جوڭشىن تورى 7-دېكابىر تېلگىراممىسى ئەنگلىيە «كۈندىلىك تېلگىراف گېزىتى» خەۋىرىگە ئاساسلانغاندا، ئەنگلىيە لەنكاشىر رايونى ئورمىسكىرىك دوختۇرخانىسىدا ئالدىنقى كۈنى بىر قىز بوۋاق تۇغۇلغان، ئادەمنى ھەيران قالدۇرىدىغىنى، بۇ قىز بوۋاق تۇغۇلىشى بىلەنلا، سېستىرالار ئۇنىڭ ئىككى تال چىشى بارلىقىنى بايقىغان.
25 ياشلىق بوۋاقنىڭ ئانىسى Caulfield مۇنداق دېدى: «ئۇ تۇغۇلغان ۋاقىتتا، مەن ئۇنىڭ ئېغىزىدا ئىككى دانە ئاپپاق نەرسىنىڭ بارلىقىغا دىققەت قىلغان ئىدىم، ئىككىنچى كۈنى ئەتىگەن، مەن ئۇنى ئېمىتكەندە، ئاغرىق ھېس قىلىپ، ئۇنىڭ ئىككى دانە تولۇق يېتىلگەن چىشىنىڭ بارلىقىنى كۆردۈم».
دوختۇرنىڭ دېيىشىچە، بۇ ئىنتايىن ئاز كۆرۈلىدىغان ئەھۋال ئىكەن، يېڭى تۇغۇلغان بوۋاقلاردا دائىم ئىنتايىن كىچىك چىش چىقىشقا باشلىغان ئەھۋال بار ئىكەن.
ئىگىلىنىشىچە، Caulfield نىڭ قىز بوۋىقى ئۈچ ھەپتە بۇرۇن تۇغۇلۇپ قالغان ئىكەن، دوختۇر چاقچاق قىلىپ: «ئەگەر ۋاقتى توشۇپ تۇغۇلغان بولسا، بۇ بالىنىڭ بىر قاتار چىشى تۇلۇق چىقىپ بولىدىكەن» دېدى.
ئادەتتىكى ئەھۋالدا بوۋاق تۇغۇلۇپ 4 ئايدىن 7 ئايغىچە بولغان ئارلىقتا چىش چىقىشقا باشلايدىكەن، ھەر 2000 بوۋاق ئارىسىدىن بىرىنىڭ چىشى چىقىپ تۇغۇلىدىكەن، بىراق بۇ بوۋاقنىڭكىدەك تۇلۇق يېتىلگەن چىشى چىققان بوۋاق ئىنتايىن ئاز ئۇچرايدىكەن.