ئافغانىستان ئىچكى ئىشلار مىنىستىرلىقىنىڭ باياناتچىسى زاماراي بەشىر 5- دېكابىر كابۇلدا ئۆتكۈزۈلگەن
ئاخبارات ئېلان قىلىش يىغىنىدا مۇنداق دېدى:«دۆلىتىمىزدە ئۆتكەن بىر ھەپتىدە يۈز بەرگەن قۇراللىق توقۇنۇشتا
119 ئادەم قازا قىلدى.ئۇلارنىڭ 75 ى تالىباننىڭ قۇراللىق ئۇنسۇرى ،18 ى پۇقرا، 26سى ئافغانسىتان ئەسكىرى، بۇ قۇراللىق توقۇنۇشلار ئاساسەن جەنۇبتىكى  خېلماند ئۆلكىسى، شىمالدىكى فارياب ئۆلكىسى، شەرقتىكى غەزنى ئۆلكىسى ۋە قونال ئۆلكىسىدە يۈز بەردى، بۇ جايلاردا تالىباننىڭ غولداپ كەتكىنىنى ھەممىمىزگە ئايان. »بەشىز يەنە مۇنداق دېدى:« ئۆتكەن بىر ھەپتىدە ئافغانىستاندا يەرلىك مىنا ھۇجۇمىنى ئۆز ئىچىگە ئالغان  تېررورلۇق ھۇجۇمى 77 قېتىم يۈز بەردى. ئالدىنقى ھەپتىدە بۇ خىل ھۇجۇم 100 قېتىمغا يەتكەنىدى. بۇ ھەپتىدە تالىبان قۇراللىق ئۇنسۇرلىرى بىلەن ھۆكۈمەتكە قارشى باشقا قۇراللىق ئۇنسۇرلاردىن 190 نەچچىسى تۇتۇلدى.ئۆكتەبىردە ئافغانىستاندا يۈز بەرگەن ھەرخىل زوراۋانلىق ھۇجۇملىرىدا 229 ئافغانىستانلىق قازا قىلدى. تالىباننىڭ 587 قۇراللىق ئۇنسۇرى يوقىتىلدى، تالىبان بىلەن بولغان جەڭدە ئافغانىستاننىڭ ساقچى ھەربىي قىسمىدىن 114 ئەسكەر قازا قىلدى».