باي دادام

版权声明：转载时请以超链接形式标明文章原始出处和作者信息及本声明
logs/22529841.html

تەدبىرىڭ قانداق بولسا ، تەغدىرىڭ شۇنداق بۇلۇر .
دەرۋەقە ، ئاللا ھېكمەت بىلەن ئىش قىلغۇچى ، ئۇ ئۆزى ياراتقان ھەربىر بەندىسىنى ، مەخلۇقات - مەۋجۈداتلىرىنى تولۇق چۈشەنگۈچى ھەم ھەممە سىرلارنىڭ تىگىگە يەتكۈچى .
......... ئەمما ، بەزىلەر ئۆز كۆڭلىدە تەڭرىدىنمۇ ئۈستۈن . ھازىرقى ئېچىنىشلىق ھالىتىدىن بەك رازى ، بەك شادىمان . توۋۋا !!! (بىز كىم ؟ نىمىگە كەلدۇق ؟ قانداق كېتىمىز ؟) قانچىلىك ئادەم بۇ سۇئالغا جاۋاب تاپقاندۇ ؟ ئۇيغۇرلىرىمىز ئارسىدا ئۇچقاندەك تەرەقىي قىلىۋاتقان مەنمەنلىك ، چوڭچىلىق ، غەيۋەت ھەم بۇزۇقچىلىق مەندەك بىر ئۇيغۇرنىڭ يۈرىكىنى تىلغىماي قويمىدى .
ئۆزۇم ئوقۇش پۈتتۈرۈش ئالدىدا تۇرغان بىر ئالىي مەكتەپ ئوقۇغۇچىسى ، تۆت يىل ئالىي مەكتەپ ھاياتى ماڭا نۇرغۇن نەرسىلەرنى ئۆگەتتى . شۇقەدەر ئەينەن ھالدا مەن كۆپچىلىككە بەزى ئۇيغۇر قىز - يىگىتلىرىمىزنىڭ ئاتالمىش ئالىي مەكتەپ ھاياتىدا نېمىلەرنى قىلىۋاتقانلىقىنى دەپ بېرەي :
-- بەزى قىزلا دەسلەپتە ر كېلىشىدە ناھايىتى ئاددى - ساددا ، باشلىرىدا ياغلىق ، بېلىنى ناھايىتى چىڭ باغلاپ كەلگەن ، چۈنكى ئۇلارنىڭ قەلبىدە بۇ پۇرسەت ئاسان قولغا كەلمىگەن . كىيىن چوڭ شەھەرنىڭ كەڭتاش كوچىلىرى ، خۇپىيانە ئارامگاھلىرى ، كۆڭۈل ئېچىش سورۇنلىرى ئاستا -ئاستا ئۇلارنىڭ قەلبىدە دەرىسخانىدىن كۆڭۈللۈك ، كىتابپۇرۇچلۇق ئۇمرۇنى بىھۇدە قىلغانلىق بولۇپ قالىدۇ . ئۇنىڭدىن - بۇنىڭدىن يىغىش قىلىپ بىر قاچا ئاش ئېلىپ بەرگەن ياكى شۇ پۇلنى ئايىماي خەجلەپ بەرگەن ئېتى ئۇلۇغ ، سۇپۇرىسى قۇرۇق ئاق نانچى يىگىتلەر ئۇلار ئۈچۈن ئاتا- ئانىسىدىنمۇ ئۇلۇغ . ئالىي مەكتەپتە ئۇلارغا چېپىلىدىغان ئادەم يوق ، خالىغىنىنى قىلسا بولىدۇ . ئوقۇشنىڭ ئۆزى 4 ~ 5 داۋاملىشىدۇ ، شۇڭا چوقۇم بىر-نەچچە يىل پۇخادىن چىققۇچە ئوينىۋىلىش كېرەك . پۇل تۈگىسە ئاتا -ئانىسى چوقۇم سوراپ يۈرمەي ۋاختىدا پۇل سېلىشى كېرەك ، چۈنكى شۇلارنى ئاتا - ئانىسى تۇغقان ، بۇ مەجبۇرىيەت . ئاخىرىدا بىر قەدەر بۇزۇلۇش تېخى پىشمىغانلىق ، تاماكا چېكىشنى بېلىش ، ھاراق كۆتۈرەلەيدىغان بولۇش ، نەشىگە ئۆگۈنۈش ، خالىغان يىگىتنىڭ گۈلى بولۇش راۋرۇس زامانغا لايىقلاشقانلىق . پۈتتۈرگەندە ھەم دادىسىنىڭ كىملىكىنى ئۆزىمۇ بىلمەيدىغان ھالەتتە نەچچە جاننىڭ ئانىسى بولغانلارمۇ ئاز ئەمەس . بەزى يىگىتلىرىمىزمۇ ھەم مۇشۇ يوللارغا شېرىك . ئەمدى بۇلار جەمىيەتكە چىقسا نىمە قىلىشى مۇمكىن ؟
ھەي ...... ، ھاۋايى - ھەۋەس . نەپسى يوغانلىق ، يېنىڭىزدا كۈلۈپ تۇرۇپ يامان يوللاردا تەڭ مېڭىشىپ بەرگەن دوستىڭىز ھەرگىزمۇ سىزنى ياخشى ئاقىۋەتتە قالدۇرمايدۇ . ئۆزىنى قەدىرلىمىگەن ئادەمنى ، ھېچقانداق بىرى كېلىپ قەدىرلەپ قويمايدۇ . كۆڭۇل ياتقان يەردە ئىت ياتمايدۇ دەيدىكەن . ئۆتۈنەي ئۇيغۇرۇم قايتا ئىشلەتكىلى بولىدىغان ئەخلەتچىلىكمۇ قىممىتىمىز يوق ھالەتتە يۈرمەيلى ، ئۇ بوشلۇقنى بىز تولدۇرۇپ قويمىساقمۇ ، نۇرغۇن ئىشلار بىزنىڭ قىلىشىمىزنى كۈتىۋاتىدۇ ، ئادەم يىغلاپ تۇغۇلىدۇ ، كەنكەندە ھەم ئارمانسىز كۈلۈپ كېتەيلى .

ئاللا رەھمەت قىلسۇن ، كۆڭلىمىزگە ئىمان - ئىنساپ ئاتا قىلسۇن . يامان يوللاردىن ، شەيتاننىڭ ئازدۇرىشىدىن ساقلىسۇن . تېنىمىزدىكى شۇ بىر پاچە قىزىل يۈرەك قارىداپ كەتمىسۇن !!!