قايتا قوزغىلىدىغان ئېغىز يارىسىغا داۋا بارمۇ

tanha_roh

   بۇ كېسەل ماڭىمۇ تولا چىقاتتى . ئىسىق تاماقلارنى يىگەندىن كېيىن دەرھال سوغۇقلۇق قىلسا ئالدىنى ئالغىلى بولىدۇ . ئىسسىق تاماقلارنى يىيىشتىن ئاۋال نان يەۋەتسە قوقاققا تەگمەيدىكەن . ئەمما چوقۇم سوغۇقلۇق قىلىشنى ئۇنتۇماسلىق كېرەك .

lawa0998

كىلىنىكىلىق ئىپادىسى: ئېغىز بوشلىقى - قوۋۇز ئىچى، تىل ،جاۋغاي قاتارلىق ئورۇنلارغا ئويۇلۇش خاراكتىرلىق يار چىقىدۇ

ئادەم بەدىنىنىڭ بۇ خىل ئۇزۇقلۇق ئېھتىياجى كۆپ ۋاقىتلاردا ئەمگەك شارائىتى ۋە ئۇزۇقلۇق ئالاھىدىلىكىنىڭ تەسىرىگە ئۇچرىغاچقا پەرق خېلى چوڭ بولىدۇ. شۇا كېسەللىك بەزىدە قوزغىلىپ بەزىدە ئۆزلىكىدىن چەكلىنىدۇ.

lawa0998

ئالدىنى ئېلىش ئۇسۇلى: يىمەك-ئىچمەك ئادىتىنى مۇۋاپىقلاشتۇرۇپ يېڭى سەيلەرنى كۆپرەك ئىستىمال قىلىپ غەدەقلىغۇچى يىمەكلىكلەردىن ساقلىنىش، شۇنداقلا ئۆزگەرتىش قىيىن بولغان يىمەكلىك موھىتىغا نىسبەتەن يۇقارقى ۋىتامىنلارنى دورىلىق ھالدا ئىستىمال قىلىشتىن ئىبارەت.

داۋالاش ئۇسۇلى :يۇقۇرىدا كۆرسىتىپ ئۆتۈلدى.

xarwaz

« كۆرۈنمەس دوختۇر ( تاللانغان 1000 رېتسىپ ) » دىگەن كىتاپتا ئېغىز يارىسىغا ئوتتۇز نەچچە خىل رېتسىپ يېزىلىپتۇ ، كۆرۈ بېقىڭ .

شۇ كىتپتىكى بىر قانچە ئاددى رېتسىپلار : 1- ۋىتامىن c تابلېتىنى مۇۋاپىق مىقتاردا ( ئۆزىنىڭ ئەھۋالاغا قاراپ بېكىتىلىدۇ ) يانجىب ( دورىنى قەغەزنىڭ ئوتتۇرسىغا ئېلىپ ، قاتتىق نەرسە بىلەن سىرتتىن ئىزىمىز )، ئاندىن ئۇنى ئېغىز يارىسىغا 1 _ 2 قېتىم سۈركىسەكلا ساقىيىدۇ .
2- ئاستاخاراكتېرلىك ئېغىز بوشلىغى يارىسى كېسىلى بولۇپ قالغانىمغا كۆپ يىل بولغانىدى . ئالوي يىلىمىنى 3 _ 4 قېتىم سۈركىگەندىن كېيىن ، كېسەللىك ئالامەتلىرى يوقاپ ، جاراھەتمۇ ساقىيىپ كەتتى . ھازىرغىچىلىك قوزغالمىدى .
3- ئېغىز يارىسى بولۇپ قالغاندا ، شۆپىگى ئاقلىۋېتىلگەن ئالمىنى كىچىك ھەم ياپىلاق توغراپ ، يارىنىڭ ئۈستىگە سۈركەيمىز ( شورىساقمۇ بولىدۇ ) . ئادەتتە ھەر كۈنى 3 _ 4 قېتىمدىن سۈركەپ بەرسەك ، 1 _ 2 كۈندە ئۈنىمى بولىدۇ .

سىز يەنىلا بۇ كىتاپنى تېپىپ كۆرۈپ بېقىڭ ( كىتاپخانىلاردا بار ) ، بەك ياخشى رېتسىپلار بار بۇ كىتاپتا .

xarwaz

ئېغىز يارىسى بارلار بۇنىما سىناپ بېقىڭلار :

ئېغىز بوشلىغى ياللۇغى بولۇپ قالغىنىمغا 20 يىلدىن ئاشتى . يارا بەزىدە ئېغىز بوشلۇقۇمنىڭ ئىچكى قىسمىدا ، بەزىدە كالپۇكىمنىڭ ئىچىدە ياكى سىرتىدا ، يەنە بەزىدە تىلىمنىڭ ئۇچى ياكى يېنىدا بولۇپ قالىدۇ . يارا بىر پەيدا بولسا ، 15 كۈنگىچە ساقايمايدۇ . بىر كۈنى ، بىر تونۇش دوختۇر پۇل خەجلىمەي ساقايتقىلى بولىدىغان بىر خىل ئۇسۇلنى ئېيتىپ بەرگەن ئىدى . سىناپ باقسام ھەقىقەتەن ئۈنىمى بولدى ، ئېغىز بوشلۇقى يارىسى ئۈچ يىلغىچىلىك قوزغۇلۇپ باقمىدى . بۇ ئۇسۇل مۇنداق : كېسەل قوزغالغاندا ، سامساقنى ئىككى ياكى تۆت پارچە قىلىپ پارچىلاپ ئېزىپ ، كۋادىرات شەكىللىك سۇلياۋ ياكى ماي قەغەزگە سۈركەپ مەلھەم دورا ھەلىتىگە كەلتۈرمىز ، ئاندىن ئۇنى تاپاننىڭ ئوتتۇرسىغا پلاستىر بىلەن چاپلاپ ، داكىدا تاڭىمىز ( تېڭىپ بولغاندىن كېيىن ئەڭ ياخشىسى پايپاق كېيىۋېلىش كېرەك ) . ئەتىسى ئورنىمىزدىن تۇرغاندا يېشىۋېتىپ ، كەچتە ييڭىدىن چاپلايمىز . كېسىلى يېنىكلەر ئككى قېتىمدا ، ئېغىرراقلار ئۈچ قاتىمدا ساقىيىدۇ . بەزىدە سامساق پۇتنى ئېچىشتۇرۇپ، ئاغرىتىدۇ . يەنە سۇلۇق قاپارتما پەيدا قىلىۋېتىشىمۇ مۇمكىن . لېكىن ، نەچچە كۈندىن كېيىن ئۆزلۈكىدىن ئوڭشۇلۇپ قالىدۇ ( تېرە سەزگۈرلۈكى ئېشىپ كەتكەنلەر ئىشلەتمەسلىگى كېرەك ) .

قوشۇمچە : ئوقۇرمەن xxx نىڭ ئەسكەرتمىسى
مەن يوقۇرقى رېتسىپنى قوللانغان ئىدىم ، ئاغرىققا پەقەت تۆت ساەتلا چىدىدىم . ئەتتىگەندە قارىسام ، پۇتۇمنىڭ ئاستى قاپىرىپ كېتىپتۇ . سۇغا 4 _ 5 قېتىم چىلاپ باقتىم ، قاپارتما يانمىغاچقا ، ئامالسىز قايچا بىلەن كېسىۋەتتىم ، ئەمما كەسكەن ئورۇندىن جاراھەت ئىزى قەپتۇ . ئاغرىپ كەتكەنلىكتىن پەقەتلا ماڭالمىدىم . ئاخىرى دوختۇرخانىغا بېرىپ 100 نەچچە كويلۇق داۋالاتتىم . ( بۇ ئۇسۇلنى قوللانغۇچىلار ئەزگەن سامساقتىن ئازراق ئېلىپ سۈركەپ ، پۇتنىڭ چىدامچانلىغىنى سىنىپ بېقىشى كېرەك . ئاندىن بۇ ئۇسۇلنى قوللانسا مۇۋاپىق بولىدۇ . مۇھەررىردىن ) .   
  
  يوقۇرقى كىتاپتىن ئېلىندى .

..تەنھا..

مىنىڭمۇ دايىم  ئىككى-ئۈچ يىرىگە بىراقلا چىقىدۇ،

..تەنھا..

lawa0998 يوللىغان ۋاقتى  2013-10-8 13:02
ئالدىنى ئېلىش ئۇسۇلى: يىمەك-ئىچمەك ئادىتىنى مۇۋاپىقلا ...

رەھمەت  سىناپ باقاي

qirchin

ئېغىز يارسى ئاساسەن مىجەزى چۇس ،سەپرا مىجەز ئادەملەرگە كۆپ چىقىدۇ. مەنمۇ ھازىرغىچە بۇ كەسەلنىڭ دەردىنى تارتىۋاتىمەن. ئەڭ چوڭ پەرىز مىۋە=چىۋىنى ئاز يىيىش كېرەك.