نومۇسى بۇزۇلماس پاھىشە ھايات
راخمانجان ئاۋۇت ئۆزھال
ئالدىڭدا بىر يول بار ئارقاڭدا بىر يول،
مەركەزسەن تۇرغان جاي ئوچۇق تۆت كوچا.
ئوڭۇڭدا بىر يول بار سولۇڭدا بىر يول،
بىلمەيسەن مېڭىشنى زادى قاياققا.
ماڭساڭمۇ بەرىبىر ئوخشاش سەن ئۈچۈن،
توختىساڭ سەن بىلەن توختىماس ھايات.
بۈركۈتمۇ ئىزىدا ئۇچۇپ قېرىيدۇ،
سامادا بىر ئۆمۈر كېرىپ كەڭ قانات.
تىرىشساڭ نېمە بولدى تىرىشمىساڭ ھەم،
ياشىساڭ نېمە بولدى ياشىمىساڭ ھەم.
ئالقىشلا ئالقىشلان بەرىبىر ئوخشاش،
بۇ ھايات قىزلىقى بۇزۇلـماس سەنەم.
بەزىلەر تىللايدۇ خىزىر بولساڭمۇ،
سۇ ئىچەر تاشلاندۇق ھىجىر بولساڭمۇ.
تۇلپارنى ئازىلاپ ياشىغان ھايات،
مىنىدۇ ئات ئەمەس خىچىر بولساڭمۇ.
تەرتىپ يوق مۇكەممەل ياكى خەرىتە،
ئوڭ سولغا ئۆرۈلسەڭ ياشاش غەلىتە.
تۆت تەرەپ سەن ئۈچۈن بەرىبىر ئوخشاش،
نۆلگە تەڭ ھەممىسى ئىنسان ئۆلگەندە.