- تىزىملاتقان
- 2012-11-8
- ئاخىرقى قېتىم
- 2014-12-29
- ھوقۇقى
- 1
- جۇغلانما
- 2874
- نادىر
- 0
- يازما
- 142
ئۆسۈش
   29.13%
|
بىلگەجاننىڭ سۇئالى مانا:
سالام LokmanHekim،
مەن ھورمۇن ھەققىدىكى يازغان تېمىغا چۈشكەن ئىنكاستىن تۇنجى قېتىم لوقمان دەيدىغان بىر دورا شىركىتى بارلىقىنى بىلدىم ۋە بۇ تېمىڭىزغا دېققەت قىلىپ قالدىم. سىز باش تېمىدا قالدۇرغان شىركىتىڭلارنىڭ مەھسۇلاتلىرى ھەققىدىكى چۈشەندۈرۈشلەر ۋە ئەلقۇتنىڭ سىزنى زىيارەت قىلغاندىكى سۆزلىرىڭىزنى ئوقۇپ كاللامدا بىر سوئال شەكىللەنگەن ئىدى. ماۋۇ يازمىڭىزدىكى سىز قىزىلدا ئاستىغا سېزىپ قويغان مەزمۇنلارنى كۆرۈپ بۇ سوئالىم تېخىمۇ كۈچەيدى.
1. سىز مەھسۇلاتلىرىمىزدا ھورمۇن تەركىبى يوق دەپسىز. ئالدى بىلەن سىز سىلەرنىڭ مەھسۇلاتىڭلارنىڭ خېمىيىلىك تەركىبىنى تەپسىلىي ئېيتىپ بېرەلەمسىز؟ كەچۈرۈڭ، بەلكىم بۇ مەزمۇنلار سىلەرنىڭ دورا چۈشەندۈرۈشۈڭلاردا بولۇشى مۇمكىن (ھەم شۇنداق بولۇشى كېرەك)، ئەمما مەن ۋەتەندە بولمىغاچقا بۇ دورىنىڭ چۈشەندۈرۈشىنى كۆرۈش ئىمكانىيىتىم يوق، شۇڭا ئېغىر كۆرمەي ماڭا بۇ توغرىدا دەل بىر جاۋاب بەرگەن بولسىڭىز بەكمۇ مىنەتتدار بولاتتىم.
2. سىز قىزىل رەڭدە سېزىپ قويغان مەزمۇنلاردىن قارىغاندا، بولۇپمۇ يۈرەك كېسىلى بار بىمارلار ئىستىمال قىلماسلىقى كېرەك ھەمدە توي قىلمىغانلار يېسە ئەرلىك ھېسسىياتى زىيادە كۈچىيىپ كېتىدۇ دېگەن مەزمۇن مېنىڭ قاتتىق گۇمانىمنى قوزغىدى. توي قىلمىغان ياش ئەرلەردە ئادەتتە ئەرلىك ھورمۇن تېستوستېروننىڭ مىقدارى يۇقىرى بولىدۇ، دېمەك ياش ئەرلەردىكى بۇ خىل تەسىرنىڭ راستىنلا سىتىروئىدلىق ھورمۇن تېستوستېرون بىلەن ھېچقانداق مۇناسىۋىتى يوقمۇ؟ ئۇنىڭ ئۈستىگە سېنتىزلەنگەن تېستوستېروننىڭ يۈرەك كېسىلى كەلتۈرۈپ چىقىرىش ۋە يۈرەك كېسىلىنى قوزغاش ئۈنۈمىمۇ بولغاچقا بۇ يەردىكى گەپلەر بەكلا ھەقىقەتەن كىشىنىڭ گۇمانىنى قوزغاپ قويىدىكەن. مەن گۇمانغا ئاساسەن يەكۈن چىقىرىدىغانلاردىن ئەمەس، پەقەت خەلقىمىزنىڭ ساغلاملىقىغا خۇددى سىزدەك كۆڭۈل بولىدىغان ھەم تىبابەتنىڭ ئاساسى بولغان فىزىئولوگيە، بولۇپمۇ كۆپىيىش فىزىئولوگىيىسىدىن ناھايىتى پىششىق خەۋەردار بولغان بىر بىئو-مېدىتسىنا تەتقىقاتچىسى بولۇش سۈپىتىم بىلەن كاللامدا شەكىللەنگەن سوئاللارغا ئېنىق جاۋاب ئالاي دېدىم. سىلەر ئىشلەپچىقارغان دورىنىڭ بىئولوگىيىلىك تەسىرى ۋە كېسەل داۋالاش فارماكولوگىيىلىك مىخانىزىمىنى تەپسىلىي چۈشەندۈرۈپ بىر جاۋاب بەرگەن بولسىڭىز، گۇمانمۇ يېشىلسە دېگەن ئۈمىدتىمەن.
3. يۇقىرىدىكى سوئالغا جاۋاب بەرگەندىن كېيىن، ئەگەر دورىڭىزدا ئەرلىك جىنسىي ھورمۇن تەركىبى بولمىسا، سىلەر ئىشلەپچىقارغان دورىدا بەدەندە تەبئىي ئەرلىك جىنىسي ھورمۇن تېستوستېروننىڭ سېنتىزلىنىشىنى تىزلىتىدىغان ئېنزىملىق خۇسۇسىيەتلەر ياكى شۇنداق ئىنزىملارنى قوزغاتقۇچىلىق رول ئوينايدىغان بىئو-خېمىيىلىك تەركىبلەرنىڭ بار-يوقلۇقى ھەققىدىمۇ تەپسىلىي چۈشەنچە بەرگەن بولسىڭىز.
4. دورىمىز كۈچلۈك دېگىنىڭىزدىكى كۈچلۈك دېگەن زادى نېمىنى كۆرسىتىدۇ؟ دورىنىڭ كۈچلۈك ئاجىزلىقى ئۇنىڭ ئىستىمال قىلىش مىقدارىغا بېرىپ تاقىلىدىغان ئىش، ئەمما كۈچلۈك بولغاچقىلا يۈرەككە ياكى جىنسىي ئەزالارغا تەسىر قىلىدىغان ئىش بولمايدۇ. بۇ مەزمۇنلارنى بولسا ئۆزىڭىز تىبابەتتە ماگىستىرلىق ئۇنۋانىغا ئېرىشكەن بىر كىشى بولغانلىقىڭىز ئۈچۈن كەسپىي تىل بىلەن مېدىتسىنا نەزەرىيىسى قانۇنىيەتلىرىگە ئۇيغۇن ھالدا شەرھىلىسىڭىز. كۈچلۈك-ئاجىز دېگەندەك تومتاق، چۈشىنىكسىز سۆز-ئىبارىلەرنى ئىشلەتمەي، ئىمكانقەدەر دەل سوئالغا جاۋاب بولغۇدەك تەپسىلىي قىلىپ يازسىڭىز.
5. ئەگەر دورىدا جىنسىي ھورمۇنلار يوق بولسا، تەركىبىدە گلۇكوكورتىكويىد ياكى سىتىروئىد تىپىغا كىرىدىغان خېمىيلىك ماددىلار بار-يوقلۇقى ھەققىدىمۇ چۈشەنچە بەرسىڭىز. ھېچقانداق ھورمۇن يوق ئىكەنلىكىگە كاپالەت بېرىمىز دەپسىز، بۇ سۆزىڭىزگە بىرەر تەجىرىبىدىن ئۆتكەن ئىسپاتىڭىز بارمۇ؟ ھورمۇنلۇق دورىلار كۆپ خىل كېسەللەر ئۈچۈن ئادەتتىمۇ ناھايىتى كەڭرى ئىشلىتىلىدۇ، شۇڭا بۇ دورا باشقۇرۇش تارماقلىرىنىڭ كونتىرول قىلىشىغا ئۇچرىمايدۇ (مىقدارى ھەدىدىن زىيادە كۆپ بولۇپ كەتمىسە). ئۇنىڭ ئۈستىگە ھورمۇن بولسىلا چوقۇم ناچار دېگەن گەپمۇ يوق، قايسى خىل ھورمۇن ئىكەنلىكىگە ۋە قانچىلىك مىقداردا ئىكەنلىكىگە قاراش زۆرۈر بولىدۇ. كۆپ رەھمەت.
قىسقىسى، سىز مەزى بېزى ئۈچۈن ئىشلىتىدىغان ۋە باشقا دورىلىرىڭىزنىڭ تەركىبىدە قايسى خېمىيىلىك ماددىلارنىڭ بارلىقىنى ۋە بۇ ماددىلارنىڭ قانداق مىخانىزىم بىلەن ئېيتىلغان كېسەللەرنى داۋالايدىغانلىقى ۋە تورداشلار ئىنكاس قىلغان ئالامەتلەرنى كەلتۈرۈپ چىقىرىدىغانلىقىنىڭ ئىلمىي ئاساسىنى سۆزلەپ بەرسىڭىز. يەنە بىرى، زادى نېمە ئۈچۈن ياش ئەرلەر ۋە ئېغىر يۈرەك كېسەللىرى بۇ دورىلارنى ئىستىمال قىلسا بولمايدىغانلىقىنىڭ ئاساسىنىمۇ چۈشەندۈرۈپ قويسىڭىز. بۇ سوئاللارغا جاۋاب بەرسىڭىز مەنچە سىلەرگە قويۇلۋاتقان سوئاللارمۇ كىشىلەرنىڭ كاللىسىدا ئايدىڭ بولىدۇ. مەن شەخسەن سىلەردەك بىر ئۇيغۇر دورا شىركىتىنىڭ تەرەققىي قىلىۋاتقانلىقىدىن ناھايىتى خۇرسەنمەن ھەم بۇندىن كېيىنمۇ تېخىمۇ ساغلام گۈللىنىشىنى ئۈمىد قىلىمەن. يۇقىرىدىكى سوئاللارغا قايىل قىلارلىق جاۋاب بېرىپ مېنىڭ ئىشەنچىمنى ئۇتالىسىڭىز، مەنمۇ سىلەرنىڭ دىئابىت دوراڭلاردىن دادامغا ئىلىپ سوۋغا قىلىمەن (ئەلۋەتتە ئۇ دورىنىڭ تەسىر مىخانىزىمىنى ئېنىقلاپ بىلگەندىن كېيىن، بۇ توغرىدا سىزدىن كېيىن يەنە سوئال سورىشىم مۇمكىن) ۋە باشقىلارغىمۇ تەۋسىيە قىلىمەن. جاۋابىڭىزنى كۈتىمەن. كۆپ رەھمەت! |
|
ئىگىسى: LokmanHekim
[ئۇلانما كۆچۈرۈش]
يوللىغان ۋاقتى 2014-11-10 19:05:00
