بالىلارغا بايراملىق
 |
بۈگۈن ئىيۇن-قۇتلۇق كۈن،
سەبىيلەرگە شادلىق كۈن.
تال چىۋىقتىن ئات مىنىپ-
تەڭ چېپىشار،ئاتلىق كۈن!
.
بۈگۈن بايرام-قۇتلۇق كۈن،
مېھرى ئاتەش-ئوتلۇق كۈن،
سەبىيلەرگە ئۇنتۇلماس،
ھەسەلدىنمۇ تاتلىق كۈن!
.
بۈگۈن بايرام-قۇتلۇق كۈن،
دۇنيا كۈلەر-نۇرلۇق كۈن!
قاراڭ زوقتا ئەتراپقا-
زەپ چىرايلىق-ئۇزلۇق كۈن!
.
سەبىي كۈلسە-ئەل كۈلەر،
ئاسمان كۈلەر-يەر كۈلەر.
كۈلكىسىگە ئۇلارنىڭ،
چوڭلارمۇ جۆر-پەر كۈلەر!
.
ئاپىرىڭچۇ بايرامغا؟
.
ئانا،ئانا،جان ئانا،
مېھرى ئاتەش-خان ئانا،
بۈگۈن مېنىڭ بايرىمىم،
ئاپىرىڭچۇ بايرامغا؟
.
بايرام نېمە،بىلمەيمەن،
سىزنى خاپا قىلمايمەن،
ئاپىرىڭچۇ بايرامغا،
مەن ئاكامغا دىمەيمەن.
.
قونچىقىممۇ بارسۇنچۇ،
بايرىمىمنى كۆرسۈنچۇ،
تېپىپ ئۇمۇ دوست-ئاداش،
خوشال ئويناپ كۈلسۈنچۇ؟
.
ئاپا،سەندىن سورايمەن؟.
ئاپا ،سەندىن سورايمەن:
سەنمۇ بايرام قىلغانمۇ،
قونچاق ئويناپ مېنىڭدەك،
كىچىك ئانا بولغانمۇ؟
.
ئاپا، سەندىن سورايمەن:
ئوينىغانمۇ بەشتاشنى.
ياكى مۆكۈپ دالدىدا،
چەيلىگەنمۇ ئوتياشنى؟
.
ئاپا،سەندىن سورايمەن:
تىنىم تاپماي ئىشلەيسەن.
بېرىپ ماڭا قاتلىما،
قۇرۇق ناننى چىشلەيسەن؟
.
ئاپا، سەندىن سورايمەن:
قاچانمۇ چوڭ بولىمەن.
ياردەملىشىپ ئىشىڭغا،
ساڭا ھەمدەم بولىمەن؟
.
جان دادا!
.
دادا،دادا، قەن دادا،
مېنىڭ ئۈلگەم سەن دادا،
بارچە جاپا ساڭا خاس،
ئاڭا ھەممە تەن، دادا!
.
دادا-دادا، جان دادا،
ئۆينىڭ شاھى-خان دادا،
تۈگىمەمدۇ ئىشلىرىڭ،
ئەمەسقۇ سەن كان،دادا!
.
دادا-دادا، ئۇز دادا،
ماڭغان يولۇڭ تۈز دادا،
مېھنەت سۆيۈپ ياشىدىڭ،
ئەمدى يورۇق يۈز،دادا!
.
ياز كۆركى.
يازنىڭ كۆركى-يىل كۆركى،
ھاياتلىقنىڭ بىل كۆركى.
روھىي ئوزۇق ئالىدۇ،
ھىكمىتىدىن دىل كۆركى!
.
يازنىڭ كۆركى- بەلەندۇر،
ئەتراپ گۈلزار-چىمەندۇر،
سەبىيلەرگە تەبىئەت،
بىر پايانداز-گىلەمدۇر!
.
ئەجەپ كۆركەم چۈنچىلەر،
ئاقسا جۇشقۇن ئۈنچىلەر،
ئاق بېلىقتەك تولغىنىپ،
سۇ چۆمۈلەر غۇنچىلار!
.
ياز-راھىتى دۇنيانىڭ،
بېغى،بۇلبۇلگويانىڭ،
نېئمىتى كۆپ ئىنسانغا،
تاراتقان نۇر-زىيانىڭ!
()
«بالىلارغا بايراملىق»گە دائىر تېخىمۇ كۆپ ئۇچۇر |
||||||||
 |
 |
 |
 |
 |
 |
 |
 |
 |
كىيىنكى ئەسەر:يوق
- . بالىلارغا بايراملىق
- . مەكتەپ
- . ئۇماق بالىلار
- . ۋەتەنگە مەدھىيە
- . بالىلارنى تەربىيىلەشتە تۆۋەندىكى نۇقتى
- . ئوغلۇم - ئابدۇللا ئابدۇرىھىم
- . ئوينايدىغان تالا بارمۇ
- . مېنىڭ خوشاللىقىم
- . نورۇز چېچەكلىرى
- . بالا بولماق تەس
- . قايغۇلۇق خەۋەر: ئەدىب، شائىر، تىلشۇناس
- . پەخىرلەن دۇنياغا مەھمۇت ۋەتىنى(نا
- . ئېلىپبە ناخشىسى
- . بالامغا
- . ئوينايدىغان بالا بارمۇ ؟
- . يۇلتۇزلارغا سۆز
- يوللىغۇچىنىڭ ئارخىپى
-
[field:uname/] تەپسىلىي ئۇچۇرنى كۆرۈش سۆز قالدۇرۇش دوستقا قوشۇش ئەزا دەرىجىسى: [field:rankname /] تىزىملاتقان ۋاقتى: [field:jointime function="MyDate('Y-m-d H:m',@me)"/] ئاخىرقى كىرگەن ۋاقتى: [field:logintime function="MyDate('Y-m-d H:m',@me)"/]