كانادا فېدېراتسىيە ھۆكۈمىتىنىڭ ئاشكارىلىشىچە ، توختام ئالدامچىلىقى جىنايىتى بىلەن تۇتۇش بۇيرۇقى چىقىرىلغان جۇڭگولۇق دېڭ شىنجىنى جۇڭگو تەرەپكە قايتۇرۇپ بېرىشنى قارار قىلغان . مەسئۇل خادىملارنىڭ ئېيتىشىچە ، كانادا ھۆكۈمىتى ئۆزىنىڭ قىلغان ۋەدىسىدە چىڭ تۇرىدۇ ، كانادانى قاچقۇنلارنىڭ جەننىتى قىلىپ بېرىشنى ھەرگىز خالىمايدۇ .
خەۋەرلەرگە قارىغاندا ، دېڭ شىنجى 8-ئاينىڭ 22-كۈنى جۇڭگونىڭ مەسئۇل تارماقلىرىغا تاپشۇرۇپ بېرىلگەن . بۇنىڭدىن بۇرۇن دېڭ شىنجى كانادانىڭ تورونتو شەھىرىدە يوشۇرۇنۇپ يۈرگەنىكەن .
دېڭ شىنجى جۇڭگو ئاۋىئاتسىيە پەن-تېخنىكا گۇرۇھىدا يۈز بەرگەن توختام ئالدامچىلىقىغا چېتىشلىق بولۇپ ، 18 مىليون 250 مىڭ يۈەنلىك ئالدامچىلىق سوممىسى بار . ئۇ 2003-يىلى ساياھەت ۋىزىسى ھەل قىلىپ تورونتوغا قېچىپ كەتكەن .
ئاخبارات ۋاسىتىلىرى بۇ ئىش توغرىسىدا مۇنداق تەھلىل قىلغان : دېڭ شىنجىنىڭ جۇڭگوغا قايتۇرۇلۇشى ئىقتىسادىي جىنايەتچىلەرنىڭ دۆلەت سىرتىدىن قايتۇرۇپ كېلىنىشىدىكى مۇۋەپپەقىيەتلىك بىر مىسال بولۇپ ، چەتئەللەردە قېچىپ يۈرگەن باشقا ئىقتىسادىي جىنايەتچىلەرنى قايتۇرۇپ كېلىشكە ئاكتىپ كۆرسىتىدۇ .
250704869 
