ھېكمەت دۇردانىلىرى

pari

ھېكمەت دۇردانىلىرى

                        

1. ئۆزىڭىزنى تاكامۇللاشتۇرۇڭ ،ئۈگىنىشنى توختاتماڭ .ئۈگىنىدىغان پۇرسەتنى قولدىن بېرىپ قويماڭ .چۈنكى ئۇلار ھامان سىزگە ئەسقاتىدۇ .

2. باشقىلارنىڭ سۆزىنى كاللىڭىزغا قاچىلىۋالسىڭىز كۇپايە ،ئەمما ئۆزىڭىزنىڭ ئويلىغانلىرى ھەر ۋاقىت قەلبىڭىزدە تۇرۇشى كېرەك .
3. ئەگەر ھازىرقى تۇرمۇشتىن رازى بولمىسىڭىز ياكى ئۇنى قۇبۇل قىلىشقا ئامالسىز قالسىڭىز ،ئۆزىڭىزنى تاشلىۋېتىدىغان ئىشنى قىلماڭ . ئۆزگەرتىشكە بولىدىغان نەرسىلەرنىڭ ھەممىسىنى ئۆزگەرتىشكە ئۇرۇنۇپ بېقىڭ .
4.كۆپ كىتاپ كۆرۈڭ . تاماقنى ئازراق يەڭ ، كۆپرەك كۈلۈڭ ، ئازراق سۆزلەڭ .
5. بىر ئادەمنى ياخشى كۆرۈشكە تىرىشىڭ ،ئەگەر ياخشى كۆرگەن بولسىڭىز ھەرگىز بولدى قىلماڭ . ھەقىقى مۇھەببەتكە ئادەم ھاياتىدا نەچچە قېتىم ئېرىشەلمەيدۇ . ئۇ پەقەت ۋە پەقەت بىرلا قېتىم كېلىدۇ . سىز بەدەل تۆلەشتىن يالتايمىسىڭىزلا ،ھامان ئۈنۈمىنى كۆرەلەيسىز .
6. ئۆزىڭىزگە نىسبەتەن بىر گۈزەل ئىشقا ۋەدە بېرىڭ  ھەمدە ھەر كۈنى ئۇنى ئورۇنداشقا ھەرىكەت قىلىڭ .
7. ھەممە ئادەمنىڭ ئۆزىەە تۇشلۇق ئارتۇقچىلىقى ۋە كەمچىلىكى بولىدۇ ، شۇڭا ھەممە كىشىنىڭ سىزنىڭ كۆڭلىڭىزدىكىدەك بولۇپ كېتىشى ناتايىن . باشقىلارنى قۇبۇل قىلىشنى ئۈگىنىڭ .باشقىلارنى ئۆزىڭىز ئويلىغاندەك بولسىكەن ،دەپ قارىماڭ .چۈنكى قارشى تەرەپ ئۆزگەرتەلمىگەن نەرسىلەرنى بەرىبىر سىزمۇ ئۆزگەرتەلمەيسىز
8.ئەسلىڭىزنى ئۇنتۇپ قالماڭ ، سىزنىڭ يۇرتىڭىز ، قان تىپىڭىز ، ئېرقىڭىز ، جەمەتىڭىز  قاتارلىقلارنىڭ ھەممىسى سىزگە تامغا بولۇپ ئۇيۇلغان . سىز ئۇلارنى تېخىمۇ نۇرلاندۇرۇش ئۈچۈن تىرىشچانلىق كۆرسىتىڭ .
9. ئىشلارنى ئۆزىڭىز قارار چىقىرىڭ  ھەمدە ئۇنىڭ ئاقىۋىتىگە تەييارلىق كۆرۈپ قويۇڭ . ئىش باشلىنىشتىلا ئۆزىڭىزگە ئەسكەرتىڭ ، بۇ دۇنيادا پۇشايماننى ئالىدىغان قاچا يوق .
10.نىمە تېرىسىڭىز شۇنى ئالىدىغانلىقىڭىزغا ئىشىنىڭ .
11.ئەتراپىڭىزدىكىلەرنىڭ پىكرىنى ئاڭلاشنى ئۈگىنىۋېلىڭ ، شۇنداق قىلسىڭىز باشقىلارنىڭ زىيانكەشلىكىگە ئۇچرىمايسىز .
12. تەنھالىققا كۆنۈشنى ھەمدە ئۆزىڭىزدىن پايدىلنىشنى بىلىڭ . يالغۇز قالغانلىقىڭىز ئۈچۈنلا ئازابلانماڭ ،شۇنداق ۋاقىتلاردا ئۆزىڭىزنىڭ نىمىلەرنى  قىلالايدىغانلىقكىڭىز ئۈستىدە ئويلىنىپ بېقىڭ . ئەگەر سىز سەگەك كاللىڭىز بىلەن ئويلاپ باقسىڭىز ،سىز ئاشۇنداق چاغلارنىڭ ئەڭ تېنچ ۋە ئەڭ موھىم ئىكەنلىكىگە ئىشىنىسىز .
13.جەمىيەتتىكى نۇرغۇن ناھەقسىزلىكلەردىن ئاغرىنىشنىڭ ئورنىغا ئۆزىڭزىنى كۈچەيتىش ئۈچۈن مىدىرلاپ بېقىڭ .چۈنكى ، كۆز ئالدىڭىزدىكى دۇنيا ھەرگىزمۇ قاقشاش ۋە ئاغرىنىشلارنىڭ مەھسولى ئەمەس.
14.ئۆزىڭىز ياىشى كۆرگەن دوستۇڭىزغا قۇتلۇق كۈنلەردە سوۋغا ئەۋەتىشنى ، ھېچ بولمىسا ئۇچۇر ئىۋەتىشنى ئۇنۇتماڭ
مەنبە : شىنجاڭ مائارىپى
   

ئەلتۈرك

ياخشى ھىكمەتلەرنى يوللاپسىز! سىزگە ئاللاھ رەھمەت قىلسۇن!

سىرداش

ياخشى  دۇردانىلار ئىكەن  رەھمەت سىزگە  پەرى  خانىم

مەرىپەت

ياخشى ھېكمەتلەركەن، ئوقۇپ قۇيۇشقا تىگىشلىك ياخشى تېما...رەھمەت...

دىلرۇس

يۈرەككە نەقىش قىلىپ ئۆيىۋالغۇدەك دۇردانىلاركەن. قەلب خاتىرەمگە پۈتىۋالدىم بۇ ھېكمەتلەرنى. بەرىكەتلىك قوللىرىڭىز دەر كۆرمىگەي!

1چىچەك

ياخشى ھېكمەتلەركەن.بۇنى ئوقۇسا ئادەم ئۆزىنىڭ كەيپىياتىنى تەڭشيەلەيدىكەن.