سۆيۈملۈك ئاتا-ئانىلار، پەرزەنتىڭىزنى قوللامسىز؟

altunt

توغرا بولغان قاراش.نادىرلاشقا تېگىشلىك تېما ئىكەن.

ئۆزلۈك

5sawr5 يوللىغان ۋاقتى  2014-1-12 15:51
ئەسلىدىلا سىتودىنىتلار سىزدەك ئويلىيالىشى ،ئاتا-ئانى ...

ئەگەر بىر كۈنلىرى مېنىڭمۇ بالام سىزدەك قاراشقا كېلەلىسە مەن ئۇنى قوللاپلا قالماي ،بەلكى شۇنداق بىر بالامنىڭ بولغىنىدىن پەخىرلىنىمەن .
  رەھمەت سىزگە، شۇنداق بولىشىنى چىن كۆڭلۈمدىن ئۈمىد قىلىمەن.  بىر يىل ئىلگىرى مەن دەسلەپتە ئىشلىگەن شىركەتتە داۋالغۇش بولغاندا، ئۇلارغا ياردەم قىلالمايدىغانلىقىمنى ئويلاپ چىقىپ كىتىشنى قارار قىلغان ۋاقتىمدا، دېرىكتور ماڭا « سىزنىڭ قېلىشىڭىزنى ئۈمىد قىلىمەن، چىقىپ كەتسىڭىز، ئورنىڭىزغا ئادەم ئالسام  بولىدۇ، لېكىن مەن مەڭگۈ سىزدەك ئىشەنچلىك، ئۆزىنىڭ ئىشىنى ئۆزى تېپىپ قىلالايدىغان ئادەمنى تاپالماسلىقىم مۇمكىن» دىگەنىدى. بۇ دېرىكتورنىڭلا ئەمەس، ئەتراپىمدىكى نۇرغۇن كىشىلەرنىڭ ماڭا بەرگەن باھاسى. ناۋادا مەن ئەينى ۋاقىتتا ئىمتىھاندىن ئۆتۈپ كەتكەن بولسام، ئۆزۈمنىڭ قولىدىن قانچىلىك ئىش كېلىدىغىنىنىمۇ بىلەلمىگەن، نۇرغۇن ئۆگىنىش پۇرسىتىدىن مەھرۇم قالغان بولاتتىم. بۇ ئىككى يىل جەريانىدا نەچچە يىل ئۆيدە ئولتۇرۇپ ئىشلىسەممۇ قىلىپ بولالمىغۇدەك بىر مۇنچە ئىشقا ئېرىشتىم. بۇنىڭدىن تولىمۇ خۇشالمەن، ئۆز ئالدىمغا ئىش قىلىشنىڭمۇ نەچچە تۈرلۈك پىلانىنى تۈزۈپ قويدۇم، مەدەت بەرگىنىڭىزگە كۆپتىن-كۆپ رەھمەت......

ئۆزلۈك

orhun9 يوللىغان ۋاقتى  2014-1-12 23:02
ھازىرقىدەك مەمۇر بولۇش ئاسمانغا چىقىشتىنمۇ تەس بولۇپ  ...

مېنىڭ  ئىچىم سەل كۈچلۈكرەك. ھۆكۈمەت ئورنىدا ئىشلەپ بولالمايدىغاندەك ھېس قىلىمەن. سىز دىگەندەك ھاجەت بىلەن كەلگەن مىسكىن قېرىنداشلىرىمىزنىڭ ئىشلىرى ھەل بولماي قالسا بەلكىم ئوچۇق- ئاشكارا قارشىلىق كۆرسىتىشىم مۇمكىن......ئۇنىڭ ئۈستىگە ھۆكۈمەت ئورۇنلىرىدىكى باشلىقلارغا سوۋغا- سالام قىلىدىغان، « ئارقا ئىشىك» قىلىدىغان ئىشلار پەقەتلا كاللامدىن ئۆتمەيدۇ.

ئۆزلۈك

KAMRAN1 يوللىغان ۋاقتى  2014-1-13 11:33
بەك ئەھمىيەتلىك تېما يوللاپسىز. ئۈچ يىلنىڭ ئالدىدا مەن ...

بۇ تۆت كۈنلۈك ئالەمدە، ئۆزىمىز ياخشى كۆرىدىغان كەسىپ بىلەن شۇغۇللىنىپ، شۇنىڭدا نەتىجە قازىنىشقا تىرىشمىساق، نېمە قىلىمىز ؟ سىز ئېيتقاندەك « ئۆيدىكى ھېساب بازارغا توغرا كەلمەپتۇ » دىگەندەك ئىشلار ھەقىقەتەن مەۋجۈت، لېكىن مەن ئويلايمەنكى، ئادەمدە ئۈمىد، تەۋرەنمەس ئىرادە، تىرىشچانلىقلا بولىدىكەن، نۇرغۇن قىيىنچىلىقلار ئۈستىدىن غالىپ كىلەلەيدۇ. ئاللا ئىشلىرىڭىزنى ئاسان قىلسۇن....

ئۆزلۈك

begir يوللىغان ۋاقتى  2014-1-13 20:43
ئەقلىڭىزگە بارىكاللا !
ياشلىرىمىز ئارىسىدا سىزدەك سەگ ...

ئارتۇقچە ماختىۋىتىپسىز، لېكىن مېنىڭ ئىدىيەمدە تولۇق تەييارلىق بار، ھەر قانچە قىيىنچىلىق، بېسىم بولسا، مۇشۇ ئىككى يىلدا ئۇچرىغانچىلىك بولار، لېكىن مەن ھەرگىز بەل قويىۋەتمەيمەن.  ئانامنىڭ ئارزۇسى بويىچە، ئىمتىھاندىن ئۆتكەن تەغدىردىمۇ، غايەمدىن ۋاز كەچمەيمەن، ۋاقىتنى مۇۋاپىق ئورۇنلاشتۇرۇپ، ئۆزۈم ئويلىغان ئىشلارنىمۇ قىلىشقا تىرىشىمەن.ئەمەلىي ھەرىكىتىم ئارقىلىق ئائىلەمدىكىلەرنى تولۇق قايىل قىلالايدىغىنىمغا ئىشىنىمەن.

ئۆزلۈك

najlida يوللىغان ۋاقتى  2014-1-14 01:32
مەنمۇ بىر ئاتا بولۇش سۈپىتىم بىلەن ئۆز قارىشىمنى تاشلا ...

ناھايىتى ئەتراپلىق باھا بېرىپسىز، تېخىمۇ كۆپ ئاتا-ئانىلار سىزدەك ئويلىيالىغان بولسا بەك ياخشى بولاتتى. ئەپسۇس، نۇرغۇن ئاتا-ئانىلار بالىلىرىنى ئاتالمىش «كادىر » قىلىشنىلا ئويلاپ، بالىلارنىڭ ھەقىقىي تۈردە نىمىگە ئېھتىياجلىق ئىكەنلىكىنى، قانداق بولغاندا ھەقىقىي بەخت تۇيغۇسى ھېس قىلالايدىغانلىقىنى ئويلاپ يىتەلمەيۋاتىدۇ، ئەلۋەتتە، ئاتا-ئانىلار بالىلارنىڭ تۇرمۇشى كاپالەتكە ئىگە بولسىكەن، تىنچ، خاتىرجەم تۇرمۇش كەچۈرسىكەن دەپ ئويلايدۇ. لېكىن سىز دېگەندەك ھازىرقى جەمئىيەت بۇرۇنقىغا ئوخشىمايدۇ، ھازىرقى جەمئىيەتتە ئاجىزلار شاللىنىپ، كۈچلۈكلەر تاللىنىدۇ. ياشلارنىڭ تەپەككۈر ئۇسۇلىمۇ بۇرۇنقىغا ئوخشىمايدۇ. ئاتا-ئانىلار بۇ نۇقتىنى چۈشىنىپ يەتكەن بولسا تولىمۇ ياخشى بولاتتى.

aysultan

ئوتى بار يەرنىڭ سۈيى يوق، سۈيى بار يەرنىڭ ئوتى يوق  دىگەندەك، ئۇكام 2008-يىل ئالى  مەكتەپنى پۈتتۈرگەندىن  كېيىن مۇشۇ خىزمەت مەسلىسىگە دۇچ كەلدى. چەتئەلدە ئوقۇپ كەل دىسەكمۇ، ئۆز ئالدىڭغان بىر ئىش قىل، پۇلدىن غەم قىلما دەپ شۇنچە دىسەكمۇ قىزىقمىدى، ئاخىرى بىر قېتىملىق ئىمتىھاندا ئۆتۈپ قالدى ھەمدە ھازىر ئاشۇ خىزمەتنى قىلىۋاتىدۇ. بەزىدە قاقشاپ كېتىدۇ شەنبە يەكشەنبىمۇ تۈزۈك ئارام يوق دەپ. ئۆزۈڭنىڭ تاللىغان يولى مۇشۇ بولغاندىكىن مۇشۇنداق ئۆت ئەمدى، قاقشىما دەپ قويىمەن بەزىدە.