-
ئىگىلىك تىكلەش پىلانى ( ھەقىقي نۇسخا ) - [ئېگىلىك تىكلەش]
2008-12-20 | خەتكۈچئېگىلىك تىكلەش 创业
版权声明：转载时请以超链接形式标明文章原始出处和作者信息及本声明
logs/32749437.html
ئىگىلىك تىكلەش پىلانى ( ھەقىقي نۇسخا )
ئەسلى مەنبە : ئۇيغۇر ئىگىلىك مۇنبىرى http://igilik.com/bbs
ئاپتۇرنىڭ ئىجازىتى بېلەن بۇ جايغا كۈچۈرۈلدىئىگىلىك تىكلەش پىلاننامىسى
تۈر تاپشۇرغۇچى : ************
تاپشۇرغان ۋاقتى : 2008 - يىل 12 - ئاينىڭ 15 - كۈنى
1 . سودا تۈرىنى تونۇشتۇرۇش
ئىسمى : « ** » بالىلارنى ۋاكالىتەن ھالىدىن خەۋەر ئېلىش شىركىتى بولۇپ ، ئاتا - ئانىلار ھالىدىن خەۋەر ئېلىپ بولالمايۋاتقان ، ياكى قاراشقا ۋاقتى چىقمايۋاتقان بالىلارنى تەشكىللەپ ، بالىلارنىڭ ۋاقتىدا يىيىشى ، ئۇخلىشى دەرىستىن كىيىنكى تەكرار قاتارلىقلارنى باشقۇرۇپ ئاتا - ئانىلار ۋە بالىلارنىڭ قوش تەرەپلىمىلىك مەسىلىسىنى ھەل قىلىش ، ھەمدە سېستىمىلىق باشقۇرۇش ئارقىلىق بالىلارنىڭ ئۆز ى مۇستەقىل ياشاش ۋە ئىتتىپاقلىشىپ ھەمكارلىشىش روھىنى يېتىلدۈرۈپ يېڭى بىر ئەۋلاد ياراملىق بالىلارنى تەربىيلەپ چىقىش .
تىجارەت تۈرلىرى : بالىلارنى ۋاكالىتەن باشقۇرۇش ، دەرىستىن چۈشكەندىن كىيىن تەكرار قىلىپ بېرىش ، قۇۋۋەت تۇلۇقلاش يىمەكلىكلىرىنى تەمىنلەش قاتارلىقلار .
تۈرگە سېلىنىدىغان مەبلەغ : 200 مىڭ يۈەن ئەتراپىدا
ئورنى : **************
2 . تۈرنىڭ ئاساسىي ئەھۋالى
نۆۋەتتە شەھىرىمىزدە بالىلارغا قاراش شەھەر ئاھالىسىنىڭ كۈندىلىك تۇرمۇشىدا بىر چوڭ مەسىلىگە ئايلىنىپ قالدى .
بۇ مەن ۋە ئەتراپىمىزدىكىلەرنىڭ پاراڭ تېمىسىغا ئايلاندى . يەنى خىزمەت ئىشلىرىمىز تۈپەيلىدىن بالىلارنىڭ مەكتەپكە دەل ۋاقتىدا بارالماسلىقى ، تاماقنى ۋاقتىدا يىيەلمەي ئۇزۇقلۇق يىتىشمەي قېلىشى قاتارلىقلار ... بولۇپمۇ كۆپ قىسىم ئاتا - ئانىلارنىڭ مەدەنىيەت سەۋىيىسىنىڭ تۆۋەنلىكى تۈپەيلىدىن بالىلارنىڭ تاپشۇرۇقلىرىغا ياردەم قىلالماسلىقى ياشىغان دەۋىرنىڭ ئوخشىماسلىقى تۈپەيلىدىن قىممەت قارىشىنىڭ ئوخشىماسلىقى قاتارلىق مەسىلىلەر بىزنى ئويلاندۇرماي قالمايدۇ . ئەگەر مۇشۇ بالىلارنى يىغىپ ئۇلارنىڭ ياخشى يىيىش ، ياخشى ئۇخلاش ۋە شۇنداقلا ئۇلارنىڭ تاپشۇرۇق ئىشلەش قاتارلىق ئىشلىرىغا ياردەم قىلساق بۇ ئەلۋەتتە بىزگە نىسبەتەن يېڭىچە بىر سودا پۇرسىتى ئەمەسمۇ ؟
3 . بازار ئېھتىياجى تەھلىلى
ئىگىلىنىشىچە ، شەھىرىمىزدە باشلانغۇچ مەكتەپ نەچچە ئون بولۇپ ، ھەر قايسى باشلانغۇچ مەكتەپلەرنىڭ ئوخشىىمغان دەرىجىدە بالىلارنى ۋاكالىتەن باشقۇرۇش مەسىلىسى كىلىپ چىقىۋېتىپتۇ . سىتاتىسكا قىلىنىشىچە ھەر بىر باشلانغۇچ مەكتەپتىن نەچچە يۈز بالا ئىچىدە 60% ى ۋاكالىتەن باشقۇرۇشقا ، 40% ى دەرىستىن كىيىنكى تەكرار قىلىشقا ،30 % ئەتراپىدىكىسى گۈزەل سەنئەت ۋە مۇزىكا ئىنگىلىزتىلى قاتارلىقلاردا تەربىيلىنىشكە ، 20% بالىلار بولسا يەككە پەندە ئايرىم تەكرار قىلىپ بېرىشكە موھتاج .
يۇقارقىدەك تەھلىلدىن شۇنى كۆرۈۋېلىشقا بولىدۇكى
(1) ھازىرقى ئاتا - ئانىلارنىڭ بالىلار تەربىيىسىنىڭ مۇھىملىقىغا بولغان كۆز قارىشى بۇرۇنقىدىن كۆپ يۇقىرى كۆتىرىلدى .
(2) ھازىرقى بالىلارنىڭ رىقابەت كۈچى كەسكىن ، بېسىمى ئېغىر
(3) ئاتا - ئانىلارنىڭ جەمىيەتكە سىڭىپ كىرىشى چوڭقۇر بولغانلىقتىن بالىلارنىڭ ھالىدىن يىتەرلىك خەۋەر ئېلىپ بولالمايدۇ .
(4) مائارىپ تەربىيىسى ئۆزلۈكسىز يۇقىرى كۆتۈرىلىۋاتىدۇ
4 . بازار رىقابىتى ۋە كەلگۈسى
جەمىيەتنىڭ ئىلگىرلىشى ئەلۋەتتە رىقابەتلىك بولىدۇ . ئىگىلىك تىكلەشتە چۇقۇم كەسپى رىقابەتنى كۆزدە تۇتۇش كېرەك . ئېگىلىنىشىچە ھازىر شەھىرىمىزدە ئائىلە ئوقۇتقۇچىلىقى ۋە ۋاكالىتەن مۇلازىمەت قىلىش بازىرىنىڭ ئېچىلىشى تېخى ئانچە ئۇزۇنغا بارمىدى . لىكىن ئانچە - مۇنچە مەسىلىلەرمۇ يوق ئەمەس . مەسىلەن ئىشلەتكەن ماتىرىيالار ياخشى ئەمەس ، ئوقۇتقۇچىلار لاياقەتلىك ئەمەس ، مۇلازىمەت سۈپىتى ناچار ... پەقەت يىراققا كۆز تىكىپ ، ئۆزىمىزنىڭ رىقابەتتىكى ئارتۇقچىلىقىمىزنى بەرپا قىلىپ ، ئارتۇقچىلىقنى جارى قىلدۇرۇپ ، يېڭىلىق يارىتىپ تەرەققىي قىلالىساقلا ئاندىن جەمىيەتنىڭ ئېھتىياجىنى قاندۇرالايمىز .
3 . تەننەرىخنى ھىسابلاش
1 . مۇئاش ھېسابلاش
چۈشەندۈرۈش : مەخسۇس دەرىس تەكرارلاپ بېرىدىغان ئوقۇتقۇچىلارغا مۇئاش ھېسابلانمايدۇ . لىكىن ھەر بىر ئوقۇتقۇچىنىڭ ياراتقان ئىقتىسادى كىرىمى ھىسابلىنىدۇ . بىر سىنىپنى تەشكىللەپ سىرىتتىن تەكلىپ قىلىنغان ئوقۇتقۇچى بولسا مۇكاپات قوشۇپ بېرىلىدۇ .
2. سېلىنىدىغان مەبلەغنى ھېسابلاش
چۈشەندۈرۈلىشى :
(1) ئەسلىدىكى بار ئورۇننى ئاددى زىننەتلەپ ئىشلىتىش
(2) ئەسلىدە بار بولغا ئەسلىھەلەردىن تولۇق پايدىلىنىش كېرەك . يەنى : ئېلىكتىر ئەسۋابلىرى ، ئىشخانا ئەسۋابلىرى ، ئۈستەل ، ئورۇندۇق ، كارۋات قاتارلىقلارنىڭ كونىسىنى ساقلاپ قېلىش بىلەن بىر ۋاقىتتا يېڭىدىن تولۇقلاش .
3 . تىجارەت مەبلىغىنى ھېسابلاش
چۈشەندۈرۈش :
(1) ئوقۇغۇچىلارنىڭ تاماق چىقىمى : ھەر ئايدا 100 ئوقۇغۇچى دەپ ھېسابلىغاندا ئارىسىدىكى 80 ئوقۇغۇچىنىڭ چۈشلۈك ، كەچلىك تامىقىنى 240 ۋاق تاماق ، ھەر ۋاق تامىقى 1.5 يۈەندىن ھېسابلىساق كۈنلۈك تاماق چىقىمى 360يۈەن بولىدۇ .بىر ئاينى 30 كۈن دەپ ھېسابلاپ 22 كۈن خىزمەت كۈنى دىسەك ھەر ئايلىق تاماق چىقىمى جەمئىي 7920 يۈەن بولىدۇ .
(2)ئوقۇغۇچىلارنىڭ تاماق ئۆلچىمى : ھەر بىر ئوقۇغۇچىنىڭ تاماق مىقدارىغا قاراپ ئۆز لايىقىدا تاماق ۋە سەيلەر بېرىلىدۇ .
(3) ئىشتىن قالدۇرۇلغان ، ئىشسىزلارنىڭ ئىگىلىك تىكلىسە باج كەچۈرۈم جەھەتتىن بەلگىلىك ئېتىبار سىياسەتلەر بار .
پايدا زىيان تەھلىلى
1. تىجارەت نىشانى
ئوقۇغۇچى قوبۇل قىلىش نىشانىنى ئەمەلگە ئاشۇرۇش .( يەنى يىلدا 1920 نەپەر ،ھەر ئايدا تەخمىنەن 160 نەپەر ئوقۇغۇچى قوبۇل قىلىش )
2 . ئاساسىي تىجارەت كىرىمى يىلدا 768000يۈەن (ۋاكالىتەن بالىلارغا قاراش)
چۈشەندۈرۈلىشى :
ئايلىق تىجارەت كىرىمى : 160يۈەن*400 ئوقۇغۇچى = 64000 يۈەن
يىللىق كىرىم : 64000*12=768000
دەرس تەكرار قىلىپ بىرىش تۈرى : يىللىق كىرىم 10200 يۈەن
چۈشەندۈرۈلىشى : (1)يىلدا 34 نەپەر ئوقۇغۇچى قوبۇل قىلىش ، ھەر بىر پەن ئۈچۈن 300يۈەن تاپشۇرۇش . 34*300=10200
(2) ھەر ھەپتىنىڭ ئىككىسى تەكرارلاپ بېرىش ، ھەر بىر سىنىپتا 11~12 نەپەر ئوقۇغۇچى
(3) ھەر بىر سىنىپنىڭ ئايلىق كىرىمى 3300 يۈەن ، ھەر ئوقۇتقۇچىغا بىر ئاخشاملىق ئىش ھەققى ۋە مۇكاپاتى ئۈچۈن 50~100يۈەنگىچە (تەخمىنەن 75يۈەن ) بولغاندا ، 3300- (75*8)=2700يۈەن بولىدۇ .
(4)ئىككىنچى يىلدىن باشلاپ يىللىق كىرىم 10% ، ئۈچىنچى يىلى 20 % ئاشىدۇ .
مەبلەغ كىرىمىنى ئالدىن ھېسابلاش
ئاساسىي تىجارەت پايدا كىرىمى = يىللىق ئومۇمىي كىرىم - يىللىق ئومۇمىي چىقىم
76800-(43840*12ئاي ) - ( 2000*12) = 217920يۈەن
قوشۇمچە تىجارەت پايدا كىرىمى = يىللىق ئومۇمىي كىرىم - مۇكاپات ھەققى - باشقا چىقىملار
10200 - 1800 - 400 = 8000يۈەن
ئومۇمىي پايدا = ئاساسلىق تىجارەت كىرىمى + قوشۇمچە تىجارەت كىرىمى
217920 + 8000 = 225920 يۈەن
5 . زىياننى مۆلچەرلەش
(1) ئەگەر يىلدا ئەڭ ئاز دىگەندە 1315 نەپەرئايدا 109 نەپەردىن ئوقۇغۇچى قوبۇل قىلالىساق كىرىم - چىقىم تەڭلىشىدۇ .
(2) ئەگەر يىلدا 1315 نەپەر ئايدا 109 نەپەردىن ئارتۇق ئوقۇغۇچى قوبۇل قىلالىساق پايدىغا يۈزلىنىدۇ .
(3)ئەگەر يىلدا 1315 نەپەر ئايدا 109 نەپەردىن ئارتۇق ئوقۇغۇچى قوبۇل قىلالمىساق زىيان تارتىمىز .
(4) ئەگەر پىلان بويىچە يىلدا 1920 نەپەردىن ئوقۇغۇچى قوبۇل قىلالىساق يىللىق ئالىدىغان پايدا 217920 يۈەن بولىدۇ .
6 . خىيىم - خەتەر تەھلىلى
(1) تاللىغان ئورۇننىڭ جۇغراپىيلىك ئورنى مۇۋاپىقمۇ قانداق ؟
(2) تاللىغان ئورۇن مەكتەپنىڭ جۇغراپىيلىك ئورنىغا ماس كىلەمدۇ يوق ؟
(3) رىقابەتچىلەرنىڭ ئەھۋالىنى چۈشىنىش يىتەرلىكمۇ ؟
(4) ئەمەلىي سالغان مەبلەغ مۆلچەردىن ئېشىپ كەتتىمۇ ؟
(5) باشقۇرۇش تۈرۈلمىسى مۇكەممەلمۇ ؟
(6) ئوقۇتقۇچىلارنىڭ ساپاسى مەسىلىسى قانداق ؟
دىگەنلەرنى ئويلىشىش ھەمدە مۇۋاپىق بىر تەرەپ قىلىش كېرەك !
ھەل قىلىش ئۇسۇلى :
(1) ئورۇننى تاللاشتا بىر قانچە يەرنى تاللاپ ، بىر قانچە لاھىيە تۈزۈپ مۇتەخخەسسىسلەرنىڭ تەھلىلىنى ئاڭلاپ ئەڭ ياخشى لاھىيە ۋە ئورۇننى تاللاش كېرەك . ھەمدە تاللىغان ئورۇننىڭ ئەتراپىدىكى ئاممىغا بىر قېتىملىق پائالىيەت ئورۇنلاشتۇرۇپ ئاممىنىڭ پىكرىنى ئاڭلاپ بېقىش كېرەك .
(2) مەكتەپ بىلەن ئورۇننىڭ كۈتىۋېلىش ۋە ئۇزىتىش ۋاقتىنى ئەڭ مۇھىم ئورۇنغا قويۇپ قاتناش ۋاستىسىنىڭ قولايلىق بولىشى ھەمدە كېچىكىپ قېلىش ئەھۋالىنىڭ يۈز بېرىشىدىن ساقلىنىش لازىم .
(3) رىقابەتچىلەرنى چوڭقۇر تەھلىل قىلىپ ، ئۇلاردا بار شارائىتنىڭ بىزدە بولىشى ھەتتا ئۇلاردا يوق شارائىتنىڭ بىزدە بولشىنى ھەمدە باھاسىنىڭ مۇۋاپىق بولىشىغا ئەھمىيەت بېرىشىمىز كېرەك !
(4) ھەر قېتىم مەبلەغ سېلىشقا توغرا كەلگەندە قايتا -قايتا تەھلىل قىلىش ھەمدە مۆلچەرلىگەن ساننى سەل چوڭراق مولچەرلەش كېرەك .
(5) ئوقۇتقۇچىلارنى قاتتىق تەكشۈرۈپ ساپاسى يۇقىرى ئوقۇتقۇچىلارنى تەكلىپ قىلىش كېرەك .
بازار تىجارەت تاكتىكىسى
1 . مۇلازىمەت چۈشەندۈرۈلىشى ۋە باھا
(1) چۈشلۈك مۇلازىمەت : بالىنى ئاپىرىپ ئەكىلىش ، چۈشلۈك تاماق ، دەرس تەكرار قىلغۇزۇش چۈشلۈك ئۇخلىتىش ھەر ئېيى 250 يۈەن
(2) چۈشلۈك كەچلىك مۇلازىمەت : بالىنى ئاپىرىپ ئەكىلىش ، چۈشلۈك تاماق ، دەرىس تەكرار قىلغۇزۇش ، كەچلىك تاماق ، يۇيۇندۇرۇش ، كەچلىك مۇزاكىرە قىلغۇزۇش كەچ سائەت 9:00 بىلەن ئائىلە باشلىقى ئۆزى كىلىپ ئەكىتىش . ھەر ئېيى 550 يۈەن
(3) ھەر قايسى پەن ئوقۇتقۇچىلىرىنى تەكلىپ قىلىش ھەر قېتىملىقى 20 يۈەن .
(4) يەككە پەندىن قوشۇنچە تەربىيەلەش : ( ئەدەبىيات، ماتىماتىكا ، تارىخ ، جۇغراپىيە ، ئىنگىلىزتىلى ، گۈزەل سەنئەت ، مۇزىكا قاتارلىقلار ) ھەر ئايلىقى 300 يۈەن .
(5) دەرستىن سىرتقى بىلىملەردىن تەكرار قىلىپ بىرىش (ئەدەپ - ئەخلاق تەربىيىسى ، كەيپىياتنى تەڭشەش تەربىيىسى ) ھەر ئايلىقى 300يۈەن
(6) ئالاھىدە مۇلازىمەت : ( بالا ئاغرىپ قېلىپ مەكتەپتىن ئۆيگە قايتىپ بارالماسلىقى ياكى كۈندۈزى بىرەر ئىش بىلەن بالىنىڭ ھاجىتى چۈشۈپ قېلىشى . ) ھەر قېتىملىقى 30 يۈەن
چۈشەندۈرۈلىشى :
(1) چۈشلۈك ۋە كەچلىك مۇلازىمەتتە 4~5 ئاي بىر مەۋسۈم ھېسابلىنىپ ، ئائىلە باشلىقلىرى ۋە يىتەكچى ئوقۇتقۇچىلار ھەر ئاينىڭ 1 - كۈنى ھېسابات بوغىدۇ .
(2)ۋاكالىتەن قاراش مۇلازىمەت سىنىپى 4 سىنىپ بولۇپ تەشكىللىنىپ ھەر بىر سىنىپتا 45 ئوقۇغۇچى بولىدۇ . يازلىق ۋە قىشلىق تەتىل ۋاقتىدا ئوخشاشلا مۇلازىمەت قىلىنىدۇ .
(3) دەرس تەكرار قىلىپ بېرىدىغان سىنىپ 12 ئوقۇغۇچى بىر سىنىپ بولىدۇ .
تىجارەت تاكتىكىسى
1 . ئورۇننى تاللاش
(1) قاتناش قولايلىق ئورۇننى تاللاش
(2) ئەتراپتىكى باشلانغۇچ مەكتەپ 4 تىن كەم بولماسلىقى كېرەك .
(3) تاللىغان ئورۇن شەھەر ئىچىدە بۇلىشى كېرەك
(4) تاللىغان ئورۇن 500 كۇۋادىرات مېتىردىن كەم بولماسلىقى لازىم .
2 . ئورۇننى مۇقىملاشتۇرۇش
3. تىجارەت پىلانى
(1) يېڭى ئوقۇغۇچىلارنىڭ قوبۇل قىلىنىشىنى تىزلىتىشنى يىللىق ئومۇمىي خىزمەتنىڭ مۇھىمى قىلىش .
(2) ھەر قايسى مەكتەپ ، كوچا ۋە مەخسۇس ئېلان ئورۇنلىرىدىكى ئېلان ئورنىدىن پايدىلىنىپ ئېلان تەشۋىقاتنى ياخشى قىلىش .
(3) تەشۋىقات ۋاراقچىسىنى تارقاتقاندا ، تەشۋىقات ۋاراقچىسى چوقۇم ئىستىمالچىنىڭ قولىغا تىگىشىگە كاپالەتلىك قىلىش .
(4) قۇشۇمچە تىجارەت كىرىمنىڭ ئورۇندىلىشى ئۈچۈن ، كۆپچىلىكنىڭ ئائىلە باشلىقلىرىغا بولغان ئىدىيىۋى خىزمىتىگە تايىنىش ھەمدە يىل ئاخىرىدا 34 ئوقۇغۇچىنىڭ قوبۇل قىلىنىش پىلانىنى چوقۇم ئەمەلگە ئاشۇرۇش .
(5) 2 - ، 3 - يىللىق بازار ئېچىش خىزمىتىنى ياخشى ئىشلەپ ، يېڭى مۇلازىمەتلەرنى يولغا قويۇپ ، جەمىيەتنىڭ ئېھتىياجىنى قاندۇرۇش ، ھەمدە كىرىمنى كۆپەيتىش
ئۇفـــــــــــــــــــــــــــــــــــــــــــــــــــــ! ئاخىرى تەرجىمە قىلىپ بولدۇم .
تورداشلارنىڭ پايدىلىنىشى ئۈچۈن يوللاندى ، ناۋادا سىزنىڭمۇ ئىگىلىك تىكلەش ئارزۇيىڭىز بولسا ،كىيىنكى تەرەققىياتىڭىز ۋە ئاسان مەغلۇپ بۇلۇپ كەتمەسلىكىڭىز ئۈچۈن مۇشۇنىڭدەك مۇكەممەل پىلاننىڭ بولىشى ھەمدە يىتەرلىك شەرت - شارائتنىڭ بولىشىنى تەۋسىيە قىلىمەن !ئاپتۇرنىڭ ئىجازىتى بېلەن بۇ جايغا كۈچۈرۈلدى
收藏到：Del.icio.us
بۇ تېمىنىڭ تور ئادىرسى
评论