قۇمۇل ۋىلايەتلىك كۈتۈپخانا بىناسى لايىھىسىگە پىكىر بېرىڭ

taxnajan

ۋىلايەتلىك پارتكوم، مەمۇرىي مەھمىكىنىڭ يۈكسەك ئەھمىيەت بېرىشى ۋە كۆپ تەرەپنىڭ ئورتاق تىرىشىشى ئارقىسىدا، قۇمۇل ۋىلايەتلىك كۈتۈپخانا بىناسى قۇرۇلۇشى 2011-يىلى خېنەن ئۆلكىسى شىنجاڭغا ياردەم بېرىدىغان تۈرلەر قاتارىغا كىرگۈزۈلدى، بۇ تۈر قۇرۇلۇشى يەنە 2011-يىلى ۋىلايەت خەلققە قىلىپ بېرىدىغان ئەمەلىي ئىشلارنىڭ بىرى ھېسابلىنىدۇ، بۇ تۈر قۇرۇلۇشىغا جەمئىي 45 مىليون يۈەن مەبلەغ سېلىنىدىغان بولۇپ، ئومۇمىي قۇرۇلۇش كۆلىمى   9834.38 كۇادرات مېتىر كېلىدۇ، شىنجاڭ ئونۋېرسىتىتى بىناكارلىق قۇرۇلۇش لايىھىلەش ئورنى لايىھىلىگەن.

پىكىر بېرىش تېلفۇنى: 2384320، 2232439
قۇمۇل ھۆكۈمەت تورىدا سۆز قالدۇرۇپ پىكىر بەرسىڭىزمۇ بولىدۇ.

قۇمۇل ۋىلايەتلىك كۈتۈپخانا

oguzhan

ئىككىنجىسى   ئازراق  بولىدىكەن   بىراق   يەنىلا   سەرەڭگە  قېپى  ،   ئازراقمۇ   يەرلىك  ئالاھىدىلىك   يوق  .

apandim

بۇ كۇتۇپخانىنى قەيەرگە سالىدىكەن ،،
ئەڭ ئۈستىدىكى بوپ قالدىكەن ،لېكىن يەنىلار مىللى ئالاھىدىلىك يوق ،
بۇ قۇرۇلۇشنىڭ قومۇل مۇقام مەركىزىگە ئوخشاش قومۇلنىڭ مەركەزلىك قۇرۇلۇشى ،ۋە ساياھەت نۇقتىسى بولۇپ قېلىشىنى ئۈمىد قىلىمىز ،،
پىكىر دەپسلەر؟  قانداق پىكىر ،،،، لاھىيەنىمۇ   قىلىپ بوپتۇ ،،،ئەمدى بىز نىمىگە پىكىر بېرىمىز ،
قايسى نۇقتىلاردىن  پىكىر ئېلىش ئېنىق بولغان بولسا  ئالامەت پىكىرلەرنى بېرىۋېتەتتۇق ئەمەسمۇ  ؟

alqondi

سىرتقى كۆرنىشىنىغۇ شۇنچە ھەيۋەتلىك قىلىپ لاھىيەلەپتۇ ، لېكىن ئىچى قۇرۇلمىسى قانداقتۇ ، ھەرخىل زامانىۋى ئەسلىھەلەر ئىشلىتىلەرمۇ ، ئىلغار ئاپتوماتلاشقان  كۈتۈپخانا باشقۇرۇش ئەندىزىسى تۇرغۇزۇلارمۇ مەسىلەن : ئاپتۇماتىك كىتاب ئىزدەش ، ئارىيەت ئېلىش ، قايتۇرۇش قاتارلىق ياكى يانە شۇ بۇرۇنقىدەك ئاپتۇماتسىز مەشخۇلات ئېلىپ بېرىلامۇ .

naprat2009

مىللىي ئالاھىدىلىكى يوق،چاسا بىنانى مەنمۇ سالالايمەن، كاللىسىغا يوغان قىلىپ ئۇيغۇرچە خەت يازسۇن، ئەجەپ يازمايدىغان بولۇپ كەتتى دېسە

saharkuyi

قومۇل ۋىلايەتلىك كۈتۈپخانىنىڭ تېزراق پۇتۇشىنى بەكمۇ ئارزۇ قىلىمىز ،شۇنىڭ بىلەن بىرگە كىتاپ جازىلىرىنىڭ  سەرخىل كىتاپلار بىلەن تولىشىنى ئۇمۇت قىلىمىز.ماڭا ئەڭ ئاستىنكى رەسىمدىكى كۆرۇنۇش يارىدى،ئۇنىڭغا مىللىيچە ئۇسلۇپتىكى قۇرۇلۇش لاھىيەسىنى كىرىشتۇرگەندە تېخىمۇ ھەيۋەت چىققۇدەك.

akquk

مېنىڭچىمۇ، مىللىي ئالاھىدىلىك،مىللىي پۇراق دىگەنلەردىن ئازراقمۇ ئەسەر يوقكەن...ئادەمگە كۈتۈپخانىدەك  تۇيغۇ بىرەلمەپتۇ...يەنە تۈزۈتۈش كىرگۈزسە بولغىدەك...ئەگەر يۇقىرىقىدەك لاھىيىلەردە سېلىنىپ قالسا،ئىچىگە كىرىپ ماتىرىيال كۆرۈش ئەمەس،سىرتىدا تۇرۇپ كىنو ئىشلىسە بولغىدەك...يەنە شۇنداقلا،خۇددى دەۋر مەيدانىغا «زەپەر دەرۋازىسى»نى سېلىپ قويغاندەكلا بىر ئىش بولغىدەك.................................؟؟؟؟!!!!!

mehrigiyah

مەن تورداشلارنىڭ پىكرىنى قوللايمەن، رايونىمىزدا گەرچە ئۇيغۇرلارنىڭ سانى نىسبەتەن ئاز بولسىمۇ بىراق يەنىلا مىللىي ئالاھىدىلىكلىرىمىز خېلى بار، يەنە كېلىپ مەلۇم نىسبەتنى تەشكىللەيمىز. شۇڭا كۇتۇپخانا  بىناسىمۇ مىللىي ئۇسلۇبنىمۇ ئۆز ئىچىگە ئېلىپ لايھىلەنسە بىر قەدەر كۆركەم چىقىشى مۇمكىن. خۇددى مۇزىي ھەم مۇقام بىنالىرىدەك. يەنە بىرى چوقۇم ئۇيغۇرچە نامىمۇ بولۇشى كېرەك.