ئۈمىد غېنى زادى نىمە دىمەكچى ؟

arkzat

فىلىمنى مەنمۇ تولۇق كۆردۈم، ئىنكاسلارنىڭ ھەممىسىنى تولۇق ئوقۇدۇم. ئوخشاشلا بىر شەيئىگە ئوخشاشمىغان كىشىلەرنىڭ بېرىدىغان باھاسىمۇ پەرقلىق بولىدۇ، ئەلۋەتتە. ئەمما كۆز يۇمىۋېلىشقا بولمايدىغان ھەقىقەت شۇكى، ئاقنى قارا دېگۈچىنىڭ چوقۇم كۆزى ياكى كاللىسىدا مەسىلە بارلىقى ئېنىق!
دەرۋەقە، بۇ لېكسىيە قارىماققا ئاللىكىملەر دېگەندەك «مەزمۇن جەھەتتىن چېچىلاڭغۇ، يورۇتماقچى بولغان باش تېمىدىن چەتنەپ كەتكەن»دەك كۆرۈنسىمۇ، ئەمما بىر سائەتتىن ئارتۇقراق داۋام ئەتكەن بۇ لېكسىيە خېلىلا كەڭ دائىرىدىكى مول مەزمۇننى ئۆز ئىچىگە ئالغان بولغاچقا، بۇنچىلىك يېتىشسىزلىكلەرنىڭ بولۇشى تەبىئىي ئىش. مۇبادا، سىز بولسىڭىز، شۇ بىر سائەتتە نەچچىلىك مۆجخزە يارىتاتتىڭىز؟!
  تەرەققىيات بىزگە خېلى كۆپ ئۇقۇمۇشلۇق گاچىلارنىمۇ يېتىشتۈرۈپ بەردى. بىزدە رىياسەتچىلەرمۇ ئاز ئەمەس. ئەمما ئەنە شۇلاردىن زادى كىملەر ئۈمىد غەنىدەك  تېلېۋىزىيە ئىكرانى ئالدىدىن يۇلقۇنۇپ چىقىپ، بىۋاستە خەلققە يۈزلىنىپ مۇشۇنداق تېمىلاردا دادىللىق بىلەن لېكسىيە سۆزلىدى!؟ سۆزلىيەلىدى؟! سۆزلىيەلەيدۇ؟! سىز ياكى يەنە قايسى بىر رىياسەتچىمىز «تاغدىن-باغدىن» بولسىمۇ جاھان كەچمىشلىرىدىن، نۆۋەتتىكى رېئاللىقىمىزدىن  ... مۇشۇنچىلىك بولسىمۇ بىشارەت بېرەلىدى؟!
  تېما يوللىغۇچى بەلكىم نەخ مەيدان پائالىيىتىگە قاتناشقان بولسا كېرەك...دەپمۇ ئويلىدىم. بەلكىم قارىشىم خاتادۇ. ئادەم ھەسەتخور بولسا بولمايدۇ.  بۇ بۇرادىرىمىز لېكسىيەدە نامى تىلغا ئېلىنىپ، بىر ئاز تەنقىدلەنگەن بەزىلەرگە ھېسداشلىق قىلىپتۇ، ئۈمىد غەنىگە نارازىمۇ بوپتۇ. ئويلاڭ دوستۇم: ئۈمىد غەنىنىڭ دېگىنىنىنڭ زادى نەرى خاتا؟! سۆزلىسە، ھەقنى سۆزلەپتىغۇ؟! تىللىسا، تىللاشقا تېگىشلىكنى تىللاپتىغۇ؟! (تىللانغانلار بىلەن قانداشلىقىڭىزغۇ يوقتۇ؟!). قۇرۇق ماختاشلار بىزنى مۇئەللەققە ئېلىپ چىقالارمۇ؟! ئەجىبا، ئۆمەرجان ئالىممۇ تىللاشقا دەل تېگىشلىكلەرنى كېلىشتۈرۈپ، راسا «تىللاپ»مۇ يەنە 20 نەچچە يىلدىن بۇيان ئالقىشلىنىۋاتىدىغۇ؟!  بىز كۆڭۈل ئاياشنىمۇ، ئىللەتلىرىمىزنى مانا مۇشۇنداق ساۋاشنىمۇ بىلمىسەك بولمايدۇ!
سىز «ئۈمىد غەنى زادى نېمە دېمەكچى؟!»دەپ تور ئەھلىدىن سوراپسىز. بىلىۋېلىڭ: ئۈمىد غەنى دېگەنلىرىنى دەپتۇ. سوئالىڭىزنىڭ ئەجەبلىنەرلىكى يوق. چۈنكى بىر ئادەمنىڭ دېگىنىنى بىلىش، چۈشىنىش ئۈچۈنمۇ بەلگىلىك سەۋىيە كېتىدۇ!
  نېمىلا بولمىسۇن، ئۈمىد غەنىنىڭ بۇ لېكسىيەسىنى مۇئەييەنلەشتۈرۈشكە بولىدۇ!
   

nawkeran

مەن ئاڭلاپ بېقىپ بىر نىمە دەي ..................

kitabhumar

arkzat يوللىغان ۋاقتى  2014-1-11 22:30
فىلىمنى مەنمۇ تولۇق كۆردۈم، ئىنكاسلارنىڭ ھەممىسىنى تو ...

پىكرىڭىزگە قوشولىمەن.

kitabhumar

ئۈمىد غەنى ئاكىمىزنىڭ گەپ چۈشەنمەيدىغان قالماقلارنىڭ سۆزلىرىدىن ئازاپلانماسلىقىنى،دادىللىق بىلەن تىخخمۇ ئىلگىرلىشىنى ئۈمىد قىلىمەن .

tashtuz

kitabhumar يوللىغان ۋاقتى  2014-1-11 22:07
ئىسلام دەپ چۈشۈشتىن بۇرۇن سىزگە تەكلىپ ئاشۇ لىكسىيەن ...

رەھمەت ھۆرمەتلىك تورداش، مەن تولۇق تەپسىلىي كۆرگەن، باشقا مەزمۇنلار خاتا كەتسە ھېچ گەپ يوق(ئۈمىد غەنىيمۇ خاتا سۆزلىمىدى)،ئەمما ماۋۇ دىننى تىلغا ئالغاندا ئاۋايلاپ سۆزلىشى كېرەك. پەقەت بولمىسا ئەگىپ ئوتۈپ كەتسىمۇ بولىۋىرەتتى.
ھەممىمىز دىن توغرىدا بەك ئالدىراپ بىر نىمە دەپ كەتمەيلى(مونتىزىم ئوقۇمىغاندىكىن).ھەم كوچا پاراڭلىرىغىمۇ،ئۆزىمىزنىڭ سەبىيلەرچە قىياسلىرىمىزنىمۇ بەك چوڭ بىلىپ كەتمەيلى. كۆپرەك كىتاپ كۆرەيلى(دىنىي سەھىھ ). مەنمۇ شۇنىڭ ئىچىدە.

uyturan

مىنىڭچە بىر بىلەت تاشلاتقۇزۇپ باقساق قوللاش نىسبىتىنى بىلگىلى بولاتتى توردا

iltebir107

بۇ لېكسىيە باشقىلارنى سۆكۈش،ئۆزىنى كۆتۈرۈش بىلەن نەتىجىلەنگەندەك ھېس قىلدىم . بىرىنجى قېتىم سۇئال سورىغان بالا بەك ياخشى سۇئال سورىدى . ئۈمىد ئەپەندىنىڭ لىكىن بەرگەن جاۋاپ قانائەتلىنەرلىك بولمىدى.

bughram

arkzat يوللىغان ۋاقتى  2014-1-11 22:30
فىلىمنى مەنمۇ تولۇق كۆردۈم، ئىنكاسلارنىڭ ھەممىسىنى تو ...

  باھالاش ھوقۇقىم يوق ئوخشايدۇ، شۇڭا ئىنكاسىڭىزغا باھا يازالمىدىم. مۇشۇ يازمىدىكى ئالتۇندەك چاقناپ تۇرىدىغان ئىنكاس بوپتۇ.  
ئۈمىد غەنىڭ لېكسىيەسى ( مەزمۇنى ) ياخشى ئىكەن، بىراق ئىپادىلەش جايىدا ئەمەس، نۇتۇق قابىليىتى يۇقۇرى ئەمەس، ناتىقتەك ( مەسىلەن يالقۇن روزىدەك )  سۆزلىيەلىگەن بولسا، ‹ ھە، دىمەك › دىگەندەك سۆزلەرنى ئازىراق ئىشلەتسە  بۇ لېكسىيەسى مەزمۇنلۇق بولاركەن. مۇشۇ يەردە پىكىر قىلىۋاتقانلارنىڭ كۆپى فىلىمنى تولۇق كۆرمەيلا ھېلىقى 83- مىنۇتىدىكى سۇئال بار يەرنى كۆرۈپلا ئەگىشىپ پىكىر قىلىۋاتىدۇ. ئەمەليەتتە ئۈمىد ئۇيغۇرنىڭ 99% قالاق دىمىدى.
  مۇشۇ توردا پىكىر قىلىۋاتقانلارنىڭ چۈشۈنىش قابىليىتىنىڭ بۇنچىلىك تۆۋەنلىكى بىزنى ئېچىندۇرمامدۇ ؟!