چۈجىلەرگە شېكەر سۈيى ئىچكۈزسە ئەي بولۇش نىسبىتى ئاشىدۇ

    تۇخۇمدىن يېڭى چىققان چۈجىلەرنىڭ پەي - تۈكلىرى شالاڭ، تېنىدە ياغ مىقدارى ئاز بولۇپ، ئىسسىقلىق يېتىشمەيدۇ ھەمدە ئىسسىقلىق ساقلاش ئىقتىدارىمۇ تۆۋەن بولىدۇ. ئەگەر چۈجىلەرگە ئازراق شېكەر سۈيى بېرىلسە، بەدىنىگە ئىسسىقلىق تولۇقلىنىپ، ماددا ئالمىشىشى تەڭشىلىدۇ. ھاياتىي كۈچى ئېشىپ، تېز چوڭىيىدۇ. تەجرىبىلەرگە ئاساسلانغاندا، بىر كۈنلۈك بولغان چۈجىگە شېكەر سۈيى ئىچكۈزسە ئەي بولۇش نىسبىتى %4.5 ئاشىدىكەن. چۈجىلەرگە بېرىلىدىغان شېكەر سۈيىنىڭ قويۇقلۇقى %8 ئەتراپىدا بولسا مۇۋاپىق.