تاشپولات: سىز ئانا تىلىمىزغا قانچىلىك تۆھپە قوشۇۋاتىسىز؟

apandim111

ئەسسالامۇ ئەلەيكۇم ھۆرمەتلىك تاشپۇلات ئاكا،تېمىڭىزنى ئوقۇپ،سىز بىلەن بىر ۋەتەنداش،مىللەتداش،تىلداش، جۈملىدىن بىر يۇرتداش بولۇپ قالغانلىقىمدىن پەخرلىنىش ئىلىكىدە،ئاناتىل قايغۇسىدىكى غەمكىن كۆڭلىمگە تەسەللى تاپقاندەك بولدۇم.خەلقىمىزنىڭ سىلەردەك داڭلىق كىشىلىرىمىزدىن نۆۋەتتە كۈتىدىغىنى،كۆڭلىگە تەسەللى بىرىدىغان ،ئۇشبۇ يازمىڭىزدەك،كىشىگە ئىلھام،خۇشاللىق ئاتا قىلدىغان ئاددى ‹‹مەلھەم دورا››غا،تەسەللىگە،ئۆمۇد-ئارزۇغا مۇھتاج خالاس.
تاشپۇلاتكا،ئەگەرئۆز يۇرتىڭىز توققۇزتاراغا كىلىش ئىمكانىيىتى بولۇپ پۇرسەت بولۇپ قالسا، ئوقۇش،بىلىم ئىلىش جەريانىدىكى جاپالىق ئىزلىنىشىڭىزۋە مۇۋەپىقىيەتلىرىڭىز توغرسىدا،يۇرت خەلقىگە، كىينىكى ئىز باسارلارغا بىر قىتىمىلىق ئاددى لىكىسىيە سۆزلەپ بىرىشكە،شارائىتىڭىز يار بىرەرمۇ؟ئىشىنىمەنكى،يۇرت خەلقى سىزدەك،يۇرتىدىن چىققان بىلىملىك ئوغلاندىن پەخرىلىنىدۇ.

iltebir107

ئانا تىلنى قوغداش دىگەندەك قۇرۇق شۇئارى بۇلۇپ قالسا  بولمايدۇ. ھەممىمىز ئۆزىمىزنىڭ  دائىرىسىدە قولىمىزدىن كېلىشىچە ئەملىي ئىشلارنى قىلىشىمىز كېرەك.

pixwa

ئەسسالامۇ ئەلەيكۇم تاشپولات مۇئەللىم، يەنە بىر تېمىڭىزنى ھاياجانلىق ئىلكىدە ئوقۇپ تۈگەتتىم.
    سىز ۋە سىلەرنىڭ مەۋجۇتلۇقىڭلار_ بىزنىڭ ئۈمىدىمىزنىڭ مەۋجۇتلۇقى.
    سىلەر يولباشچىلار ۋە مەنىۋى يىتەكچىلەر.
    سىلەر يىراقنى كۆرەلەيدىغانلار ۋە يىراقنى كۆرسىتەلەيدىغانلار.
    ھارماي، يوقاپ كەتمەي، ئېرىنمەي دۇنىيانى كۆزۈڭلار ئارقىلىق داۋاملىق بىزلەرگە كۆرسەتكەيسىلەر.
    داۋاملىق تېما ۋە ئىنكاسلار ئارقىلىق دىدارلىشىپ تۇرۇشنى ئىستەيمەن، ئامان بولۇڭ.

satuk

مۇشۇنداق ئانا تىلىمىزنى قوغداش پەرۋىش قىلىش توغرۇسىدىكى ھەركىتىڭىز ھەممەيلەننىڭ ئۇلگە قىلشىغا ئەرزىيدۇ سىزنىڭ ئوز ئانا يۇرتىڭىزدى قىتئە ئايرىلىپ تۇرۇپمۇ ئانا تىلىمىزغا مۇشۇنداق كوڭۇل بولۇپ كىلىۋاتقىنىڭىزدىن بەكمۇ تەسىرلەندىم ئاللا ئەجرىڭىزنى ھەرگىزمۇ قۇرۇق قول قويمايدۇ ، ئاللا ئوز ئارزۇسى ئۇچۇن تىرىشقانلارنىڭ ئەجرىنى ھەرگىزمۇ نەتىجىسىز قالدۇرمايدۇ ، ئۇ مەيلى دىنسىز بولسۇن ياكى مۇسۇلمان !

guzalyurtum

ئالىمغا بولغان قايىللىقىم ھەم ھۆرمىتىم ھەسسىلەپ ئاشتى دىسە.

nijat0220

    ئالدى بىلەن تاشپولاتكامنىڭ ۋە ئائىلىسىدىكىلەرنىڭ تېنىگە سالامەتلىك، كۈنلىرىگە خۇشاللىق تىلەيمەن. بۇ ئالىمىمىز ۋەتەندىن، ئۇيغۇر جەمئىيىتىدىن شۇنچە ئۇزۇن يىل ئايرىلىپ تۇرغان بولسىمۇ، يازغان تېمىلىرى شۇنچە راۋان، ئىملا خاتالىقلىرىدىن ئاساسەن خالىي ئىكەن. بۇنىڭدىن مەن تاشپولاتكامنىڭ ئانا تىلنى قەدىرلەيدىغان روھىنى كۆرۈپ يەتتىم... ئەمدى مۇنبەرلەردە ئېلان قىلىنىۋاتقان تېما-ئىنكاسلارغا قارايدىغان بولساق، ئەھۋال كىشىنى چوڭقۇر ئويلاندۇرىدۇ... ئۆزىمىزنىڭ ئانا تىلىمىزنى ئۆزىمىز قەدىرلەيلى!

hokumran

ئەسسالامۇ ئەلەيكۇم، تاشپولات ئاكا:
ئالدى بىلەن ئائىلىڭىزدىكىلەرگە تېنچ-ئامانلىق تىلەيمەن.
ئانا-تىلىنى قوغداش ۋە گۈللەندۈرۈش ھەر بىر ئىنساننىڭ باش تارتىپ بولمايدىغان بۇرچى.
ئەگەر ھەر بىر كىشىدە ئىشنى ئۆزىدىن باشلاش ئېڭى بالدۇرراق يېتىلگەن بولسىدى. بۈگۈنكى كۈندە ئانا تىلىمىزنى قوغداش توغرۇلۇق بۇنچە كۆپ تەشەببۇسنىڭ ئوتتۇرىغا چىقىشى ھاجەتسىز ئىدى. بەزى كىشىلىرىمىزدىكى مەسئۇليەتسىزلىك قارىشىنىڭ كۈچىيىشى سەۋەبلىك نۇرغۇن ئەۋلاتلىرىمىزدا ئانا تىلىمىزنىڭ تەرەققىياتىغا، گۈللىنىشىگە سەل قاراش پوزىتسىيەسى شەكىللىنىپ، تۈزەتمىسەك بولمايدىغان ھالغا يېتىپ قالدى. سىزگە ئوخشاش ئەلسۈيەرلىرىمىزنىڭ ئەجرى ۋە نۇرغۇنلىغان ئەقلى ئويغاق ياشلىرىمىزنىڭ تۈرتكىسىدە بۇ خىل ئانا تىلغا سەل قاراش پوزىتسىيەرىمىزنىڭ ئۆزگىرىشىگە، ياخشىلىنىشىغا ئىشەنچىم كامىل.

مۇشۇ يازمىغا ئىنكاس يېزىۋاتقان بارلىق تورداشلاردىن تولىمۇ سۈيۈندۈم. ئىنكاسلاردا دائىم كۆرۈلىدىغان ئىملا خاتالىقىدىن ئەسەرمۇ يوق. باشقا تورداشلارنىڭمۇ ھەر بىر يازما، ئىنكاسىدا يېزىقىمىزنى توغرا ئىپادە قىلىشىنى چىن-دىلىمدىن ئۈمىد قىلىمەن.  

iltabar

92-يىلىغۇ دەيمەن، مەركىزى مىللەتلەر ئىنىستىتوتىدا  ئوقۇۋاتقاندا  ،ئاپتۇنۇم رايۇندىن بىر يۇقۇرى دەرجىىك  ئۇيغۇر رەھبەر كەلگەن ئىكەن،بارلىق ئۇيغۇر ئوقۇغۇچىلارنى  مەكتەپنىڭ چوڭ زالىغا يىغىپ نۇتۇق سۆزلىمەكچى بولدى، ئۇ نۇتقىنى  خەنزۇچە باشلىدى، باشلىدى يۇ  دەرھال بارلىق ئوقۇغۇچىلار ئۆرەتۆپە بولۇپ كەتتى.ئوقۇغۇچىلار ئورنىدىن تۇرۇپ  رەھبەرنى ئانا تىلدا سۆزلەشكە دەۋەت قىلدى .رەھبەر بىردەم تۇرۇۋالغاندىن كىيىن ئانا تىلدا سۆزلەشكە باشلىدى،زالنىڭ ئىچى گۈلدارىش ئالقىش سادالىرىغا تولدى.مانا بۇ  ئانا تىلنىڭ ھەيۋىتى،ئانا تىلنىڭ مىھرى مۇھابىتى، ئانا تىلنىڭ شانشۆھرىتى،ئانا تىلنىڭ چەكسىز ساداسى!!!