قايتا قوزغىلىدىغان ئېغىز يارىسىغا داۋا بارمۇ

ilim

ئەسسالامۇ ئەلەيكۇم

25-26ياش ۋاقىتلىرىمدىن باشلاپ ،ئاغزىمغا ئېغىز يارىسى چىقىدىغان بولۇپ قالدى .دەسلەپتە ئىچكىرىدىكى مەن ئوقۇۋاتقان مەكتەپتىكى ئوزۇقلۇقنىڭ ناچارلىقىدىن كۆردۈم .ئۇ يىللاردا تاماقلار تازا دىگەندىكىدەك بولمىغاچقا تۇخۇمغا بەكلا تايىنىۋاپتىكەنمەن .بولۇپمۇ مۇسكول مەشىقى قىلىپتىمەن تېخى تېرەمگە باتماي ،شۇ چاغلاردا مەشىقتىن يېنىپ كېلىپ مەكتەپ ئاشخانىسىغا كىرىپ ئىككى قولۇمغا ئىككى تۇخۇم ئېلىۋاپ،سىكونت ئىچىدە سويىۋېتىدىغان ھۈنىرىم باتتى ،شۇ قىززىقچىلىقتا تۆت بەش تۇخۇمنى يېۋىتەتتىم .بەزىدە خام تۇخۇمدىن تۆت بەشنى ئىچەتتىم .شۇنىڭدىن كېيىن بۇ مەرەز كىسەل كۈچەيگىلى تۇردى .28 ياشلاردىن باشلاپ ،ئاساسەن ئايدا بىر چىقىدىغان بولدى .تەخمىنەن ئون كۈنلەر ئۆپچۆرىسىدە ساقىيىدۇ .ساقايسىلا ۋۇسۇڭنىڭ ھېلىقى ئەقلىيە سۆزى يەنى  ‹ئاچ ئەرۋاھ بولغاندىن توق ئەرۋاھ بولغان ياخشى›دىگەن بويىچە ساقىيىۋېلىپلا ئىسسىق تاماقلارنى ئوبدان يەۋالىمەن ،ئاندىن يەنە ئون ئونبەشكۈندىن كېيىن يەنە چىقىدۇ .بەزىدە بادامنى بېسىپراق يەپ قويسام نەچچە كۈندىن كېيىن يەنە چىقىدۇ .

خىزمەنكە چىققىلى ئون ئۈچ يىلچە بوپتۇ .خىزمەت مۇھىتىم كۈندە نورمال ھېساپتا تەخمىنەن 10سائەت كومپىتور ،روتتىر جازىسى بار مۇھىتتا ئۆتۈپتۇ .دوختۇرغا كۆرۈنسەم سېنىڭ خىزمەت مۇھىتىڭ ئىچكى ئاجراتماڭنى قالايمىقان قىلىۋېتىپتۇ ،كىسەلگە قارشى تۇرۇش سېستىماڭ دەخلىگە ئۇچىراپتۇ .شۇڭا كومپىتوردىن يىراق تۇر دەيدۇ .ۋىتامىن ب نىمۇ جىق يىدىم .

ئەمۋاينىڭ ۋىتامىنىنى پايدا قىلىدۇ دىۋىدى يەپتىمەن ئاقسىل بىلەن قوشۇپ ،راس پايدا قىلدى ئۈچ تۆت ئاي چىقمىدى .لېكىن توختىتىپ قويۋىدىم يەنە چىقتى .كېيىن ئەمۋاي توغرىسىدا پەتىۋا چىقىۋىدى ئۇنىڭدىن يىراق تۇردۇم .

ئاڭلىسام ئۇيغۇرلاردا ئازغىغا مۇشۇنداق يارا چىقىپ قېلىش كىسەللىكى خېلى جىقكەن .ھە راست سىرتلاردا تاماق يىيىش جىقراق بولۇپ قالسا يەنى ئۇدا تۆت بەش كۈن سىرتتا يەپ قالسام كالپۇكۇم ياكى تىلىم ئويىلىپلا چىقىدۇ .ئۆتكەندە خوتەندىن ئېلىپ كېلىنگەن بوزورىنى بېسىپ ئىچىۋىدىم خېلى ياخشى بولۇپ قالغانتى .ھازىر مەن تۇرغان يەردە بوزورىنى تاپقىلى بولمىدى .

مەنبە:مەن

muttelib

زادى مەنمۇ ئىزدىنىۋاتقان مۈشۈتوغۇرلۇق تورلاردىن سۈرۈشتۈردۈم،دوختۇرلاردىن سورۇدۇم،تىۋىپلاردىن سورۇدۇم ھىچقايسىسى دورىسىنى بىرەممىدى، يەنە تىخى ىغىز تازلىقىڭ ناچاركەن دەيدۇ،كۈندە بىرنەچچە رەت چايقاپ،بىر قىتىم چوتكىلايدىغان تۇرسامقانداقسىگە ناچار بولىدۇ؟  يەنە مىۋە-چىۋىلەرنى كۆپ يەپ بەر دەيدۇ، كىيىن بايقىسام مىۋە-چەۋى يىسەم بەكرەك چىقىدىغاندەك شۇ يارا. ھازىر 23 ياشقا كىرىپتىمەن كىمىدە ئون يىل بولدى مەن بۇنىڭ دەردىنى تارتىۋاتقىلى  بىشىدا بىر يىرىگە چىقاتتى ئىغىزىمنىڭ مەنە ئەمدى ئىككى-ئۈچ يىرىگە بىراقلا چىقىدۇ، يا بىر ئىغىز دىگەن ئۈچەي بوممىسا يارا بار يىرىنى كىسىۋىتىپ قالغان يىرىنى ئۇلاپ قويسا بولىدىغان . تورداشلار ئۈنۈملۈك داراڭلار بولسا ئايىماي تەۋسىيە قىلساڭلار، شۇ بانادا مەنمۇ مەنپەئەتلىنىۋالسام،بەك مەمنۇن بولاتتىم.

yegana

غار-غار سۈيى ئىچىپ ئاغزىڭىزنى چايقاپ كۆرۈپ بىقىڭ!

خەنچە ئىسمى:شىپايى گۇيىن يى 西怕依古茵液

جايلاردىكى دورىخانىلاردا ساتىدۇ....

ablimitt

تىبابەت مۇنبەرلېرىدە داۋاسى چىقىپ قلارمىكىن، شۇ يەرگە يوللاپ بىقىڭلار...

phonon

مىنىڭ ئەھۋالىممۇ سىزگە ئوخشاش. لېكىن ۋېتامىن C    نى ئۈزۈلدۈرمەي يىگەندىن بېرى چىقىپ باقمىدى. يىيىشنى توخـتۇتۇپ قويساملا چىقىۋالىدۇ. مۇشۇنداق داۋاملاشقىلى 8 يىل بولدى.

bagdax-2

ماڭىمۇ مۇشۇنداق ئېغىز يارىسى ئايدا ئىككى ، ئۈچ قېتىم چىقاتتى . مەنمۇ مۇشۇ توغۇرلۇق كۆپ ئىزدەندىم، خەنزۇچە پاتىريالدىن ئىزدەپ باقتىم ، باشقىلار تەۋسىيە قىلغان دورا ۋە يىمەكلىكلەرنى ئىستىمال قىلىپ باقتىم لىكىن پايدىسى بولمىدى .   مۇشۇ جەرياندا ئۈزۈم ھىس قىلغان يەكۈنۈم بولسا قىزىل مۇچ (لازا) ئىشىلتىلگەن يىمەكلىكلەرنى يېگەندىن كېيىنلا ئەتىسىلا چىقىشقا باشلايدۇ .... مۇشۇنداق ئاچچىق يىمەكلىكنى ئىستىمال قىلماي يۈرسەم چىقمايدۇ ....   ھازىر چىقمىغىلى ئىككى ئاي بۇلۇپ قالدى .     مېنىڭچە ئاچچىق نەرسىلەردىن ئۆزىنى تارتسا چىقمايدىغاندەك قىلىدۇ . بەيدۇدىن مۇشۇ توغۇرلۇق ئىزدەپ باقسام .... قىزىل مۇچ (لازا) ئېغىز يارىسىنىڭ قوزغۇلىشىنى كەلتۈرۈپ چىقىردىغان بىرىنچى ئامىل دەپ كۆرگەن ..    يەنە بۇ كېسەلگە ھازىرغا قەدەر تۈپ يىلتىزىدىن يوقۇتىدىغان ئۇسۇل يوق دەپ بايان قىلىنىپتۇ .... مۇشۇ توغۇرلۇق بىلىدىغانلا بولسا مەسلىھەت بەرسەڭلار .....

lawa0998

ئېغىز بوشلۇق يارىسى -بەدەن قۇبۇل قىلغان ۋىتامىن تۈرىدىكى ئۇزۇقلۇقنىڭ قۇبۇل قىلىنىشىدىن ، سەرىپ قىلىنىشىنىڭ ئېشىپ كېتىشى خاراكتىرلىك پاتو-فىزولۇگىيلىك (يوشۇرۇن سەرپىيا خاراكتىرلىق كېسەل ياكى زىيادە ئىزچىل ھەركەت)ئامىلى سەۋەپلىك كېلىپ چىقىدىغان كېسەللىك ئالامىتى ھىساپلىنىدۇ.

ئومۇمى بەدەنلىك تەكشۈرتۈشتىن  سەرپىيات خاراكتىرلىق كېسەللىكلەرنى بايقۇت قىلغاندىن كىيىن، سەي-كۆكتات ئىستىمالىنى ياخشىلاشتىن تاشقىرى ۋىتامىن witamin B1,B2 قاتارلىق دورىلارنى 15كۈن ئىستىمال قىلىش ئارقىلىق يۇقارقى ئەھۋالنى تىزگىنلىگىلى ھەتتا ئۇزۇن مۇددەتلىك ساقايتىش تامامەن مۇمكىن.
بىراق ھەرقانداق ئىچكى كېسەللىكنى  قايتا قوزغالماس شەكلىدە ئۇزۇل كېسىل قىلىشنى ئىچكى بۆلۈملۈك داۋالاش بىلەن مۇتلەق قىلىشنىڭ ئېھتىماللىقى يوق دىيەرلىكتۇر.
.............
ئەمدى تەپسىلى چۈشەنچە بېرىلىش تەلەپ قىلىنسا-
بۇ خىل ئېغىز بوشلۇق يارىسى كىلىنىكىدا رىبوفىلاۋىن(ۋىتامىنwitamin B2)كەملىك كېسىلى دەپ ئاتىلىدۇ.
كېسەللىك سەۋەبى:1)ۋىتامىنwitamin B2نىڭ ئىستىمال قىلىنىشى ئاز ياكى سۇمۇرلىشى ياىشى بولماسلىق(ئۇزۇقلىنىش ئادىتى تۇيۇقسىز ئۆزگىرىش سەۋەپلىك ئاشقازان-ئۈچەي خىزمىتى ماسلىشالماسلىق .
2)تاماق تەييارلاش ئۇسۇلىنىڭ مۇۋاپىق بولماسلىقى-گۈرۈچ ئىستىمالىنى كۆپ قىلىدىغانلارغا نىسبەتەن گۈرۈچنى قول بىلەن ئۇۋىلاپ كۆپ يۇيۇش ۋە سەي-كۆتاتنى توغراپ سۇغا ئۇزۇن چىلاپ قويۇش ئارقلىق تەركىۋىدىكى سۇدا ئاسان پارچىلىنىدىغان يۇقارقى ماددىلارنىڭ پارچىلىنىشىغا سەل قاراش.
3)ئاشقازان-ئۈچەي سۇزۇلما ياللۇغى سەۋەپلىك سۈمۈرۈلۈش تۇسالغۇغا ئۇچراش.
4)يۇقارقى ماددىلارغا ئېھتىياجنىڭ ئېشىشى؛ يەنى ئەمگەك تۈرى ئېغىر بولۇش ياكى ئۇزۇن ۋاقىت ماي تەركىۋى يۇقۇرى،ئاقسىل تۆۋەن يىمەكلىكلەرنى ئىستىمال قىلىشتىن تەبىئى ھالدا يۇقارقى ماددىلارغا بولغان ئېھتىياجنىڭ ئېشىنىش خاراكتىرلىك قامدىلىشىنىڭ يېتىشسىزلىكى....قاتارلىقلار كەلتۈرۈپ چىقىرىدۇ.

داۋامى داۋاملىق يوللىنىلىدۇ.....

tohotur

بۇرۇندىن تارتىپ ئېغىزى ئاغىرپ كەتكەنلەر قوي سۈتى ئىچىپ ،ئېغىزنى غەر غەر قىلىپ بەرسە ئۇنۇمى تىز كۆرۇلىدىكەن ،

مەن بىر نەچچە يىلنىڭ ئالدىدا بىر چەتئەللدە ئوقۇيدىغنا ئۇيغۇر  ئوقۇغۇچى قىز يازغان جاننى ئالمايدىغان «ئەيدىز » دەيدىغان بىر كىتابىنى ۋاراقلاپ باققان ، كىتاپتا بۇ قىزنىڭ تۇرۇپ ئاغىزىغا تۇرۇپ ئەدەپ يېرىگە توختىماي يارا چاقا چىقىۋېلىپ نەچچە يىل جاپا تارتقان ، دورا يىسە ساقىيدىكەن ، ئۇزاق ئۆتمەي يەنە پەيدا بولىدىكەن ، ئاخىرى بۇ قىز ئۇيغۇر تىبابىتىدىن پايدىلنىپ بۇ كىسەلدىن ئۇزۇل كىلىسىل قۇتۇلۇپتىكەن ،

بولسا ئاشۇ كىتاپنى تېپىپ ئاشۇ كىتاپتىكى پايدىلانغان رېتسىپلارنى كۆرۇپ بېقىشىڭلارنى تەۋسيە قىلىمەن .
ئەلۋەتتە سىلەرنىڭ  كىسلىڭلار بۇنىڭغا قەتئى ئوخشىماسىلىغى مۇمكىن ، ئەمما نىمىلا بولمىسىۇن ئېغىزغا يارا چىقدىغان ئىشنى ئۇيغۇر تىبابىتىدىن پايدىلنىپ ھەل قىپتىكەن ،