ھەرىدەش
ئوغلىنىڭ سەنئەت تالانتىنى يېتىلدۈرۈش ئۈچۈن،ئامان ئوغلىنى تىياتىرخانىدا ئۆتكۈزۈلىۋاتقان ئىسكىرىپكا بىلەن ئورۇندالغان مۇزىكا كېچىلىكىگە ئاپاردى.
مۇزىكا ئورۇنلاش بىرەر سائەت داۋاملاشقاندىن كېيىن،ئىچى پۇشۇپ كەتكەن ئوغلى ئاماندىن سورىدى:
-دادا،ئاۋۇ ئادەملەر قولىدىكى ياغاچ قۇتىنى زادى قاچانلىققا ھەرىدەپ بولىدۇ؟
قاۋىمايدىغان ئىت
گۈلزار كەپسىز ئوغلىنى قورقۇتۇپ مۇنداق دېدى:
-يەنە كەپسىزلىك قىلىدىغان بولساڭ مەن سېنى ئىتنىڭ كاتىكىگە ئىت بىلەن بىللە سولاپ قويىمەن!
-ئىت بىلەن بىللە سولاپ قويساڭ مەيلى،بىراق مەن ئۆيگە ئوغرى كىرسە قاۋىماي جىم تۇرۇۋالىمەن.
قايسى تەرەپتە تۇرىسەن
تۇرسۇنجاننىڭ مومىسى باشلانغۇچ مەكتەپتە ئوقۇۋاتقان تۇرسۇنجاننى سىناپ بېقىش ئۈچۈن سورىدى:
-ئەگەر ئاپاڭ بىلەن داداڭ ئۇرۇشۇپ قالسا سەن قايسى تەرەپتە تۇرىسەن؟
-مەن بىر چەتتە قاراپ تۇرىمەن شۇ.
يوغان باش
پەرىنىڭ ئوغلى پەرىگە يىغلاپ دەرد ئېيتىشقاباشلىدى:
-قارا ئاپا،مەكتەپتىكى بالىلارنىڭ ھەممىسى مېنى يوغان باش دەپ مەسخىرە قىلىۋاتىدۇ.
-بالام،ئۇلارنىڭ گېپىگە قۇلاق سالما،سېنىڭ بېشىڭ دېگەن شۇنداق ئەپچىل،شۇنداق چىرايلىق.بولدى يىغلىما قوزام،يۈرە مېنىڭ بىلەن ماڭ،بازارغا چىقىپ10كىلو پەمىدۇر ئەكىرەيلى!
-ماقۇل ئاپا،خالتا ئېلىۋاماپسەنغۇ،پەمىدۇرنى نېمىگە سالىمىز؟
بولدى،خالتىنىڭ لازىمى يوق،10كىلو پەمىدۇر دېگەن سېنىڭ شەپكەڭگە ئازادە پاتىدۇ.
نېمە دېيىش كېرەك
مەرىپەت قىزىنى يېتىلەپ كېتىۋاتقان ئىدى،بىر تونۇشى ئۇچىراپ قىلىپ قىزىغا بىر قۇتا قېتىق بەردى.
-تاغاڭ ساڭا قېتىق بەردى،سەن ئەمدى ئۇنىڭغا نېمە دېيىشىڭ كېرەك؟
قىزى بىر ھازا تېڭىرقاپ تۇرۇپ كەتكەندىن كېيىن:
-ھە راست تاغا،قېتىق ئىچىدىغان نەيچە قېنى،-دېدى.
تېمىدىن چەتنەپ كېتىش
زەپەر گېزىت كۆرۈۋېتىپ بالىسىدىن سورىدى:
-ئۆتكەندە مەن ساڭا يېزىپ بەرگەن ماقالە ئەلا بولۇپ باھالانغاندۇ؟
-ياق،مۇئەللىم ئۇ ماقالىنى تېمىدىن بەكلا چەتنەپ كېتىپتۇ دەيدۇ.
-ئۇنداق ئەمەستۇ،مەن تاپشۇرۇقتىكى تەلەپ بويىچە"مېنىڭ دادام"دېگەن تېمىدا يېزىپ بەرگەن ئىدىمغۇ؟
-ئۇغۇ شۇنداق،بىراق سەن پۈتۈنلەي بوۋامنىڭ ئىش-ئىزلىرىنى يېزىپسەن ئەمەسمۇ؟
ئاپىسىنى چاقىرىش
بايخېنىم كەچتە بالىسىنى ھەر قانچە قىلىپمۇ ئۇخلىتالمىدى.ئەمدىلا كۆزى ئۇيقۇغا بارغان ماھىنۇر قىزىنىڭ"ئاپا"دېگەن ئاۋازىنى يەنە ئاڭلاپ جۇدۇنى ئۆرلىدى:
-ھەي شۇم،مەن سېنى ئۇخلا دەۋاتىمەن،يەنە ئاپا دەيدىغان بولساڭ كانىيىڭنى بوغۇپ قويىمەن.
بۇ گەپلەرنى ئاڭلاپ بالىسى جىمىپ قالدى.ماھىنۇر ئەمدى ياتاي دەپ تۇرسا،بالىسى پەس ئاۋازدا ئۇنى چاقىردى:
-بايخېنىم خانىم،ماڭا بىر ئىستاكان سۇ ئەكىرىپ بەرگەن بولسىڭىز بوپتىكەن.
ئۆگىتىش
سىرداش كارۋاتتا ئۇخلاۋاتاتتى،قىزى ئۇنىڭ يېنىغا ئويناپ كېلىپ،توك كۆرپىسىنىڭ چاتقۇسىنى چىقىرىۋەتتى.
ئاپىسى قىزىغا ئۆگىتىپ مۇنداق دېدى:
-قىزىم،قولىڭىزدىكى توك كۆرپىسىنىڭ چاتقۇسى،ئۇنى يەنە ئىككى تۆشۈك بار يەرگە سانجىپ قويسىڭىز بولىدۇ.
قىزى بىردەم ئۇياقنى-بۇياقنى ئىزدىگەندىن كېيىن،توك كۆرپىسىنىڭ چاتقۇسىنى كارۋاتتا ئۇخلاۋاتقان سىرداشنىڭ بۇرنىغا سانجىپ قويدى.
ئاق كۆڭۈل بالا
بالىسى ئادمىندىن ئىككى مو سورىغانىدى،ئادمىن يەنە خاپا بولۇپ كەتتى:
-كۈندە پۇل سورايسەن،بۇ پۇللارنى نەگە ئىشلىتىسەن زادى؟
-دادا،مەن ئۇ پۇللارنى بىر نامرات مومايغا بېرىمەن.
ئادمىننىڭ چىرايى بىردىنلا ئېچىلىپ كەتتى:
-ۋۇي،مېنىڭ بالام نامراتلارغا كۆڭۈل بۆلىدىغان ناھايىتىمۇ ئاق كۆڭۈل ئادەم بوپتۇ،مە ماۋۇ بەش موچەننى ئالغىن،ھە راست ئۇ موماي نېمە ئىش قىلىدىكەن؟
-بىزنىڭ قورۇنىڭ ئالدىدا ماروژنى ساتىدىكەن. | 
قىزغىنلىق
تىللا
تۆھپە
شۆھرەت
يوللىغان ۋاقتى 2013-3-1 01:11:33
يوللىغان ۋاقتى 2013-3-1 13:47:20
