشىنىڭ ساۋاتىنى چىقىرىش ۋەزىپىسىنى چۈشۈردى.
1958-يىلى زاۋا يېزىسىدا» قاراقاش ناھىيىلىك 2-ئوتتۇرا مەكتەپ«، 1959-يىلى قاراساي يېزىسىدا »قاراقاش ناھىيىلىك 3- ئوتتۇرا مەكتەپ«، 1960-يىلى تىۋەت يېزىسىدا »قاراقاش ناھىيىلىك 4- ئوتتۇرا مەكتەپ» كەينى-كەينىدىن قۇرۇلدى.
1960-يىلى ناھىيىلىك 1-ئوتتۇرا مەكتەپتە سىناق تەرىقىسىدە تولۇق ئوتتۇرا سىنىپى ئېچىلدى. شۇ يىلى 2-ئاينىڭ 5-كۈنى ئاپتونوم رايون بويىچە ساۋاتسىزلىقنى تۈگىتىش ۋە ئىشتىن سىرتقى مائارىپ خىزمىتى نەق مەيدان يىغىنى قاراقاشتا ئېچىلىپ، ناھىيىنىڭ تەجرىبىلىرى تونۇشتۇرۇلدى.
1958-يىلى 9-ئايدا ناھىيىدە تۇنجى يېزا ئىگىلىك (چارۋىچىلىق) كەسپىي ئوتتۇرا مەكتىپى قۇرۇلدى.
1959-يىلى 11-ئايدا مەكتەپلەردە قوللىنىپ كېلىۋاتقان ئەرەپ يېزىقى ئاساسىدا ئۇيغۇر كونا يېزىقىنى ئەمەلدىن قالدۇرۇپ، لاتىن ھەرىپى ئاساسىدىكى يېڭى يېزىقنى سىناق تەرىقىسىدە قوللىنىش يولغا قويۇلدى.
1964-يىلى ناھىيىنىڭ چەت-يىراق كەنتلىرىدە تېرىش-ئوقۇش مەكتەپلىرى قۇرۇلدى. بۇ مەكتەپلەردە ئوقۇش بىلەن ئىشلەپچىقىرىش بىرلەشتۈرۈلۈپ ئېلىپ بېرىلىدىغان بولدى.
1965-يىلى 1-ئاينىڭ 1-كۈنى شىنجاڭ ئۇيغۇر ئاپتونوم رايونلۇق خەلق ھۆكۈمىتىنىڭ بۇيرۇقىغا ئاساسەن يېڭى يېزىقنى ئومۇمىيۈزلۈك قوللىنىش  يولغا قويۇلدى.
1971-يىلى 5-ئايدا رەئىس ماۋزېدۇڭنىڭ »يېزا-كەنتلەردە ئىشچىلار سىنىپىنىڭ ئەڭ ئىشەنچلىك ئىتتىپاقدىشى−كەمبەغەل ۋە تۆۋەن-ئوتتۇرا دېھقانلار مەكتەپ باشقۇرىدۇ «دېگەن يوليورۇقىغا ئاساسەن ناھىيىلىك ھۆكۈمىتى ياۋا يېزىسىدا »مەكتەپلەرنى كەمبەغەل ۋە تۆۋەن-ئوتتۇرا دېھقانلارغا ئۆتكۈزۈپ بېرىش نەق مەيدان يىغىنى «ئاچتى. يىغىندا ناھىيە تەۋەسىدىكى بارلىق مەكتەپلەرنى ئىشلەپچىقىرىش ئەترەتلىرىنىڭ باشقۇرۇشىغا ئۆتكۈزۈپ بېرىش ئورۇنلاشتۇرۇلدى.
1975-يىلى 5-ئاينىڭ 5-كۈنى ماۋجۇشىنىڭ »7-ماي «يوليورۇقىنى ئىزچىللاشتۇرۇپ ئاتالمىش ئۈلگە چاۋياڭ يېزا ئىگىلىك شۆيۈەنىنىڭ تەجرىبىسىنى ئۆگىنىش ئۈچۈن ۋىلايەت بويىچە يېزىدىن كېلىپ ئوقۇپ يېزىغا قايتىدىغان تۇنجى »7-ماي« داشۆسى ناھىيىنىڭ 1-ماي گۇڭشېسىدا قۇرۇلدى.
1977-يىلى 3-ئايدا ناھىيىلىك مەدەنىيەت-مائارىپ بۆلۈمى ئەسلىگە كەلتۈرۈلدى. ئۇزۇن ئۆتمەي بۇ بۆلۈم مائارىپ ئىدارىسى قىلىپ ئۆزگەرتىلدى.

-يىلى ناھىيىلىك 2-ئوتتۇرا (خەنزۇ) مەكتەپ قۇرۇلدى.
1982-يىلى 2-ئايدا قاراقاش ناھىيىلىك دارىلمۇئەللىمىن قۇرۇلدى.
1981-يىلى 3-ئايدا ناھىيە بويىچە تۇنجى مىللىي بالىلار باغچىسى قۇرۇلدى.
1982-يىلى 9-ئايدا ناھىيە بويىچە ئومۇمىيۈزلۈك ھالدا يېڭى يېزىقنى ئەمەلدىن قالدۇرۇپ، ئۇيغۇر كونا يېزىقنى قوللىنىش ئەسلىگە كەلتۈرۈلدى. مەكتەپلەردە ئۇيغۇر كونا يېزىقى ئومۇملاشتۇرۇلۇشقا باشلىدى.
1983-يىلى قاراقاش ناھىيىلىك پارتكوم، خەلق ھۆكۈمىتى تەرىپىدىن »قاراقاش ناھىيىسىنىڭ مەجبۇرىيەت مائارىپى ۋە ئادەتتىكى مائارىپ نىزامى «ئېلان قىلىنىپ يولغا قويۇلدى.
1984-يىلى 9-ئايدا ئەسلىدىكى مەدەنىيەت-مائارىپ بۆلۈمى ئاساسىدا قاراقاش ناھىيىلىك مائارىپ ئىدارىسى ئايرىپ قۇرۇلدى.
شۇ يىلى 11-ئايدا خوتەن ۋىلايەتلىك مەمۇرىي مەھكىمىنىڭ تەستىقلىشى بىلەن قاراقاش ناھىيىلىك كەسپىي تېخنىكا تولۇق ئوتتۇرا مەكتىپى قۇرۇلدى.
1985-يىلى  6-ئاينىڭ 17-كۈنى قاراقاش ناھىيىلىك مائارىپ ھەيئەتلىرى كومىتېتى قۇرۇلدى. 11 نەپەر كىشى ھەيئەتلىككە سايلاندى. تەركىبىدە مائارىپ خىراجىتىنى باشقۇرۇش ھەيئىتى، تەلىم-تەربىيە تەشكىلىي ھەيئىتى تەسىس قىلىندى.
1985-يىلى 9-ئاينىڭ 10-كۈنى پۈتۈن ناھىيىدىكى ئوقۇتقۇچىلار بايرام شادلىقىغا چۆمۈپ، مەملىكەت بويىچە تۇنجى قېتىملىق ئوقۇتقۇچىلار بايرىمىنى داغدۇغىلىق تەبرىكلىدى.
شۇ ئايدا قاراقاش ناھىيىلىك پارتكوم، خەلق ھۆكۈمىتى خىزمەت قىلىۋاتقىنىغا 30 يىلىدىن ئاشقان ھەر مىللەت كادىرلىرى قاتارىدا قاراقاش ناھىيىسىنىڭ مائارىپ سېپىدە 30 يىلىدىن ئارتۇق ئىشلىگەن مائارىپچىلارغا شىنجاڭ ئۇيغۇر ئاپتونوم رايونى قۇرۇلغانلىقىنىڭ 30 يىللىقىنى تەبرىكلەش مۇناسىۋىتى بىلەن ئاپتونوم رايونلۇق خەلق ھۆكۈمىتى تارقاتقان »شىنجاڭ ئۇيغۇر ئاپتونوم رايونىدا 30 يىل ئىشلىگەنلىك شەرەپ گۇۋاھنامىسى «ۋە ئوردېن تارقىتىپ بەردى.
1987-يىلى 3-ئايدا قاراقاش ناھىيىلىك يېتىم بالىلار پاراۋانلىق مەكتىپى قۇرۇلدى.
1987-يىلى 7-ئايدا قاراقاش ناھىيىلىك مائارىپ ئىدارىسى مەدەنىيەت-مائارىپ ئىدارىسىغا ئۆزگەرتىپ قۇرۇلدى.
1989-يىلى زاۋا يېزىسىنىڭ باش ئۇرچى كەنتىدىن دېھقان كارخانىچى قاسىم ئىمىن ئۆز يېنىدىن 100 مىڭ يۈەن چىقىرىپ باش ئۇرچى كەنتىگە باشلانغۇچ مەكتەپ سېلىپ بەردى. 9-ئايدا ناھىيىلىك پارتكوم، خەلق ھۆكۈمىتى بۇ مەكتەپتە داغدۇغىلىق ئوقۇش باشلاش مۇراسىمى ئۆتكۈزۈپ ناھىيە خەلقى نامىدىن قاسىم ئىمىننى مۇبارەكلىدى ۋە مەكتەپكە »قاسىم ئىمىن باشلانغۇچ مەكتىپى «دەپ نام بەردى.
شۇ يىلى قاراقاش ناھىيىلىك 1-ئوتتۇرا مەكتەپ ئوقۇتقۇچىسى مۇھەممەد قادىر ناھىيىدىكى مائارىپچىلار ئىچىدىن تۇنجى بولۇپ مەملىكەت بويىچە »مائارىپ سېپىدىكى ئەمگەك نەمۇنىچىسى«بولۇپ باھالىنىپ، پۈتۈن ناھىيىدىكى مائارىپچىلارغا شان-شەرەپ كەلتۈردى.
1990-يىل 5-ئايدا ج ك پ قاراقاش ناھىيىلىك مەدەنىيەت-مائارىپ سىستېمىسى پارتگۇرۇپپىسى قۇرۇلدى.

-يىلى ناھىيىلىك 2-ئوتتۇرا (خەنزۇ) مەكتەپ قۇرۇلدى.
1982-يىلى 2-ئايدا قاراقاش ناھىيىلىك دارىلمۇئەللىمىن قۇرۇلدى.
1981-يىلى 3-ئايدا ناھىيە بويىچە تۇنجى مىللىي بالىلار باغچىسى قۇرۇلدى.
1982-يىلى 9-ئايدا ناھىيە بويىچە ئومۇمىيۈزلۈك ھالدا يېڭى يېزىقنى ئەمەلدىن قالدۇرۇپ، ئۇيغۇر كونا يېزىقنى قوللىنىش ئەسلىگە كەلتۈرۈلدى. مەكتەپلەردە ئۇيغۇر كونا يېزىقى ئومۇملاشتۇرۇلۇشقا باشلىدى.
1983-يىلى قاراقاش ناھىيىلىك پارتكوم، خەلق ھۆكۈمىتى تەرىپىدىن »قاراقاش ناھىيىسىنىڭ مەجبۇرىيەت مائارىپى ۋە ئادەتتىكى مائارىپ نىزامى «ئېلان قىلىنىپ يولغا قويۇلدى.
1984-يىلى 9-ئايدا ئەسلىدىكى مەدەنىيەت-مائارىپ بۆلۈمى ئاساسىدا قاراقاش ناھىيىلىك مائارىپ ئىدارىسى ئايرىپ قۇرۇلدى.
شۇ يىلى 11-ئايدا خوتەن ۋىلايەتلىك مەمۇرىي مەھكىمىنىڭ تەستىقلىشى بىلەن قاراقاش ناھىيىلىك كەسپىي تېخنىكا تولۇق ئوتتۇرا مەكتىپى قۇرۇلدى.
1985-يىلى  6-ئاينىڭ 17-كۈنى قاراقاش ناھىيىلىك مائارىپ ھەيئەتلىرى كومىتېتى قۇرۇلدى. 11 نەپەر كىشى ھەيئەتلىككە سايلاندى. تەركىبىدە مائارىپ خىراجىتىنى باشقۇرۇش ھەيئىتى، تەلىم-تەربىيە تەشكىلىي ھەيئىتى تەسىس قىلىندى.
1985-يىلى 9-ئاينىڭ 10-كۈنى پۈتۈن ناھىيىدىكى ئوقۇتقۇچىلار بايرام شادلىقىغا چۆمۈپ، مەملىكەت بويىچە تۇنجى قېتىملىق ئوقۇتقۇچىلار بايرىمىنى داغدۇغىلىق تەبرىكلىدى.
شۇ ئايدا قاراقاش ناھىيىلىك پارتكوم، خەلق ھۆكۈمىتى خىزمەت قىلىۋاتقىنىغا 30 يىلىدىن ئاشقان ھەر مىللەت كادىرلىرى قاتارىدا قاراقاش ناھىيىسىنىڭ مائارىپ سېپىدە 30 يىلىدىن ئارتۇق ئىشلىگەن مائارىپچىلارغا شىنجاڭ ئۇيغۇر ئاپتونوم رايونى قۇرۇلغانلىقىنىڭ 30 يىللىقىنى تەبرىكلەش مۇناسىۋىتى بىلەن ئاپتونوم رايونلۇق خەلق ھۆكۈمىتى تارقاتقان »شىنجاڭ ئۇيغۇر ئاپتونوم رايونىدا 30 يىل ئىشلىگەنلىك شەرەپ گۇۋاھنامىسى «ۋە ئوردېن تارقىتىپ بەردى.
1987-يىلى 3-ئايدا قاراقاش ناھىيىلىك يېتىم بالىلار پاراۋانلىق مەكتىپى قۇرۇلدى.
1987-يىلى 7-ئايدا قاراقاش ناھىيىلىك مائارىپ ئىدارىسى مەدەنىيەت-مائارىپ ئىدارىسىغا ئۆزگەرتىپ قۇرۇلدى.
1989-يىلى زاۋا يېزىسىنىڭ باش ئۇرچى كەنتىدىن دېھقان كارخانىچى قاسىم ئىمىن ئۆز يېنىدىن 100 مىڭ يۈەن چىقىرىپ باش ئۇرچى كەنتىگە باشلانغۇچ مەكتەپ سېلىپ بەردى. 9-ئايدا ناھىيىلىك پارتكوم، خەلق ھۆكۈمىتى بۇ مەكتەپتە داغدۇغىلىق ئوقۇش باشلاش مۇراسىمى ئۆتكۈزۈپ ناھىيە خەلقى نامىدىن قاسىم ئىمىننى مۇبارەكلىدى ۋە مەكتەپكە »قاسىم ئىمىن باشلانغۇچ مەكتىپى «دەپ نام بەردى.
شۇ يىلى قاراقاش ناھىيىلىك 1-ئوتتۇرا مەكتەپ ئوقۇتقۇچىسى مۇھەممەد قادىر ناھىيىدىكى مائارىپچىلار ئىچىدىن تۇنجى بولۇپ مەملىكەت بويىچە »مائارىپ سېپىدىكى ئەمگەك نەمۇنىچىسى«بولۇپ باھالىنىپ، پۈتۈن ناھىيىدىكى مائارىپچىلارغا شان-شەرەپ كەلتۈردى.
1990-يىل 5-ئايدا ج ك پ قاراقاش ناھىيىلىك مەدەنىيەت-مائارىپ سىستېمىسى پارتگۇرۇپپىسى قۇرۇلدى.

-يىلى 2-ئايدا مەدەنىيەت بۆلۈمى مەدەنىيەت-مائارىپ ئىدارىسىدىن ئايرىلىپ چىقتى. ئەسلىدىكى مەدەنىيەت-مائارىپ ئىدارىسى-مائارىپ ئىدارىسى بولۇپ قۇرۇلدى. قارمىقىدا 13 ئىشخانا تەسىس قىلىندى.
1995-يىلى ناھىيىنىڭ دائىرىسى چوڭ بولغان بىر قىسىم يېزىلىرىنىڭ چەت-يىراق جايلىرىدىن كېلىدىغان ئوقۇغۇچىلارنىڭ ئوتتۇرا مەكتەپكە بېرىشتىكى ئارىلىقنىڭ يىراق بولۇش مەسىلىسىنى ھەل قىلىش ئۈچۈن، قاراقاش ناھىيىلىك پارتكوم، خەلق ھۆكۈمىتى قاراقاش بازىرى، سايباغ، زاۋا، كۇيا، قاراساي، ياۋا قاتارلىق 6 يېزا-بازاردا يەنە بىردىن ئوتتۇرا مەكتەپنى تولۇقلاپ قۇرۇشنى پىلانغا كىرگۈزۈپ، قۇرۇلۇش باشلىدى.
1997-يىلى ياۋا يېزىسىنىڭ كۆللۈك كەنتىدىن دېھقان كارخانىچى ئابدۇراخمان بارات 500 مىڭ يۈەن چىقىرىپ، كۆللۈك كەنتىگە بىر ئوتتۇرا مەكتەپ سېلىپ بەردى. ناھىيىلىك پارتكوم، خەلق ھۆكۈمىتى بۇ مەكتەپكە »ئابدۇراخمان بارات تولۇقسىز ئوتتۇرا مەكتىپى «دەپ نام بەردى.
شۇ يىلى زاۋا يېزىلىق 1-ئوتتۇرا مەكتەپ ئوقۇتقۇچىسى ئابدۇخەبەر ئابدۇسەمەت لايىھىلىگەن ئۇزراپ-قىسقىرالايدىغان چېلەك دۆلەتلىك پاتېنت ھوقۇقى ئىدارىسىنىڭ كەشپىيات پاتېنت ھوقۇقى گۇۋاھنامىسىگە ئېرىشتى.
9-ئايدا قاراقاش ناھىيىسىنىڭ »ئىككى ئاساسەن «تۈر قۇرۇلۇشى ئوڭۇشلۇق ھالدا ئاپتونوم رايوننىڭ تەكشۈرۈپ تاپشۇرۇۋېلىشىدىن ئۆتۈپ، ئاپتونوم رايونلوق پارتكوم، خەلق ھۆكۈمىتىنىڭ تەقدىرلىشىگە ئېرىشتى.
2000-يىلى 2-ئايدا ئاپتونوم رايون بويىچە بىر تۇتاش قانات يايدۇرۇلغان »ئۈچكە ئەھمىيەت بېرىش «تەربىيىسى خىزمىتى قاراقاش ناھىيىسىدە باشلاندى. مائارىپ ئىدارىسىدا مائارىپ سىستېمىسىنىڭ »ئۈچكە ئەھمىيەت بېرىش« تەربىيىسى رەھبەرلىك گۇرۇپپىسى ۋە ھەر قايسى ئوتتۇرا، باشلانغۇچ مەكتەپلەردە تارماق گۇرۇپپىلار قۇرۇلۇپ، ئۆگىنىشكە كىرىشىپ كەتتى.
2001-يىلى 2-ئايدا مەملىكەت بويىچە بىر تۇتاش قانات يايدۇرۇلغان »ئۈچكە ۋەكىللىك قىلىش« ئۆگىنىش تەربىيىسى پائالىيىتى قاراقاش ناھىيىسىدە باشلاندى. مائارىپ ئىدارىسىدا »ئۈچكە ۋەكىللىك قىلىش« ئۆگىنىش تەربىيە پائالىيىتىگە رەھبەرلىك قىلىش گۇرۇپپىسى ۋە ھەر قايسى ئوتتۇرا-باشلانغۇچ مەكتەپلەردە تارماق ئۆگىنىش تەربىيە رەھبەرلىك گۇرۇپپىلىرى قۇرۇلۇپ، 1-باسقۇچلۇق ئۆگىنىش تەربىيىسىگە كىرىشىپ كەتتى.
2005-يىلى پۇرچاقچى يېزىسىدىن دېھقان كارخانىچى ئابلىكىم كامال 2 مىليون يۈەن چىقىرىپ پۇرچاقچى يېزىسىنىڭ ئاياغ تۈگمەنئېرىق كەنتىگە زامانىۋى ئۇسلۇبتا باشلانغۇچ مەكتەپ سېلىپ بەردى. مەكتەپنىڭ نامى »پۇرچاقچى يېزا ئابلىكىم كامال ئىگىلىك تىكلەش ئۈمىد باشلانغۇچ مەكتىپى «دەپ ئاتالدى.
2006-يىلى 3-ئاينىڭ 3-كۈنى ناھىيىلىك 1-ئوتتۇرا مەكتەپتە خوتەن ۋىلايىتى بويىچە تۇنجى قارارلىق تولۇق ئوتتۇرا مەكتەپ »باھار غۇنچىلىرى «سىنىپىنىڭ ۋىۋىسكا ئېسىش مۇراسىمى ئۆتكۈزۈلدى. خوتەن ۋىلايەتلىك پارتكومنىڭ مۇئاۋىن شۇجىسى زەينەپخان ئابدۇللا ۋىۋىسكا ئېسىش مۇراسىمىغا قاتناشتى.

پاتىمە

بۇ تارىخى ماتىريال ئىچىكىلىك بىلەن يېرىلىپتۇ  ..........

بەختىيار(بايقاش

شۇنداق،زەپەر ئەپەندىم بۇ تېما ئۈچۈن كۆپ ئەجر-مېھنەت سېڭدۈرۈپسىز،بارىكاللا！