ئايلىنىش
بىراۋ بىر بىلەرمەننىڭ توختىماي قىلىۋاتقان گېپىنى يېرىپ سورىدى:
-ئېيتىڭا،يەر شارى قۇياشنى ئايلىنىپ چۆرگىلەيدۇ،دېگىنى راست گەپمۇ؟
-ئەلۋەتتە راست،-دەپتۇ بىلەرمەن.
-ئەمىسە كېچىسى قانداق قىلىدۇ؟
بىلەرمەن بىردەم تۇرۇۋېلىپ،ئاندىن سۆز قايتۇرۇپتۇ:
-تازىمۇ دۆت ئىكەنسىز،ئاينى ئايلىنىپ چۆرگىلىمەمدۇ....
كۈتۈلمىگەن جاۋاب
ئۆزىنىڭ چوقۇر خوتۇنىنى باشقىلارنىڭ ماختاپ قويۇشىنى ئارزۇ قىلىپ يۈرگەن بىر كىشى خوتۇنىنىڭ مەھەللىسىدىن يېقىنلا بىر ئايالغا ئۆيلەنگەن بىر كىشىدىن سورىدى:
-ئارا مەھەللىلىك دېگەن قانداق بولىدىكەن؟
ئۇ كىشى ئالغان ئايالنىڭ چىرايى قارا بولغاچقا:
-قانداق بولاتتى،بەزىلىرى قارا،بەزىلىرى مۈدۈر-چوقۇر بولىدىكەن،-دەپ جاۋاب بەردى.
جېدەل چىقىدۇ
نەسىرىدىن ئەپەندى كىچىك ۋاقتىدا خەلپەتتە ئوقۇۋاتقاندا،ھىساب دەرىسىدە بەك قىينىلاتتى،بىر قېتىم خەلپەت ئۇنىڭدىن سورىدى:
-نەسىرىدىن،قىرىق بەشتىن ئون يەتتىنى ئالسا قامچىسى قالىدۇ؟
نەسىرىدىن جاۋاب بېرەلمىدى،خەلپەت چۈشەندۈردى:
-ماڭا قارا،مىسالەن،داداڭ ئاپاڭغا قىرىق بەش تەڭگە بېرىپ،ئەتىسى ئون يەتتە تەڭگىنى ئېلىۋالىمەن دېسە،ئاخىرىدا نېمە چىقىدۇ؟
نەسىرىدىن دەرھال جاۋاب بەردى:
-بۇ ئېنىققۇ،قىپقىزىل جېدەل چىقىدۇ شۇ.
تامنى تۇتۇپ تۇرسىڭىز
بىنا ئۆيدە تۇرىدىغان بىر مەست قۇلۇپ تۆشىكىگە ئاچقۇچنى سالالماي تۇرغىنىدا،يۇقىرى قەۋەتتىكى قوشنىسى چۈشۈپ،ئۇنىڭ ھالىنى كۆرۈپ:
-ئاچقۇچنى ئەكېلىڭ،مەن ئېچىپ بېرەي،-دېدى.
-يوقسۇ،-دېدى ھېلىقى مەست دەلدەڭشىپ،-ئەگەر بەك ياردەم قىلغۇڭىز كېلىپ كەتسە،مۇنۇ تامنى تۇتۇپ تۇرۇڭ،كاساپەت بەك مىدىرلاپ كېتىۋاتامدۇ،نېمە؟پەقەت جىم تۇرمايۋاتىدۇ.
غاجىغۇدەك گۆش نەدە
بىر بوۋاي قاسساپتىن ئۇستىخان ئېلىۋاتقاندا بىر ئاغىنىسى كېلىپ چاقچاق قىلدى:
-ياسىن ئاخۇن،ئېغىزلىرىدا بىر تال چىشنىڭ تاينى يوق،ئۇستىخان ئېلىۋاپلا،قانداق غاجايلا؟
بوۋاي شۇئان:
-بۇ قاسساپلار ئۇستىخاندا غاجىغۇدەك گۆش قويامدۇ،ھەممىنى قىرىۋالىدۇ،بۇنىڭغا چىشنىڭ ھاجىتى يوق،قاينىتىپ يالاپ تاشلىۋېتىمىز دېسىلە،-دېدى.
قەشقەر پاراڭلىرى
باشقا يۇرتلۇق تۆت بۇرادەر قەشقەرگە ساياھەتكە كەپتۇ-دە،مەلۇم بىر يەرگە بارماقچى بولۇپ كىرا ماشىنىسىغا چىقىپتۇ.ماشىنىغا چىقىپ بارماقچى بارغان ئورۇننى دېيىشىپ،ھەر بىر ئادەمگە بەش يۈەندىن تۆت ئادەمگە يېگىرمە يۈەنگە دېيىشىپتۇ.يولدا كېتىۋېتىپ شوپۇرنىڭ تۈكۈرگىسى كېلىپ دېرىزىدىن بېشىنى چىقىرىپ تۈكۈرۈپتىكەن،تېز كېتىپ بارغان شاۋقۇندا تۈكۈرۈكنىڭ ئۇچقۇنى ئارقىدا ئولتۇرغان خېرىدارنىڭ يۈزىگە چاپلىشىپ قاپتۇ.ئاچچىقى كەلگەن خېرىدار سىسىق گەپ قىلىپ بابلىۋالاي دەپ:«ئۇكۇم،نېمىنداق دېرىزىگە كۇرۇشكا بېكىتىۋالغاندەك تۈكۈرىدىلا؟مۇشۇنىڭ ئۈچۈن بەش كوي تۇتۇۋېلىپ ئون بەش كوي بېرىمىز جىما»دەپتۇ.شوپۇر:«ھە،شۇندامىتى؟ئەمىسە ھەر بىرلىرىنىڭ يۈزىگە بىردىن تۈكۈرۋېتىپ بىكارغىلا ئاپىرىۋەتمەيما!»دەپتۇ. | 
قىزغىنلىق
تىللا
تۆھپە
شۆھرەت
يوللىغان ۋاقتى 2013-2-21 22:01:17
