ھازىرقى «خوتەن شەھرى»نىڭ نامى نېمىگە ئۆزگىرەر؟

bilimsiz

   «ئىزدىنىش» مۈنبىرىدە ، خوتەن ۋىلايىتىنى  «خوتەن شەھرى» قىلىپ قۇرۇپ چىقىدىكەن ، دېگەن خەۋەرنى كۆرۈپ ، كاللامدا ، ئۇنداقتا ھازىرقى «خوتەن شەھرى»نىڭ نامى نېمىگە ئۆزگىرەر؟دېگەن خىيال پەيدا بولدى.
  ئەلبەتتە ، مەن بۇ تېما ئارقىلىق كەڭ سەگەك تورداشلار بىلەن ئۆز كۆز - قاراشلىرىمنى ئورتاقلاشماقچى ،خالاس ! قانداقتۇ ، « مېنىڭكىنى قۇبۇل قىل » خاھىشى مەندىن بىدار!
  ھازىرقى خوتەن شەھرى 1984-يىلى قۇرۇلغان بولۇپ ،ئەينى ۋاقىتتا ئىلچى ، لاسكۇي ، شورباغ ۋە گۇجانباغ قاتارلىق يېزا - بازارلارنى ئاساسى بىرلىك قىلىپ قۇرۇلغان . 2000 - يىللاردىن كېيىن بولسا ، يەنە خوتەن ناھىيەسىگە قاراشلىق توساللا يېزىسى ۋە لوپ ناھىيەسىگە قاراشلىق يۇرۇڭقاش بازىرى ، جىيا يېزىسىنى قوشۇۋالدى ، ئەسلىدىكى ئارقاچال ئېچىش رايۇنى رەسمى ئارقاچال يېزىسى بولۇپ قۇرۇلدى  (بۇ يەردە كۇچا باشقارمىلىرىنى تىلغا ئالمىدىم) . ئەمما ، بىز قۇرۇلغان چاغدىكى خوتەن شەھرى ۋە خوتەن شەھرىنىڭ ھازىرقى ئەڭ تەرەققى قىلغان ، نۇپۇسى ئەڭ زىچ ۋە كۆپ ئورۇنلىرىغا قارايدىغان بولساق ، بۇ يەرلەرنىڭ دەل ھازىرقى ئىلچى يېزىسىغا ئەسلىدىن مەنسۇپ زېمىنلار ئىكەنلىگىنى بايقايمىز . يەنە كېلىپ ، ھازىرقى ناۋاغ ، نۇرباغ ، گۈلباغ كۇچا باشقارمىلىرىنىڭ باشقۇرۇش تەۋەلىگى ھەم گۇجانباغ كۇچا باشقارمىسى باشقۇرۇش تەۋەلىگىنىڭ بىر قىسىم زېمىنى ئەسلىدە ئىلچى يېزىسىنىڭ زېمىنلىرى ئىدى . ئەينى ۋاقىتتىمۇ خوتەن شەھرى ئىلچى يېزىسىنى ئاساس قىلىپ قۇرۇلغان ئىدى . ھازىرمۇ ئىلچى يېزىسىنىڭ زېمىن كۆلىمى ۋە نۇپۇسى خوتەن شەھرىنىڭ مۇھىم تەشكىلى قىسىملىرىدىندۇر . يەنە كېلىپ ، « ئىلچى » دېگەن بۇ نام ( مېنىڭچە ) دۇنيادا پەقەت بىرلا ! يەنى ، ئۆزگىچە بىر نام!
  خۇلاسە كالام ، ناۋادا خوتەن ۋىلايىتى «خوتەن شەھرى» قىلىپ قۇرۇپ  چىقىلسا ، كەمىنە ھازىرقى «خوتەن شەھرى»نىڭ نامىنى « ئىلچى رايۇنى » دەپ ئاتالسىكەن ، دېگەن قاراشتا ! كەڭ تورداشلارنىڭ تارىخ ۋە ھازىرنى چىقىش قىلغان ئاساستا ، ئۆزلىرىنىڭ قىممەتلىك پىكىرلىرىنى ئوتتۇرىغا قويۇشىغا تىلەكداشمەن!!!

hamsizyurak

مەن قوللايمەن ئىلچى دېگەن بۇ ئىسىم ئۆزگىچە ھەم بەك پاكىز، بەك چىرايلىق ئاڭلىنىدىكەن مۇمكىن بولسا ئەسلىدە يېڭىدىن قۇرۇلغان قۇرۇمقاش شەھرىنىڭ ئىسمىنى ئىلچى شەھرى دەپ ئاتىغان بولسا تېخىمۇ ياخشى بولار ئىكەنتۇق.

seyyah

ئاپتونۇم رايوندا مەخسۇس تىل يېزىق يەر جاي ناملىرىنى باشقۇرىدىغان  قېلىپلاشتۇرىدىغان ئورگان  بار، ئۇلار بۇ چاغقىچە لاھىيەسىنى تۈزۈپ بولدى ھەقىچان،

653129

مەن بىرەر ماتىريالدىن كۆرمىدىم.ئەمما،ئاڭلىشىمچە خوتەن دىگەن نام پەيدا بولۇشتىن بۇرۇنقى نامى ››ئىلچى‹‹ئىكەنمىشقۇ؟.

karez

ئۇدۇن دىگەن نامنى ئىشلىتىشى مۇمىكىن ، چۈنكى يېقىندا تۇرپاننى شەھەر قىلىپ ئۆزگەرتكەن چاغدا ئېدىقۇت دىگەن نامنى ئىشلەتتى ، مېنىڭچە ئۇدۇن ھەم تارىخى ھەم تېز قۇبۇل قىلىنىشچانىلقى جەھەتتە ئىشلىتىلىپ قېلىش نىسبىتى ئەڭ يۇقىرى بولىشى مۇمكىن

sawda571

نامىنى چوقۇم ئۆزگەرتىش كېرەكمىكەن ؟ ئەگەر ئۇنداق بولمىسا ، قۇرۇلىدىغان شەھەرنى يەنىلا خوتەن دەپ ئاتىسا بولمامدۇ ؟

tengrikut

نامى ئۆزگەرمەيدۇ،يەنە شۇ خوتەن شەھرى بولىۋىردۇ. خوتەننى ۋلايەتتىن شەھەرگە ئۆزگەرتىش،باشقا ناھيەلەرنىڭ شەھەرلىششىنى ئىلگىرى سۈردۇ.

خوتەن دىگەن خوتەننىڭ ئەسلى قەدىمىي نامى، ئىلچى بولسا بىر بازارنىڭ ئىسمى. بابارەھىم مەشرەپنىڭ شېرىدا،ئىلچىنىڭ بازارىدىن بىرمۇنچە ئەلدىن پۇل تىلەپ دىگەندەك مىسرالار ئۇچرايدۇ.

بىر ئوپتان ئەسلى جۇغراپيەلىك نامنى بىر بازار نامىغا ئۆزگەرتىش سىزگە نىمىگە كىرەك بولۇپ قالدىكىن.
بولمىغۇر خىيال.

guzal-sahra

قالايمىقان گەپ قىلمىساق قانداق،بىر چىرايلىق خوتەن دەپ ئىسمى بار تۇرسا نىشقا ئۆزگىرىدۇ؟خوتەننى شەھەر قىلىپ ئۆزگەرتىش ئىسىم بىلەن مۇناسىۋەتسىز.