بىر يۈرۈش ۋەھىمىلىك ھېكايىلەر

gulnur0997

       دوستلار ياخشىمۇسىلەر،مەندىن سىلەرگە سالام.باغداشقا ئۇزۇندىن بۇرۇن ئەزا بولغان ئىدىم.ئەمما تۈزۈك كىرىپ باقماپتىمەن.شۇ بانىدا سلەرگە تۈۋەندىكى ھېكايىلەرنى سوغا قىلىمەن.
مەزكۈر ئەسىرىم ئەلكۈيى ۋە مىسرانىمدا چىققان،مېنىڭ رۇخسىتىمسىز باشقا توربەتلەردە ۋە سالونلاردا ئېلان قىلىشقا بولمايدۇ.

ئەسسكەرتىش:ئۈشبۇ ئەسەرنى يۈرىكى ئاجىزلار ،يۈرك كېسلى تۇتقاق كېسىلى بارلار،كىچىك بالىلار ،ئاجىزلار ياشانغانلار ،ھامىلدارلار كۈرمەڭ.قىزىقىپ كۈرۈپ قويۇپ چىققان ھەرقانداق ئاقىۋەتلەرگە مەن ياكى مۇنبەر مەسئۇل بولمايدۇ.ئالاھىدە ئۇقتۇرۇلدى.

                              1-قىسىم      دادا جەمەت بوۋامنىڭ پەرىشتىلىرى
        جەۋھەر:ھەرقانداق ئادەم مەيلى ئۇ قايسى مىللەت ئىرق ،قايسى مەزھەپ ،قايسى دىندىن بولسۇن،ئادەم كۈرۈشدىن ھالقىغان يەنە غايىپ تائىپىلەرنىڭ بارلىقىغا ئىشنىڭ.ئۇلاردىمۇ بىزگە ئوخشاش تۇيغۇلار مەۋجۇت،ئۇلارنى ھاقارەتلەشكە كەمسىتىشكە ھەم بولمايدۇ،خۇددى سىزنى كەمسىتسە ئاچچىقىڭىز كەلگەندەك.

      ئاشۇ يىللىرى مەن سەككىز ياشلاردا بار ئىدىم.باشلانغۇچتا ئوقۇيدىغان ئاجايىپ كەپسىز چاغلىرىم ئىدى.ياغلىقنى مۇرەمگە چىگىۋىلىپ خاسىيەتلىك ئادەم كىراكنى دوراپ تامدىن تامغا سەكرەپ يۈرەتتىم .ئەلۋەتتە بۇنداق كەپسىزلىكنى پەقەت يېزىلارغا تەتىل قىلىپ چىققاندا،بوۋاملارنىڭ موماملارنىڭ ئۈيىدىلا قىلالايتتىم.ئۈز ئۈيىمىز شەھەردە ھەم تولىمۇ ھەشەمەتلىك بولغاچقا مېىنىڭ ئاقسۈڭەك مىجەز ئاپام بۇنداق كەپسىزلىكەرنى قىلىشىمغا يول قويمايتتى.مۇشۇنداق بالىلىقتا ئۇيۇننىڭ قىزىقىغا مەستخۇش بۇلۇپ يېزىغا قانمايدىغان بىر تەتىل  مەزگىلى يازلىق تەتىل خوشالىقىدا يەنە يېزىغا چىقتۇق.دادام ئەلۋەتتە سودا ئىشلىرى بىلەن بۇلۇپ يېنىمىزدا ئەمەستە ،شۇڭا ئاپام بىلەن ئالدى بىلەن داداملارنىڭ ئۈيىگە چىقتۇق.بوۋام تولىمۇ خۇشخۇي قىزىققچى ئادەم ئىدى.ئۇلارنىڭ ھويلىسىدا ئۇي بىلەن باغنىڭ ئىشىكى ئارلىقىدا پۈتۈنلەي دېگۈدەك ئۈزۈم باراڭلىرى بۇلۇپ ،ئاستى تولىمۇ سالقىن،بوۋام شۇڭا ئۇ يەرگە بىر كات قىلىۋالغان.
      مۇشۇ كاتتىن ئايلىنىپ ئاندىن باغقا كېرەتتۇق.ئەمما كاتنىڭ يەنە بىر تەرىپىدە بىر قېرى سۈگەت بار ئىدى.بۇ سۈگەتنىڭ ئايلانمىسى ئۈچ ئادەم قوچىقى چىقاتتىيۇ ئەمما يەنە باغقا كىرىش ئىستىكى قۇرقۇپ تۇرساممۇ مۇشۇ سۈگەتتتىن ئۈتۈشكە مەجبۇر قىلاتتى.
     بىر كۈنى باغدىن مېۋىلەرنى تەخسىگە ئۈزۈپ ئەچىقىپ كاتتا ئولتۇرۇپ يەۋەتاتتىم.دادامنىڭ سىڭلىسىنىڭ قىزى كىېرىپ كەلدى.ئۇلار قوشنا مەھەللىددە ئولتۇرۇاتتى.
-ئاچا ،قاچان كەلدىڭلار؟
-خېلى بولدى.كەلگىلى.نېمە بولدى؟
-كەلگەن ئادەم  بىزنىڭ ئۈييگە كىرىپ چىقمايسىز.كىرسىڭىز بولمامدۇ؟
-ھوي خېنىم ،بوۋام تېخى ھايات تۇرسا ،سىلەرنىڭ ئۇيگە كېيىنچە كىرىۋالارمىز.يەنە كېلىپ بۇ ئۈيدەك مېۋىلەر جىق بولمىسا سىلەرنىڭ ئۇ تاز باش بېغىڭلاردا.
   -ھې ھې ،مەنمۇ شۇ مېۋىلەردىن ئازراق ئۈزۈپ چىقىپ كېتەي دېگەن.-ئۇ شۇ گەپلە؛رنى قىلىپ بولۇپلا باغقا قاراپ ماڭدى.ياتقان يېرىمدىن تۇرۇپلا ئۇنىڭ ئالدىنى تۇستۇم.
-نەگە بارىسەن؟
ئۇ مېنىڭ ياۋايى قىلىقىىمدىن قۇرقۇپ قالدى بولغاي:
-باغقىچۇ؟
-مەن كەلسەم شاپتۇللارنى قويماي يەپ بوپسەن ،مەن يەيدىغان شاپتۇل يوق.يەنە نېمە ئەچىقماقچىدىڭ؟داداڭ دېگەن ھۇرۇن تاز باغنى ئاق  تاشۋەتكىچە مېۋە ققپ قۇيۇشساڭ بولمامدۇ؟
-نېمە دادامنى تىللايسەن؟سەنلا يالغۇز بۇ ئينىڭ نەۋرىسىمىدىڭ؟سەن دائىم تەتىلدە مىۋە پىشىشقا ئۈلگۈرۈپ كېلىسە.بىرەر قېتىم باغقا سۇ باشلاپ باقتىڭمۇ؟داداڭ بۇ ئۈينىڭ بالسى بولسا ،ئاپاممۇ بۇ ئۈينىڭ قىزى .ئۇقۇپ قوي.
-.............
-.........
   ئۇ بىر نېمە دەپ مەن بىر نېمە دەپ بىز ئۇرۇشۇپ قالدۇق.يەنە كەېلىپ ئاشۇ قېرى سۈگەتىنىڭ يېنىدىلا.سىڭلىمنىڭ گەپلىرى جاندىن ئۈتكەننى ئازدەپ ،مەن ئامرراق ،پەقەت مەن بىلەن بىللە ئويناشقىلا يارالغان بۇ قىزنىڭ مۇشۇنچىلىك گەپلىرىنى دەپ داداڭ ئاپام دەپ كېتىشلىرىنى كاللامدىن ئۈتكۈزەلمەي،مېڭەم قىززىپ كېتىپ ئۇنىڭغا ئېتىلدىم دە،شاپلاق بىلەن ئىككىنى سالدىم.ئۇ يۈزىنى تۇتقىنىچە خەپ ئاپامغا دېمىسىەم دەپ يىغلاپ تۇرۇشغا ،تۇيۇقسىز بىر نېمە گىژژىدە قىلىپ قالدى.سىڭلىم ئىككىمىز تەڭلا ئاۋاز چىقققان تەرەپكە قارىدۇق.ئاۋازسۈگەتنىڭ كەينىدىن چىققان ئىدى.بەلكىم سۈگەتكە ئولشىپ ئۇۋىلاشقان قارا قوڭغۇز دۈلەت قۇڭغۇزى دېگەندەك ھاشارەتلەر بۇلۇشى مۇمكىن ،مەن شۇنداق .ئويلاپ يەنە سىڭلىمغا تىل سالاي دېيشىمگە ،‹‹ئاغزىڭنى يۇم››دېگەن ئاۋاز ئاڭلاندى.
    بۇ ئاۋاز باشقا يەردىن ئەمەس،دەل سۈگتنىڭ كەينىدىن چىقىۋاتاتتى.سىڭلىممۇ يىغىسىنى توختىتىپ كۈزلىرىنى چوڭ ئېچىپ تۇرۇپلا قالدى.بۇناق چاغدا يەنە كېلىپ كۈپكۈندۈزدە كىمدۇ سۈگەتنىڭ كەينىگە ئۈتىېىۋىلىپ ئادەمگە چاقچاق قىلغان.چوڭلارنىڭ ھەممىسى قوشنا كەنتتىكى تۇققانلارنىڭ ئۈيىگە كەتكەن.مەن بولسام ئاپامنىڭ ئاغرىپ قالسىز دېيىشلىرىدىن قورقماي مىۋە يەۋالدىغان بولدۇم دەپ ئۈيدە ئۈزۈم يالغۇز تۇرسام.تۇيۇقسىز سۈگەتكە يۈزلىنىپ تۇرغان سىڭلىمنىڭ كۈزلىرى چەكچىيىشكە باشلىدى.نېمە بولدۇڭ ؟دەپ ئۇنىڭ يېنىغا كېلىشىمگە ئۇنىڭ چوڭراق نەپەس ئالاماي ئا...ئا.....دەۋاتقانلىقىنى ئاڭلىىدم.مەنمۇ بۇرۇلدۇم دە،ئۇ قارىغان يەرگە قارىدىميۇ ،قارىغىنىمغا پۇشايمەن قىلىپ ۋارقىرۋەتتىم.ئاااااااااااااااااااااا....
     دەرەخنىڭ غولىدا سۇ ئېقىۋاتاتتى.سۇ دەرخننىڭ شاخلىرىدىن دەرەخنىڭ غولىغا قاراپ بىر قېىتمدا ئېقىپ كېىتۋاتاتتى.ئەمما يەرگە چۈشسىمۇ پەقەت يەر ھۈل بولمىغان ئىدى.ئاااااااااااجىن ......سىڭلىم ئىككىمىز قاتتىق ۋارقىرىشىپ ئۈيگە يۈگۈردۇق.ئىچكىرىكى ئۈي سەل غۇۋاراق ئىدى.سىڭلىم ئىككىمىز ئىشىكنى ئىچىدىن تاقاپ ئۇرۇندۇقنى قۇيۇپ ،بىر بىرىمىزگە ئېسىلدۇق.ھۈۈۈۈھۈھ.....قاتتىق ۋارقىرىشىپ يىغلاپ مەھكەم ئېسلىپ تۇردۇق.تاكى سىرتتىن بوۋا م .ئاپام،تاغاملار كىرگىچە ..............چوڭلار كىرەەندىن كېيىن بىر بىرىمىزنى قۇچاقلىشىپ ئېسلىشىپ يىغلىشۋاتقان ئىككىمىزنى يەردىن ھوشىمىزدىن كەتكەن يەردىن كۈتۈرۈپ كارۋاتقا ياتقۇزۇپ ،ئىپتۇ.....خېلىدىن كېيىن ئاندىن كۈزىمىزنى ئېچىپتىمىز......
    بۇ مېننىڭ ھاياتىمدا تۇنجى قېتىم غەيرى ئەھۋالغا يۇلۇقۇشۇم.

gulnur0997

2-قىسىم             دادا جەمەت بوۋامنىڭ پەرىشتىلىرى


جەۋھەر:كېچىدە يول ماڭغاندا ئۇچراپ قالغان كېچە خەلقىدىن ئۇنچە قورقماڭ.ئۇنىڭ بەلكىم پەرىلەر تائىپىسىدىن بولىشى مۇمكىن.سىزگە چېقىلىش خەۋپى بەلكىم يوق دېيەرلىك.



        شۇ كۈنى نەۋرە سىڭلىم بىلەن ئۇرۇشۇپ قېلىپ قاتتىق قۇرقۇپ كەتكەن ئەتىسى،نەۋرە سىڭلىم ماڭا قاراپ ،-ئاچا ئەمدى ھەرگىز سەن بىلەن ئوينىمايمەن_دەپ قاتتىق بىرنى ئالىيۋېىتىپ چىقىپ كەتتى.مەن مەيدەمنى بېسىپ ئولتۇرۇپ قالدىم.
     كۈزۈمنى تازا بىرنى ئوۋلىۋىتىپ ،يۈزۈمنى يۇيۇپ ناشتىلىققا چىقىپ قارىسام،ھەممەيلەن ھېلىقى كاتتا ئولتۇرۇپ ،ناشتا قىلغىلى تۇرۇپتۇ.تاغامنىڭ ئايالى قازان بېشىدا بىرن ەرسىلەرنى تەييارلاپ تۇراتتى.كاتتا ئولتۇرۇپ ،چاي ئىېچىۋېتىپ پات پات سۈگەتكە ۋەھىمە ئارلاش نەزىرىم بىلەن قاراپ قوياتتىم.قىزىزىق ئىش،سۈگەت بولسا قۇرۇق تۇراتتى.تۈنۈگۈن تېخى سۇ ئاققان تۇرسا،سۈگەت شاخلىرى نەچچە مېتىر يەرگەىچە يېيلىپ بارىدىغان تۇرسا،كۈن نۈرىمۇ ئۇنچە كۈچلۈك چۈشمىسە بۇنىڭغا،قانداق بۇلۇپ بۇنچە تېز قۇرۇپ قالىدۇ؟خىيالىمداشۇلارنى ئويلاپ ئولتۇراتتىم.تۇيۇقسىز مۈرەمگە قويۇلغان بىر قولدىن ئاغزىمغا ئالغان چاينى قېقىۋىتىپ قالدىم.يۈرىكىم قېپىدىن چىقىپ كەتكۈدەك ئەنسىز سوقۇپ كەتتى.كەينىمگە قاراي دەپمۇ قارىيالمدىم.-بالام نېمە بولدىڭىز؟
    بۇ ھاممامنىڭ ئاۋازى ئىدى.قارىسام ھاممامكەن ،مۈرەمنى تۇتۇپ تۇرۇپتىكەن.
-سىزگە تۇخۇم پىشرۇپ بېرەيمۇ؟نەچچە قېتىم سورىسام گەپ قىلمىدىڭىز.
   بوۋام،تاغام ،ئاپام،ھامماملار ھەممىسى ماڭا غەلىتە نەزەردە قاراپ تۇرۇاتتتى.ھە ماقۇل.مەن بولسام خىيالدىن تەستە قۇتۇلدۇم.چاينى ئىچىپ تۈگىتپ بۇلۇپ ،ھەممىمىز ئۈز ئىشىمىزغا ماڭدۇق.بوۋام مال بېقىپ كېلەي دەپ ماڭدى.مەنمۇ ئەگىشىپ تۇرۇۋالدىم.بوۋام قانچە نەسھەت قىلسىمۇ ،ئۇنىماي تۇرۇۋالدىم.شەھەردە يۈرۈپ بەك زېرىكتىم.جاڭگاللىقنى كۈرگۈم بار تۇرۋالدىم.بوۋام ئاخىرى ئىلاج قىلالماي قۇشۇلدى.
    بىز قويلارنى ھەيدەپ جاڭگالىققا كەلگەندە ،كۈن خېلى كۈتۈرلۈپ قالغان ئىدى. بوۋام سائەت ئون بوپتۇ دېدى.ھاۋا تولىمۇ ئۇچۇق ئىدى.ئەمەليەتتە بۇ جاڭگاللىق.........

gulnur0997

     داۋامى:ئىككىنچى قىسىم     دادا جەمەت بوۋامنڭ پەرىشتىلىرى

ئەمەليەتتە بۇ جاڭگاللىق دېگىنى چۆللۈك قاقشال جاڭگاللىق بولماستىن ،جىگدىلىك ،توغراقلىق،سۈگەتلىك بىلەن تولغان قۇيۇقراق بىر ئورمانلىق ئدى.پەقەت توپىسى سەل شورلۇق ،قۇمساڭغۇ توپا بولغاچقا ھەم دەرەخلەرنىڭ تۈۋىدە ئۇ يەر بۇ يەردە يۇلغۇنلار ئۈنۈپ قالغان بولغانچقا ،زامانىۋىلىققا ئېنتىلدىغان ياشلار بۇ يەرنى جاڭگاللىق دەۋالغان بولسا ككېرەك.مەھەللىدىكى كۈپىنچە كىشلەر مۇشۇ يەردە قوي باقىدىكەن.ھەي ئاشۇ چاغلارنى ئويلىسام دەيمەن،ئاجايىپ چاغلار ئدى دە.
    بۇ يەردە ئۇششاق ھاشارەت پاشا دەمدۇ ،كۇمۇتا دەمدۇ ئىشقىلىپ بىر نەرسىلەر ئۇياققا يۈگۈرۈپ بۇياققا يۈگۈرۈپ ،قىيغىتىپ ئويناۋاتقان مېنى ئوبدانلا چېقىپ ،بىلەكلىەىرىمنى قىزاتىپ قويدى،
-بوۋا ،ئۇيگە كېتەيلىچۇ؟
-نېمىشقا ئەمدى؟تېخى ماللارنىڭ قورسىقى تويمىدى بالام.
-لېككىن مېنى بەك پاشا چېقىوپ كەتتى.-بوۋامغا قىزىرىپ كەتكەن بىلەكلرىمنى كۈرسەتتىم.
-ھە ھېچقىسى يوق بالام.سىزنى چىقىۋالغان پاشىمۇ ئۇزۇن ياشىيالمايدۇ.بۇ يەردە مانا مۇشۇنداق نەرسىلەر جىق،شۇڭا مەن سىزنى كەلمەڭ دېگەن .ئەمدى بىردەم چىداڭ.
   بوۋام شۇ گەپلەرنى قىلىپ بۇلۇپ ماڭا بىر ئوچۇم جىگدە بەردى.بۇ جىگدە دېگەن نەرسە نەچچە خىل بولىدىكەن.قاغا جىگدىسى دېگەن ئدى بىر خىل يۇمىلاق كىېچىك جىگدىنى .يېمىش جىگدىسى دېگىنى ئادەم يېسە بولىدىغان ئېتى گۈشلۈك چىقىدىغان ،تاتلىق جىگدە ئىكەن،قالغانلىرىنى ئۇنتۇپ قاپتىمەن.بوۋام شۇنداق قىلىپ مال بېقىشبىلەن بۇلۇپ مەندىن بارا بارا يىراقلاپ كەتتى.مەنمۇ بۇ ئورمانلىقنىڭ گۈزەللىكىگە مەپتۇن بۇلۇپ قۇلۇمدىكى جىگدىنى مەززە قىلىپ يېگەچ بارا بارا ئورمانلىقنىڭ ئىچكىرىسىگە كىرىپ كەتتىم.
نەرسىلەرگە قاراپ مېڭىۋاتقىنىمدا تۇيۇقسىز بىر نەرسىنىڭ غىل پاللا ئالدىمدىن ئۈتۈپ ياندىكى دەرەخنىڭ كەينىگە ئۈتۈپ كەتكىنىنى كۈرۈپ قالدىم.ئۇ نېمىدۇ؟ھەي بالىلىق.قىزىقىشنىڭ تۈرتكىسدە ئاستا دەرەخنىڭ كەينىگە ئۈتتۈم.قارىسام ئاپپاق ئوماققىنىە بىر توشقان ئىكەن.تۇتاي دەپ قۇلۇمنى ئاپىرىشىمغا پەرتتىدە قاچتى.نېرى بېرىپ ماڭا قاراپ تۇرۇدۇ. قوغلاي دەپ يۈگۈرسەم يەنە قېچىپ كەتتى.ماشۇنداق قىلىپ يېقىن بارسام قېچىپ،كەينىدە قالسام توختاپ تۇرۇپ دېگۈدەك ئورمانلىقنىڭ چېتىگە چىقىپ قاپتىمەن.توشقان ئەمدى كۈرۈنمەيتتى.ۋايجان بىكارغا قوغلاپتىمەن.
   كەينىمگە يانماقچى بولۇپ يانغا شۇنداق بۇرۇلۇشۇمغا بىر نەرسە يەنە شۇداق تېز سۈرئەت بىلەن يېنىمدىن ئۈتۈپ كەتتى.ئۈتۈپ كەتكەن تەرەپكە قارىسام توشقان تۇرىدۇ يەنە ماڭا قاراپ قويۇپ قېچىپ ئالدىمدىكى بر توغراقىنىڭ تۈۋىگە كېىرپ كەتتى.بۇ توغراققا قااراپ مېنى سەل سۈر باستى.يۈرىكىم ئەنسىز دۈپۈلدەشكە باشلىدى.قايتىشىنى ئويلاشتىم.كەينىمگە بۇۇرۇلاي دەپ پۇتۇمنى يۈتكىمەكچى بولدۇميۇ.بىر نەرسە پۇتۇمنى يەرگە مىخلاپ قويغاندەك ئايغىمنى ھەرقانچە قىلىپمۇ مىدىرلىتالمدىم.ئەتراپ تولىمۇ جىمجىت سۈرۈلۈك ئىدى.بايا ئورمانلىقتا ھېچبولمىغاندا قۇشلارنىڭ سايراشلىرى ئاڭلىنىپ تۇراتتى.ھازىر ھېچنىمە يوق.بوۋامنى چاقىراي دەپ شۇنچە ۋارقىرساممۇ ئاۋازىم تېشىغا چىقمايتتى..كۈز ئالدىم قاراڭغۇلىشىپ ھەر خىل نەرسىلەر ئۇياق بۇياققا ئۈتۈشكە باشلىدى.سەپسلىپ قارىسام ھەممقسى توشقان ئىكەن.يۈگۈرگەندەك قىلاتتى يۇ،شىپىرلىغان ئاۋازلار يوق،غۇددى لەيلەپ يۈگۈرۋاتقاندەك.
    ئاھ خۇدا ،بۇ يەرگە كەلگىنىمگە مىڭ پۇشايمان قىلىشقا باشلىدىم.ھۈركىرەپ يىغلاشقا باشلدىم،خۇددى ئۈنۈم پۈتۈپ قالغاندەك خارقىراپ قالغاندەك ئاۋازلار چىقىشقا باشلدى.ئۈلىدىغان بولدۇم دەپ ئويلىدىم .شۇ ئارىدا مۈرەمنى بىر قول تۇتماسمۇ قاتتىق چىقىرۋەتتىم .يەنىلا ئاۋاز چىقمايتتى.ئەمما كەينىمگە بۇرۇلاي دەپ شۇ نچە كۈچىسەممۇ بۇرىلالمىدىم،پەقەت ھېس قىلغىنىم بىر ئېغىر پشۇلدىغان تىنىق قۇلاق تۈۋىۈمگە كەلدى
-بۇ يەرگە نېمە دەپ كەلدىڭ؟-بۇ ئاۋاز شۇنچە بۇغۇق ،خارقىراق ئدى.قول شۇنداق قۇرۇق قاقشال دەرەخنىڭ قوۋزىقىدەك ئىدى.قول ئاستا ئاستا پەسكە سېرىلدى.ئايلىنىپ ئۈتۈپ گېلىمنى سىقىشقا باشلدى،مەن ھېشنىمنى كۈرەلمدىىم كۈرگىنىم پەقەت بىر  جەينىكىنىڭ تۈۋەن قىسىمى بولمىغان بىر قول ئدى......ئاااااااااااااااااااااااااااااااااا
      ۋارقىراپ ئويغىنىپ كەتتىم،قارىسام ھېلىقى سۈرۈلك توغراقنىڭ تۈۋىدە ئۇخلاپ قاپتىمە.كاللام شۇنچە ئېغىر،ئۇيقۇم كەپلە تۇرىدۇ،بەدىنىم ئاغرىۋاتىدۇ،يۈرىكىم دۈپۈلدەپ سۇقۇپ تۇرماقتا،شۇ چاغدا قۇلۇمغا يەردە تۇرغان توغراق ياغىچى ئۇرۇنماسمۇ قورقۇنچتىن بەددىنىمگە تىترەك ئولاشتى،چاققانلىق بىلەن ئورنۇمدىن تۇردۇم دە ئالدىمغا قاراپ يۈگۈردۈم،ئەمدى 4-5 مېتىر يۈگۈرۈشۈمگە قارا دېگندەكلا توختاپ قالدىم ،قارىسام ئالدىمدا بىر ئاق توشقان دېڭگىيپ زوڭ تۇرمامدۇ.ۋايجاننننننننننننننننننننننننننن.....
    ۋارقىرىغىنىمەچە يىغلاپ كەتتىم.بوۋاااااااااا بوۋاااااااااايىغلاۋېرىپ ئاۋازىم پۈتۈپ كەتتى.ئۇزۇن ئۈتمەيلا بوۋام ئورمانلىق ئىېچىدن چىقىپ كەلدى.بىر تەرەپتىن مېنى چاقىرىپ بىر تەرەپتىن مېنى ئىزدەۋاتاتتى.بوۋااااااا
    بوۋام مېنى كۈرۈپ ئالدىمغا ئېتىلىپ كەلدى،-بالام ،بۇ يەردە نېمە قىلسىز؟بۇ كېلىدىغان يەر ئەمەس.
يىغلاپ ئېسەدەپ تۇرۇپ بوۋامغا چىڭڭىدە ياماشتىم.بوۋام مېنى كۈتۈرۈپ ئۈيگە ئەپكەلدى.كېچىچە يەنە ئاشۇ توغراق ،ئاشۇ توشقاننى چۈشەپ چىقتىم.ئەتىسى مۈرەم ،بوينۇم كۈكرىپ كەتتى.
    بوۋام باشقا يەردىن بىر سەللىلىك سۈرلۈك ئادەمنى تېپىپ كەلدى،ئۇ ئادەم مېنى كۈرۈپ:بۇ بالا يالغۇز دەرەخ ئاستىدا ئۇخلاپ قاپتۇ.دەرھال دورىسىنى قىلمىساق،سۈزلەيدىغان بۇلۇپ قالىدۇ.دېدى.كېيىن بىر نەرسىلەرنى ئوقۇپ سۈيىنى نەچچە كۈن ئېچىپ ئاران ساقايدىم.ئەمما ئاشۇ توغراق ئاشۇ توشقان ،بەدىنىمنىڭ كۈكرىپ قالغان ئاشۇ يەرلىرىنى مەڭگۈ ئۇنتىيالمايمەن.

gulnur0997

       3-قىسىم                    سۈگەتنىڭ   سىرى


        قايتا قايتا قورقۇپ كەتكەندىن كېيىن  ھېلىغۇ كېچە كەن ،كۈندۇزدىمۇ يالغۇز سىرتقا چىقالمايدىغان بولۇپ قالدىم،بوۋاملارنىڭ ھويلىسى شۇنچە چوڭ بوۇلۇپ  ھويلىنىڭ يېرىمىنى دېگۈدەك ئۈزۈم باراڭلىرى تۇسۇۋالاتتى.ئاشۇ باراڭلارنىڭ ئاستىدا كاتتا ئولتۇرۇپ كىتاپ ئوقۇشنىى شۇنچىلىك ياخشى كۈرەتتىمكىن،كىتاپ ئىچگىە بەكلا بېرىلىپ كېتىپ بەزىدە ئۈزەمنىڭ يەنە يالغۇز قالغىنىمنى بىلەلمەيلا قالاتتىم.ئەلۋەتتە بوۋام تاغام ھامماملار كۈنبويى دېگۈدەك ئۈيدە بولالمايدۇ دە،نەۋرە ئاكا سىڭىللىرىم بولسا مېنىڭ جاڭگاللىققا باسام پاشا كۇمۇتىغا يەم بولدىغىنىمنى ،ئېرىق ئۈستەڭلەرگە سوغا چۈشكىلى بارسام كۈيۈپ كېتىمەن،سۇ بەك لايكەن دېگەندەك ئۇششاق جېدەللىرىمدىن جاق تويغان بوسا كېرەك مېنى ئوينىغىلى ئەچىقمايتتى.پەقەت ئۇلار بىلەن ئەتىسى ئاخشانلىرى تاماق ۋاقتىدا بىر گە بولالايتتۇق.مەنمۇ ئۇلاردىن بەك رەنجىپ كەتمەيتىم،دېمىسىمۇ ماڭا ئۇنداق ئويۇنلار خوش ياقمايتتى.
     بۈگۈنمۇ يەنە ئادىتىم بويىچە  تال باراڭنىڭ ئاستىدا كىتاپ كۈرۈپ مىۋە يېگەچ ئولتۇراتتىم.ئەتراپ تۇيۇقىسىز جىمىپ قالغاندەك تەسىر بەردى.ئادەتتىكى چاغلاردا ھېچ بولمىغاندا ئارقا يولدىن ئۈتىدىغان ماشىنىا موتوسىكلىتلارنىڭ ئاۋازى ،ئارقا يول بويدىكى ئۈستەڭدە سۇغا چۈشۈپ ئوينايدىغان بالىلارنىڭ ۋاڭ چۇڭى ،ئۇنىڭ يېنىدىكى ئېتىزلىقلارغا باغلاپ قويغان ئېشەكلەرنىڭ ھاڭراشلىرى ئاڭلىنىپ تۇرىدىغان ،بۈگۈن بۇلۇپمۇ ھازىر ھېچنىمە ھېچقانداق تىۋىش يوق ئىدى.تېىنىم شۈركەندى.بەدىنىمنى تىترەك بېسىپ ،سۈرلۈك بىر خىل تۇيغۇ بىر ئسكەنجىگە ئالدى.ئۈيگە كىرىپ كېتىشىنى ئويلاشىتم ،ئورنۇمدىن تۇراي دەپ شۇنداق بېشىمنى كۈتۈرۈشۈمگە قارا دېگەندەك سۈگەتكە شۇنداق بىر قاراپ سالمايمەنمۇ،گېلىمغا بىر نېمە كەپلىشىپ تۇرۇپ قالغاندەك ،ئاۋازىمنى پەقەت تېشىغا چىقىرالمىدىم،چۈنكى سۈگەتتە يەنە ھېلىقى كۈندىكىگە ئوخشاش سۇ ئېقىۋاتاتتى.سۇ يەنە بۇرۇنقىغا ئوغشاشلا سۈگەتنىڭ ئۈستىدىكى قۇيۇق شاخلار ئارسىدىن غولىغا قاراپ بىر خىل رېتىمدا ئېقىۋاتاتتى.ئەمما ھەيران قالارلىق يېرى شۇكى سۇ يەنىلا بۇرۇنقىدەك ،يەرگە چۈشمەيلا غايىپ بولاتتى.يەرمۇ ھۈل بولمايتتى.بىرنچى قېتىم كۈرگەندە بولسا بەكلا قورقۇپ كەتتىم.بۈگۈن قورقىمىدم.
   ھەم قىزىقىش ھەم قورقۇش ئىچىدە ئاستا قۇلۇمغا ئالما سويۇپ يەۋاتقان پىچاقنى ئېلىپ سسۈگەتكە يېقىنلاشتىم .سۇ يەنىلا چۈشۈۋاتاتتى.يېقىنلاشقانچە بەدىنىمگە تىېترەك ئولىشىپ كەتتى.سۈگەتكە يەنە ئىككى مېتىردەك ئارلىق قالغان ئدى.مەن بىر قورقۇنچ تۈرتكىسىدە سۇ ئېقىۋاتقان قۇيۇق شاخلار ئارىسىغا قارىدىم.قارىدىميۇ يەنىلا بۇرۇنقىدەك پۇشايمان قىلىپ ۋارقىرىۋەتتىم.
     نېمىنى كۈردۈڭ دەمسىز؟قۇيۇق سۈگەت شاخلىرى ئارىسىدا ئۈچ غېرىچ ئېگىزلىكتىكى ،چاچلىرى سارغۇچ ،ئىككى كۈزىنىڭ ئورنىدا چوغدەك  بىر نەرسە يالتىراۋاتقان،يۈزى قارا ئاق كىيىملىك بىرسى بالىلار ئوينايدىغان كىچىك چېلەكلەر چوڭلىقىدىكى بىر ئەسكى ياغاچ قاچىدىن سۇ تۈكۈۋاتاتتى.ئۇ نەرسىمۇ مېنى كۈردى ،يېلىنجاۋاتقان كۈزى بىر نەچچە پىلىلداپ ئۈچۈپ قالدى،ئاندىن تۈتۈنگە ئايلىنىپ سۈگەتنىڭ كەينىگە ئۈتۈپ غايىپ بولدى.قورقۇپ كەتتىم،قاتتىق ھالسىرايتتىم،ئاۋازىم خىرقىراپ قالغان ئىدى.بايا قىزىقىپ كەلگەن بولسام ئەمدى قورقۇنچتا سۈگەتنىڭ كەينىلگە ئوتۈشنى تەسەۋۇر قىلالمايتتىم،خۇددى ھېلىقى نەرسىلەر چىقىپلا گېلىمنى بوغىدىغاندەك ،شۇنداق ۋەھىمە ئىچىدە تۇرۇۋاتسام قەيەردىن كەلدىكىن بىر تال دەۋلەت قۇڭغۇزى كېلىپلا پېشانەمگە ۋاققىدە ئۈسمەمدۇ ئاپا دەپ چىقىرىغىنىمنى بىلىمەن.يەر جاھان پىقىراپ كەتتى،........................
             شۇ كۈنى كەچتە كۈزۈمنى ئاچسام ئۈيدە ياتىمە،،بېشىمدا ھەممەيلەن قاراپ تۇرىدۇ.ئاپام بولسا باش تەرپىىمدە پېششانەمنى سىلاپ يىغلاپ تۇرىدۇ.
-دادا ،بۇ ئۈيدە زادى نېمە بار؟قانداق نەرسە ئۇ؟-دەيتى ئاپام يىغلاپ تۇرۇپ بوۋامغا.ئاپامنىڭ دېيىشچە بوۋاملارنىڭ قوشنىسى ئۈىگە بىر نەرسە سوراپ كىرىپ مېنىڭ سۈگەتنىڭ قىشىدا ھوشسىز ياتقىنىمنى كۈرۈپ كۈتۈرۈپ ئۈيگە ئەكىرىپتۇ ئاندىن چوڭلارغا خەۋەر قىپتۇ.
  بوۋام بولسا ساقىلىنى سىلاپ ئولتۇراتتى.تۇرقىدىن بىر نەرسىنى بىزگە دېمەكچى بولغاندەك قىلاتتى.......

gulnur0997

        4-قىسىم     سۈگەتنىڭ سىرى

   ھەممىمىز بوۋامنىڭ ئاغزىغا قاراپ قالدۇق.بوۋام بولسا ئۇلۇغ كىچىك بىرنى تىنىۋىېتىپ ،بىزگە قاراپ سۈزلەشكە باشلدى:
-ئەمەليەتتە بۇ سۈگەت ئادەتتىكى دەرەخ ئەمەس.رەھمەتلىكنىڭ ئۈز ئاغزىدىدن بەزى گەپەلەرنى ئاڭلىغان بولساڭلار ،تولىمۇ ھەيران قالاتتىڭلار.مەنمۇ رەھمەتلىكنىڭ ۋاپاتىغا بەكمۇ ئېچىنىمەن،قانداق بىر سىرلار باركىن ئۈزەممۇ ھازىرغىچە گۇماندا.(رھمەتلىك مومامنى دېمەكچى)
     شۇ يىلى رەھمەتلىك 57 يش ۋاقتى ئىدى.بىر كۈنى ئابلاجان يەنى (دادامنى دېمەكچى)ئۈيگە كەپتۇ.قارىسا ئاپاڭلار كاتنىڭ ئۈستىدە ئۇخلاۋاتقان .ئاپامنى ئويغىتۋەتمەي دەپ باغقا كىرىپ بىرنى ئايلىنپ چىقىپ .قارىسا ئاپاڭلار قاتتىق قورقۇپ كەتكەنمۇ كاتنىڭ ئۈستىدە مەيدىسىنى تۇتۇپ ئولتۇرغان ئىكەن.ئابلاجان بېرىپ ئاپا مەن كەلدىم دېسسە ئاڭلىماپتۇ.ئاپا دەپ مۈرىسىتنى تۇتسا قاتتىق قورقۇپ چىرقىراپ كېتىپتۇ.ئاپاڭڭلارنىڭ دېيىشىچە ئۇخلاپ ياتسا بىرسى كەينى تەرپىگە پاققىدە ئۇرغۇدەك .ئاندىن قۇلاق تۈۋىدە بىرسىنىڭ شۇنداق ئېغىر تىنغان ئاۋازى .بالاڭ كەلدى ئۇخلاۋېرەمسەن دېگۈدەك.كۈزىنى ئاچاي دېسە ئاچالمىغۇدەك.بىر نەرسە شۇنداق ئېغىر بەدىنىنى بېسىۋالغۇدەك.كۈچەپ تۇرۇپ كۈزىنى ئاچسا بەدىنى ئېغىرلاپ كات ئاستىغا كىرىپ كېتىۋاتقاندەك بىر سېزىم بولۇپتۇ.
    ئۇنىڭدىن بۇرۇنمۇ ئاپاڭلار دايىم يېرىم كېچىدە قولىنى ئالدىغا قىلغرن پېتى تالاغا چىىقىپ كېتەتتى.بۇنى تۈن سەيلىسى قىلغان دەمدۇق ئىشقىلىپ،ھەر ھەپتىدە تەخمىمنە ن بىر قىتىمدىن ئىككى قېتىمغىچە يوقاپ كېتەتتى.بىر كۈنى كېچسى ھاجەت قىلىپ يېنىپ كىرىۋاتسام ئاپاڭلا ئورنىدىن تۇرۇپ قولىنى ئالدىغا قارىتىپ تۈپتۈز قىلىپ چىقىپ كىېتىۋاتقان.مەن دەرھال بېرىپ خەلچىغان نېمە بولدۇڭلار دېسەم گەپمۇ قىلماي مېنىمۇ كۈرمەي كىېتىۋاتىدۇ.ھەي دەپ ۋارقىرسام يەنە جىم قارىسام كۈزى يۇمۇق.قاتتىق قورقۇپ كەتتىم،يەنە نەگە بارىدۇ قېىنى دەپ ئەگشىىپ ماڭسام ئۇدۇل سۈگەتنىڭ قېشىغا بېرىپ سۈگەتكە قاراپ تۈرۈۇپ بردەم كۈلىدۇ بىردەم يىغلايدۇ.يەنە سۈگەتنى ئايلىنىپ يۈگرەپ يۈرىدۇ.قورقۇپ كېتىپ ئورنۇمغا بېرىپ يېتىۋالدىم.ئەتىسى قارىسام شۇنداق نورمال .

   ئاخىرى بىر جىن موللىسىنى ئۈيگە ئەكەلدىم.ئۇ دەرەخقە قاراپلا بۇنىڭدا 7 دانە پەرىشتە بار ئىكەن.ھەر ھەپتىسى مەلۇم بىر ئااخشام مۇشۇ دەرەختە نەغمە قىلدىكەن.شۇنداق چاغدا ئۇنى بىرەرسى كۈرۈپ قالسا شۇ ئادەم كېچىسى يۈرۈپ كېتىدىكەن،خەلچىغان كۈرۈپ قالغان بولسا كېرەك .دەپ بەردى.
    ئاپاڭلاردىن قىستاپ قتۇرۇپ سورىدىم.ئۇ بىركېچىسى سىرتقا ھاجەتكە مېڭىۋتىىپ سۈگەت ئۈستىدە بىر نەچچە ئوتنىڭ ئۈچۈپ يۈرگىنىنى كۈرۈپ قاپتىكەن.شۇنىڭ بىلەن ۋارقىراپ قاپتۇ.شۇندىن كېيىن بىلمەيدىكەن ،دايىم مۇشۇنداق كېچىدە تۇرىدغىان بۇلۇۋاپتۇ.
   كېيىنكى يېلى ئاپاڭلار بىركېچىسى ئۈي بەك ئىسسپ كەتتى ،دەپ كاتقا ئۇرۇن سېلىپ ياتقان ئىدى.ئەتىسى تۇرۇپلا بازارغا بارىمەن دەپ تۇرۇۋالدى.بازارغا ئەپ باردىم قارىسام ئاخرەتلىك نەرسە كېرەكلەردىن ئالدى.بۇنى نېمە قىلسلەر دېسەم لازىمى بار دەيدۇ.مۇسۇلمان ئادەمنىڭ ئۈيىدە بۇنداق نەرسىلەرنىڭ بولغىنى ياخشى دەپ مەنمۇ ئارتۇق قئويلىماپتىمەن،شۇ كۈنى كېچىدە ئاپاڭلار كەچىلىك تاماققا ئوخشىتپ پولو ئېتىپتۇ.شۇ كۈنى كېچىسى ئاغرىپ ئۈزگىرپ قالدى،تاڭ ئاتارغا يېقىن جان ئۈزدى.جان ئاۈزۈشنىڭ ئالدىدا ماڭا ئاشۇ دەرەختە بىرسى كېچە ئۇنىڭغا ئەتە بىر كۈنلۈك ۋاقتىڭ قالدى.ئۈيدىڭلەرنىڭ رازىلىقىنى ئېلىۋال دېگەنلىكىنى دەپ بەردى ھەم ئاشۇ دەرەخقە چىقىلماڭلار دەپ ۋەسىيەت قىلدى.
   مەنمۇ ئاپاڭلارنىڭ ۋەسىيتى بىلەن قايتا ئۇ دەرەخقە چىقىلىپ باقمىدىم.
        بوۋام گېپىنى تۈگىتپ ساقىلىنى سىلاپ ئېغىر كەيپىياتتا ئولتۇرۇپ قالدى.ھەممىمىزنىڭ ئارىسىسنى چىۋىن ئۇچسا ئاڭلانغۇدەك جىمجىلىتلىق قاپلىغان ئىدى.
-بالام دەپ ماڭا قارىدى بوۋام-سېنڭ ئۇكاڭنى ئۇرساڭ ئاغزىڭنى يۇم دېگەن گەپنى باشقا بىرسى دېمىگەن ،ئاشۇ دەرەختىكى نەرسىلەر دېگەن.ھېلىمۇ سېنى خۇدا ساقلدىى.ئەمدى ئۇ كاتتا كۈندۈزى ئۇلتۇرۇپ قالماڭلار،

gulnur0997

     5-قىسىم      بوۋامىغا ئاگاھلاندۇرۇش


      1999-يلى 4-ئاينىڭ 13-كۈنى

    شۇ چاغدا ،مەن باشلانغۇچنىڭ بەشىنچى يىللىقىدا ئوقۇۋاتاتتتىم.بىر كۈنى ئەدەبىياتتىن بېرىلگەن بىر تاپشۇرۇقنى سەككىزىنچى سائەتلىك دەرس ۋاقتىدا ئىشلەۋاتاتتىم.چۈنكى ئوقۇتقۇچىمىز ئەدەبىيات بىېرەتتى.تاپشۇرۇقنى سىنىپتىلا ئىشلىتىپ ،ئاندىن ئائىلىگە قايتىشىمىزغا رۇخسەت قىلاتتى.ئۇ چاغلاردا ھازىرقىدەك بالدۇر قويۇپ بېرىدىغان ئىش نەدە،ئوقۇتقۇچى بالىلارنى ئېلىپ قالسىمۇ ھېچكىمنىڭ پىكرى يوق ئىدى.‹‹شۇ چاغدىكى ئوقۇغۇچىلار مەرد ئىكەنتۇق،ئەجرىمىزنى بىلەتتىكەن››دەيدۇ ھازىرمۇ شۇ چاغدىكى ئوقۇتقۇچىلىرىم.
   گەپكە كېلەي.تازا بېرىلىپ ئولتۇرۇپ تاپشۇرۇقنى ئىشلەۋاتاتتىم،سىنىپ مۇدىرىمىز چاقىرىپ قالدى:
-بۇ ياققا چىقىڭە.
سىرتقا چىقتىم،قارىسام نېرىراقتا دادام سىنىپ مۇدىرىمىز بىلەن سۈزلىشىپ تۇرۇپتۇ.نېمە ئىش بولغاندۇ ؟نېمنى خاتا قىلغاندىمەن دەپ كەتتىم.ئەمما دادام قىزىم سىزنى مەكتەپ ئالدىدا ساقلاي دېدى.دە چىقىپ كەتتى.
نېمىشقىڭىن دادامنىڭ چىرايى يىغلىۋىتىدىغاندەكلا ئىدى.
تارتىنىپقىنە مۇئەللىمنىڭ ئالدىغا بارسام:
-قىزىم،بوۋىڭىز (دادامنىڭ دادىسى)تۈگەپ كېتىپتۇ.ھازىرلا چوڭ ئۈيگە باردىكەنسىلەر،سومكىڭىزنى ئەچىقىڭ دېدى.
دادام مېنى ساقلاپ تۇرغان ئىكەن.دادام ماشىنىنى ئۈيگە ھەيدىمەي چوڭ ئۈيگە ھەيدىدى.كىينملىرىم ماشىندا ئىكەن.قارلىق كىيىملەرگە ئالماشۇتۇرۋالدىم.
بوۋامنىڭ يەتتىسىنىمۇ بېرىپ بولدۇق.بۇ يەتتە كۈن جەريانىدا چوڭ ئۈينىڭ چىرىقىنى ئۈچۈرمىدۇق،چۈنكى چىرىقىنى ۈئچۈرسە مەرھۇمنىڭ روھى قۇرۇنۇپ قالىدۇ دەيدۇ.ئەمدى ئويلاپ باقسام بۇ گەپنىڭ ئىنتايىن داۋلىسى بار ئىكەن.
يەتتىسىن بەرگەن كۈنى كەچتە بىر ئۇرۇق تۇغقانلا ئۇخلىماستىن مۇڭدىشىپ چىقتۇق.چوڭلار بوۋام ياتقان ئۈيدە مۇڭدىشىپ چىقتى.بىز يىگىرىمىگە يېقىن نەۋرىلەر مېھمانغانا ئۈيدە پاراڭلىشىپ چىقتۇق.مەن نەۋرىلەرنىڭ سەككىزىنچىسى .ھېلىقى سىڭلىم بولسا نەۋرىلەرنىڭ ئونىنىچسى.
ئارلىقتا بىز ئاشۇ سۈگەت توغرىلىق پاراڭلىشپ تۇراتتۇق.ئىككىنچى ھاممامنىڭ ئۈچىنچى قىزى رازىيە :
مېنىڭ ھاجەتكە چىققۇم كېلىۋاتىدۇ،قايسىڭلار بللە چىقىسىلەر دېېدى.ھەممىمىز تۇرغۇن ئاكامنىڭ گېپىگە قىزىقىپ رازىيە ھەدەمگە قارىمىدۇق.ھەدەم كۇتۇلدا پ قاقشاپ يۈرپ ئۈزى چىقىپ كەتتى.تۇرغۇن ئاكام برۇن ھاجىمدا تەربىيلەنگەن ،تازا قىزىقارلىق قىلىپ جىننىڭ گېپىنى قىلىپ بېرىۋاتاتتى.بۇنداق قگەپ ھەممە ئادەمگە بەك ياقىدىكەن ئەمەسمۇ؟شۇنداق قىلىپ يېرىم كېىچىدىن ئېشىپتۇ.پاراڭ بىلەن بۇلۇپ رازىيە ھەدەمنىڭ قايتىپ كېرىمىگىنىگە ھېچكىم دىققەت قىلماپتۇ.تۇيۇقسىز رابىيە ھەدەم(رازىيە ھەدەمنىڭ ئاچىسى):
-ئۇكارم تۇرغۇنچان(رازىيە ھەدەمنىىڭ ئاكىسى)،رازيە كىرمەيدىغۇ؟قاراڭغۇدىن قورقۇپ كىرەلمەي قالمىسۇن يەنە ،چىقىپ باقاي-دېدى.مەنمۇ بىللە چقاي دېدى چوڭ ھاممامنڭ قىزى.ئۇلار چىقىپ كېتىپ بىر چاغدا يۈزلىرىدە قان قالمىغان ھالدا كرىپتۇ.دېمى سىقىلىپ كېتىپتۇ.
-ئا ....سۈگەتتە .....ئوت.....ئوت......
ئۇلار گېپىنىڭ داۋامىنى قىلالمىدى.-رازىيەچۇ؟قېنى ؟
شۇ چاغدىلا ئۇلار ئاندىن رازىيەنى ئىزدىگىلى چىققانلىقىنى ئېسىگە ئالدى بولغاي،كۈز چاناقلرى يوغىناشقا باشلىدى.بىز بىر نەچچىمىز تۇرغۇن ئاكامنىڭ يول باشلىشى بىلەن سىرتقا چىقتۇق.سۈگەت كاللىىىدا ئىككى ئوت ئويناۋاتقان ئىكەن.سەل قورقۇنچاقلقرى قېچىپ كېىرپ كەتتى.مەن ئالىدنقى بۈلەكتە دېگەندەك ۋارقىرىمىسا ئىش بولمايدىغىنىنى بىلگەچكە ۋارقىرىمىدىم.ئەمما يۈرىكىم ئاغزىمغا كەپلىشىپ قالغان ئىدى.بىز ئاستا باغنىڭ ئىشىكىنى ئېچىپ ئلىكتىرنى ئەتراپقا تۇتتۇق.نېرىراقتا شاپتۇل دەرىخنىڭ تۈۋىدە رازىيە ھەدەم ئىڭراپ ياتقان ئىكەن ،ئولاش چولاش كۈتۈرگىنىمىزچە ئېلىپ كېردۇق.چوڭلارمۇ ئۈرە تۈپە بۇلۇپ كېتىشتى.چوڭ ھاممانىڭ يولدىشى بەكمۇ تەقۋادار بۇلۇپ رازىيە ھەدەمنى كۈرپە ئۈستىگە ياتقۇزدى دە،ئاندىن بىر نېمىلەنرى ئوقۇپ يۈرۈپ ،رازىيە ھەدەمنى ھوشىغا كەلتۈردى.
-نېمىنى كۈردىڭىز قىزىم؟-سورىدى ھەدەمدىن.
-مەن - ھەدەم يىغلاپ كەتكەن ئىدى.-ئەمدى ئولتۇراي دېيىشىمگە ئىككى مېتىر نېرىدىكى بىر ئاق كۈلەڭگىنى كۈرۈپ قالدىم.ۋارقىرىيالمىدىم.كېىيىن باش ئۈستۈمدە ئايلانغان ئىدى.قالغان ئىشلارنى بىلمەيمەن -دېدى ۋە ئۈكسۈپ يىغلاپ كەتتى.
ھاممامنىڭ يولدىشى بىردەم تۇرۇپ كېتىپ ،بىزگە قاراپ:
-سىلەر بىلمەيسىلەر بەلكىم،بۇ ئاشۇ دادامغا گەپ قىلغان نەرسە بولشى مۇمكىن-دېدى.بىز ھەيران قالدۇق.
-دادام -دەپ گېپىنى باشلىدى تاغام-بىر كۈنى ئۈيگە كىرسەم مەيۈس ئولتۇرۇپ كېتىپتۇ.نېمە بولدى دېسەم،بىر گەپنى قىلىپ بېرىۋىدى،مەنمۇ قورقۇپ كەتتىم .دادام ئالدىنقى كۈنى كاتتا ئۇخلىغان ئىكەن،يېرىم كېچە بولغاندا بىر يەرلەردىن كۈلگەن،يىغلىغان ئاۋازلار ئاڭلىنىپتۇ.كۈزىنى ئېچىپ قارىسسا سۈگەتنىڭ ئۈستىدە قويچىلىك ئېگىزلىكتە بىر نەرسە دادامغا قاراپ ئولتۇرۇپ كۈلۈۋاتقان ئىكەن.دادام قورقۇپ كېتىپتۇ.ئاۋازىنى چىقرالماپتۇ.ئۇ نەرسە ئاستا لەيلەپ كېلىپ دادامنىڭ يېنىغا كېلىپ ئولتۇرۇپتۇ،قولىنى دادامنىڭ مۈرىسىگە قۇيۇپتۇ.شۇ يەر ئېچىىشىپ پىژىلداپ كېتىپتۇ.ئاندىن دادامغا بىر يىلدىن كېيىن جان تەسلىم قىلىسەن دەپتۇ،دادام چۈچۈپ كېتىپ كۈزىنى ئېچىپتىكەن ،ھەقىقەتەن بېشىدا بىر ئاق كېىيىملىك چاچلىرى ساۋاش،بىرسىنىڭ دۈمبىسىنى قىلىپ ئولتۇرغانلىقىنى كۈرۈپتۇ.
  تاغامنىڭ گېپىنى ئاڭلاپ،بوۋامنىڭ بىزگە دەپ بەرگەن ھېلىقى مومامنىڭ بىر كۈنلۈك ۋاقتىڭ قالدى دېگەنلرىنى ئېسىمگە ئېلىپ ،تىترەەپ كەتتىم.
-كېيىن ،دادام ھەقىقەتەن ئاشۇ بىر يىل ئىچىدە بەكلا چۈشكۈنلىشىپ كەتتى.بىزمۇ دادامنى خوشال قىلىشقا ئۇرۇندۇق .ەئممايەنىلا ئامانەتنى تاپشۇردى.بىز دادامنىڭ مېيتىنى يۇيدىغان چاغدا قارىساق ھەقىقەتەن مۈرىسىدە يارا ئىزى باركەن.بىر قارىسا كۈكرىپ كەتكەندەك بىر قارىسا شۇ يەرنىڭ تېرىسى قۇرۇپ كەتكەندەك كۈرنىدىكەن.-دەپ گېپىنى تۈگەتتى تاغام.

gulnur0997

ۋاي توۋا ،بۇ ئىشلارغا نېمە دەي؟ئاخشام يەنە كەلدى ئۇ نەرسە،ئاكامنىڭ قىزىنىڭ سىياقىغا كىرىۋىىلىپ گېلىمنى تازا بوغدى.بۇ نەرسىلەر خېلى بولدى كەلمىگەن.
     2005-يىلى ئەتىيازدا تۇنجى قېتىم مەكتەپ ياتىقىدا چۈشلۈك ئۇيقۇدا كەلگەن .ئۇ چاغدا بەك قۇرقۇپ كەتكەن ئىدىم.قۇلۇمنى پۇلاڭلاتتىم.لېكىن قۇلۇمنى مەن كۈرەلمدىدم.دوستىلىرىم مېىنى چاقىرىپ ئويغاتتى.ئەمما كۈزۈمنى يەنىلا بىر يەرلەردىن ئاچالمايتتىم.
      2008-يىلى ئالى مەكتەپتىكى ۋاقتىلىرىمدا پەيدا بولىدىغان بولدى.ھەر كۈنى كېچىدە كېلىپ گېلىمنى بوغىداىغان بولدى.ئېنىق كۈرەلمىسەممۇ ئۇنىڭ بىر پاكار قارا يۇمىلاق سىياقتىكى نەرسە ئىكەنلىكىنى بىلەتتىم.
       2011-يىلى ئۈيدە ئارام ئىلىۋاتقاندا ئاپامنىڭ سىياقىدا كىرىپ مېنى چاقىردى.كۈزۈمنى ئاچتىم.كېچە ئىدى.سائەتكە قارىسام دەل كېچە سائەت 1 ئىكەن.شۇنداق قىلىپ دائىم ئاپامنىڭ سىياقىدا كىرىپ مېنى چاقىرىدىغان بۇلۇۋالدى.ئۈزەمنى تەستە زورلاپ يۈرۈپ كۈزۈمنى ئاچقىنىمدا سائەت بىر ياكى بىر يېرىم بولغان ۋاقىتلار بولاتتى.بارا بارا مەن ئۇ نەرسىنىڭ كېلىدىغان شەپىسىنى سېزىشكە باشلدىم.ئالدى بلەن پۇتنى سۈرتىۋەتكەندەك ئاۋاز ئاڭلىندۇ.ھە كەلدى دەيمەن ئىچىمدە،ئاندىن تاقىلدىغان ئاۋاز ئاڭلىنىدۇ،ھە مېخمانخاندىدا مىڭىۋىتىپتۇ دەيمەن،كۈزۈمنى ئاچاي دەيمەن ئاچالمايمەن،ئەمما ھەممە ئىشنى ئۈزۈمنىڭ ئۇيقۇدا ئىكەنلىكىمنى بىلىپ تۇرىمەن.ئاندىن ئىشىك ئېچىلىدۇ.شۇ ئاپامنىڭ سىياقى ،بالام تۇرۇڭ ،كەينىمدىن مېڭىڭ دەيدۇ.ئاخىرى كۈزۈمنى زورلاپ ئاچىمەن.قاتتىق قورقۇنچ.بولمىسا بېشىمدا رومال.
    توختا،مېنى چوقۇم قارا باسىدىغان ئوخشاييدۇ.ئەينەكتىن قورقىدۇ دەيدىكەن.ئەينەك قۇيۇپ باقاي.شۇنداق ققىلىپ ئەينەكنى ياستۇقۇمنىڭ ئىككى يېنىغا ئىلىپ قويۇپ ياتىدىغان بولدۇم.يەنىلا ئوخشاش.پىچاق قۇيۇپ ياتتىم .يەنىلا ئوخشاش.ھەركۈنى كېچىدە ئۇ كېلىدۇ.مېنى چاقىرىدۇ.ئاپامنىڭ سىياقىدا.ئۇ كەلسە كۈڭلۈم تۇيىدۇ.ئاخىرى مەن يېىتىۋاتقان ئۈيدىن قاتتىق قورقتۇم.باشقا ياتاق ئۈيگە ئالمىشىپ چىققتىم.
     يېنىك ئويلاپتىمەن.بۇ ياتاق ئۈي كەينى باغ ئىدى.ئەمىدى ئۈيگە كىرمىدى.ھويلىدا تۇرۇپلا چاقىرىدىغان بولۇۋالدى.تېخى پەلەمپەي بىلەن دەسسەپ چىققان ئاياغ تىۋىشىنىمۇ ئاڭلدىم.ئۇدا مۇشۇنداق چاقىرىشلار بۇلۇۋەرگەەندىن كېيىن،مەندە بارا بارا ئۇنىڭغا قارىتا ئادەتلىنىش پەيدا بۇلۇپ قالدى.بىر كۈنى ئاپامنىڭ سىياقىدا كىردى.توۋا،ھۇجرامنىڭ ئىشىكى ئىچىگە ئېچىلىدىغان تۇرسا،ئاپام سىرتىغا ئېچىپ كېىرىۋاتىدۇ.ھە بۇ ئاپام ئەمەس دېدىم.كاللام سەگەك ،ھەممىنى بىلىپ تۇرۋاتىمەن.دائىم مۇشۇنداق قىلىسە،قېنى ماڭا زىيانكەشلىك قىلامسەن يوق؟ئۇ كەلدى،بالام تۇرۇڭ دېدى.پېشانەمگە سۈيدى.بىر كەم بولغاندا ھاۋادا ئۇچقاندەك بىر سېزىم پەيدا بولدى.شاپپىدە كۈزۈمنى ئاچتىم .خۇددى ئېگىز بىر يەردىن يەرگە تاشلانغاندەك بولدۇم.بەدىنىم بەكلا ئاغرىپ كەتتى.پەقەت چىدىمىدىدم.
         دوستۇمنىڭ تۇنۇشتۇرۇىشى بىلەن يېزىدىكى بىر موللامنىڭ يېنىغا باردىم.تېخنى ئشىنى دېمەستىنلا موللام ماڭا چەكچىيىپ قاراپ كەتتى.مەن دوستۇمغا بىر موللامغا قارايمەن.موللام دېدىكى:ئۇكام،سىزنىڭ ئاپىڭىزنىڭ سىياقىدا سىزنى چاقىردىكەن.ھەرگىز ھە دەپ سالماڭ،بۇ زىياندىشىڭىز بەك يامان ئىكەن.سىزگە ھەرۋاقىت زىيان سالساملا دەيدىكەن.
    قورقۇنچتا ئاغزىم ئېچىلىپلا قالدى.نەپەس ئالالمايلا قالدىم.بۇ ھېلىقى كونىلار دەيدىغان قىز بالىنىڭ ئەركەك جىنى بار دېگەن شۇمۇ؟سورىدىم مەن.ئۇ دېدى:ئۇنداقمۇ ئەمەس.لېكىن يىراقمۇ ئەمەس.مەن دورىسىنى قىلىپ قوياي.
   شۇنداق قىلىپ ئۈچ چارشەنبە باردىم.ئاستا ئاستا يوقىدى.كەلمىگىلى خېلى بولغان.ئەتە 3-ئاينىڭ 2-كۈنى بولىدىۇ دېگەن كېچىسى،ئاھ خۇدا ،باغدا ئىسمىمنى چاقىردى.گۇلنۇر ھامما ،(بۇ ئاۋاز چوڭ ئاكامنىڭ بالىسىنىڭ ئاۋازى ئدى.مەن جىيەنلىرىلىمگە مېنى ھامما دەڭلار دېگەن ئىدىم.)گۇلنۇر ھامما .چىقىڭە .بۇ ئاۋازنى ئاڭلاپ چىقاي دەپ يەنە توختاپ قالدم.دەرۋەقە چوڭ ئاكاملار بۇ داچىمىزنى ھاۋالىق دەپ دەم ئىلىشقا چىققان ئىدى.ئۇلار ئەلۋەتتە ئاكامنىڭ ھوجرىسدا ياتىدۇ.دېرىزىگە قارىدىم.قاراڭغۇ كېچە ئىدى.بۇ كېچىدە جىيەنىم ئۇخلىماي باغدا نېمە ئىش قىلىدۇ؟ئويلاپ شۇ يەرگە كەلگەندە ئاڭلاندى.گۇلنۇر ھامما ،گۇلنۇر ھامممممممممم...........ئەمدى قورقۇشقا باشلدىم.كەينىدىنلا داپ دۇتارلارنىڭ ئاۋازنى ئاڭلدىم.ئاجايىپ يېقىملىق ئدى.تۇيۇقسىزلا بۇ كېچە رەھمەتلىك بوۋام ئېيتقان ئۈتكۈن ئۈتىدىغان كېچە،سەپەر ئېىي ئىكەنلىكى يادىمغا كەلدى.ئاھ خۇدا بىزنىڭ باغ،ئۈتكۈن ئۈتىدىغان يول ئۈستىكەن دە.تۇيۇقسىزلا سوغۇق بىر ئېقىم تېنىمغا ئۇرۇلدى.يوتقانغا چىڭ ئۇرنىۋالدم.قارا تەرگە چۈمۈلدۇم.ئايەت ئوقۇغاندىن كېيىن سەل ياخشىلاندىم.
    مانا ئىككى ھەپتىدىن كېينىكى بۈگۈنكى كۈندە يېرىم كېچە قاتتىق نەپسىم سىقىلغاندەك بۇلۇپ ئويغىنىپ كەتتم.كىچىك ئاكامنىڭ ئەمدىلا يەتتە ئايلىق بولغان قىزى مەيدەمدە تۇراتتى.بىر پۇتى بىلەن گېلىمغا دەسسەپ ،بىر پۇتى بىلەن قۇلۇمغا دەسسىۋالدى.بارا بارا بوشىشىپ كەتتىم.ئاۋازىمنى چىقرىپ ئاپا ئاپا دەپ توۋللىسام ئاپام يېنىمدىلا گۇلنۇرقىز ئويغىنڭ دەيدۇ.قىزچاق تېخى ئۈستۈمدە،ئاخرى قاتتىق غەيرەتكە كەلدىمدە ،بېشىمىنى سىلكىپلا ئويغىنىپ كەتتىىم.ئۇ نەرسە يەنە كەلگەن بولسا كېرەك.
     ناشتا ۋاقتىدا ئاپامدىن سورىدىم.:ئاپا سىز ئاخشام مەن ئۇخلاپ قالغاندىن كېيىن، يېنىمغا كېىرىپ ياتقانمۇ؟
--ياق،نېمە بولدى.
-ئەمىسە مەن سزنى چاقىردىممۇ كېچىدىن ؟ياكى سىز مېنى چاقىرغىلى كرگەنمۇ ؟
  ئاپام ماڭا ئەندىشە ئارىلاش قاراپ قويدى.مەن ئاپامغا،يەڭگەمگە كېچىدىن ئىلمىنۇرنىڭ (كىچىك ئاكامنىڭ قىزى ،ئەمدى يەتتە ئايلىق بولدى)مېنى بوغقانلىقىنى سۈزلەپ بەردىم.توۋا دېيىشتى ھەممسى.ئەمما ئاپامىنىڭ گپلىرىدىن مەن ئۇنىڭ كېچىدىن ھۇجرامغا كىرمىگەنلىكىنى بىلدىم.ۋاي توۋۋا ،ئۇ نەرسە يالغۇز ئەمەسكەن،قارىغاندا ھەقىقەتەن زىيانداشلىرىم كۈچلۈك ئوخشايدۇ.ياخشى يېرى مەن بۇنداق ئەھۋاللارنى تولا باشتىن كۈچۈرۈپ ئۈزۈمنى كونترول قىلىشنى ئۈگىنىۋالدىم.ئاللاھ مېنى ئۈز پاناھىڭدا ساقلىغايسەن

gulnur0997

راستىنلا بۇ دۇنيا بەك سىرلىق ئىكەن.مەندىمۇ شۇنداق ئەھۋال مەۋجۇت.ئاخشىمى يول ماڭسام ،بىرسى كەينمدە كېلىۋاتقاندەك بىلىنىدۇ.ئۈيگە كىرسەم خۇددى ئىشىك بېشىدا بىرسى ماڭا قاراپ تۇرغاندەك بىلىنىدۇ.قورقۇنچلۇقى شۇكى ،دەرەخلىك بىلەن تولغان يوللاردا مېڭىپ قالسام ھاۋا ئۇچۇق ،تىنجىق كېچىلىرى كەينىمدىن سالقىن بىر خىل شامال كېلىدۇ.
    بوۋام ماڭا ھايات ۋاقتىدا بىر تۇمار بەرگەن ئىدى.(رەھمەتلىك ھايات ۋاقتىدا ئانچە مۇنچە شۇنداق نەرسىلەر بىلەن ھەپىلىشىپ قويىدغان ئىشى بار ئىدى )شۇنىڭ خاسىيتىدىن بولسا كېرەك دەپ ئويلايمەن.بۇنداق ئىشلارغا تولا يۇلۇقۇپ كۈنۈپ كەتتىم.يۈرىكىم سۇ شۇنداق يۈرىيمەن.ئەمما قورققانلىقىمنى پەقەت چاندۇرمايمەن.بوۋام ماڭا،ئەمەليەتتە ئۇ نەرسىلەرمۇ ئىنسانلارغا خالىغانچە چىقىلمايدۇ.پەقەت قورقۇتۇپ يۈرۈشنى ياخشى كۈرىدۇ.ئادەم قانچە قورقىمىسا ئۇلارمۇ شۇ ئادەمدىن بارا بارا قاچىدۇ.شۇڭا ئۇنى تولا ئويلىماڭ دېگەن ئىدى.
     ئەمەليەتتە مېنىڭ بۇنداق كەچۈرمىشىمنىڭ كەينىدە ،بىر ھېكايە بار ئىكەن.بۇنى بوۋام يەنى ئاپامنىڭ دادىسى ،كېيىن ئاپام ماڭا سۈزلەپ بەرگەن.بۇ مۇنداق ھېكايە:
      1968-يىللىرى، ئاپام 8-9 ياش ۋاقىتلىرى ئىكەن.ئۇ چاغدا ئاپامنىڭ ئاپسى ۋە دادىسى ،چوڭلار بىلەن بىللە تۇرىدىكەن،.شۇ چاغلاردا كۈز ئايلىرىنىڭ بىرىدە ئاپامنىڭ بوۋىسىغا نېمە بولغان،شۇ چاغلاردا باخشىلار يېغىلىپ پىرە ئوينايدىغان ئىش باركەنتۇق.شۇنىڭ بىلەن نە نەلەردىن 10 غا يېقىن باخشى داخانلار ئۇ ئۈيگە يىغىلىپ پىرە ئوينىماقچى بۇلۇپتۇ.ئۇلار پىرە ئويناش جەريانىدا بىر باخشىنىڭ قامچىسى قىزقىپ يېقىن بارغان ئاپامغا تېگىپ كېتىپتۇ.ئاپام شۇ قامچا بىلەن نېمە بولغان ساراڭلاردەك توۋلاپ ئۈيدىن قېچىپ چىقىپ كېتىپتۇ.باشقىلار ئاپامنىڭ كەينىدىن قوغلاپتۇ ،قارىسا ئاپام ئالا تاغىل ۋارقىراپ مەھەللىنىڭ چېتىدىكى ياداڭلىق دەپ ئاتىلىدىغان بىر قۇيۇق ئورمانلىقنىڭ ئىچىگە كىرىپ كېىتىپتۇ.ئۇلار قارىسا ئاپام ئېنتايىن قېرى بىر سۈگەتنىڭ يېنىدا ئۈزى بىلەن پاراڭلىشىپ ترۇرغان.ئۇالار ئاپامنى ئولترۇغان ھالەتتە قايتۇرۇۇپ كەپتۇ.ھويلىدا بولسا خېلى كېچىگىچە ئاپامنىڭ بوۋىسىغا پىرە ئويناپتۇ،ئاپام بولسا بىر چەتتە بىردە يىغلاپ بىردە كۈلۈپ تۇرغان.پىرە ئويناپ بولغاندا نەرسە كېرەكلەرنى يېغىشتۇرۋاتقان ئەڭ قېرى باخشى بولسا ئۈگزىگە قاراپ تۇرۇپ قاپتۇ.باشقىلار چاقىرسا ئاڭلىماپتۇ.بىردەمدىن كېيۇىن قاتتىق سىلكىنىپ ئۈزىگە قايتىپتۇ دە،ئاپامنىڭ دادىسىغا مۇنداق دەپتۇ:
      بايا ئۈگزىدە بىرسى كەلدى.مۇشۇ ئۈينىڭ كەينىدكى قېرى سۈگەتتە،ئۇلارنىڭ ئۇۋىسى باركەن.ھەرھەپتە چارشەنبە كۈنى سەھەردە ئاشۇ سۈگەتنىڭ ئاستىنى سۈپۈرۈپ سۇ چېچىپ قويساڭلار ئۇلار سلىگە چىقىلمىغۇدەك،يەنە كېچىك بالىلار كېلىپ ئولتۇرۇپ ياكى تەرەت قىلىپ قويمسۇن دەيدۇ.شۇنداق قىلساڭلار ئۇلار سىلىگە چىقىلمىغۇدەك .
    شۇنداق قىلىپ ئاپام ەھەر چارشەنبە كۈنى ئۇ يەرنى سۈپۈرۈپ قويدىغان بۇلۇپتۇ.دەل چارشەنبە كۈنى كېچىدە ئاجايىپ نەغمە ناۋا قىلغاندەك ئاۋازلار ئاڭلىنىدىكەن.....
     كېيىن ئاپام ئالى مەكتەپنى پۈتتۈرۈپ كېلىپ دادام بىلەن توي قىپتۇ.ئاپامنىڭ ئىنىسىمۇ ،سىڭىللىرىمۇ توي قىلىپ   چىقىپ كېتىپتۇ.ئاپامنىڭ ئاتا ئانىسىمۇ ئۇ ئۈينى چىقىپ ھويلىنىڭ يەنە بىر تەرىپىگە خىشتىن ئۈي سېلىپتۇ.كېيىنچە ئۇ نەرسىلەر بوۋام بىلەن مۇمامنى خېلى ئاۋارە قىلغان چىغى،بوۋام ئەتراپىغا باخشى ۋە داخانلاردىن ئوننەچچىنى يېغىپ ئولاش چولاش ھېلىقى سۈگەتنى كېسىۋىتىپتۇ.شۇ كۈنى كېچىسى بوۋام كۈزى يۇمۇقلۇق ھالدا ھېلىقى ئاپام كىرىپ كەتكەن ئورمانلىققا كىرىپ كېتىپتۇ.مومام شۇنچە تۇتۇۋالسىمۇ كېتىپ قاپتۇ.2 كۈن ئىزدەپ ئاندىن تاپقاندا،بوۋام ساراڭلاردەك بوپقاپتۇ.بوۋام توختىماي،ئۇلار مېنى قىيندى،سۈگەتنى نېمىشقا كېسىسەن دېدى،يەنە سىلەرنىڭ جەمەتىڭلاردىن قىساس ئالىمىز.باللىرىڭىنى توختىماي قىينايمىز دېدى دەيدىكەن. بوۋام يېرىم يىللاردىن كېىيىن ساقايدى.مەن تۇلۇقسىزنى پۈتتۈرگەن يىلى،بوۋام مېىنى بىر نەچچە قېتىم ئوتنىڭ ئۈستىدىن ئاتلىغىلى قويدى.سەۋەبىنى ئېيتىمدى.17ياشقا كىرگەن يىلى ماڭا بىر تۇمار پۈتۈپ بەردى ھەم ئۇنى ماڭا بەرگەچ مۇشۇ ئىشلارنى ئېيتىپ بەردى.شۇ چاغدا بوۋام ماڭا :بەلكىم بىر ئۈمۈر سىزنى ئاۋارە قىلىشى مۇمكىن،ئەمما مۇشۇ تۇمار بولسلا سىزگە بىۋاستە زىيان سالالمايدۇ.كېچىدە سىزنى چاقىرىشى ،چۈشىڭىزدە ئايان بۇلۇپ سىزنى بوغىشى  مۇمكىن.سىزگە بىۋاستە يېقىنلىشالمايدۇ.مۇشۇ تۇمارنى يوقىتۋەتسىڭىزلا ئۇلار خالىغان چاغدا سىزنى ئۈلتۈرۋىتىدۇ.يا ساراڭ قىلىپ قويىدۇ.شۇڭا بۇ تۇمارنى چوقۇم يېنىڭىزدا ساقلاڭ.ئۇنى يوقتىپ قويسىڭىز ئۈلدۈم دېسىڭىز بولىدۇ،››دېگەن ئىدى.18 ياشقا كىرگەن كۈنى  تۇنجى قېتىم كېچىدە چاقىرغان ئاۋازنى ئاڭلىدىم.
       بۇنداق ئاۋازدا ئالدى بىلەن ئىسمىمنى تۇلۇق ئاتايدۇ،ئىككىنچى قېتىمدا ئاخىرقى بىر ھەرپ چۈشۈپ قالىدۇ.ئۈچىنچى قېتىمدا يېرىم چاقىرىدۇ.بۇنداق ئىشلارغا كۈنۈپ كەتتىم.ھەم قورقمايدىغان بۇلۇپ قالدىم.چۈنكى جاننى بەرسە ئاللاھ بەرگەن ئەمەسمۇ.
       مۇھىمى ئۇخلاشتىن بۇرۇن ئايەتلەرنى ئوقۇپ ياتسام بىر ئاز ياخشى .شۇڭا ئويلايمەن.ئېتقادىمىز چىڭ بولسلا ئۇلار بىزنى ھېچنىمە قىلالمايدۇ.