بۇ يازمىنى ئاخىرىدا ◤pari◥ تەھرىرلىگەن. ۋاقتى 2013-3-28 07:40
مىللى مائارىپىمىز ئۈچۈن ئۆزىنى بېغىشلىغان بىرگە ماھىر كۆپكە قادىر باغۋەن: پەتتار شەمشى
[
مىللىي مائارىپ ئوقۇتۇشىدا ئۆزىنىڭ بارلىقىنى ياش ئەۋلادلارنى تەربىيلەش يولىدا ئۆزىنىڭ بارلىقىنى , ياشلىق ھاياتىنى بېغىشلاپ ۋە يېڭى دەۋرنىڭ ئۇنىۋېرسال تەلىپىگە ماس ھالدىكى ياراملىق كىشىلەردىن قىلىپ تەربىيىلەپ چىقىشتىن ئىبارەت جاپالىق، ئەمما ئىنتايىن شەرەپلىك ئىشقا بېغىشلاپ، پۈتۈن ۋۇجۇدى بىلەن تېخىمۇ كۆپ ئەۋلادلارنى تەربىيەلەش يولىدا پىداكارلىق كۆرسىتىپ، ئوقۇ-ئوقۇتۇش خىزمىتىنىڭ نەتىجىلىك ئېلىپ بېرىلىشى ئۈچۈن ئۆزىنىڭ ياشلىق باھارى ۋە يۈرەك قېنىنى سەرپ قىلىپ، بۇ جەھەتتە بەلگىلىك نەتىجىلەرنى يارىتىۋاتقان تۆھپىكار باغۋەنلىرىمىز ئاز ئەمەس. پەتتار شەمشى مۇئەللىم مانا مۇشۇنداق پىداكار ئوقۇتقۇچىلىرىمىزنىڭ بىرى .
بىرگە ماھىر ،كۆپكە قادىر ھارماس ئوقۇتقۇچى پەتتار شەمشى 1973- يىلى 9-ئاينىڭ 23-كۈنى تۇرپان شەھىرىنىڭ ئايدىڭكۆل يېزىسىدا تۇغۇلغان.1983~1992يىلغىچە ئايدىڭكۆل يېزىسىدا باشلانغۇچ ۋە ئوتتۇرا مەكتەپنى ئەلا نەتىجە بىلەن تاماملىغان.
1992~1995يىلغىچە تۇرپان ۋىلايەتلىك دارىلمۇئەللىمىندە ئومومىي پەن كەسپىدە ئوقۇغان ، ئۇ ئۆزىنىڭ قىزىقىشى بويىچە 1995-يىلى ئۆزى ياخشى كۆرىدىغان ئوقۇتقۇچىلىق خىزمىتىگە قاتناشقان.كېيىن ھەممىنى قايىل قىلارلىق ئوتتەك قىزغىنلىق بىلەن شىنجاڭ ئونۋېرسىتىتېنىڭ ئۆزلىكىدىن ئۆگىنىش ئىمتىھانىغا قاتنىشىپ تولۇق كورس ئوقۇش تارىخىغا ئېرىشكەن. ئۇ كەسىپتىكى تىرىشچانلىىقىۋە ئەستايدىللىقى بىلەن 1997-يىلى ئوتتۇرا مەكتەپ 3-دەرىجە،1999-يىلى ئوتتۇرا مەكتەپ 2-دەرىجە،،2003 -يىلى ئوتتۇرا مەكتەپ1-دەرىجە،2010-يىلى ئوتتۇرا مەكتەپ ئالىي ئۇنۋانىغا ئېرىشكەن. 1995~2009يىلغىچە تۇرپان شەھەر ئابدۇكېرەم ئوتتۇرا مەكتەپتە ئىشلىگەن،2009~ھازىرغىچە تۇرپان شەھەر ئايدىڭكۆل يېزا ئوتتۇرا مەكتەپتە ئىشلەپ كەلمەكتە. خىزمەت قىلىش جەريانىدا يۈكسەك مەسئوليەتچانلىقى ۋە ئەستايدىللىقى بىلەن ئوقۇغۇچىلارغا نەزىرىيە بىلەن ئەمىلىيەتنى بىرلەشتۈرۈپ ئۆتۈش ئۈچۈن ئۈرۈمچى << سەرخىل تەربىيىلەش كەسپىي تەربىيىلەش مەكتىپى>>دە بىريىل ئائىلە ئېلىكتىر سايمانلىرىنى رىمونت قىلىش ،كومپىيوتېر ۋە يانفون رىمونت قىلىشنى ئۆگەنگەن.خۇلۇم-خوشنا،دوست-بورادەرلىرىنىڭ بۇزۇلغان سايمانلىرىنى ھەقسىز رىمونت قىلىپ بېرىپ ئۇلارنىڭ ماختىشىغا ۋە ھۆرمىتىگە سازاۋەر بولغان.كېيىن ئۆزلىكىدىن كومپىيوتېر ئۆگىنىشنى ئىزچىل داۋاملاشتۇرۇپ، Office,photoshop,Flash,authorware,几何画板قاتارلىق يۇمشاق دېتاللارنى ئۆگىنىپ كومپىيوتېردا دەرسلىك دېتالى تۈزۈش ئۇستازىغا ئايلانغان،2012-يىلى قىشلىق تەتىلدىن پايدىلىنىپ،powerpoint2010， نى ئۆگىنىش سۆرەتلىك دەرسلىكى، 5.03几何画板 نى ئۆگىنىش سۆرەتلىك دەرسلىكىنى ئىشلەپ چىقىپ كەڭ كەسىپداشلارغا سۇنغان ھەم نۇرغۇن كومپىيوتېر ئۆگىنىش سۆرەتلىك دەرسلىكلىرىنى ئىشلەپ تورغا يوللاپ تورداشلارنىڭ ياخشى باھاسىغا ئېرىشكەن.
ئۇ خىزمەتكە قاتناشقاندىن بۇيان تولۇقسىز ئوتتۇرا مەكتەپ ئوقۇغۇچىلىرىغا ماتېماتېكا ۋە فىزىكا دەرسى بېرىپ كەلگەن.بىر تەرەپتىن ئوقۇتۇش بىلەن شوغۇللىنىپ يەنە بىر تەرەپتىن تەتقىقات بىلەن شوغۇللىنىپ ،<<ئېلىكتىر زەنجىرلىرىنى ئۇلاش ۋە زەنجىر سىخىمىسى سىزىشتا دىققەت قىلىدىغان نوقتىلار>>،<<دەرستىن كېيىنكى تەسىرات يېزىش ۋە ئۇنىڭ رولى>>،<<فىزىكا ئوقۇتۇشىدا رەسىم سىزىش ئۇسۇلىنىڭ رولى>> ۋە <<ئۆلچەمسىز پارتا-ئورۇندۇقلارنىڭ ئوقۇغۇچىلارنىڭ جىسمانىي ۋە روھىي ساغلاملىقىغا بولغان تەسىرى>>قاتارلىق 4 پارچىدىن ئارتۇق ئىلمىي ماقالا يېزىپ شىنجاڭ مائارىپ ژورنىلىدا ئېلان قىلدۇرغان.
دەرسنى ئەنئەنىۋىي ئوقۇتۇش بىلەن زامانىۋىي ئوقۇتۇش ئۇسۇلىنى ،تەجرىبىلىك ئوقۇتۇش بىلەن كۆپ ۋاستىلىق ئوقۇتۇش ۋاستىلىرىندىن پايدىلىنىپ قىزىقارلىق،جانلىق،ئوبرازلىق ئۆتۈپ كەڭ ئوقۇغۇچى،ئوقۇتقۇچىلارنىڭ ئېتراپ قىلىشىغا ئېرىشكەن.
1995-يىلدىن 2008-يىلغىچە ئوقۇغۇچىلارغا تولۇقسىزنى پۇتتۇرىدىغان ئوقۇغۇچىلارغا فىزىكا دەرسىنى تەكرار قىلىپ،ئۆرلەپ ئوقۇش ئىمتىھانىدا ئوقۇغۇچىلارنىڭ نەتىجىسى شەھەر بويىچە 1~ 5لىككىچە ئېرىشىپ مەكتەپ ۋە شەھەرلىك مائارىپ ئىدارىسى تەرىپىدىن كۆپ قېتىم ئىلغار ئوقۇتقۇچى بولۇپ باھالىنىپ ماددىي ۋە مەنىۋىي جەھەتتىن مۇكاپاتلانغان.1998-يىلدىن 2006-يىلغىچە ئۇدا بەش قېتىم شەھەر بويىچە ئىلغا ئوقۇتقۇچى بولۇپ ماددى ۋە مەنىۋىي جەھەتتىن باھالانغان. 2008 -يىلى 9-ئاينىڭ 10 كۈنى تۇرپان شەھەرلىك خەلق ھۆكىمىتى تەرىپىدىن ئوقۇ-ئوقۇتۇشتىكى ئىلغار شەخس بولۇپ باھالىنىپ ماددىي ۋە مەنىۋىي جەھەتتىن مۇكاپاتلانغان. 2006-يىلى ئۇ ماتېماتېكا دەرس بەرگەن ئوقۇغۇچىلار ئۆرلەپ ئوقۇش ئىمتىھانىدا شەھەر بويىچە 3-بولۇپ،ئىلغار ئوقۇتقۇچى بولۇپ مۇكاپاتلاندى.يەنە شۇ يىلى شىنجاڭ بويىچە ئۆتكۈزىلگەن ئوتتۇرا –باشلانغۇچ مەكتەپ ئوقۇغۇچىلىرىنىڭ ماتېماتىكا مەسىلە يېشىش مۇسابىقىسىدە ئۇ تەربىيىلىگەن 5نەپەر ئوقۇغۇچى 1،2،3 دەرىجىگە ئېرىشىپ،مۇنەۋۋەر يېتەكچى بولۇپ ماددىي ۋە مەنىۋىي جەھەتتىن مۇكاپاتلاندى. تۇرپان شەھىرى بويىچە ئوتكۈزىلگەن ئۈلگىلىك دەرسلارنى باھالاش مۇسابىقىسىدە كۆپ قېتىم شەھەر بويىچە بىرىنچى دەرىجە بولۇپ باھالىنىپ ماددىي ۋە مەنىۋىي جەھەتتىن مۇكاپاتلانغان. 2010-يىلى 9-ئاينىڭ 10-كۈنى تۇرپان شەھىرى بويىچە ئۆتكۈزىلگەن قوش تىل ئوقۇتقۇچىلىرىنىڭ فىزىكا دەرس ئۆتۈش مۇسابىقىسىدا بىرىنچى بۇلۇپ باھالىنىپ ماددىي ۋە مەنىۋىي جەھەتتىن مۇكاپاتلانغان. 2010-يىلى 9-ئاينىڭ 18-كۈنى تۇرپان ۋىلايىتى بويىچە ئۆتكۈزىلگەن قوش تىل ئوقۇتقۇچىلىرىنىڭ فىزىكا دەرس ئۆتۈش مۇسابىقىسىدا بىرىنچى بۇلۇپ باھالىنىپ ماددىي ۋە مەنىۋىي جەھەتتىن مۇكاپاتلانغان.
2010-يىلى 10-ئاينىڭ 25-كۈنى ئاپتۇنۇم رايۇن بويىچە ئۆتكۈزىلگەن ئىككىنچى قېتىملىق قوش تىل ئوقۇتقۇچىلىرىنىڭ فىزىكا،ماتېماتېكا،بىئولوگىيە دەرس ئۆتۈش مۇسابىقىسىدا فىزىكا دەرسى ئۆتۈپ ئاپتۇنۇم رايۇن بويىچە بىرىنچى بۇلۇپ باھالىنىپ ماددىي ۋە مەنىۋىي جەھەتتىن مۇكاپاتلانغان.
ئۇ ھازىر يەنە شۇ ئايدىڭكۆل ئوتتۇرا مەكتەپتە فىزىكا دەرسى بېرىپ كەلمەكتە . ئوقۇتقۇچىلارنىڭ كومپىيوتېر ئۆگىنىشىگە يېقىندىن ياردەمدە بولۇپ ئۆزىنىڭ رولىنى تولۇق جارى قىلدۇرۇپ كەلمەكتە. | 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-3-24 22:45:46
يوللىغان ۋاقتى 2013-3-24 23:10:35
