يۈرۈشلەشكەن ئۈسكۈنىلەرنىڭ ئېكسپورتى راۋان بولماقتا

      ئوتتۇرا ئاسىيا نېفىت ئاققۇزۇش تۇرۇبا يولى قۇرۇلۇشىنىڭ كۈچلۈك تەسىرى ئاستىدا، 2009 - يىلى ئالاتاۋ ئېغىزىدا 468 يۈرۈش چوڭ تىپتىكى ئۈسكۈنە ئېكسپورت قىلىندى.
      ئۈرۈمچى تاموژنىسىنىڭ ستاتىستىكىسىغا ئاساسلانغاندا، 2009 - يىلى دەسلەپكى 11 ئايدا ئالاتاۋ تاموژنىسىدا 45 كارخانا تاپشۇرغان بىرلەشتۈرۈش ئىلتىماسىدىن 75 پارچىسى تەستىقلىنىپ بىر تەرەپ قىلىندى، 468 يۈرۈش چوڭ تىپتىكى ئۈسكۈنە تەكشۈرۈلۈپ قويۇپ بېرىلدى، تاموژنىدىن ئۆتكەن ئاپتوموبىل 093 1 دانىگە، مال قىممىتى 203 مىليون ئامېرىكا دوللىرىغا يەتتى.
      ئالاتاۋ ئېغىزى تاموژنىسىدىكى ئالاقىدار خىزمەتچى - خادىملارنىڭ تونۇشتۇرۇشىچە، ئېكسپورت قىلىنغان بۇ چوڭ تىپتىكى يۈرۈشلەشكەن ئۈسكۈنىلەر ئاساسلىقى ئوتتۇرا ئاسىيا نېفىت - تەبىئىي گاز تۈرىنىڭ ئۈسكۈنە ۋە ماددىي ئەشياغا نىسبەتەن ئېھتىياجىنى قاندۇرىدىكەن. چوڭ تىپتىكى يۈرۈشلەشكەن ئۈسكۈنىلەر ئېكسپورتى چېگرا ئېغىزىدىكى تۆمۈريول ۋە تاشيول ترانسپورت چەكلىمىسىگە ئۇچرىغانلىقتىن، تاموژنىدىن ئۆتكۈزۈش، تاشقى پېرېۋوتنى تەكشۈرۈپ ھېساباتتىن كۆتۈرۈۋېتىش، ئېكسپورت بېجىنى ياندۇرۇش قاتارلىق ھالقىلاردا كۆپلىگەن قىيىنچىلىقلار كۆرۈلدى، ئالاتاۋ ئېغىزى تاموژنىسى پۈتۈن كۈن رويخەتكە ئالدۇرۇپ تاموژنىغا مەلۇم قىلىش قاتارلىق تەدبىرلەرنى قوللىنىپ، تاموژنىدىن ئۆتكۈزۈش ئۈنۈمىنى زور دەرىجىدە يۇقىرى كۆتۈردى.